עונש כרת בימינו

פאליטיקאנט: נאר היינט איז שוין בעוה"ר, ליידער (ב"ה) נישט געבליבן קיין ציונים. אפשר א פאר מפד"ל'ניקעס אין ארץ ישראל וועלכע לערנען אין כולל. אדער דאהי אין אמעריקע.ווייל די נישט רעליגיעזע באפעלקערונג אין ארץ ישראל זענען בכלל נישט קיין ציונים. זיי ווייסן ניטאמאל וואס ציונות איז. זיי זענען אויס פאר א קאריערע צי אין די ארמיי אדער אין אינדוסטרי. צו מאכן א פיינעם טשעק און לעבן באקוועם. ספעציעל די קינדער פון די רוסישע אמיגראנטן. קיין פאטריאטישע ציונים עקזיסטירט שוין היינט נישט...!

אז מ'רעדט שוין פון ציונים האב איך מיך דערמאנט א גוט ווארט וואס איז נוגע צו די אלע סארטן באוועגונגען למיניהם. ס'שטייט אין פסוק: "וַיַּעֲלוּ עֹלֹת וַיַּגִּשׁוּ שְׁלָמִים וַיֵּשֶׁב הָעָם לֶאֱכֹל וְשָׁתוֹ וַיָּקֻמוּ לְצַחֵק", דאס איז מרמז אויף דריי שטופעס פון א באוועגונג. די ערשטע דור זענען זיך מקריב פאר די שיטה בבחינת קרבן עולה, כליל תקטר, זיי געבן אלץ אויף פאר'ן שיטה. די צווייטע דור איז שוין נאר בבחינת קרבן שלמים, שהכל שלום בהן, א חלק גיבט מען אוועק פאר די שיטה און א חלק פאר די אייגענע באקוועמליכקייט, חציו להשם וחציו לכם. די דריטע דור אינטערעסירט שוין די גאנצע שיטה אין די לינקע פאה, וישב העם לאכול ושתו ויקומו לצחק...

די מיינסט צו זאגן אז פונקט ווי עס איז נישטא קיין ציונים איז נישטא קיין קנאים.

קנאות איז קיינמאל נישט געווען אן אלגעמיינע באוועגונג, מסירות נפש פאר קנאות איז א דרך פאר יחידים, די איבעריגע זענען סתם נאכשלעפערס.