קאווע שטיבל • א באטל אין קאפ אריין, מאה רשעים!

לבי ובשרי האט געשריבן:פאלט מיר יעצט ביי א קושיא.

לו יצוייר, אין ניו יארק סיטי, ווען א יוגענטליגכער צעשפליטערט א שוטר'ס קאפ ( און דער שוטר קען דערנאך נישט גיין אויף די אייגענע פיס, שלא כסיפורו של @מאך זיכער). ווי אזוי באגייט זיך דעמאלט די פאליציי?

נעמען זיי דען אן אנדערן פלאש און צעשפליטערן דער וואס האט נארוואס געשאסן דעם פלאש אויפן פאליציאנט, אדער קייטלט מען און מ'פירט אים אריין אויף לעבנסלענגליך?

אלזא, אפילו אויב די מוחים זענען מוחה פיזיש און מיט געווער און וויין פלעשער, וואס איז אבער דער תירוץ אז פאליציי זאל זיך באגיין מדה כנגד מדה? (אויסער ווען איינער דערמארדעט א צווייטן שיסט מען אויפן פלאץ).
אבער פאליציי זאל אנזייען בלוט-קוועלער? אז פאליציי זעלבסט זאל צעשפליטערן קעפ? אז פאליציי זעלבסט זאל ציען פיאות, העמעדער און הויזענעס?

וואו האט מען געהערט אזאנס אויסער אין די דריטע וועלט לענדער.

כל הנ"ל איז אפילו ווען די מוחים זענען נישט גערעכט און פירן זיך ווי ווילדע בערן

איסר האטלקי האט געשריבן:זיי האבן עס געזען, געהערט, אדער געליינט אויף ק"ש?

ליטוואק פון בודאפעסט האט געשריבן:איך פארשטיי נישט די ענין פון בארעדן די פאליציי. זיי זענען פרייע אידען, וואס הארעווען נישט אין אביי ורבא. אוודאי פיהרען זיי זיך אזוי אויף.

אבער מיר ווייסען דאך וואס מיינט תיקון המדות, וואס מיינט הכנעה צום אמת, וואס מיינט זיך פיהרען אידישלעך, אוודאי רעדט מען פון אונזערע! עס איז לייכט צו געבן מוסר אינדערויסען, אבער דער אמת איז מ׳דארף זיך אלינס מוסר׳ן.

כוחי ועוצם ידי איז נישט די אידישע דרך! מ׳שלאגט זיך נישט מיט כח! ידים ידי עשו, נישט יעקב! ווען א מענטש, זאגאר א אידישע מענטש, ווערט פארוואונדעט, איז עס אונזער דאגה, זי איז דאך עצמינו ובשרינו. אז זי היט נישט קיין מצוות טויג נישט. און עפעס וואלט געדארפט געטון ווערן דערוועגן (טאמער מ׳האט אן אויסגעהאלטענעם וועג), אבער דאס נעמט נישט צו אז איהר קערפער דארף נישט געשלאגען ווערן. און אונז רחמנים בני רחמנים, וואס לערנען ב"ק און ווייסען וואס מיינט חבלות, וואס לערנען ארחות צדיקים און ווייסען וואס מיינט איידעלקייט, דארפען זיין די ערשטע דאס אנערצוקענען.

Sent from my LG-K373 using Tapatalk

אגרות צפון האט געשריבן:

איסר האטלקי האט געשריבן:זיי האבן עס געזען, געהערט, אדער געליינט אויף ק"ש?

געזען, עס האט געהאלטן אין איין פליען זאכן, און די באטל איז געווען איינס פון זיי.
די חברה ווייסן נישט וואס ק"ש איז, זיי האבן מיר עס פארציילט מסיח לפי תומו.

שבת אחים האט געשריבן:אבי מ׳שלאגט זיך נישט צווישן אידן...

ס׳גייט לכאורה ביז אפאר יאהר זיין א ערנסטע בירגער קריג אין ישראל צווישן די פרומע און פרייע. לאמיר האפן אז נישט. אבער ס׳קוקט אויס אזוי. ס׳ווערט נענטער יעדן טאג.

א מוראדיגע מדינה דאס!

איסר האטלקי האט געשריבן:איך גלייב אז זי איז געשטארבן, אבער נישט אויפן פלאץ נאר דרייסיג יאר שפעטער.

מ'גלייבט דא זאכן אין די מאסן...

yerushalmi האט געשריבן:this is the only language the police understand in israel

ליטוואק פון בודאפעסט האט געשריבן:

yerushalmi האט געשריבן:this is the only language the police understand in israel

סארא תירוץ איז דאס?! פארשטיין זיי יא, פארשטיין זיי נישט, אידען פיהרען זיך אזוי נישט אויף!

און מ'זעט דא די שמוץ פון קנאות, אז מ'רעדט פון זיך אפטיילען פון די פרייע ציונים, און דערווייל איז די אידיאל, די טאון געבער גאר דער פרייער פאליציי!! וואס זיי מעגן טון, מעגן מיר טון!! און דאס הייסט אפגעזונדערט פון די גאס? פאר דעם נעמט מען נישט קיין געלט אויף נישט מושפע צו ווערן?! דאס איז די גרעסטע השפעה שייך, מ'נעמט דירעקט זייער ווירדען און מ'פיהרט זיך דערמיט!

berlbalaguleh האט געשריבן:ירושלמי: (קוגל). איך האב געהערט אויף א קליפ וואו די פאליציי איז ארויסגעקומען צו פארטרייבן די..."מוחים"...ביי א קריעגעריי צווישן די טשאלמערס/בית שמש לאבוסעס און זשוליקעס און די ארכעאלאגן, ווי דער סארדזשענט שרייט פאר זיינע פאליציאנטן ..."בעדינות"... אז זיי זאללן אומגיין מיט איידלקייט...! אבער וואס זאלל די פאליציי טון ווען די בית שמש'ער אויסגעפאשעטע ליידיגגייערס הייבן אן צו בריקען און שטויסן און ווארפן זאכן אויף די פאליציי...?!

מאך זיכער האט געשריבן:ווען איינער בלאקט דיין גאס בלויז ווייל ער האט נישט וואס צו טון שיסטו אים אויך אויס די צאן.