"קוריאסיטי" ראווער אויף מארס-מאדים

Mars rover: Wind sensor damaged on Nasa's Curiosity

m http://www.bbc.co.uk/news/science-environment-19338870 m

קוריאסיטי האט היצט געענדיגט איר ערשטע 'טריפ' אויף מארס, דריי מעטער פאראויס און א 90 דעגרי אויף צוריק.

האסטעך ביז היינט אויך נישט פארשטאנען פונקטליך וואו דער הימל איז אפילו ס' דא ז' רקיעים האסטעס אמאל אויפגעזוכט אויף גוגל?
ווי אויך קען די הימל נישט זיין א דאך ווייל די וועלט איז דאך רינדעכיג און יעדער קוקט ארויף
די גאנצע זאך (איך ווייס עס אפילו נישט וויזוי אנצורופן)אז א ריזיגע חלל מיט אסאך פלאנעטן אונזער ריזיגע(?) וועלט איז א שפיי קעגן וואס טוט זיך אפ אויף די אטאמספערע עס קען נאך אלס זיין אינדערויסן פון די גאנצע אטמאפערע איז פארהאן די הימל רינגס און ארום

נס קאווע האט געשריבן:האסטעך ביז היינט אויך נישט פארשטאנען פונקטליך וואו דער הימל איז אפילו ס' דא ז' רקיעים האסטעס אמאל אויפגעזוכט אויף גוגל?
ווי אויך קען די הימל נישט זיין א דאך ווייל די וועלט איז דאך רינדעכיג און יעדער קוקט ארויף

און וויאזוי ווייסטו אז די וועלט איז רינדיג?

די קאפסול וואס האט געפירט דעם נייגעריגן צי מארס איז עס צוריקגעקומען ?

צוריקגעקומען? סעפעס? ער ליגט דארט חרוב ונחרב אין איינע פון די מדבריות אויף מארס ווי ער האט אריינגעקראכט אפאר סעקונדעס נאכען זיך דיסקאנעקטען פונעם ראווער.

"קוריאסיטי" האט געכאפט א הערליכן בילד פון מט. שארף, וואס ס'וועט אויספארשן אין בערך א יאר ארום.

יאנקל האט געשריבן:"קוריאסיטי" האט געכאפט א הערליכן בילד פון מט. שארף, וואס ס'וועט אויספארשן אין בערך א יאר ארום.

איהר TOP SPEED איד 4CM

דער הימל איז דארט ווייס? פון אלטע בילדער זעט עס אויס מער רויטליך?!

וואס איז די מעשה בקיצר דארט איז בעריך ווי דא?

סימנים פון די רעדער נאך די ערשטע מאל וואס די ראווער איז געפארען אויף מארס

m http://www.usatoday.com/tech/science/sp ... 57516356/1 m

שמואל שלום שלמה האט געשריבן:

נס קאווע האט געשריבן:האסטעך ביז היינט אויך נישט פארשטאנען פונקטליך וואו דער הימל איז אפילו ס' דא ז' רקיעים האסטעס אמאל אויפגעזוכט אויף גוגל?
ווי אויך קען די הימל נישט זיין א דאך ווייל די וועלט איז דאך רינדעכיג און יעדער קוקט ארויף

און וויאזוי ווייסטו אז די וועלט איז רינדיג?

האמיר בקבלה פון קאלאמבוס וואס האט עס אויס פרובירט (אגב זיין ריזאלטס קען נישט דינען ווי א באווייז ווייל ער איז אנגעקומען קיין אמעריקא אין די צייט וואס ער'ט געוואלט אנקומען קיין אינדיע)

די ערשטע דאס צו זעהן איז דאכצעך שלמה המלך, ווען ער האט זיך אויפגעהויבן מיט זיין ליפט באלון.

אלכסנדר מוקדון. און ער האט געזען די וועלט שווימען ווי א באלי אין וואסער.

ראשעקאל האט געשריבן:סימנים פון די רעדער נאך די ערשטע מאל וואס די ראווער איז געפארען אויף מארס

זיך דערמאנט פונעם גוט ווארט וואס ראמני האט געזאגט ביים קאנווענטשאן:

.The soles of Neil Armstrong's boots on the moon made permanent impressions on our souls

אויף אלסנדר מוקדון שטייט אין חז"ל אז ער איז געפלויגן מיט אן אדלער און געזען די וועלט מיט די ים ארום רונדעכיג ווי א טעלער.
אויף שלמה המלך ווערט טאקע געברענגט (נישט אין גמרא און אין אנגענומענע מדרשים נאר אין פארווארפענע כתבי יד) אז ער איז געפלויגן מיר א גיגאנטישער צויבער טעפיך פון איין עק אימפעריע ביז דער אנדערער עק אימפעריע און אויך איבערן אוקיאנוס, אינאיינעם מיט אימצאליגע באגלייטער, מענטשן און באשעפענישן, אבער ס'ווערט נישט דערמאנט אז ער איז געפלויגן גאר הויך און זיכער נישט אז ער האט געזען די וועלט רונדעכיג.

תכלית:
וועט זיין אמאל א מעגליכקייט אז מענטשן זאלן קענען וואוינען אויפן מארס?

רינדעכיג מיינט מען נישט אין די ברייט ווי א טעלער נאר אלע פיהר זייטן

נס קאווע האט געשריבן:רינדעכיג מיינט מען נישט אין די ברייט ווי א טעלער נאר אלע פיהר זייטן

די פראבלעם איז אז די גמרא זאגט נישט רינדעכיג, נאר "כקערה"

m http://www.telegraph.co.uk/science/spac ... -Mars.html m

לאדיך אפ האט געשריבן:

נס קאווע האט געשריבן:רינדעכיג מיינט מען נישט אין די ברייט ווי א טעלער נאר אלע פיהר זייטן

די פראבלעם איז אז די גמרא זאגט נישט רינדעכיג, נאר "כקערה"

זאגסט אז איך זאג גוט

א) צו באמערקן אז די וועלט בייגט זיך ווי א כדור דארף מען זיין ביי א הייך פון בערך 40,000 פיס, און א אדלער פליהט ביי בערך 15,000 - 30,000 פוס.

ב) מען קען ביי אזעלכע הויכקייטן נישט אטעמען.

ג) עס איז בערך 60 בילאו זערא.

ד) אפילו ער וואלט אנגעקומען צו אזעלכע הויכן וואלט ער נאר געזעהן אז די וועלט בייגט זיך אין א רונדיגער פארעם, אבער ער וואלט בכלל נישט געקענט פון דעם ארויסהאבן דער כלליות'דיגער בילד ווי אזוי די וועלט זעהט אויס [האט איהר שוין אמאל ארויסגעקוקט פונעם פליגער ביי 35,000 פיס?].

לאור כל הנ"ל מיין איך אז מען דארף פראבירן צו גיין מיט א מהלך אז ער האט געזעהן דאס ביסל יבשה אין זיין געגנט - זיין קאנטינענט, און ער האט געזעהן ווי עס איז ארומגענומען מיט וואסער ביז וואו ער האט געקענט זעהן מיטן נאקעטן אויג, און עס האט איהם אויסגעזעהן רונדיג ווי א טעלער ווייל זעהקראפט ענדיגט זיך אין א רינג [כדי זי זאל זיין אייניג צו אלע זייטן פונעם קוקער וואס שטייט אינמיטן דעם רינג, ודו"ק].

ועדיין צ"ע קצת ווי אזוי מען פארשטייט די חילוק פון כדור און קערה, [תוס' ע"ז דף מ"א ע"א]:

כדאיתא בירושלמי שאלכסנדרוס מוקדון עלה למעלה עד שראה כל העולם ככדור ואת הים כקערה פי' ים אוקינוס שמקיף את כל העולם.

דאס ראווערל אויף מארס האט געפונען א גאר-אינטערעסאנט שטיינדל וואס זעט גאר אויס ווי מענטשלעך-געמאכט. וויסנשאפטלער זאגן אבער אז דאס איז א נאטירלעכע פענאמען און אז דאס האט זיך געשאפן אליין דורך ווינט, און אז ענלעכע שטיינער טרעפט מען אפט אויף דער וועלט.



דאס שטיינדל איז גערופן געווארן "דזשעיק מאטיעוויטש", נאך דעם וויסנשאפטלער מיט דעם זעלבן נאמען, וועלכער איז געווען טעטיק אין דער דאזיקער מיסיע קיין מארס, ווי אויך אין פריערדיקע מיסיעס, און צום באדויערן איז ער געשטארבן בלויז עטלעכע וואכן נאכדעם וואס 'קוריאסיטי' האט געלאנדעט.

קוריאסיטי האט אנטדעקט אז די ראדיאציע שטאפלען אויף מארס איז גענוג נידעריג אז מענטשן קענען דארטען איבערלעבן! דאס איז אינטערעסאנטע נייעס, בפרט אז מ'פלאנט און מ'האפט ארויפצושיקן מענטשן אין די קומענדיגע יארן.

m http://thespacereporter.com/2012/11/nas ... s-on-mars/ m

עס איז דא גרויסע נייעס פון קוריאסיטי, אבער נאסא'ס סייענטיסטן ווילן נישט ארויסגעבן וואס. די סיבה פארוואס זיי זאגן נישט איז ווארשיינליך צוליב דעם דורכפאל וואס זיי האבן געהאט אין די פארגאנגענהייט ווען זיי האבן געמאלדן אז מען האט געטראפן א גאז מיטן נאמען methane וואס וואלט געווען אן אנדייטונג אז עס האבן געלעבט אמאל לעבעדיגע ברואים אויף מארס. צום סוף האט זיך אבער ארויסגעשטעלט אז די גאז איז פשוט מיטגעקומען מיטן ראווער פון דא, אונזער וועלט. מען ווייסט נישט ווען נאסא וועט מפרסם זיין זייער געפונס, אבער ווי נאסא גיבט איבער איז די געפינס "פאר די היסטאריע ביכער"! מיר קענען קוים ווארטן...

m http://www.npr.org/2012/11/20/165513016 ... um-for-now m

אה, איך זע אז מען ווייסט שוין יא ווען נאסא וועט אנאנסירן דעם געפונס. ספעיס דאט קאם זאגט אז דזשאן גראָצינגער, הויפט קוריאסיטי סייענטיסט, האט באשטעטיגט צו זיי אז דער אנאנס וועט פארקומען ביים קומענדיגן צוזאמטרעף פון די אמעריקאנע גיאפיזישע יוניאן, וועלכע וועט פארקומען אין די טעג פון דעצעמבער 3 ביז דעצעמבער 7 אין סאן פראנציסקא.

m http://www.space.com/18565-mars-rover-c ... stery.html m

וואסאיז קוריאסיטי'ס געפונס "פאר די היסטאריע ביכער"? טייל, וגם אני הקטן בתוכם, האבן שפעקולירט אז די געפינס איז אז מארס האט אמאל פארמאגט פארמען פון לעבן. אבער סטוארט קלארק אין גארדיאן שרייבט אז עס איז אוממעגליך אז דאס איז די געפונס. קודם כל, דזשאן גראָצינגער, דער הויפט סייענטיסט פון די קוריאסיטי מיסיע, האט אין אן אינטערוויו געזאגט די פאלגענדע ווערטער: "קוריאסיטי איז נישט קיין לעבן-טרעפנדע מיסיע. מיר טוען אייגענטליך נישט זוכן לעבן; מיר האבן נישט די מעגליכקייט צו אויפכאפן לעבן אפילו עס איז דארט". ("Curiosity is not a life detection mission. We're not actually looking for life; we don't have the ability to detect life if it was there.") צווייטענס, א ווארטזאגער פאר נאסא האט אין אן אינטערוויו מיט דזשעפערי קלוגער פון "טיים" מאגאזין געזאגט אז "עס וועט נישט זיין וועלט-אויפשאקלנד, אבער עס וועט זיין אינטערעסאנט". דאס געפונס פון לעבן איז קלאר יא וועלט-אויפשאקלנד.

נו, אויב נישט לעבן דאן וואס יא? קלארק ברענגט פון סייענטיסט פּיטער סמיטה וואס האט געזאגט פאר ווייערד אז ער שפעקולירט אז די געפונס וועט זיין אָרגאַנישע מאטעריאל. פארוואס איז דאס פאר די היסטאריע ביכער? ווייל פריערדיגע עקספעדיציעס צו מארס האבן נישט געוויזן קיין צייכן פון אזעלכע אָרגאַנישע מאטעריאל, און עס איז ביז יעצט געווען אנגענומען אז עס איז נישט פארהאן דערפון אויף מארס. קלארק פירט אויס אז דאס איז טאקע א געפונס פאר די סייענטיפישע היסטאריע ביכער, אבער פאר'ן המון עם איז דאס נישט קיין מורא'דיגע אויפטו, עכ"פ אין קאנטראסט צו א געפינס פון אמאליגע לעבן אויף מארס.

די אלע שפעקולאציעס וועלן קומען צו אן ענדע ווען גראָצינגער וועט אין דעצעמבער 3 אנאנסירן דעם געפונס ביים אמעריקאנע גיאפיזישע יוניאן קאנפערענץ, וואס וועט פארקומען אין סאן פראנציסקא. דאס איז אבער זיגער אז גראָצינגער'ס מיסטריעזע ווערטער פאר NPR איבער א געפונס פאר די "היסטאריע ביכער" האט אנגעצויגן אסאך מענטשן און דאס וועט פארשטייט זיך ציען מער פרעסע דעקונג פאר זיין אנאנס.

אן אינטערעסאנטער ארטיקל אויף ניו סייענטיסט, ווי ער טענה'ט אז לויט מאנכע וועט אן ארגאנישע מאטעריאל געפונס זיין אן אויטאמאטישער אנדייטונג אז מארס האט אמאל פארמאגט לעבן. מער איבער דעם וועל איך אפשר שרייבן שפעטער.

און צוגאב צו די אויבענדערמאנטע סיבות פארוואס די געפונס איז מסתמא נישט לעבנס-פארמען, זע איך אין דעם ארטיקל א ציטאט פון קריס מעקעי פון נאסא וועלכער ווייסט וואס די געפונס איז און ער זאגט אז "דאס איז מסתמא נישט אזוי אינטערעסאנט ווי די אינטערנעט שמועות טוען אנגעבן" ("This is probably not as exciting as the internet rumors suggest").

רבותי, דער מצב טויג נישט - די גאנצע מעשה הייבט זיך גארנישט אהן.

מיט אזעלכע תירוצים גג על גג [און א וואך שפעטער] ווייס איך שוין נישט ווער עס איז משוגע.
איך האב מורא אז די חברה ווייסן וואס זיי רעדן...

וועלן מיר צו ווארטן נאך פינף טעג...

Mars Rover Finds No Signs of Life in Dirt

m http://thelede.blogs.nytimes.com/2012/1 ... -revealed/ m

זיי האבן אנאנסירט אז זיי האבן געפינען ארגעניק קאמפאונדס, אבער זיי ווייסן נישט צו ס'איז פון מארס אדער ס'איז מיטגעקומען פון דא m http://www.livescience.com/25197-mars-r ... overy.html m

נאסא'ס PR טיעם ארבעט צו קאנטראלירן פאטענציאלע דעמעדזש פון די "היסטאריע ביכער" סטעיטמענט. m http://www.space.com/18758-mars-rover-c ... nding.html m

קוריאסיטי'ס דריל ליגט שוין אויף א שטיינדל אויף מאדם, די דריללען וועט זיך אנהייבן קומענדיגע וואך.



m http://www.bbc.co.uk/news/science-environment-20901931 m

און בעפארברייטערונג צום גראבן קומענדיגע וואך, האט קוריאסיטי זיך באנוצט מיט א ספעציעלן שטויב אפרייניגער אפצופוצן די רויטע זאמד פונעם שטיין.

א בילד וואס קוריסאסיטי האט גענומען פון א מאדנעם שטיינדל.


דער שטיינדל האט באקומען דעם צונאמען "מארס בלום", ווייל עס זעט אויס ווי א געוואוקס און נישט ווי א שטיין. מארס סייענטיסטן זאגן אז זיי האבן דערווייל נישט קיין געהעריגן הסבר פארוואס די שטיין זעט אויס אזוי מאדנע.

א בייפליענדע ספעיס שיף האט געכאפט א בילד פון מארס אין די געגנט ווי קוריאסיטי האט געלאנדעט. מען קען קלאר זען די טרעקס וואס די רעדלעך פון דעם ראווער האבן געלאזט אין די טונקעל-רויטע זאמד אויף מארס. מען קען אויך זען דעם ראווער, און די סימנים וואס עס האט געלאזט אויפן פלאץ ווי די הימל-קרעין האט אראפגעטראסקעט נאכן אראפלאזן דעם ראווער מיטן פערעשוט.

דארט ווי ס'איז ארומגענומען מיט רויט איז די לאנדונגסט ארט, דארט ווי ס'איז ארומעגענומען מיט בלוי איז די ראווער בכבודו ובעצמו. צו זען א גרעסערע (און קלארערע) בילד דרוקט דא

נעכטן האט קוריאסיטי געליטן זיין ערשטער ערנסטע קריזיס ווען די קאמפיוטער וועלכע פירט אלע אפעראציעס איז געווארן קארופטירט. מען האט געסוויטשט צו א בעק-אפ קאמפיוטער און דער ראווער איז אריינגעגאנגען אין סעיף מאוד. לויט ווי באריכטן גיבן איבער וועט קוריאסיטי בלייבן אין סעיף מאוד פאר א וואך צייט. קוריאסיטי האט געהאלטן אינמיטן אנאליזירן א צומאלענע שטיין פון מארס, און די סייענטיסן וועלן מוזן ווארטן לכה"פ נאך א וואך ביז די ענדגילטיגע רעזולטאטן פון דעם אנאליז וועט צוריקקומען.

עס ווערט אויך באריכטעט אז דער ראווער וועט שלאפן במשך רוב אפריל, וויבאלד די זון וועט דעמאלטס שטיין צווישן דער ערד און מארס און וועט שטערן ראדיא סיגנאלן פון און צום ראווער.

m http://news.nationalgeographic.com/news ... -nasa-jpl/ m

היינט איז באריכטעט געווארן די רעזולטאטן פון אן אנאליז אויף א שטיין וועלכע קוריאסיטי האט געדרילט אויף מארס. לויט ווי נאסא זאגט, ווייזן די שטיין סימנים אז פאר מיליאנע יארן צוריק איז די וואסער אויף מארס געווען א ריינע וואסער וועלכע האט געקענט סופפארטן לעבן. די נייעס אז מארס האט געהאט אמאל אן ענווייראמענט וועלכע האט געקענט סופפארטן לעבן, איז נאך א טריט אין די דירעקציע אז מארס האט אמאל אייגענטליך פארמאגט לעבן, עכ,פ אין די פארעם פון באקטיריעס. דערווייל זענען אבער נישטא קיין שום ראיה אז מארס האט טאקע אמאל פארמאגט לעבן.

m http://www.nasa.gov/mission_pages/msl/n ... 30312.html m

עס א גרויסע חילוק פון מ׳האט געקענט לעבן, ביז מ׳האט אייגענטליך געלעבט.

נאך א ראווער פון נאסא, מיט'ן נאמען "אינסייט", האט פריער געלאנדעט אויף מארס.

m https://www.youtube.com/watch?v=_NNviqJ7yXs m