איינער טעגט מיך דא און שיקט מיך מעסעדזשעס אזוי אינמיטן די קאראנע פרענזי כאילו כ'וואלט געווען זיין חבר, האלא, איך בין געגאנגען מיט דיר אין חדר צי וואס? איך קען דיר פון ערגעץ? דו האלטעך מיט דיינע טעגס און איך העל מיך האלטן מיט מיינע טעגס, עניוועיס, דו האסט בכלל געוואשן דיינע הענט?
קיצור המעשה, מ'קען מיינען כ'בין דא א הויפט מחותן אבער כ'האב יא געגעבן אומגעבעטענע עצות און אריינגעשטיפט די נאניע ווי טיפער אין טאביק פושקעלע ממילא בין איך א שטיקל קרוב וואס מעג קומען דא צו דער חתונה.
איז אזויפיל קען איך אייך זאגן, חברה חברה, וועיק אפ ענד סמעל די קאפי, כ'ווייס ס'גייט זיך הערן קארני און נאכאמאל ווי כוכב וויל אווערפראמיסען, אבער ס'קומט א וועקער וואס כמוה לא נהיה!!!!!!!!!!!!!!!!!!!!!!!!!!!!!!
רייך, פראוואקראצעריש, באלערנד, טיף, הארצרייסנד, חומר למחשבה, סקופס, אויגן עפענערס, טראלערייען, קונסט שטיקעס, היסטאריע, תורה, שפיצלעך, אלץ אלץ, און כ'רעדט שוין נישט פון דעם אויסוואל נאר פון דעם ניווא, מ'קען זאגן אז יעדן איינציגן ארטיקל איז פון ניו יארקער מאגאזין קאליבער, פון העכסטן שטייסל אין זשורנאליזם און ליטעראטור, כ'ווייס אפילו נישט צי דער דעקל קען ריכטיג אילוסטרירן איר רייכן געהאלט און דאס וועט מען דארפן פארזוכן און דורכבלעטערן צו עומד זיין אויף דעם אוצר הגדול.
איי האב איך דיר שוין געזאגט פאריגעס מאל די זעלבע זאך, אייך כ'האב שוין כמה פעמים געזאגט אז די קומענדיגע וועקער איז איינס און אזעלכעס, זאגט דאך שוין דער רבי ר' זושא אז כ'האב עס דעמאלט געמיינט אמת'דיג און יעצט מיין איך עס נאכאמאל אמת'דיג, וועקער ווייסט נאר דעם וועג ארויף.
כ'האב פונקט גערעדט מיט ראובנ'ען אז איך ווייס נישט צי דער דור איז ראוי פאר'ן קומענדיגן וועקער און צי ס'איז דא גענוג א גרויסע אוידיענץ לויט די כוחות, די הויכע קוואליטעט סחורה און מאסיווע ארבעט ס'איז אריינגעגאנגען. כ'האב געזאגט פאר ראובנ'ען אז וועקער ווערט געשריבן פאר דער היסטאריע, פאר'ן צוקונפט, ווען חוקרי הדורות וועלן זיך שטיין און וואונדערן אויף דעם אומגלויבליכן וועקער פענאמען און וועלן נישט קענען מאכן סענס דערפון און זען וויאזוי עס טרעפט זיין פלאץ אין גאנצן חרדישן פאזל.
אלנפאלס, כ'וועל אייך זאגן דעם אמת די כוונה פון מיין מעסעדזש, איך פיל באמת אז דער חומר פון קומענדיגן וועקער פאדערט אנערקענונג, מ'קען עס נישט אזוי ערווארטן בדרך אגב, און עס נעמען פאר גרענטעד, די עמל און בלוט פון די ארויסגעבער וועלכער האבן ממש אוועקגעגעבן דעם דם התמצית דערפאר פאר חדשים לאנג דארף ארויסגעהויבן ווערן, אפלאדירט ווערן, אפרישיעטעד ווערן מיט די העכסטע טענער. אונטער יעדן קעפשאן און אונטער יעדן בילדל ליגט בלוט און שווייס, גארנישט פאלט נישט פון ארבל, כאשר עיניכם תחזינה מישירים.
ממילא, בעט איך אייך מיינע טייערע ברידער אין אמעריקע, דאס מוז מען ענטפאנגען מיט א הכנסת ספר תורה טראק ווי א חתן וואס האט חתונה די טעג אין פלעטבוש, יעדער זאל ארויסלייגן א ספיקער פארנט פון זיין הויז און שיקן א קליפ צו מלך הדרייווערס, כ'וויל יעדער זאל זיך בוקמארקן דעם אשכול און געדענקען צו קויפן ווי נאר ס'קומט ארויס, רעדן פון די טעמעס און די ארטיקלען אין די פאלישער (אוי אלעס איז פארשפארט) און די ווירטועלע וואטסעפפ בתי מדרשים, שיק איינס פאר דיין חבר וואס איז אין איזאלירונג אדער סתם אזוי ארבעטס לאז, לאז איינס איבער ביי דיין טאטן אינדערהיים ווי די משפחה דרייט זיך נאך אביסל, זע אז דער וועקער אור זאל נישט זיין גנוז נאר זאל ארויסגיין וווי ווייטער און ווי ברייטער ומלאה הארץ דעה את ה' כמים לים מכסים.
