הסכמת הרב מלובלין על ספר ליקוטי מוהר''נ
אינעם ספר אבני זכרון-זכרון בספר, תורות והנהגות פון די חוזה פון לובלין, וואס הרב ירוחם פישל הגר האט ארויסגעגעבן, ברענגט ער אלע צען הסכמות וואס דער חוזה האט געגעבן במשך זיין לעבן, און אין עמוד רצ״ז ברענגט ער דעם הסכמה אויפן ליקוטי מוהר״ן, אין ער שרייבט אונטען אז דער הסכמה איז מפוקפק ווייל עס שטימט נישט מיט דעם סגנון פון די אנדערע הסכמות און אויך ווייל עס איז דא סתירות אינעם עצם הסכמה.
למעשה האט שוין כרם זית שיין צולייגט אלע צדדים לכאן ולכאן, און פארענטפערט אלע קושיות און סתירות.
אויך דארף מען נעמען אין באטראכט אז דער וואס האט געדריקט די הסכמות פונעם חוזה און קאזניצער מגיד - שנת תרל״ו אין שטאט לעמבערג - איז געווען הרב נחמן (גאלדשטיין) מטשערין וואס איז געווען א דערהויבענע איד און די רב אין שטאט טשערין, איז שווער צו זאגן אז ער האט געפעלטשט און געזאגט ליגענט אז ער האט דאס געטראפען..
אזוי אויך איז מקובל אין ברסלב אז דער חסיד רבי זלמן הקטן איז געווען דער וואס איז ארומגעגאנגען צאמנעמען הסכמות אויפן ספר בחייו פון רבי נחמן, ער האט צאמגענומען אסאך הסכמות און ער איז דער וואס האט מקבל געווען דעם הסכמה פונעם חוזה, אבער עס נישט געדריקט אזוי ארום זענען אסאך הסכמות פארלוירן געגאנגען, אין תקפ״א האט רבי נתן איבערגדריקט דעם ספר און צום ערשט אריינגעלייגט דריי הסכמות. עס איז אפי׳ דא א גאנצע מעשה וואס איז פארגעקומען ביים חוזה בשעת רבי זלמן איז געווען דארט, איז דאס אלעס אויך אויפגעמאכט? רבי נתן האט דאך שוין געהאט געדריקט די הסכמה פון רבי אברהם חיים מזלאטשוב בעל אורח לחיים וואס איז געווען א חסידישע רבי און פון נאך גדולי ישראל, איז פארוואס פעלטשען נאך הסכמות.