קאווע שטיבל • טעכנאלאגישע נייעס

טעכנאלאגיע איז מיין באליבטסטע נושא, און איך גלייך זייער צו ליינען דערוועגן, איז פארוואס נישט מהנה זיין אנדערע?

איך קען אבער נישט זאגן אז יעדע זאך וואס איך גיי ליינען וועל איך קענען דא אהערברענגען, דעריבער בעט איך אנדערע זאלן אויך צוהעלפן און צולייגן א האנט.

דא איז געמאכט ארויפצולייגן סיי וועלכע נייעס בנוגע טעכנאלאגיע, און אויב א נייעס איז גאר א שטארקע נייעס, אדער אז דער נושא וועט אריינקריכן אלס א לענגערע שמועס, וועט מען בעטן דעם מנהל עס אפצוטיילן.

איך הייב אן מיט א נייע סעלפאון וואס דארף בקרוב ארויסקומען.

ווער עס האלט מיט איז דא א שטארקע מלחמה צווישן דעם אייפאון און ענדרויד סעלפאון פלאטפארמעס, און וואס זעט אויס אז ענדרויד איז פאראויס.

מען קען עס צונעמען אויף קליינגעלט, און מען האט אזוי געטון אויף אייוועלט אונטערן אשכול אייפאון אדער ענדרויד.

דער לעצטער אייפאון 4S איז זייער בעסטער אייפאון אבער פילע זאגן אז דער סעמסאנג געלעקסי S2 שטייגט אים איבער פי כמה.

דאס איז דער S2 אבער יעצט האלט מען שוין פיל ווייטער און מען גרייט זיך אט צום S3 וואס וועט זיין פיל פיל בעסער אפי' ווי דעם S2 און פארשטייט זיך אז דער אייפאון ווען זיין אלטמאדיש קעגן דעם.

איך האב דעם אייוועלט אשכול נישט געליינט, אבער איך וויל אביסל צולייגן דעם ברייטפארצווייגטען אין וועלטס מחלוקת איבער די אייפאון 4S ווערסוס סעמסונג געלעקסי S2. עס איז אינטערעסאנט אנצומערקן אז ווען מ'לייגט אריין אין גוגל די ווערטער iphone 4S vs קומט גלייך ארויף די געלעקסי.



געבוי
קודם לאמרי נעמען אביסל אין באטראכט די געבוי. דער אמת איז אז געבוי איז ווי מ'זאגט "עי מעטער אף טעיסט" און ווי דער באקאנטער שפריך-ווארט לערנט אונז, על טעם וריח אין להתווכח. דער אייפאון 4S איז הויעך 4.5 אינטשעס (115.2 מילימעטער), ברייט 2.31 אינטשעס (58.6 מילימעטער) און דיק 0.37 אינטש (9.3 מילמעטער), און עס וועגט 4.9 אונסעס (140 גראם). לאידך גיסא דער געלעקסי S2 איז הויעך 4.84 אינטשעס (125.3 מילימעטער), ברייט 2.68 אינטשעס (66.1 מילימעטער) און דיק 0.33 אינטש (8.49 מילימעטער), און עס וועגט 4.09 אונסעס (116 גראם).
ווי איר זעט איז די געלעקסי ברייטער און העכער ווי די אייפאון, אבער דינער און וועגט ווייניגער ווי די אייפאון. דאס מאכט אז דער אייפאון זאל האבן אזא אימעדזש ווי א פראעסיאנאלען ביזנעס אויסזען בעת דער געלעקסי פארמאגט מער א "אויפרייסענדע" אימעדזש.



דיספלעי

אייפאון 4S האט א סקרין רעזאלושען פון 960 ביי 640 בעת דער געלעקסי S2 האט איינס פון 800 ביי 480. נו, אודאי איז אייפאון א קלארערע סקרין.

המשך יבוא...

לויט די רכילות וואס גייען ארום גייט די S3 האבן א 720X1280 סקרין וואס קומט אויס צו 319 פיקסעלס פער אינטש, מער ווי די גרויסארטיגע "נייע איי-פעד"ס 264 ppi.
א פיינעם קוואד קאור פרעסעסער מיט א מיליאן אכט הונדער טויזענט הערץ, א צוועלעף מעגא-פיקסעל קעמרא.
דעי ספעקס קען מאכן דאס ווירטואלע שפייעכץ רינען ביי יעדע טעכנעלאדיע ענטאזאיסט.

געפילטע פיש האט געשריבן:דעי ספעקס קען מאכן דאס ווירטואלע שפייעכץ רינען ביי יעדע טעכנעלאדיע ענטאזאיסט.

אוי האסטו גוטע אויסדרוקן!



א דאנק פאר אלע וואס האבן דא מגיב געווען. איך האף צו שרייבן מער איבער טעכנאלאגיע ווי שנעל נאר מעגליך.

און אנטשולדיגט אז ס'מיר ארויסגעפאלן די נייעסלעך אויף וואס איך האב געעפנט דעם אשכול. מיר וועלן משלים זיין מערצעשעם.

וואס זאגט איר צו ווינדאוס 8? איר זאגט נאך נישט, אבער הונדערטע וואס פרובירן אויס די נייע ווינדאוס סעפאר ס'ווערט אפיציעל ריליעסד זאגן אז זיי זענען נישט צופרידען. אין א פרובע האבן 50% פון די וואס האבן זיך באנוצט דערמיט געזאגט אז זיי וועלן דאס נישט רעקאמאנדירן פאר חבירים. די הסבר איז גאנץ פשוט. ווינדאוס 8 איז דיזיינד פאר א טאטש אפארעטינג סיסטעם, אבער מייקראסאפט האט ווארשיינליך פארגעסן אז ווינדאוס איז א דעסקטאפ אפארעטינג סיסטעם, און זי דארף זיך רעכענען מיטן מויז און קיבארד.
m http://www.pcworld.com/article/251820/e ... paign.html m

יידל האט געשריבן:וואס זאגט איר צו ווינדאוס 8? איר זאגט נאך נישט, אבער הונדערטע וואס פרובירן אויס די נייע ווינדאוס סעפאר ס'ווערט אפיציעל ריליעסד זאגן אז זיי זענען נישט צופרידען. אין א פרובע האבן 50% פון די וואס האבן זיך באנוצט דערמיט געזאגט אז זיי וועלן דאס נישט רעקאמאנדירן פאר חבירים. די הסבר איז גאנץ פשוט. ווינדאוס 8 איז דיזיינד פאר א טאטש אפארעטינג סיסטעם, אבער מייקראסאפט האט ווארשיינליך פארגעסן אז ווינדאוס איז א דעסקטאפ אפארעטינג סיסטעם, און זי דארף זיך רעכענען מיטן מויז און קיבארד.
http://www.pcworld.com/article/251820/e ... paign.html

איך האב אינסטאלד די ערשטע דעוועלאפער פריוויא וואס זיי האבן ארויסגעגעבן, מ'מוז נישט נוצן די מעטרא אינטערפעיס, מ'קען מאכן די אלד פעשאן דעסקטאפ ביי דיפאלט.
איין זאך וואס איך האלט אז ס'איז א טפשות פון מייקראסאפט איז אז די ARM ווערסיע, וואס איז געמאכט פאר טעבלעטס, גייט מען נישט קענען דז'ונען צו א דאמעין, איין זאך וואס וואלט זיי געגעבן די אויבערהאנט פאר ביזנעסעס, מער ווי ענדרויד און iOS וואס ווילן געבן טעבלעטס פאר די ארבעטערס.

די היינטיגע וועלט פון טעכנאלאגיע טוישט זיך יעדען טאג מיט א שנעלקייט. וועל איך דא פראבירען ארויפצילייגען אינטערסאנטע פארשריט וואס מטרעפט אנליין. יעדער איז מכובד צו צילייגען.


שוין אביסעל אלט קוואנטעם קאמפיאטינג -איז די איידיע אז די קאמפיאטינג פראסעסינג איז אויף די אטאם לעוואל- איז אבער נאכנישט דא. אבער פאר סייענטיסטן איז געלונגען צי מאכן די ערשטע קוואנטעם נעטווארקונג ד.מ. סאיז געלונגען צי שיקען אינפערמאציע אין די קלענסטע פארמאט צו שיקען א פאטאן פון איין אטאם צום צווייטען.(די מבינים קענען בעסער מסבר זיין)

פין DARPA, א ראבאט פינגער וואס קען פילען בעסער ווי א מענטשליכע האנט

דארוך דרייען די רעדיא וואלען אין א ווארטעקס איז געלינגען פאר סייענטיסט פון אמעריקע און ישראל צי שיקען 2.5 טערעביטס אין א סקונדע (2.5 tbps) אויף א ווייטקייט פון איין מעטער.

גוגעל קומט ארויס מיט א נייע כלי. א מוזיק מאשינקעלע פאר די נישטיגע 300 דאללאר. קוקט דא
m http://www.wired.com/gadgetlab/2012/06/ ... -revealed/ m

ווי אויך האט גוגל היינט אפיציעל געמאלדן פראדזשעקט גלאז.

יידל האט געשריבן:ווי אויך האט גוגל היינט אפיציעל געמאלדן פראדזשעקט גלאז.

דו יו קעיר טו עקספלעין?

שימעלע האט געשריבן:דארוך דרייען די רעדיא וואלען אין א ווארטעקס איז געלינגען פאר סייענטיסט פון אמעריקע און ישראל צי שיקען 2.5 טערעביטס אין א סקונדע (2.5 tbps) אויף א ווייטקייט פון איין מעטער.

2.56 טעראביטס טו בי עקזעקט, און האסט אויסגעלאזט כינע, זיי האבן אויך קאלאבארירט. (נישט די רעגירונג, נאר סייענטיסטען פון ישראל און כינע האבן מיטגעארבעט מיט א נאס"א לאבראטאריע).

שוין אנפאנג יאר האט אנגעהויבן ארויסצורינען איבער א געהיימע לעב וואס גוגעל פארמאגט google X lab. די לעב איז געמאכט אויף א אופן וואס מ'גיט א פרייע האנט פאר די ריסוירטשער זאלן קענען אויספרובירן די צודרייטסטע איידיעס. און ס'איז שוין ארויס געקומען פון דארט אפאר עמעזינג זאכן. און ס'איז צו ערווארטן אז מ'וועט נאך הערן פון זיי.

די מערסט באוואוסטע זאך איז די גוגעל זעלבס-דרייווענדע קארס. וואס ארבייט מיט ספעציעלע קעמרעס און סענסארס און גי. פי. עס. די קאר איז שוין געפארן איבער טויזענט מייל אן קיין מענטשליכע הילף בכלל, און 140,000 מייל מיט מענטשליכע הילף. די סטעיט פין נעוואדע האט ארויסגעגעבן ספעציעלע געזעצן וואס ערלויבען פאר דרייווער-לאזע קארס צו פארן אויף זייערע ראודס, און זיי האבן שוין ארויסגעגעבן איין לייסענס פלעיט פאר א גוגעל זעלבסט-דרייוענדע קאר. סאיז שוין געווען איין עקסידענט, אבער גוגעל טענה'ט אז א מענטש האט דאן געדרייווט, נישט די קאמפיוטער.

די מערסטע הייפט זאך איז די גוגעל גלעסעס, אדער ווי גוגל רופט עס, project glass. די זאך איז געבויט אויף די קאנסעפט פון augmented reality אז די דעווייס געט דיר אינפארמאציע לויט וואו דו ביסט און אויף וואס דו קוקסט (די ערשטע מאל וואס מ'האט עס געזען איז געווען אין די yelp עפפ, וואס מ'האט געהאלטן די phone און מ'האט געזען אויף די סקרין די בילדינגס אויף וואס מ'קוקט און עס האט זיך אויפגעשריבן וואס די בילדינג איז) איז א גלעזער וואס האט א סקרין און א קעמערע און עס פארשטייט וואס מ'רעדט. סאיז קאנעקטעד צי די phone פאר אינטערנעט. אפאר חדשים צוריק האט גוגל ארויסגעגעבן א ווידיאו. (ס'איז גלייך ארויסגעקומען א חוזק ווידיאו וואס מ'זעט עס מיט גוגעל עדס.)
די וואך ביי Google I/O (א דעוועלאפער קאנפרענס) האבן זיי עס געוויזן מיט א דראמאטישע פארשטעלונג.
עס וועט זיין צו באקומען פאר דעוועלאפערס וואס זענען דארט געווען אנפאנג קומענדיגע יאר פאר $1,500.

די לעצטע זאך ארויסצוקומען פון דארט איז גוגעל האט געמאכט א קאמפיוטער זאל לערנען ווי א מענטשליכע מוח אז ס'זאל זיך לערנען אליין, זיי האבן צוזאמגעשטעלט 16,000 processors און א ביליאן קאנעקשענס. זיי האבן עס געוויזן טויזענטער thumbnails פון youtube ווידיאוס און ס'האט אנגעפאנגען אליין צי דערקענען פנימ'ער פון קעץ.

נאך די Spray-on Antenna. קימט די Spray-on Battery.

שימעלע האט געשריבן:נאך די Spray-on Antenna. קימט די Spray-on Battery.

כאטש ארומשלעפן זיך כסדר מיט א ספרעי אין טאש איז נישט פון די באקוועמסטע זאכן, איז עס אבער א גרויסע דורכברוך אין די וועלט פון ענערגי, ביזדערווייל לויפט טעכנאלאגיע אסאך מער פאראויס לויט וויפיל ענערגי עס פארלאנגט, א פאון וואלט מען געדארפט צו טשארטשן נישט מער ווי איינמאל א וואך אפגעזעהן וויפיל מ'נוצט עס.

די ווארט איז נישט אז מוועט קענען ארים גיין מיט ספרעיס. נאר אז מוועט קענען פעינטען די הויז זאל זיין איין גרויסע אנטענע אדער בעטטערי. אויך עס וועט זיין גרינגער צי דיזיינען smartphones אז מוועט נישט דארפען אויסרעכענען וויאזוי אריינצילייגען די בעטטערי, מוועט עס אריין ספרעי׳ן.

פון UCLA דארוכזיכטיגע Solor cell. א טריט נענטער צי דארוכזיכטיגע געדז׳עטס נאך די דארוכזיכטיגע בעטערי פון סטענפארד.

די ניו יארק טיימס באריכטעט אז די עווערידזש נומער פון טעקסטס (SMS) וואס אן אמעריקאנער האט געשיקט פער חודש אין דעם דריטן פערטל פון יאר 2012 איז 678. דאס איז אראפ פון 696 טעקסטס פער חודש אינעם צווייטן פערטל. א שרייבער אין טיים מאגאזין טענה'ט אז די סיבה פארוואס טעקסינג גייט מטה מטה איז צוליב די סאציאלע מידיע ווי פעיסבוק און טוויטער און כל מיני עפפס וועלכע געבן מעסעדזשינג סערוויס בחנם.

m http://business.time.com/2012/11/15/omg ... z2DHaE9THv m

אפשר ווייל ווייניגער מענטשן טעקסטן ביים דרייוון?

איך האב געלייענט אין די נייעס (כ'דענק נישט וואו גענוי) אז בקרוב גייען סמארטפאטונ'ס זיין צעטיילט אין 2 באזונדערע מאודס, HOME אדער "אינטערטעינמענט" און דערנאך "ביזנעס", אזוי וועט מען קענען אנשטעלן אז בשעת מען איז אין ביזנעס קען מען נישט טעקסטן צו חברים און האבן עקסעס צו אומוויכטיגע עפפס, נאר צו די דאזיגע וועלכע זענען נויטיג פאר די ביזנעס; און זמן תפלה לחוד, ווען מען איז אינדערהיים קען מען זיין אויסגעפלאגט פון דער ארבייט, און זיך פולשטענדיג ענדזשויען און זיך אפרוען.

עס ווערט באריכטעט אז מוטרולה וואס געהער היינט צו טאג׳ס פאר גוגל ארבעט אויף א נייע סמארט פאון אינטער די קאוד
"Phone X" עס הייסט יעצט אז עס גייט ארויס גיין און מיטן דעם נייעם יאר, מ׳ווייסט נאך נישט צופיל דעטאלן אבער אזוי פיל ווייסט מען יא אז מ׳רעדט פון ״די פאון״ א סמארט פאון וואס גייט טוישן די וועלט,
אינסייד קוועלער געבען אן אז גלייך נאך דעם ווי עס קומט ארויס גייען זיי זיך נעמען איבער די "Tablet X" וואס גייט זיין די זעלבע זאך נאר א גרעסערע סקרין

m http://www.businessinsider.com/google-a ... ne-2012-12 m

דא
יעצט אויב וויל מען האבן און טאש א טעבלעט סמארט פאן דארף עס זיין גענוג קליין סזאל פוטען .
בקרוב וועט מען קענען ארויסשלעפן פון טאש און אויפראלען א טעבלעט סוועט זיין א נחת צי קענען האבן א גרויסע סקריען און טאש.

זיי מעלדן אז בקרוב גייט עס זיין מסודר
האמלענד סעקיוריטי האט געהייסען יעדער זאל דיסעבלען דזשאווע. העקערס האבן געטראפן עפעס א לאך ויי זיי קענען זיך איינברעכן דורך java.
וואס קען מען נוצען אנשטאט?

ווער געדענקט נאך די אמאליגע 3D קוקער'ס???
יעצט קענט איר באזוכן איבער די וועלט מיט א ענליכע איידיע

Explore Street View With Google Cardboard

שמעקעדיג האט געשריבן:יעצט קומט די נייעס אז אייאווע וועט זיין די ערשטע סטעיט אין אמעריקע צו מאכן דיזשיטעל "דרייווערס לייסענס" אויפן סעלפאון...

און אויב מיין בעטערי איז טויט ווען דער פאליציאנט שטעלט מיר אפ?

וועט דער האווייען מיזן נעמען די מי, אין אריין טינקען זיין אנדערע האנט, וואס האלט נישט די הייסע הינט, אין די אינטישטע טאש און ארויסציען זיין פאפירענע לייסענס

הייסט אז מען וועט אויך מוזן האבן די געהעריגע לייסענס? אויב אזוי וואס איז די אויפטוה?

פאלענד ספרינג האט געשריבן:הייסט אז מען וועט אויך מוזן האבן די געהעריגע לייסענס? אויב אזוי וואס איז די אויפטוה?

מען ברויך טיען נישט חלילה אויפטיען

מיליאנע טוויטער באנוצער זענען געווארן ארויסגעלאגט פון טוויטער נאך א פעלער אין טוויטער'ס סערווערס. דערווייל אפערירט טוויטער נאר פון iOS עפפ.

ס'קוקט אויס ווי דער עולם דא איז מער אינטרעסירט אין האקן אויפן סיסטעם ווי דיסקוסירן מעידזשאר טעכנאלאגישע נייעס. אנדערש איז שווער צו פארשטיין פארוואס קיינער האט נאך נישט בארירט דעם נושא פון CES 2015

דאס איז אזא שאו וואס מען מאכט יעדע אנהייב יאר, וואס צייגט וואס צו ערווארטן דעם קומענדיגן יאר אויפן טעכנאלאגיע פעלד, פון נייע קאמפיוטערס, טשיפס, זייגערס, קעמרעס, טעלעפאנען און טעבלעטס, בעטעריס, ווייערס און טשארשדזשינג קעפעביליטיס, ועוד ועוד.

אין א ניסל שאלאכץ, זענען די הויפט נייעס דאס יאר געווען די נייע ווינדאוס 10 וואס מייקראסאפט גייט ארויסגעבן אין די נעקסטע פאר חדשים, וועלכע וועט ערזעצן דעם פארפיינטעטן ווינדאוס 8.1; נייע (פינפטע ג'ענעראציע) פראסעסאר טשיפס פון אינטעל ("בראודוועל") וועלכע וועט העלפן לעפטאפס לעבן לענגער אויף באטערי ווי אויך בעסערע גראפיקס, אבער דאס איז נאר א צייטווייליגע זאך, זינט זיי ארבעטן שוין אויף א נייערע ווערסיע (גערופן "סקיי לעיק") וועלכע וועט ערשיינען די צווייטע האלב יאר פון 2015.

ווי אויך איז אין די נייעס די נייע USB פלאג (TYPE C), וועלכע וועט ערזעצן אלע USB פון סעלפאנ'ס און קאמפיוטער'ס, עס וועט זיין פיל שנעלער צו טראנספערירן דאטא (דאפעלט די שנעלקייט פון USB 3.0), אויכעט וועט עס טשארדזשן דעווייסעס פיל שנעלער. ווי אויך וועט מען עס קענען אריינשטעקן פון ביידע זייטן כדי נישט צו מאכן די קאנעקטינג פראצעדור אזוי קאמפליצירט, גענוי ווי עפל האט לעצטנס געטוישט.

פאר מער דרוקט דא

m http://www.pcmag.com/ces m

מייקראסאפט האט היינט אין א איבערראשנדן שריט געמאלדן - בשעת'ן פארשטעלן דעם נייעם ווינדאוס 10 וועלכע דארף ערשיינען אינמיטן יאר 15' - אז די נייע ווינדאוס וועט ווערן צוגעשטעלט גענצליך אומזיסט פאר ווינדאוס 7 און 8 באנוצער!

א שטארקע שריט, אוועק פון זייער געלט גייציגע היסטאריע, און איז באגריסענסווערד. די הנחה איז נאר דעם ערשטן יאר וואס ווינדאוס וועט ערשיינען. דערנאך וועט עס עקספייערן.

גוגל גייט אנהויבען פארקויפן סעלפאן סערוויס פלענס

מדינת ישראל קאמפאני ערצייגט א טעכנאלאגיע צו קענען טרעפן פארקינג פלעצער.

m https://www.yahoo.com/tech/new-apps-in- ... 53414.html m

sandisc האט געמאלדן זיי גייען בקרוב פארקויפן א microsd פון 200gb
m http://finance.yahoo.com/news/sandisk-u ... 05571.html m

דאס איז נישט ממש טעכנאלאגישע נייעס (ענדערש ריסערטש), אבער כדאי צו מפרסם זיין.

רוב מענטשן דאונלאודן אומזיסטע עפפס ענדערש ווי באצאלטע. אז מען קען האבן אומזיסט, מיט בלויז אפאר נארישע עד'ס אין דער זייט, צו וואס צאלן?
שטעלט זיך אבער ארויס אז די עד'ס זענען גורם מער ווי שמירת עינים פראבלעמען. עס זייגט פיל מער בעטערי (בערך 16% לויט שטודיעס), עס פארנוצט פיל מער דאטא, ווי אויך פארנוצן זיי מער מעמארי פונעם פאון.
פאר רוב מענטשן וואלט זיך אויסגעצאלט צו צאלן די פאר דאלער פאר א שנעלערע מאשין מיט לענגערע בעטערי לייף (ביז 2 שעה לענגער, אין געוויסע שטודיעס!)

m http://www.worldstart.com/are-free-apps ... tery-life/ m

קענסטאך פארדעם האבן א עד בלאקער

חאצקעל שניידער האט געשריבן:קענסטאך פארדעם האבן א עד בלאקער

די שאלה איז וואס דער עד בלאקער טוהט למעשה. לכאורה באהאלט עס פשוט דעם עד און באמת איז עס נאך דארט און ס'ראנט נאך אלץ די פראסעסעס און נוצט די אינטערנעט.

עמעזאן שטעלט צי זעלבע טאג דעליווערי

http://www.vosizneias.com/204579/2015/05/28/new-york-amazon-offering-free-same-day-delivery-to-prime-members/

GOOGLE PHOTOS
דאס איז די נאמען פון א נייע סערוויס פון גוגל - וואס וועט ערלויבן ארויפצולאדענען אן אומבאגרעניצטע צאל בילדער און ווידעאוס (ביז 1080p) גענצליך אומזיסט!
מען קען אנשטעלן אויטאמאטישע אפלאוד פון אלע דעווייסעס, און עס וועט אויך האבן עטליכע בעיסיק עדיטינג אפציעס.

ביז 15 gb ניין? דאס איז ניי?

זיי האבן עס אנאונסד לעצטע וואך ביי די I/O קאנפרענץ. עס איז סינקד אנליין( שמעקעדיגס לינק)מיט די עפפ פאר ענדרויד און אייפאון

ירא שמים האט געשריבן:ביז 15 gb ניין? דאס איז ניי?

ווי נופת שרייבט, עס פלעגט זיין ביז 15 GB, אבער לעצטע וואך ביים קאנפערענץ האבן זיי אנאנסירט אז מהיום והלאה איז עס אנלימיטעד.
עס איז געווען נאך נייעס דארטן ביים קאנפערענץ, ווי למשל א נייע אפדעיט פאר אנדרויד (M), אבער עס קוקט נישט אויס צו זיין ערנסטע נייעס, זיי פאוקעסן אויף שטותים והבלים און כלומר'שט בעטערי לייף, און פארגעסן פון די וויכטיגע זאכן...

נאך אפאר נייעסער פון די קאנפרענץ לעצטע וואך:
Now on tap וועט ברענגן אריינשטעקן גוגל נאו איבעראל גאנצן פאון. ס'הייסט אז ווען דו בוזט אין סיי וועלכע עפפ, האלסטו אראפ דעם האום באטטאן און ער ליינט דיין סקרין און מאכט א גוגל נאו סורטש לויט דעם.

אינע'ם נייעם ענדרויד עם גייט זיין א קראום בראוזער אין עני עפפ. ס'הייסט ווען די קליקסט א לינק פון סיי וועלכע עפפ באקומסטו א געהעריגע קראום בראוזער מיט די טעבס וכו' אנדעם אז דו זאלסט דארפן אויפמאכן א בראוזער.

ווי אויך אינע'ם נייעם ענדרויד, גייען זיי מער נישט בעטן פערמישענס ביים אינסטאלירן עפפס נאר ווען די עפפ וויל נוצן דעי פערמישען. זיי ווילן עס מאכן ווייניגער שרעקעדיג.

מעפס קען ארבעטן אן אינטערנעט אין דריטע וועלט לענדער. דאס איז אין צוגאב צו די פיטשער פון יו טוב צו ארבעטן אן אינטערנעט אין דעי מדינות. ווי אויך וועט קראום פארנוצן ווייניגער דעטע.

זיי גייען ריפלעיסן גוגל וואלעט מיט א נייע עפפ "ענדרויד פעי". דאס איז א דירעקטע פייט מיט עפל'ס עפל פעי. די גאנצע מעשה איז נאך אביסל פארנעפלט.

דערנאך איז דא די גאנצע הייפ מיט ווירטואל ריאליטי וואס דאס וועל איך לאזן פאר אנדערע.

גוגל האט אויך היינט אינטראדוסט א נייע סייט
myaccount.google.com
וואס איז ספעציעל געמאכט פאר יעדן אקאונט באנוצער צו קאנטראלירן אלע סעטינגס אין זיין/איר אקאונט.
מען קען דארטן טוישן סעטינגס, ווי צב"ש וואס זאל ערשיינען ביי דיינע מעפס, יוטוב סוירטעשס, צו ערלויבן (אדער נישט) היסטארי וואס גוגל נוצט פאר מאפעס און פאר גוגל-נאו,
מען קען אויך אנשטעלן וועלכע סארט עדס גוגל זאל נוצן (Ads Settings tool), ווי אויך וועלכע עפפס און וועבסייטס זאלן זיין געלינקט צו דיין גוגל אקאונט.

פאר ווינדאוס באנוצער האט היינט אפגעווארט אן איבעראשונג ווען עס איז ארויפגעקומען אויפן "טעסק באר" א נייע נאטעפיקעישען מיט די ווינדאוס סימבל, עפענונג דעם אייקאן קומט ארויף א באקסל וואס שלאגט פאר צו אפגרעידן צו ווינדאוס 10, עס שטייט נישט ווען פונקטליך עס גייט ארויסקומען, ס׳איז נאר דא אן אפשען "Reserve my upgrade"

לויט ווי עס הייסט יעצט, וועט עס ארויסקומען אום July 29.

די אפגרעיד וועט זיין אינגאנצן אומזיסט פאר פאר ווינדאוס 7 און 8 באנוצערס.

לויט ווי מייקראסאפט זאגט, גייט דאס זיין די גרעסטע סאפטווער אפדעיט אין היסטאריע, פארשפרייטנדיג צו איבער א ביליאן יוזערס.

מייקראסאפט אין די לעצטע פאר וואכן האט ארויסגעגעבן פאר די "Windows Insiders" א פרישע "Preview Build" פון ווינדאוס 10 בערך יעדע וואך, וואס האט אויך ענהאלטן אפדעיטס צו זייער נייע בראוסער "Microsoft Edge".

נו, עמער זעהן צו זיי טויגן
נאך

נופת צופים האט געשריבן:
מעפס קען ארבעטן אן אינטערנעט אין דריטע וועלט לענדער. דאס איז אין צוגאב צו די פיטשער פון יו טוב צו ארבעטן אן אינטערנעט אין דעי מדינות. ווי אויך וועט קראום פארנוצן ווייניגער דעטע.

וואס הייסט אן אינטערנעט? וויאזוי ארבעט דאס?

גוגול פאטויס געט מיר צוויי אפציעס וואו אזוי אפצולוידען קען מיר איינער מסביר זיין פשוט אידיש