באגריסונג: די גבאים פון דעם חודש זענען...

איבערגעגעבן אין גוטע הענט... (א ברירה האב איך געהאט???)

שעפטל ,אויב די מסירה איז נישט געווען מרצונך הוק דיך אן מיט הרב ירא שמים ער קען נאך אפשר ראטעווען די מצב.

זיך גענוג געמיטשעט... ס'ליגט אין בעסערע הענט יעצט

מיט כבוד און עהרע טוען מיר פרעזענטירן די גבאים פון חודש טבת:
ATUB @נח בער ATUB
ATUB @ראובן ATUB

ראובן איז ברייט באקאנט אין שטיבל, און דארף נישט קיין אינטראדאקשען. נח בער איז נישט אזוי באקאנט, ווייל ער האט נישט אזוי סך געשריבן דערווייל. אבער נח בער האט שוין אין די פארגאנגענהייט אויסגעשטרעקט זיין האנט ארויסצוהעלפן, און האט יעצט באוויליגט צו נעמען אויף זיך גבאי חודש פאר חודש טבת.
מיר זענען זיכער אז די גבאי'שאפט פון די צוויי חשוב'ע חברים וועט צוגעבן צו די ניווא פון קאווע שטיבל, און זיי וועלן דינען אויף די פאזיציע בבינה ובהשכל, און ארויסהעלפן די טייערע חברים.

ווען מיר האבן איבערגעשמועסט דעם תפקיד פון ווערן גבאי און צוהעלפן אזא טייער פלאץ ווי עס איז "קאווע שטיבל" האבן מיר עס אנגעבליקט אלס אן עהרנפולער דזשאב וואס איז א כבוד צו דינען אין דער אמט. יעצט אנטוענדיג די גבאות קליידער האט א ציטער און יראת הכבוד מיר איבערגענומען.

דערזעענדיג ווער עס איז מיין שותף אין דער ארבעט, נישט קיין צווייטער ווי דער גאר רעספעקטפולער "ראובן", דער וואס האט מיינע ידיעות דערקוויקט און בארייכערט אויף ריזיגע נומערן, איז דער ציטער געמישט געווארן מיט פרייד אז מיר זיצן נעבן אזא אדם גדול.

מיר האפן צו ערפילען בשלימות דאס וואס מיר האבן אנגענומען און ערנסט אויספירן דער שליחות צו אלעמענס צופרידנהייט.

אי מלכא אנא - עד האידנא אמאי לא אתית לגבאי? (גיטין נ''ו א')

פאלט מיר איין א חקירה, וויאזוי מאכט די הנהלה זיכער אז די צוויי גבאים זענען טאקע צוויי אנדערע מענטשען?
כ'רעד נישט ספעציפיש, סתם בכללות.

עס איז מיר א כבוד אריינצוטרעטן אין די גרויסע שיך פון די וועלכע זענען געקומען פאר מיר, און ארויסהעלפן ככל יכולתי. כ'פארשפרעך צו ארבעטן ביושר ובצדק, און נישט אוועקגעטראגן ווערן מיט אייגענע נגיעות.

כ'ווייס נאך נישט פינקטליך מיינע רעכטן, אבער כ'וועל פרובירן ארויסצוהעלפן וועמען אימער מיט וואס איך קען.

לעיקוואד האט געשריבן:פאלט מיר איין א חקירה, וויאזוי מאכט די הנהלה זיכער אז די צוויי גבאים זענען טאקע צוויי אנדערע מענטשען?
כ'רעד נישט ספעציפיש, סתם בכללות.

די הנהלה ווייסט דורך די איי פי אדרעס.

הוא קעירס אויב ס'איז דער זעלבער מענטש, ווילאנג די ארבעט ווערט געטון.

און ביי דע וועי, לעיקוואד, דעס איז א פשוט'ע שאלה, נישט קיין "חקירה"

דיזע חודש אויסוויילן זענען סורפרייזענד משני הצדדים ,מצד אחד איז טאקע נישט צו פארשטיין ווי אזא חשובע ניק ווי ראובן באקומט ערשט יעצט דאס בענקל ומצד שני דער אנדערער בן בלי שם איז אויך א סורפרייז (אחוץ אויב ער איז פשוט איינע פון די הוקט אפ חברה'ס צווייטע ניק).

זאלן זיי ביידע האבען מוטשאס הצלחה.

איך אויך האט געשריבן:דיזע חודש אויסוויילן זענען סורפרייזענד משני הצדדים ,מצד אחד איז טאקע נישט צו פארשטיין ווי אזא חשובע ניק ווי ראובן באקומט ערשט יעצט דאס בענקל ומצד שני דער אנדערער בן בלי שם איז אויך א סורפרייז (אחוץ אויב ער איז פשוט איינע פון די הוקט אפ חברה'ס צווייטע ניק).

זאלן זיי ביידע האבען מוטשאס הצלחה.

בקיצור, אז מ'עוורעדזשד אויס ביידע אויסוואלן הערט זיך דאס יא ווי א נארמאלער אויסוואל.

גבאי הולך וגבאי בא והשטיבל במקומו עומדת....
געוואלדיג די אייגענארטיגקייט פון די מנהל מיט די חודש'ליכע גבאים... א נאבעלע ארבייט!
יש"כ
שלמה מלך ישראל

ווער סע מיינט אז סיז מער אזא כבוד זאך האט א טעות. די גבאים קענען דערציילען (נאך די חודש) אז סיז נישט אלץ אזוי גרינג. א סאך מאל מיז מען גיין צווישען טראפען אז יעדער זאל זיין צופרידען.

בציקער, סיז נישט א טייטעל וואס מע געט פאר די מער חשובע שרייבער. סיז א ארבעט. און סיז א ריזיגע העלפ פאר אונזערע פלאץ דא. א גרויסע ישר כח פאר אלע גבאים פון פריער און פון יעצט.

ר' נח בער איך זיי גראדע אז די ביסט ב"ה אן אקטיווע גבאי און די טוסט דיין דזשאב בנאמנות. און יישר כח פאר דעם

אבער איך וואלט געוואלט בעטן אויב ביסטו שוין יא דא פארוואס זאלסטו אונז נישט אביסל מהנה זיין פון דיין שרייב ווערק?

מיט כבוד און עהרע טוען מיר פרעזענטירן די גבאים פון חודש שבט:
ATUB @ברסלבער ATUB
ATUB @פישלע העררינג ATUB

דארף מען עפעס צולייגן ווען מ'רעדט פון אזעלכע קאנאנען?

מיר זענען זיכער אז די גבאי'שאפט פון די צוויי חשוב'ע חברים וועט צוגעבן צו די ניווא פון קאווע שטיבל, און זיי וועלן דינען אויף די פאזיציע בבינה ובהשכל, און ארויסהעלפן די טייערע חברים.

פיין שיין אבער פישעלע האט שוין געהאט א טוירן ,קען זיין ער האט געזאגט ער איז ערשטע אין ליין פאר דאבעלס.

ער איז נאך נישט געווען גבאי מיט זיין נייע ניק אנעם שטרעכל

עס איז מיר א כבוד און א זכי' אז איך קען צולייגן א האנט און ארויסהעלפן אונזער הערליכע ווינקל.
גאר אסאך האב איך שוין גענאסן פון שטיבל ביז יעצט, און ס'איז צייט עפעס צוריק צו געבן אויך.
ואני תפלה אז איך זאל בעזה"י מצליח זיין מיט מיין נייע אויפגאבע, אינאיינעם מיט מיין חשוב'ע קאלעגע פישעלע.

וואס איז מיט אונזער @ראשעקאל? מען טיילט שוין דאבעלס און ער איז נאכנישט גיוועהן?

איך קען נישט מאכן אזעלעכע ערענסטע דעסיזשענ'ס
באט שקויעך עניוועי

עס איז מיר א כבוד און א עהערע צו דינען אלץ גבאי חודש. ספעציעל ווען עס איז בשותפות מיט הרב ATUB @ברסלבער ATUB שליט"א, אן אמת'ע הוגה דיעות על דרך ישראל סבא, ואין למו מכשול.

דאס ערשטער מאהל אלס גבאי חודש האב איך אנערקענט די נחיצות הענין צו האבן גבאים. נישט חלילה צו מעקן, נישט חלילה צו ווארענען, נישט חלילה אומבאקוועם מאכן אן אנדערע. נאר מרבה צו זיין כבוד המקום אז עס זאל אנהאלטן צו זיין א "רואיג ווינקל צו שמועסן און פארברענגען".

יהי"ר שלא יצא מכשול מתחת ידי, ויתגדל ויתקדש שם שמים על ידי המקום הזה בחכמה בתבונה ובדעת.

מיט כבוד און עהרע טוען מיר פרעזענטירן די גבאים פון חודש אדר:
ATUB @יאיר ATUB
ATUB @מאטי ATUB

מיר זענען זיכער אז די גבאי'שאפט פון די צוויי חשוב'ע חברים וואס טיילן כסדר מיט זייערע געוואלדיגע כשרונות און ידיעות וועט צוגעבן צו די ניווא פון קאווע שטיבל, און זיי וועלן דינען אויף די פאזיציע בבינה ובהשכל, און ארויסהעלפן די טייערע חברים.

גאר אינטערעסאנט פאר'ן חודש פון פורים חודש אדר צו האבן מאטי (מרדכי הצדיק) בן יאיר פאר גבאי חודש.
בן קיש, יעצט געמיר א לייק