אה, אל האשכול הזה התכוונתי, שוין אפאר וואכן וואס איך דריי זיך ארום מיט'ן געדאנק צו שרייבן וועגן דעם שמואלי אונגאר'ן, און איך זע דער עולם זאגט ממש וואס איך האב געוואלט זאגן.
דער שמואלי אונגאר איז א נייער פונאמענאן, א דורכברוך, און לפענ"ד קען ער אנקומען צו די שטאפלען פון די גרעסטע שטערנ'ס בעולם הנגינה, אויפ'ן לעוול פון אברהם פריד וכו'.
ער ליגט אין עולם הנגינה, און ווען ער נעמט א חתונה, איז עס זיין לעבן, זיין אחריות, ער גיבט זיין גאנצע חיות פאר דעם דזשאב, און עס דערקענט זיך אויף יעדן חתונה באזונדער, ס'איז נישטא נאך א זינגער אויף די מארקעט וואס הייבט אזוי א חתונה ווי שמואלי! אויף יעדע ניגון עקסטער וועט ער ארויפלייגן א נייעם טוויסט, און בכלל, זיין וועג פון הייבן איז עפעס א חידוש וואס האלט מיר געפלעפט יעדעס מאל עקסטער, א קוועטש דא, א דריידל דארט, און דער עולם שפרינגט, מ'קען ממש נישט בלייבן שטיין און נישט מיטטאנצן, יעדער ווערט פארכאפט מיט התלהבות.
אקעי, קום אראפ בארואיג זיך, שוין געהערט אזאנס, יעיע, כ'קען אים שוין פינף יאר, און איך זע ווי ער וואקסט יעדן חודש מער און מער, עד כדי כך אז איך בין פון זיינע גרעסטע פענ'ס, און מארק מיי ווארדס ער גייט אנקומען צו די העכסטע שטאפלען.
אביסל וועגן דעם אונגאר'ן:
ער זינגט טאקע אין שירה, אבער גאר ווייניג, און ער זינגט נישט אין פרדס פיגא, ווייל זיי זענען א תקנות זאל... ער האט ממש יעדע נאכט א חתונה, פון לעיקוואוד ביז מאנרא, איבעראל רופט מען אים... מיט שירה גייט ער געווענדליך נאר אויף שבתים אדער אויב פאלט אריין א נאכט וואס ער איז ליידיג, וואס דאן כאפן זיי זיך צו צונעם.
ער האט א גאר שטארקע שטימע, מיט א רעינדזש וואס גייט בערך ביזן הויעכן C (עפעס אזוי, כווייס נישט זיכער...)
ער האט א געוואלדיגע חן, מיט א שמייכל און א סענס אוו הומאר וואס מאכט פילן מענטשן באקוועם אין זיין געגנווארט, מענטשן ווערטלען זיך אז ער איז ווערד זיין וואג אין גאלד....
כווייס נישט ווי מוזיקאליש ער איז, ס'איז דא אסאך זינגערס וואס זענען מער מוזיקאליש ווי אים. זיין קונץ ליגט אין זיין ארויסהאבן א ניגון, ער שטודירט יעדן ניגון, ביז ער קען יעדן ווינקל דערפון, און ער זיצט באקוועם דערין ווי א קעניג אין זיין רויטן פאטעל...
ער האט אויפגענומען א פראדוסער - איינע פון די בעסטע היינט צוטאגס - נפתלי משה שניצלער, וואס נישט נאר ער ארבעט מיט אים אויף א קנאקעדיג אלבום, גיבט ער אים גיידענס און דירעקשאנ'ס אויף טריט און שריט, אזוי אז אלעס וואס ער טוט איז פראפעסיאנאל און אויסגעהאלטן, סיי פון א מוזיקאלישער שטאנדפונקט און סיי פון א מארקעטינג שטאנדפונקט.
און יא, ער ארבעט אויף אן אלבום, פינקי, יאסי גרין, און די אלע חברה... אבער ער ארבעט גרונטליך און רואיג, ער כאפט נישט קיין לאקשן, און מאכט זיכער אז ס'זאל זיין כולו ממתקים וכולו משמנים, מלא וגדוש מיט חידושים וואס וועט זיכער מאכן אז ס'איז א פראדוקט שהכל גומרין עליו את ההלל.
יוי, איך רעד שוין צו סאך. איין זאך קען איך זאגן
ימים ידברו...