א פרישע געגענט פאר חסידים קיין ארץ ישראל

בעזרת השם יתברך שמו
פרייליכע נייעס!

מיר האלטן אינמיטן פארמירן א גרופע פון חסידים, איינוואוינערס פון ניו יארק און דער אומגעגנט, אויפצושטעלן א נייע אמעריקאנער-חסיד'ישע ישוב-קהילה אין ארץ ישראל

אין א נייער געגנט וואס האלט אין די טעג אינמיטן אויפגעבויט ווערן אינמיטן דעם פראכטפולן ישוב גבעת זאב אין די בערג ארום ירושלים עיר הקודש.

1.די גרופע איז פארגעצויגן פאר יונגעלייט-משפחות אין די יארגענג פון 20 ביז 40.
2.הערליכע, גרויסע, רחובת'דיגע, לופטיגע הייזער, געבויט אויף אן אמעריקאנער סטיל.
3.היימישע מוסדות חינוך פאר די קינדער וועלן אויפגעשטעלט ווערן אויפ'ן פלאץ.
4.א ספעציעלע ארגאניזאציע וועט בייהילפיג זיין צו פארזארגן יעדן פון דער קבוצה מיט פאסיגע און גוטע פרנסות.

פאר מער דעטאלן ביטע קאנטאקטן די אדרעסן אנגעגעבן אינעם בייגעלייגטן מודעה.

טאקע שוין נישט דא קיין לאנד אין מדינת ישראל וואו צו בויען אז מען זאל דארפן בויען אין די אקופירטע געביטן?

ס'איז טעכניש טאקע אין די (אזויגערופענע) אקופירטע געביטן, אבער ס'איז גארנישט אנדערש פון אנדערע געגענטער כגון רמת שלמה, ביתר וכדומה, וואו א גרויסע ציבור היימישע אידן וואוינען. און ווי אחד הרבנים האבן זיך אויסגעדריקט, "ס'איז שטיל דארטן.

ס'איז נאר זעקס מאל אזוי טיף אריין אין די אקופירטע געביטן ווי רמת שלמה (און מן הסתם צען מאל אזוי ווייט פון די צענטער שטאט ווי ר"ש), און יא, רמת שלמה איז טאקע אויך אין די אקופירטע געביטן.

(אגב, וואס מיינט דאס 'אזויגערופענע' אקופירטע געביטן? עס איז נישט קיין חלק פון מדינת ישראל (עס איז קיינמאל נישט געווארן אנעקסירט דורך די מדינת ישראל פארליאמענט) און ווערט פאקטיש קאנטראלירט דורך מדנ"י).

איבער ביתר איז א לענגערע שמועס, נישט פאר יעצט.

מיין פראגע אויב איז טאקע נישט דא קיינע שטחים צו בויען אין מדינת ישראל זעלבסט אז מען בויט דווקא אויף לאנד וואס וועט אויפרעגן די מערב וועלט איז בכלל נישט פארענטפערט.

פראיעקטן אין די געגענט

גבעת זאב החדשה - אגן האיילות
m https://www.youtube.com/watch?v=uQ0LeyLMErk m
m https://www.youtube.com/watch?v=ViQqFzJUWnM m

רמת גבעת זאב
m https://www.youtube.com/watch?v=Lbj45tmcpvU m
m https://www.youtube.com/watch?v=QWzw7ocOyLo m

גבעת זאב
m https://www.youtube.com/watch?v=rAkLlFBjdZ4 m
m https://www.youtube.com/watch?v=6g-HAEguiJk m
m https://www.youtube.com/watch?v=phHFp45sVA8 m
m https://www.youtube.com/watch?v=1RSkROaQ8NA m
m http://www.bhol.co.il/article_old.aspx?id=66058 m

עס מאכט טאקע נישט קיין סענס צו קויפן א הויז אין א פלאץ וואס וועט אויסגעריסן ווערן ערגעץ אין די נעקסטע דרייסיג יאר. איך פארשטיי אויך נישט דער אויפטו מיטן מאכן אמערעקאנער סטייל הייזער. אויף דעם קען איך דאך בלייבן אין אמעריקא. וואס איז שלעכט מיט ארץ ישראל'דיגע הייזער?


.

גבעת זאב איז אן אלטע שטאט וואו עטליכע טויזענט פרומע, פרייע אידן וואוינען שוין דארט יארן צוזאמען, ס'איז בדרך הטבע נישט אפן פאר דעבאטע אז מד"י זאל דאס אמאל צוריקגעבן אין פאל פון א רוקצוג, פונקט ווי מאה שערים.

וואס איז געשען די לעצטע צוויי יאר , די שכונה האט זיך ארויסגעצויגן עטוואס אינדרויסן פון דעם צענטער און באקומען אן אינציאטיוו פון די ממשלה צו בויען פארגעצויגן בלויז פאר פרומע.

די מודעה טוט אפעלירן פאר די משפחות וואס זוכן באמת צו גיין וואוינען אין א"י נאר קענען נישט טרעפן א פאסיגע געגענט.

ס'איז נאך לעת עתה נישטא א חסידישע געגענט פאר אמעריקאנע אפשטאמיגע, וואס זענען צוגעוואוינט צו אן אנדערע סארט מענטעליטי און רעדן יודיש מיט ענגליש.

די איינציגע אפציע יעצט איז אין די גרעסערע שטעט ווי עס איז שווער צו טרעפן א גרויסע ביליגערע דירה אדער הויז ווי עס איז מעגליך מער ארויסציער.

גבעת זאב איז נישט ווייט פון ירושלים דערפאר האט דאס די אלע מעלות פון די גרויסע שטאט (מוסדות, געשעפטן, ביזנעסער וכו') אבער פאר אסאך ביליגער און לופטיגער.

(די וואס זענען באזארגט וועגן די גרינע ליניע צוליב השקפה אדער פראקטיש קענען איגנארירן די מודעה און גיין צום נעקסטן אשכול.)

וועלן די מוסדות נעמען געלט פון די מדינה?

פליקער האט געשריבן:וועלן די מוסדות נעמען געלט פון די מדינה?

נע, חס ושלום!!!!!!!

וואס דען? ווער נעמט נישט??? יעדער נעמט.

לגבי מוסדות לכאורה שיקט מען אריין מיטן אוטובוס קיין ירושלים איש על מחנהו ואיש על דגלו.

פליקער האט געשריבן:וועלן די מוסדות נעמען געלט פון די מדינה?

זיי האבן שוין גענומען. דער גאנצער רעיון איז נאך אן אויסדרוק פון שרעקליכע התגרות באומות וואס דער ראש הכופרים בנימן נתניהו (שר"י עפ"ל ארנדז"ש, וכו') פראקטיצירט. הרב סענדער דער דייטש זכותו יגון עלינו וואלט דאס אנגערופן ..."ווילקירליכע מעשים פון די "פרומע" ציונים"...! אזוי ווי רבינו הגה"ק מהר"א שליט"א האט שוין כמה פעמים גערעדט פון די עניינים מנהמת ליבו הטהור...
אין מדינת ישראל איז אלעס אסור. און ס'הייסט התגרות באומות. משא"כ אין עיר הקדושה קר"י איז אלעס מותר. אפילו צו אנעקסירן שטחים. און ס'האט נישט קיין דין פון התגרות באומות...!

בערל... אדער שלינג אראפ אדער שפיי אויס. דער ביין אין האלז אזוי לאנג איז א סכנה זיך צו דערשטיקן.

שמעקעדיג האט געשריבן:בערל... אדער שלינג אראפ אדער שפיי אויס. דער ביין אין האלז אזוי לאנג איז א סכנה זיך צו דערשטיקן.

שמעקעדיג: איך שרייב נאר לפי שיטת אנ"ש דק"ק, וועלכע זעען אלעס מיט קריסטאל קלארע אויגן...ואין צורך לפורטם בשמותם כי ידועים הם...!

דאס מיין איך טאקע צו זאגן... ואין צריך לפורטם כי ידועים הם. חזר זיך איין די 6 ווערטער זאלסט עס קענען אויסנווייניג!!..

לאז רעב בערל רעדן. איך קוועל יעדעס מאל..

גם אני מצטרף אל פטר-גריפן. בערל האט א חן וואס נאר די בעל-עגלה'ס פון פארצייטנס האבן געהאט... מיך בענקט נאר צו די צענדליגער שמייכלען וואס ער פלעגט אריינשטעלן אין יעדער תגובה.

טאקע היא הנותנת, ווייל בערל האט א חן, וויל איך הערן נאך פון זיין אוצר מעשה'לעך. די אלטע זאכן קען איך שוין אין חלום ולא אמרינן רבנן בכפילא.

אדער קאן זיין אז ער איז שוין אזוי אלט אז ער פארגעסט גאר אז ער האט עס שוין אמאל געשריבן.

צוריק צום געגנט אין ארץ הקודש.

ברעקינג
מ'האט דארט געטראפן מענטשליכע ביינער

פון לעבעדיגע אדער טויטע?

דער נייער ישוב איז נישט ווייניגער רעאליסטיש ווי אלע אנדערע פלענער פאר נייע היימישע געגנטן. ס׳איז אין ארץ ישראל, אינדרויסן פון די דארטיגע היימישע עסטעבלישמענטס, און נאך אין דער מחיה נפשותדיגע לופט פון די מדבר יהודה בערג. מי יתן אז ס׳זאל זיך אויסארבעטן. איך וואלט עס זיכער גענומען אין באטראכט.

לידיעה, קארלין האט דארט א ישוב אין גבעת זאב מיט עטליכע צענדליגער משפחות און מוסדות, און דער רבי אליין האט דארט א דירה ווי ער וויילט אסאך בקרב חסידיו, הגם ס'יז א קליינע קבוצה וואס וואוינט דארטען.

1. פארוואס זאל איינער פון אמעריקע האבן אן אינטערעסע, צו פארן וואוינען ביז קיין ארץ-ישראל, אין א פארשטיפטע געגנט, וואס איז בחזקת ספק אז עס וועט זיך אויסארבעטן? - המבלי אין ישובים באמעריקע?

2. פארוואס בויעט מען דאס דוקא פאר אמעריקאנער? - פארוואס פארקויפט מען נישט אויך פאר ישראלים? - מאכט עס נישט א שטיקל רושם, ווי אז דאס קען מען מאיזה סיבה נישט פארקויפן פאר ישראלים, נוצט מען מענטשן פון די ווייט, זיי צו באזעצן דארט?

גבעת זאב גייט זיך אויסארבעטן ריגארגלעס צו די אמעריקאנער חסידים וועלן זיך אהינציען. די פרייז איז דארט מיטלמעסיג. די קארלינער האט דארטן איבער 150 משפחות. די רבי וואונט דארט. נאר ער פארט קיין ירושלים איין מאל אין פיר וואכן. אזוי אויך וויילט ער אין י-ם רוב ימים טובים. עס וואונען דארט טויזענטער משפחות פרומע אין פרייער. על פי רוב זענען די תושבים פרומער. עס איז א שפאן אוועק פון ירושלים.

חקרן האט געשריבן:המבלי אין ישובים באמעריקע?

די שאלה איז יורד ונוקב לחדרי בטן.

חקרן האט געשריבן:1. פארוואס זאל איינער פון אמעריקע האבן אן אינטערעסע, צו פארן וואוינען ביז קיין ארץ-ישראל, אין א פארשטיפטע געגנט, וואס איז בחזקת ספק אז עס וועט זיך אויסארבעטן? - המבלי אין ישובים באמעריקע?

2. פארוואס בויעט מען דאס דוקא פאר אמעריקאנער? - פארוואס פארקויפט מען נישט אויך פאר ישראלים? - מאכט עס נישט א שטיקל רושם, ווי אז דאס קען מען מאיזה סיבה נישט פארקויפן פאר ישראלים, נוצט מען מענטשן פון די ווייט, זיי צו באזעצן דארט?

גוט האסטו געפרעגט הרב חקרן ואענה לשאלתיך

די אינטערעסע צו גיין וואוינען קיין ארץ ישראל איז מערערע, א חלק פון די סיבות איז:

כדי מקיים צו זיין מצות ישוב ארץ ישראל וואס איז שקול כנגד כל התורה כולו
ווייל די אלע רייכע נבואות און גוטע חזיונות פון אונזערע נביאים גייט פאסירן דארטן נישט אין אמעריקא
ווייל רוב כלל ישראל וואוינט שוין דארט
ווייל א יוד באלאנגט נאטורליך דארט צו וואוינען
ווייל א יוד האלט און איין בעטן איעדען טאג וקבצנו יחד מהרה מארבע כנפות הארץ לארצנו... ותוליכנו במהרה קוממיות לארצנו... והעלנו לתוכה... א.א.וו.
ווייל די רוחניות איז דארט אויף אסאך א העכערע ניווא ווי עס איז אין אמעריקא
ווייל אין גשמיות איז געשמאקער דארט צו וואוינען מען לעבט א פשוטער לעבן ווייל מ'איז צופרידן מיט ווייניגער.
אלטץ אן ענטפער צום דירות קריזיס, יא אין ניו יארק הבירה איז שוין ממש כלו כל הקיצין צו טרעפן א נארמאלע רחבות'דיגע דירה פאר אונטער $500k איז כמעט נישט שייך אפילו צווישן די בערג איז שוין שווער.

ס'איז נישט בחזקת ספק צו עס וועט זיך אויסארבעטן ס'איז ממש בחזקת וודאי, ווייל מ'וואוינט שוין דארט, ס'איז שוין פארהאן אפילו חסידישע שטיבלעך דארט מיט אלע אנדערע גשמיות'דיגע און רוחניות'דיגע צוגעהערן

דער דעוועלאפער איז גרייט פאר ביזנעס מיט סיי וועמען, נישט קיין חילוק ישראלים בריטים או אמריקאים, מ'האט געשתלדעט אז ער זאל געבן א געללעגנהייט פאר חסידים פון ניו יורק צו אינוועסטירן אין די קומענדע פראיעקט
וויל ער נאר טאקע זעהן א ליסטע פון וויפיל מענטשען זענען אינטערעסירט אויב איז דא אן עכטע ערענסטע פארלאנג וועט עס ווערן געמארקעטעט עקסקלוסיוולי פאר אונזער עולם

מען דארף אבער מער מסביר זיין וואס ווען וואו. מ'קען זיך דאך נישט אויפהייבן פון איין טאג צום צווייטען און איבערלאזן אלעס. זאגסט ס'איז דא פלענער וועגן פרנסות. קענסט מער ערקלערן?

וויפעל גייט קאסטען א הויז?
מען קען אויך דינגען?

קיינער זאל זיך ח"ו נישט אויפהייבן פון איין טאג צום צווייטען און איבערלאזן אלעס.
מען קען נישט שאקלען לולב מיט א משפחה
מען דארף מאכן נארמאלע השתדלות און פלענער

אלע פראגעס און דעטאלן וועלן ווערן ארומגערעדט מיט די אלע וואס שרייבן זיך איין ביים אנגעגעבענעם מספר און אימעיל

וויפיל א הויז וועט קאסטן (לכאורה צווישן $500-$350) און צו מען וועט קענען דינגען (לכאורה יא) ווענדט זיך אלעס וויפיל משפחות קויפן דירות, דאס וועט שטארק אפעקטן די פרייז וכו'
די זורח ארגעניזאציע וועט ארויסהעלפן מיט פארשאפן דזשאבס פאר די אלע וואס קויפן אדער דינגען דירות ביי די פראיעקט כל אחד לפי הטאלאנטען שלו

נאר קלארצושטעלען פארן עולם מען רעדט נישט פון גבעת זאב ממש נאר פון גבעת זאב החדשה (אגן האיילות) וואס איז מחובר צו גבעת זאב אבער ס'איז אן עקסטער געגענט
(5 מינוט צו פארן מיט אן אויטא פון גבעת זאב, אדער א האלבע שעה צו גיין)

עיין בהמפה המצורף

בנוסף צו אלע טעמים פון זורח, וויל איך מוסיף זיין א פראקטישער טעם. איינער וואס וויל אוועקמופען פון וויליאמסבורג ווייל ער זיכט א מער אפענער אידישקייט, איז היינט צו טאגס מאנסי נישט קיין אפציע, די מוסדות נעמען נישט אן, און תקנות זענען נאך הארבער דארט ווי אין שטאט, משא"כ ישראל, דער קיבוץ גליות דארט ווי יעדער מין איד איז עקסעפטעט באשר הוא שם, ווי אויך דער ספיריטואלטי אין אידישקייט וואס הערשט דארט איז עפעס א מין ימות המשיח וואס האט נישט זיינס גלייכן ביי אחינו שבגולה.

בכלל די וואס מיינען אז ישראל איז עפעס א צוריקגעשטאנענער פלאץ וואס חוץ סלטים און פלאפל איז גארנישטא דארט אינו אלא טועה, אינדרויסען פון די מאה שערים געטא לעבט מען א עולם הזה נאך בעסער ווי אין אמעריקע, נאר וואס דען א גרויסער חסרון איז אז די קאסט אף ליווינג איז טייערער ווי אין אמעריקע. העמער הערן וואס זורח האט אויף דעם צו ענטפערן.

די קאסטן זענען טייערער פאר א טוריסט וואס באזוכט דארטן אויב וויל ער א סטאנדארד צוגעפאסט צו זיין חו"ל'דיגער לעבנס שטייגער. משא"כ אן איינוואוינער האט פיל מער אפציעס איינצוהאלטן דעם פאסיק, וויבאלד די מענטאליטעט פון דעם אר"י'דיגער ציבור פארלאנגט נישט אזא הויכע סטאנדארט וואו אין אמעריקע.

ראש הישיבה האט געשריבן:

פליקער האט געשריבן:וועלן די מוסדות נעמען געלט פון די מדינה?

נע, חס ושלום!!!!!!!

וואס דען? ווער נעמט נישט??? יעדער נעמט.

יעדער "וויל" נעמען, זיי גיבן נאר נישט..

בקיצור, אויב וויל א אמעריקאנער עולה זיין, דארף ער זיין גרייט איינצוציען דעם פאסיק, און לעבן א ארימערער לעבנסשטייגער ווי ער איז געוואוינט? אויב יא דאן איז ביליגערע דירות דארט ווי דא, א גאר קליינע נחמה.

ער מוז נישט, ער קען לעבן ווי אזוי ער וויל, אבער ער האט די אפציע פטור צו ווערן פון א אסאך אומנויטיגע הוצאות וואס ווערן דא אויסגעגעבן בלויז ווייל "יעדער טוט אזוי"

כמאטי ועוד: זייער א סך פון אונזערע הוצאות דאהי זענען זאכן וואס מיר טוען אויטאמאטיש אן טראכטן דערוועגן און נאר ווייל דאס איז דער איינגעשטעלטער סטאנדארט. אין ארץ ישראל, בפרט אינדרויסן פון די אלטע היימישע געגנטן, עקזיסטירט דער באגריף כמעט נישט, און יעדער פירט זיין לעבן אזוי ווי ער פארשטייט. דאס אליין איז א מין חירות וואס איז שווער צו באגרייפן פאר מען איז עס טועם.

זורח האט געשריבן:

חקרן האט געשריבן:1. פארוואס זאל איינער פון אמעריקע האבן אן אינטערעסע, צו פארן וואוינען ביז קיין ארץ-ישראל, אין א פארשטיפטע געגנט, וואס איז בחזקת ספק אז עס וועט זיך אויסארבעטן? - המבלי אין ישובים באמעריקע?

2. פארוואס בויעט מען דאס דוקא פאר אמעריקאנער? - פארוואס פארקויפט מען נישט אויך פאר ישראלים? - מאכט עס נישט א שטיקל רושם, ווי אז דאס קען מען מאיזה סיבה נישט פארקויפן פאר ישראלים, נוצט מען מענטשן פון די ווייט, זיי צו באזעצן דארט?

גוט האסטו געפרעגט הרב חקרן ואענה לשאלתיך

די אינטערעסע צו גיין וואוינען קיין ארץ ישראל איז מערערע, א חלק פון די סיבות איז:
[list]
כדי מקיים צו זיין מצות ישוב ארץ ישראל וואס איז שקול כנגד כל התורה כולו
ווייל די אלע רייכע נבואות און גוטע חזיונות פון אונזערע נביאים גייט פאסירן דארטן נישט אין אמעריקא
ווייל רוב כלל ישראל וואוינט שוין דארט
ווייל א יוד באלאנגט נאטורליך דארט צו וואוינען
ווייל א יוד האלט און איין בעטן איעדען טאג וקבצנו יחד מהרה מארבע כנפות הארץ לארצנו... ותוליכנו במהרה קוממיות לארצנו... והעלנו לתוכה... א.א.וו.
ווייל די רוחניות איז דארט אויף אסאך א העכערע ניווא ווי עס איז אין אמעריקא

די אלטע תירוצים וואס דו האסט געברענגט ביז אהער, איז ריכטיג פאר א איד, אבער נישט פאר אן "אמעריקאנער" איד, ודו"ק, אין אמעריקע ווייסט מען בלויז פון פרעס און לוקסוס, קיינער גיבט נישט קיין ... אויף רוחניות, א איד באלאנגט דארט, גוטע חזיונות...

זורח האט געשריבן:אלטץ אן ענטפער צום דירות קריזיס, יא אין ניו יארק הבירה איז שוין ממש כלו כל הקיצין צו טרעפן א נארמאלע רחבות'דיגע דירה פאר אונטער $500k איז כמעט נישט שייך אפילו צווישן די בערג איז שוין שווער.

מאנכע האבן שוין ערווענט ברמיזה און אפן, אז אין ארץ-ישראל איז פונקט אזוי פאראן א מאנגל, בשעת אין אמעריקע איז אויך פאראן די מעגליכקייט צו בויען, נאר מאיזה סיבה ווערט נישט געבויעט נאך געהעריגע שטעט, א ווייטאג פאר זיך, וכאן הקושיא הדרה לדוכתיה, פארוואס זעט מען נישט צו מאכן עפעס אין אמעריקע, אנשטאט זיך אויפהייבן מיט קינדער און רינדער גיין וואוינען אין ארץ-ישראל?

זורח האט געשריבן:ווייל אין גשמיות איז געשמאקער דארט צו וואוינען מען לעבט א פשוטער לעבן ווייל מ'איז צופרידן מיט ווייניגער.

דאס איז שוין א חשבון, אבער נאר פאר איינער וואס האלט באמת ביים איינציען דעם פאסיק. פילע אמעריקאנער זענען לגמרי נישט גרייט צו הערן דערפון.
מאידך גיסא; קאסט טאקע דאס לעבן דארט ביליגער? - איך וויל דאס צולייגן, מעדיקעיד איז פאראן דארט געהעריג? - סעקשן 8? - פוד-סטעמס? - וויפיל איז די טעקס דארט? - מען דארף צוזאמענרעכענען איינס פאר איינס און זען צי עס איז טאקע ביליגער. אפשר בין איך נישט גערעכט, אפשר אחרי ככלות הכל איז טאקע דארט ביליגער, אבער מען דארף דאס נעמען אין חשבון.

אלס איינער וואס האט א שטארקע אינטערעסע אין דעם פראיעקט, ערווארט איך א תשובה פון זורח (אדער פון אנדערע חברים וואס קענען דערויף ענטפערן).

...
כוכבא האקט:
לויט דיינע ווערטער, איז דער פלאץ געאייגנט פאר אזא איינער וואס איז גרייט אויפצוהויבן די גאנצע פאמיליע און טוישן לייף-סטייל, מוסדות מיט אלעס, נישט וועגן פינענשל אדער באקוועמליכקייט, נאר בלויז אויף צו האקן א חיים טובים. קען זיין.אינטערעסאנט.

למען האמת, איך האב זיך איינגעשריבן אין דעם פראיעקט, צוליב מיינע פערזענליכע סיבות פארוואס איך וויל אהינגיין, אבער איך פראביר צו פארשטיין דעם אלגעמיינעם אמעריקאנער, אדער די ישראלים וואס טראכטן אז עס איז פאראן א דימענד פאר אמעריקאנער דערויף, אויף אזוי ווייט אז מען האט זיך איינגעבעטן ביי די בעלי-בתים אז זיי זאלן דאס לאזן פאר אמעריקאנער.

פארוואס זאל א געווענליכער אמעריקאנער וועלן אהינגיין?

רוחניות מוז נישט מיינען אידישקייט. איך וואלט כולל געווען הנאה און סיפוק החיים, און דאס איז דארט דא אין אן אומפארגלייכליך גרעסערער מאס ווי דאהי.

ארויפגיין קיין ארץ ישראל פאר מיר פילט זיך נאטורליך. כ׳בין דא ווייל דא האבן מיינע זיידעס געלאנדעט, אבער דאס איז נישט וואו איך באלאנג און וויל זיין. ארץ ישראל איז מיין היים, נישט נאר ווייל כבין א איד, נאר ווייל דאס לעבן דארט איז פיינע נייעס

בר-כוכבא, איך האב דיר געענטפערט אין די פריעדיגע תגובה.

חקרן, ווי איך פארשטיי איז דיין פערזענליכע בליק אויפן לאנד גענוי ווי סיי וועלכע אנדערע לאנד אויפן כדור הארץ, ביסט בארעכטיגט אזוי צו האלטן, אבער דו וואלסט פארשטאנען אז ס'דא אידן וואס קוקן אויף אר"י מיט אן אנדערן בליק ווי דיר, בנוסף צום פאקט אז ס'איז פארהאן א מעגליכקייט פאר ביליגע דירות, און צום דאזיגן עלעמענט אפעלירט מען דא.

מאטי טייערער: איך קען דיר נישט זאגן וויפיל איך האב ליב ארץ-ישראל, איך האב דארט געלערנט דריי יאר און זיך מחיה געווען דארט, מיט די רוחניות ווי מיט די גשמיות. ביז היינט שפיר איך זיך באקוועמער אין ישראל ווי אין אמעריקע. איך בין טאקע פון די וואס האבן זיך איינגעשריבן אין דעם פראיעקט, איך האב אבער פארשידענע פערזענליכע סיבות פארוואס איך טוה עס. מיט מיין אהבה צו ארץ-ישראל, ווייס איך נישט צי איך וואלט אויפגעהויבן א שטוב מיט פינף קינדערלעך, אריינגעגעבן אין מוסדות, אויפגעשאקלט דאס גאנצע שטוב, בלויז פאר ליבשאפט צום לאנד. ביליגקייט איז אויך נישט קיין סיבה, דען פארוואס גייט איר נישט וואוינען קיין בלומינבערג אדער לעיקוואד? - און ווי שוין ערווענט, איז דאס לעבן אין לאנד נישט ביליג, עס איז נישט פאראן די פראגראמען וואס עס איז דא אין אמעריקע. אדרבה, דו האלסט אז עס איז יא ביליגער? - שרייב, ברענג הוכחות, וויפיל מיין פען און פעיפער ווייזט, איז דאס בכלל נישט מוכרח.

מיין שאלה איז דעריבער נאכאמאל: פארוואס זאל אן אמעריקאנער איד, מיט א משפחה מיט קינדער, זיך אויפהויבן און אלעס אויפגעבן למען קדושת ארץ-ישראל?

איך קען דיר נישט ענטפערן. איך האב גערעדט פאר זיך און מיין מהלך המחשבה איז ווי מאטי. איך וויל עס און ווייס נאכנישט וויאזוי איך וועל זיך ספראווען מיט די אויסגערעכנטע (און נאך וואס דו האסט נישט אויסגערעכנט) קאמפליקאציעס. איך ווייס אבער וואס איך וויל און האף אז כ׳וועל טרעפן א מהלך פאר אלעם.
אגב, איז מופן קיין ארץ ישראל נישט מיט קיין סך ווייניגער לאגיש ווי אונזער מהלך החיים דאהי

ריפטס מיר ווען עטס האטס שוין צען, אקעי!!!

חקרן האט געשריבן:מיין שאלה איז דעריבער נאכאמאל: פארוואס זאל אן אמעריקאנער איד, מיט א משפחה מיט קינדער, זיך אויפהויבן און אלעס אויפגעבן למען קדושת ארץ-ישראל?

חקרן טויזענטער אמעריקאנער יודן לאזן אפ גרעסער שוואוילטאגן ווי דער עווערידזש היימישער חסיד קען זיך ערלויבן שלא במאמר המוסגר און זענען עולה צום הייליג לאנד ווי לדוגמא גרויסע פענסי הייזער, מאוויס, ספורטס טיעמס, וכו' וכו'

נפש בנפש האט זייט 2002 למספרם שוין ארויפגעברענגט איבער 20,000 יודן אמעריקאנע מער מאדערן געשטימטע יודן, אויבענאויף זענען זיי דאך מער איינגעטונקן אינעם גלות קולטור טאפ פון אמעריקא ווי די פרומערע איז פארוואס לאזן זיי דאס אלעס אפ און גייען צו עפעס א ווילד פרעמד לאנד אין מיטל מזרח?

פשוט ווייל עס איז נישט פרעמד, ביי איעדען יוד טיף אין הארץ פלאקערט א פלאם פייער פאר ארץ ישראל, נאכן דאווענען און בעטן שתעלנו בשמחה לארצנו פאר קרוב צו 2000 יאר האט דאס איבערגעלאזט א שטארקן רושם טיף אין די ביינער.

איי פארוואס גייען נישט מער? טאקע א גוטע פראגע אפשר זענען די הערצער אנגעלייגט מיט צופיל שטויב? אפשר כאפט נישט איעדער ווי געשמאק עס איז צו לעבן אין א יודיש לאנד (ווי מען דארף לכתחילה נישט ארבעטן חול המועד לדוגמא)? אפשר האט מען אונז אנגעגעסן מיט א פעסטע דיאטע פון שנאת הארץ? או משום איזה סיבה אחרת שלא יהיה, למעשה איז די קשיא נישט אויף דעם וואס גייט יא, נאר אויף דעם וואס כאפט נישט פארוואס ער זאל בכלל וועלן גיין.

אט איז א דוגמא פון אן ארטיקל אין ענגליש וואס ברענגט ארויס די צוגעבינדענקייט וואס יודן האבן צום לאנד:http://unitedwithisrael.org/why-american-jews-are-making-aliyah/

ס'איז פארהאן אויף די וואלקענעס נאך צענדליגער אזוילכע ארטיקלען און בלאגס פון אלע שיכטן יודן.

ר' יהודה הלוי איז נישט געווען דער איינציגער משורר וואס איז געווען צודרייט מיט ליבשאפט פארן לאנד, ס'איז א נארמאלע יודישע געפיל, ווי זאגט ר' משה וואלפסאן זאל געזונט זיין לאויוש"ט: "א יוד וואס ברענט נישט אין אים קיין ליבשאפט צו ארץ ישראל איז נישט געזונט אויפן מאגן ער דארף גיין פאר א באזוך צום דאקטאר" קוק אריין אביסל אין מדרש רבה וזאת הברכה די ליבשאפט פון רבינו משה צום לאנד, איעדע יוד האט אינזיך כאטש א מקצת שבמקצת דערפון.

זורח האט געשריבן:קיינער זאל זיך ח"ו נישט אויפהייבן פון איין טאג צום צווייטען און איבערלאזן אלעס.
מען קען נישט שאקלען לולב מיט א משפחה
מען דארף מאכן נארמאלע השתדלות און פלענער

אלע פראגעס און דעטאלן וועלן ווערן ארומגערעדט מיט די אלע וואס שרייבן זיך איין ביים אנגעגעבענעם מספר און אימעיל

וויפיל א הויז וועט קאסטן (לכאורה צווישן $500-$350) און צו מען וועט קענען דינגען (לכאורה יא) ווענדט זיך אלעס וויפיל משפחות קויפן דירות, דאס וועט שטארק אפעקטן די פרייז וכו'
די זורח ארגעניזאציע וועט ארויסהעלפן מיט פארשאפן דזשאבס פאר די אלע וואס קויפן אדער דינגען דירות ביי די פראיעקט כל אחד לפי הטאלאנטען שלו

זורח: למשל איך האב א טאלאנט צו שרייבן שטותים און אויסדרוקן מיין בויך-ווייטאג אויף קאווע שטיבל....וועט זיין א וועבסייט אין ארץ ישראל וואו מ'וועט קענען טון די זעלבע זאך....אאפס...פאר שרייבן מיינע שטותים באצאלט מען נישט...

זורח, איך שטוין פון די זאכליכע און שכל'דיגע ווערטער אין יעדעס איינס פון די תגובות. את חטאי אני מזכיר אז כ'האב גערעכנט זורח אלס אן אידעאליסטישע ארגאניזאציע וואס האט נישט קיין פוס אין דער פראקטישער וועלט. דער אשכול איז א הערליכער טריט! ירבו כמותכם בישראל.

כ'מיין אז ווען מיין אשת-חיל וואלט צוגעשטימט וואלט איך געמאכט דעם למעשה'דיגן טריט (אזוי דאכט זיך מיר בכל אופן), אבער דערווייל זע איך נישט וויאזוי דאס זאל זיך טוישן אינעם עתיד. איך גלייב אז איך בין נישט דער איינציגער, אסאך אנדערע וואלטן געפארן קיין ארץ-ישראל וואוינען ווען נישט דעם אפהאלט פונעם ווייב. אפשר האט זורח א לעזונג צו דעם אויך?

פלאוויוס האט געשריבן:זורח, איך שטוין פון די זאכליכע און שכל'דיגע ווערטער אין יעדעס איינס פון די תגובות. את חטאי אני מזכיר אז כ'האב גערעכנט זורח אלס אן אידעאליסטישע ארגאניזאציע וואס האט נישט קיין פוס אין דער פראקטישער וועלט. דער אשכול איז א הערליכער טריט! ירבו כמותכם בישראל.

כ'מיין אז ווען מיין אשת-חיל וואלט צוגעשטימט וואלט איך געמאכט דעם למעשה'דיגן טריט (אזוי דאכט זיך מיר בכל אופן), אבער דערווייל זע איך נישט וויאזוי דאס זאל זיך טוישן אינעם עתיד. איך גלייב אז איך בין נישט דער איינציגער, אסאך אנדערע וואלטן געפארן קיין ארץ-ישראל וואוינען ווען נישט דעם אפהאלט פונעם ווייב. אפשר האט זורח א לעזונג צו דעם אויך?

פלאוויוס: איך מיין אז ס'דא א גמ' אין מסכת גיטין. אז אויב איינער וויל גיין וואוינען קיין ארץ ישראל און זיין ווייב וויל נישט מעג ער זיך גט'ן און חתונה האבן מיט אן אנדערע ווייב וועלכע וויל יא גיין וואוינען אין ארץ ישראל. און אויב נישט. האב איך עס אויף געמאכט. דאמאלס, יהי רצון ווי גלייך ס'שטייט אין די גמרא...

נ.ב.: כל האמור לעיל איז נאר געזאגט געווארן ליופי הדרוש. אבער למעשה דארף מען זיך נישט אזוי פיהרן...

יא, ס'איז א משנה (תצא בלא כתובה), אבער חלילה דאס אנצונעמען למעשה

כתובות ק"י עמוד ב'.

הוא אומר לעלות והיא אומרת שלא לעלות כופין אותה לעלות ואם לאו תצא בלא כתובה

היא אומרת לעלות והוא אומר שלא לעלות כופין אותו לעלות ואם לאו יוציא ויתן כתובה

היא אומרת לצאת והוא אומר שלא לצאת כופין אותה שלא לצאת ואם לאו תצא בלא כתובה

הוא אומר לצאת והיא אומרת שלא לצאת כופין אותו שלא לצאת ואם לאו יוציא ויתן כתובה:

.