דורך: חיים דוד דעסער – פועל גרופ
ס’איז דא אסאך בעלי בתים פון קאמפאניס וואס זוכן צו “הייערן” Salespeople. א סעילס-מאן איז דער “קעש-רעדזשיסטער” פון יעדע קאמפאני. דאס איז דער יסוד פון זייער אסאך קאמפאניס. אויב איז נישטא ווער ס’זאל פארקויפן דעם פראדוקט, האט מען עס נישט פארוואס עס אריינצוברענגען און צו מאכן; צי איז דאס א פראדוקט, אדער א סערוויס.
ס’איז דא עפעס אזא מהלך ביי בעלי-בתים וואס זיי טראכטן, אז ‘איך הייער א סעילס-מאן, וועל איך געבן גאר א קליינע וועידזש, און איך וועל אים געבן קאמישאן, פארוואס? איך וועל אים לאזן אויסהונגערן, און אויב וועט ער זיין אויסגעהונגערט, וועט ער דאך וועלן מאכן נאך געלט, און אויב וועט ער וועלן מאכן נאך געלט, וועט ער דאך וועלן גיין פארקויפן, און אויב וועט ער גיין פארקויפן וועט ער דאך מאכן נאך געלט”, און אזוי איז א גאנצע פשעטל אהער און אהין…
ס’איז באמת נישט קיין כלל. אונזער ערפארנוג פון אריינלייגן סעילס-לייט אין קאמפאניס, ווייזן אסאך א גרעסערע הצלחה אין די קאמפאניס וואס האבן יא געהאלטן ביים אינוועסטן אין א סעילס-מאן.
ממה נפשך – האט דער סעילס-מאן קוואליפיקאציעס? – איך רעד נישט פון איינעם וואס גייט זיין אַן “אינשורענס-עידזשענט”, וואס דער עידזשענט בויעט זיך ממש א ביזנעס פאר זיך, און ס’איז דא געוויסע קאמפאניס וואס גיבן כאטש זייער גוטע באונוס פעיקידזשעס;
אבער אז אינגערמאן זוכט פרנסה, און ער האט די כשרונות צו זיין א סעילס-מאן – מען דארף אינוועסטן אין א סעילס-מאן! וויפיל קאמפאניס געבן אויס הונדערטער טויזענטער דאללער פאר “מארקעטינג”! מען דארף פארשטיין אז א “סעילס-מאן איז א “Walking Marketer”! ער גייט אריין אין יעדן קאמפאני, און ער רעדט!
מען קען באצאהלן פאר “עדס” וואס קיינער קוקט נישט אן, קיינער ווייסט נישט דערפון; מען טוט מארקעטן און מארקעטן, און מען האפט אז פון יעדע אכט אדער פון יעדע צען, וועט אפשר איינס געלונגען! דער סעילס-מאן איז דאך אסאך בעסער, ער גייט ארויס יעדן טאג! זומער אין די היצן, און ווינטער אין די קעלט! און רעד יעדן טאג צו מענטשן וועגן די קאמפאני, ס’איז כדאי צו אינוועסטן!.
איר דארפט פארשטיין אז איר גיט אים דארטן צוויי-דריי הונדערט דאללער, ער קומט אהיים, מען דארף שבת מאכן, מען דארף באצאלן שכר-לימוד, מען דארף באצאלן די גראסערי, – סוף כל סוף, איין וואך, נאך א וואך, ווי לאנג קען מען לעבן אויף א “צוזאג”? און וואס וועט געשען, עס געשעט טקע אסאך מאל אז בשעת ווען ער ארבייט פאר אייך, האט ער די אויגן אפען און זוכט נאך אנדערע פלעצער וואו מען קען מאכן געלט. מיר האבן געזען פון ערפארונג, אז די קאפאניס וואס האבן יא אינוועסטעט אין “סעילס-לייט”, די זענען יא אנגעקומען בעסער.
אינוועסטן אין א “סעילס-מאן”