דעת בעל בית

קאלעקטן א חוב אין א אנדערע לאנד

קודם א גרויסן דאנק פאר אייער הערליכע ארבעט.
איך וואלט געוואלט פרעגן איבער א ענין וואס איך האב ממש נישט וועם צו פרעגן, און איך זע נישט קיין שום עצה, פילייכט האט איינער פון די פילע ליינער עפעס א עקספיריענס מיט אזעלכע זאכן.
איך בין א וועב דעזיינער, איך וואוין אין ניו יארק. איך האט געארבעט פאר א גוי אין ענגלאנד עטליכע מאל, ער פלעגט אלץ צאלן, איך פלעג אים טראסטן און געארבעט אן באקומען באצאלט פאראויס, נאר איך פלעג שיקן אינוואויסעס. און ער פלעגט אלץ צאלן פריער צו שפעטער.
למעשה איז ער געבליבן שולדיג א סומע פון צוויי טויזענט דאלער, און איך הער מער נישט פון אים, איך האב זיין קאנטאקט אינפארמעשאן, אבער וואס קען איך דא טון ווייטער? פארשטייט זיך אז איך האב נישט קיין געהעריגע שטר, נאר אימעילס אהין און צוריק.
איז דא עפעס וואס איך קען טון? עס איז טאקע נישט זייער אסאך געלט, אבער פאר מיר איז עס אסאך, און איך האב ביטער שווער געארבעט דערפאר (איך האב אים געגעבן גוטע פרייזן ווייל ער פלעגט נעמען אסאך ארבעט) איך וואלט זייער געוואלט עס זען צוריק.
אויב איינער האט עפעס עקספיריענס אין די נושא, ביטע לאזט זיך הערן.
יישר כח פון פאראויס.
י.פ., וומ”ס

ליינער קאמענטירן: איז קאמישאן געניג?

רעאקציעס צו די ארטיקל פון ר’ חיים דוד דעסער (אידיש געלט יתרו תשע”א) איבער די נושא פון צאלן א באשטימטע געהאלט פאר א סעילסמאן, חוץ קאמישאן:
זייער שיין געשריבן, מען זעט א רייכע עקספיריענס.
איך בין גראדע אין די מצב פון זוכען א סעילסמאן, איין נקודה פארהוילט איר זיך אבער, ווייסעך נישט צו בכוונה, צו פשוט פארגעסן, אויב איז ער יא אזא גוטע סעילסמאן, היתכן ער דערזעט זיך אן געלט צו שבת מאכן, ווי איז זיין קאמישן?
אלא מאי (דא דרייט מען מיט די פינגער) איז ער נישט קיין גוטע סעילסמאן, ממילא איז טאקע א שאד אים צו געבן וועידזשעס.
בין איך נישט גערעכט?
א.א.
איך בין פין די אנדערע זייט מטבע (א סעילסמאן) און איך קען אייך זאגן אז עס ליגט א שטארקע נקודה דערין, קודם כל עס איז דא פראדוקטן וואס דארפן זיך איינגעבן, און עס נעמט א לענגערע צייט ביז ווילאנג דער סעילסמאן קען אנהייבן צו ריקן סחורה אויף א גרויסן פארנעם, והשנית גארנישט גיבט נישט פאר אמענטש מער ‘פיעס אוו מיינד’ ווי א קביעות’דיגע געהאלט, און עס איז באמת א טובה פאר א בעל הבית אז זיין ארבעטעטר זאל זיין רוהיג און פריש ביי דער ארבעט.
(-)
האסט נישט געקענט בעסער ארויסברענגען. א סעיליסמאן איז נישט א מאשין, עס דארף ליגן אונטער אים אסאך קוראזש און פאזיטיווקייט. אויב הייבט מען אן מיט אזא מהלך “דו ברענג נאר נאכדעם וועלן מיר זען” איז דאס א גאר שלעכטע אנהייב און עס גייט נישט האבן קיין הצלחה.
ער דארף צוביסלעך אריינקומען אינעם פעלד פונעם פראדוקט וואס ער פארקויפט, און מען זאל זיך רישן אז ער וועט מאכן א שיין ביסל טעותים וואס דער בעה”ב וועט אביסל דערלייגן די הויזן, און נאכדעם הייבט אן צו קומען די געלט לרחצה.
אדרבה פרעגט די בעלי בתים פון אלע געלונגענע סעיליסלייט ווי פון אנהייב האט זיך זיי געדאכט אז זיי זענען אריינגעשפרינגען אין א אומגעלונגענע עסק מיט דעם סעיליסמאן. זיי האבן אבער נישט אויפגעגעבן אזוי שנעל, און זענען דעריבער אנקעומען צו שולחן עורך.
(-)
איך שטים מיט א א, איך זע נישט וואס די פשט פון צאלן א געהעריגע געהאלט פאר א סעילסמאן, מה נפשך טויג ער יא אדער טויגט ער נישט?
טויג ער, הרי טוב לשניהם, ובאם לאו איז דער בעל בית א צדקה קאסע?
די פוינט פון הרב דעסער אז ער וועט האלטן די אויגן אפען, איז אייביג שייך, איינער וואס טויג נישט האלט נישט אפען, ער פרייט זיך אז ער איז שוין ערגעץ, א טויגליכע מענטש וואס איז בטבע א שפרינגער וועט האלטן די אויגן אפען פאר א גוטע אפורטוניטי אייביג.
פארוואס דען נישט? האט ער דען געשריבן א חופה וקידושין מיט די ביזנעס? די בעל בית וועט דאך עם אויך ווארפען ווען ער וועט אים נישט דארפען, כך מנהגו של עולם.
צו צאלן וועכענטליך וועידזשעס נאר פאר דעם האט נישט קיין הענט און קיין פוס, כנלע”ד נכון וברור.
א.נ.ג. ב”פ

זוכט רעקאמענדאציע פאר וואקאציע

לכבוד בעל בית.
יישר כח פאר די אינהאלטסרייכע אויסגאבע.
איך האב געליינט לעצטענס די ארטיקל פון ר’ יואל קליין אז מען דארף זיך אמאל נעמען א וואקאציע און עס מיר אריין אין קאפ.
איך וואלט הנאה געהאט צו זעהן א באשרייבונג איבער אלע וואקאציע פלעצער וואס זענען געאייגנט פאר היימישע אידן. וויפיל איך האב נאר אנגעהויבן צו קלערן פון פארן אויף וואקאציע בין איך גענצליך צומישט געווארן פון אזויפיל אפציעס. מעגליך קען א ליינער מיט א שרייבערישע טאלאנט אויסרעכענען און מאכן א סך הכל פון די מעלות און חסרונות פון די אלע פלעצער וואס היימישע אידן פארן פאר וואקאציע.
יישר כח פארן אריינלייגן די שורות.
מ.ד. פאלקאוויטש

אינפארמאציע וועגן דרייוועיס

שלום וברכה.
איז דא א וועג וויאזוי אויסצוגעפונען אויב א דרייוועי איז רעגיסטרירט אלץ א לעגאלע דרייוועי, אז דער בעה”ב זאל קענען מיט זיין דרייוועי אפהאלטן אנדערע קארן פון פארקירן אין פארנט פונעם דרייוועי?
יישר כח פאר סיי וועלכע אינפארמאציע.
(-)

אלס איינער וואס ארבעט אין א גרויסע ביזנעס מיט אסאך סעלסלייט און איך טוע די קאמישאנס, קען איך אייך זאגן אלס ביידע זייטן זענען גערעכט. דער באלעבאס פארשטייט נישט פארוואס ער דארף עס געבן געהאלט און דער סעילסמאן פארשטייט נישט פארוואס דער באלעבאס וויל נישט געבן.
דער סעילסמאן דארף פארשטיין אז די ערשטע זאך דארף ער זיך סעילסען. די דארפס קאנווינסן דיין באס אז די קענסט אים ברענגן ביזנעס. דער באלעבאס וויל נישט ארבעטן אויף טרייעל ענד ערראר.
עס קאסט אפ גענוג די קאמישאן, פארוואס מאכן נאך עקפענסעס פון הייערען ארבעטערס און עגמת נפש פון אפזאגן ארבעטערס?
איי וועסטו פרעגן פון ווי דארף איך לעבן? די ענטפער איז, אזוי ווי יעדע אינוועסטמענט, מען דארף אינוועסטן, אמאל דארף מען בארגן צו אינוועסטן, און די פראפיט קומט שפעטער.

אז א סעילסמאן ווערט נישט באצאלט קיין געהאלט איז נישט די פוינט אז ער וועט האלטן די אויגן אפען פאר א אנדערע פלאץ, די ווארט איז, אז צו סעיל’ס דארף מען אדורך גיין זייער אסאך עקספיריענס ביז מען ווערט סוקסעספול, נישט קיין חילוק צו ער טויגט יא, אדער נישט, און אז ער הייבט אן אן געהאלט, קודם כל דארף ער זיין ביזי מיט בארגן געלט כדי צו קענען סערווייווען פאר די ערשטע האלבע יאר אויב נישט מער, ווייל ער האט אויך קינדער און ער צאלט אויך רענט, און צווייטענס, נישט נאר אז עס גייט אים נישט מאטיוועטען צו ברעגען סעילס נאר עס שוואכט אים אפ, ווייל איעדע ארבעטער אין א פלאץ דארף פילן אז די ביזנעס מוז אים האבן , און אז ער באקומט נישט קיין געהאלט פילט ער אז איז בכלל נישט וויכטיג און די ביזנעס, ווייל די ביזנעס האלט אים נישט ביים צאלן נאר עס גייט זיי נישט אן אז זיי האבן נאך א סעילסמאן עס קאסט דאך סיי ווי גארנישט פאר זיי, און אז מען געט געהאלט פילט ער אז די ביזנעס האלט ביים אינוועסטן געלט און אים ווייל זיי האלטן אז ער גייט זיין סוקסעספול און מיט די צייט וועט זיך דאפלען די אינוועסמענט פון די ביזנעס ווייל ער וועט אריינברענגען מער סעילס מיט זיין עקספיריענס און דאס אז אויב ער טויגט נישט איז א שאד אויף די געלט, דארף מען זיך מער אינטערעסירן אויף א סעילסמאן פאר מען נעמט אים אריין, די זעלבע וואס די האסט דיך נאכגעפרעגט אויף דיין מענעדשער, ווייל פאקטיש אן א סעילסמאן איז נישטא קיין ביזנעס

עס איז שטארקע נקודות סיי דער זייט פונם בעל הבית וואס האלט נישט ביים אינוועסטן דרייסיג אלפים אדער וויפיל, אין א מעגליכער דורכפאל, און סיי דער סעילסמאן וואס טענה’ט אז מען דארף האבן צייט אריינצוקומען אין די ליין, און די ערשטע שטיק צייט ביז מען שאפט זיך א שטיקל קאסטומער באזע, און ביז מען קען זיך שוין גענוג גוט אויס מיט די פראדוקטן, און בפרט איינער וואס האט נאך נישט קיין סאך עקספיריענס מיט סעיל’ס, דארף זיך נאך אביסל צורייבן מיט דעם וועג וויאזוי ער באהאנדלט קאסטומער’ס אדער פאטענציעלע קאסטומער’ס, און דורך די צייט האט ער נישט קיין אינקאם, ממילא הייבט ער אן מיט די לינקע פיס, ווייל עס דריקט אים די טאש, און ער האט נישט קיין קאפ צו זיין ביזנעס, אויסער דעם אפי’ ווען מען הייבט שוין יא אן מאכן געלט דויערט אסאך מאל א היפשע צייט ביז מען מאכט שוין גענוג אז מען זאל קענען באצאלן חובות וואס מען האט זיך אנגעמאכט אין דעם ערשטן יאר.
בקיצור עס איז א שאד זיך צו טענה’ן ווייל ביידע טענות זענען ריכטיג, און גערעכט איז ווי מיין טאטע זאגט אלעמאל, אז דו גייסט ארבעטן ביי אים איז יענער גערעכט, דער סעיל’ס מאן קען זיין הונדערט און איין פראצענט גערעכט אבער אז דער בעל הבית האלט אים נישט ביים צאלן קיין וועידזשעס און ער דארף דעם דזאב און ער נעמט עס אפי’ ער באקומט נאר קאמישן, דאן איז דער בעל הבית גערעכט, נאר ווי פלעגט דער רבי אין חדר זאגן וועסט בלייבן אן עם הארץ מיט א תירוץ, דער בעל הבית פארלירט פילע פאטענציעלע אויסגעצייכנטע סעיל’ס לייט וואס זוכן א בעסערן דיעל, און איינער וואס איז גרייט צו אינוועסטן אין א סעיל’ס מאן קען פיל בעסער מצליח זיין מיט א סעיל’ס מאן.
איך וואלט פארגעשלאגן, אין מיינע אויגן איז דאס די בעסטע לייזונג. אז די ערשטע פאר חדשים זאל מען אויסער די קאמישאן געבן א געהאלט אויך, לאמיר זאגן אז דער מענטש דארף פארדינען $3,000, גיב אים א געהאלט פון צוויי פאר די ערשטע זעקס חדשים אויסער די קאמישאן. און נאך זעקס חדשים אויב טויג ער דאן קען ער שוין מאכן גענוג געלט פון די קאמישאן, און אויב טויג ער נישט דאן זאל ער מוחל זיין זוכן א צווייטע ארבעט… (זעקס חדשים איז נאר א משל, זעלסטפארשטענדליך אז נישט יעדע פראדוקט איז אייניג, עס איז דא זאכן וואס מען דארף נישט געבן מער ווי צוויי דריי חדשים זיך אריינצורייבן, און עס איז דא זאכן וואס מען דארף האבן א יאר צוויי, יעדער דארף זיך אליינס אפשאצן).

אפשר וואלט געווען אינטערסאנט צו שרייבן פון די טעמע פון די דיספאנקשענעל באציאונגען וואס איז אין רוב ארבעטספלעצער צווישן באלעבאטים און ארבעטער. אין בין גרייט צו שרייבן אויף די טעמע, קען דאס אריינלייגן אין באלעבאס
ביטע ענטפערן צו מיין אימעיל אדרעסע

וועגן די שאלה פון י.פ. וומ”ס ווי אזוי מען געט זיך א עצה ווען איינער צאלט נישט.
עס איז דא אזא זאך ווי א קאלעקשאן עידזשענסי, איך ווייס נישט פונקליך וויאזוי עס ארבעט, לויט ווי איך פארשטיי קויפן זיי אפ דיין חוב פאר א קליינע סכום, און זיי פרובירן עס איינצומאנען, און די געלט גייט פאר זיי.
אבער אזוי בלייבסטו חאטש מיט עפעס, די פראגע איז צו זיי פארלאנגען פאפירען און ראיות אז יענער איז שולדיג, פרוביר זיך צו פארבינדן מיט אזא קאמפעני.
אויב איינער האט מער עקספיריענס זאל ער זיך מוחל זיין אנרופען.

ביטע פרובירט א צווייטן נאמען, איך בין אייך דן לכף זכות אז דאס איז אייער עכטע נאמען, אבער אלס והיתם נקיים, מענטשן זאלן אייך נישט בארעדן, ווייל עס איז נישט אזוי שיין צו טרייען צו נעמן. מיין איך אז עס איז א גוטע עצה .עדווענטעטש פון יענעםס פאפולעריטי.

איך בין דיר דן לכף זכות אז מן הסתם פאלט דיר נישט איין אז איך בין שוין דא פאר דיר, איך האב שוין געקאמענט די ערשטע וואך וואס די בעל בית איז ארויסגעקומען, פונדעסטוועגן איז מיר קיינמאל נישט איינגעפאלן צו האבן טענות אויף דיר פארן נעמען עדווענטזש פון מיין פאפולארעטי.
לצנות אין א זייט, איך מיין אז די ניקס זענען געניג אנדערש אזוי אז עס איז נישט דא קיין חשש אז מען זאל זיך פארמישן.

בקידה חמש מאות בעט איך באמת מחילה פון דיר. אזוי ווי הודאות בעל דין כמאה עדים, בלייב איך מיט דעם ניק און דער עולם וועט וויסן אז איז דא צוויי קלוגע מנחם’ס

א גוטע עצה ווי אזוי צו הענדלען
gMail אימעילס

בליקט דא
http://phandroid.com/2011/01/28/too-many-e-mails-on-your-android-gmail-alias-tricks/

זייער א גוטע טיפ מנחם, איך האב געוויסט פון פחלטערס, אבער נישט אז מען קען צולייגן א +.
עס איז זייער גוט צו טרעקן ווער עס געט ארויס דיין אדרעס צו ספעמערס, ווייל דו קענסט זען וועלכע אדרעס ער ניצט.