איך זעה אז דער עולם האט נישט פארשטאנען וואס איך האב געשריבן אין קאמענט נומער __ (מען וואלט שוין געמעגט מאכן נומערן אויף די קאמענט’ס), לויט מיין קליינעם שכל דארף דער “בעל הבית” האלטן א באזונדערע קאסע פאר די אנליין אויסגאבע, און פאר די פאפירענע אויסגאבע, אויב וויל דער “בעל הבית” ארויסגעבן אויך אויף פאפיר ווייל זיי שפירן אדער זיי קלערן אדער זיי הערן צוריק פון מענטשן (אזוי שרייבן זיי דאך אז זיי באקומען טעגליכע ווענדונגען) אז עס איז דא א פארלאנג דערויף (אזוי ווי אסאך האבן שוין דא מעיד געווען אז זיי וואלטן עס געקויפט אויב קומט עס ארויס אויף פאפיר), דאן זענען זיי ערלויבט אזוי ווי יעדע אנדערע ביזנעס צו מאכן א ביזנעס אינוועסמענט און פרובירן עטליכע חדשים ארויסצוקומען אויף פאפיר און זען אויב דער געשעפט לוינט, דאס דארף נישט האבן “קיין שום עפעקט” אויף דעם אנליין אויסגאבע. אזוי ווי זיי שרייבן קלאר אז זיי וועלן זען לויט וויאזוי די ערשטע אויסגאבע וועט גיין, און אז עס וועט נישט האבן קיין שום עפעקט אויף די אנליין אויסגאבע (זעט אויס אז אונזערע קאמענטער’ס האבן אין לויף פון דעם היציגן ויכוח פארגעסן וואס דער “בעל הבית” האט געשריבן, ביטע גיט’ס א ליין איבער דעם ארטיקל פארן רעאגירן).
במחילת כבודם פון יעדן איינעם (איך קען שוין נישט האלטן קאפ וועם צו ענפערן אויף וואס, וועל איך אלעס אנווארפן אויף איינמאל, און יעדער זאל ארויסנעמען וואס איז אים נוגע), דער בעל הבית וויל עס נישט דרוקן אויף פאפיר ווייל זיי זוכן צו כאפן נייע וועגן צו פארדינען געלט, נאר ווייל עס איז דא א פארלאנג דערויף, ממילא איז נישט קיין סברא צו זאגן אז מיר זאלן דערלייגן די צוגאבן וואס זיי ווילן לייגן אין די געדרוקטע אויסגאבע, והא ראי’ אז עס איז דא א גרויסע פארלאנג מען זאל עס דרוקן אויף פאפיר און עס מוז דאך זיין אז די וואס פארלאנגען עס ווייסן אז עס איז דא צובאקומען אומזיסט אויף אי-מעיל, און פארט ווילן זיי עס האבן אויף פאפיר, אויך איז נישט קיין סברא אז דער בעל הבית וועט מוזן איינציען די הוצאות אדער ארויפגיין מיט די הכנסות פון די אנליין אויסגאבע ווייל ווי געשריבן דארפן זיי צו האבן א באזונדערע קאסע פאר די צוויי אויסגאבעס, און עס איז נישט קיין שום סברא אז די אנליין אויסגאבע זאל דארפן דעקן די פאפירענע אויסגאבע וואס דעקט זיך נישט אליינס, אויב קאסט די פאפירענע אויסגאבע צופיל דאן וועט דער “בעל הבית” זיין געצוואונגען צו רעכענען מער געלט פאר אן עד אין די פאפירענע אויסגאבע, און אזוי אויך רעכענען מער געלט פאר דער וואס קויפט עס, און אויב איז דער קונה נישט גרייט צו צאלן אזויפיל געלט דערפאר, און דער געשעפט לוינט נישט דאן הערט מען עס אויף צו דרוקן.
איין רגע איך לויף שנעל איבער די קאמענט’ס קוקן וואס נאך מען דארף אדרעסירן (איך האף אז אינדערצווישן וועט זיך עס נישט אפמעקן אזוי ווי ביי …. א רגע לאמיר זען… יא, ביי PC guy)…..
דאס וואס כ”ץ טענה’ט אז א פורום קאסט געלט און עס איז נישט קיין אינקאם פאר דעם “בעל הבית” האט מען שוין אפשר צען מאל דערמאנט, אבער מען קען זאגן אז אזוי ווי דער “בעל הבית” שטעלט דאס צו אלץ באקוועמליכקייט פון די ליינער’ס אז מענטשן זאלן שפירן באקוועם איבערצובליקן די קאמענט’ס אן ווערן איבערגעהאקט מיט צען אנדערע נושאים אינדערצווישן, קען זיין אז מען קען עס רעכענען אזוי ווי א ביזנעס עקספענס… אויב איינער פארשטייט נישט וועל איך אפשר מער מאריך זיין, אבער איך האף אז ב”ה כולנו חכמים און מען פארשטייט וואס איך מיין…
מנחם’ס פארשלאג פון צולייגן אפדעיט’ס איין צוויי מאל א וואך איז א געשעפט פאר זיך, און איך לאז איבער פאר דעם “בעל הבית” צו באשליסן אויב אנצונעמען זיין פארשלאג אדער נישט.
וואס נפתלי שרייבט אז מען דארף נישט שפרינגען ווילאנג דא איז נאכנישט געהעריג מסודר, איז נישט ריכטיג אזוי ווי ער שרייבט אליינס, ווייל אויב קען א געדרוקטע אויסגאבע מצליח זיין פארוואס האט דער אנליין א דין קדימה פון די געדרוקטע, מען קען דרוקן אן אויסגאבע אפי’ דער אנליין איז שטארק נישט גוט, כ”ש אין אונזער פאל, ווי לויט מיין מיינונג איז דער אנליין גאנץ גוט צוגעשטעלט (איך האב נאר איין טענה, איין וואך האב איך נאכן אויסמעקן מיין “בעל הבית” פון מיין אינבאקס, געזוכט אויף דעם וועבסייט, די אויסגאבע פון יענע וואך און איך האב עס נישט געקענט געפונען, עס איז בכלל נישט בנמצא די אויסגאבע’ס אויף דעם וועבסייט, נאר אויב איר גייט נאך דעם לינק אויף דעם אי-מעיל וואס איר באקומט, איך האב עס געמוזט אויסגראבן פון גארביטש…, דער בעל הבית וואלט געמעגט געבן די מעגליכקייט פאר באזוכער אויף זייער סייט צו זען די אלע אויסגאבעס וואס זענען שוין ארויסגעקומען, כצורתן אזוי ווי מיר באקומען עס אין אינבאקס).
און דאס וואס מען טענה’ט אז אסאך מענטשן ווייסן נאך נישט דערפון, האב איך שוין לאנג צוריק געשריבן אין קאמענט נומבער __, אז ווען דער “בעל הבית” וועט ארויסקומען וועלן צוקומען נאך אסאך אידן צו אונזער קאווע שטיבל וכו’ כנ”ל, עיי”ש. און אזוי ווי איך האב שוין פריער געשריבן, דאס אז נאך אסאך מענטשן וועלן זיך סובסקרייבן אנליין, וועט גארנישט צונעמען פון די געדרוקטע אויסגאבע והא ראי’ אז די אלע וואס פארלאנגען עס יעצט צו זען געדרוקט ווייסן אויך פון דעם אנליין, און פארט איז דא אזא גרויסע פארלאנג עס צו האבן אויף פאפיר, אזוי ווי איך האב שוין געשריבן אנהייב פון דעם קאמענט נאר אזוי ווי דער קאמענט איז אזוי לאנג האב איך געוואלט מסיים זיין מעין הפתיחה אז מען זאל נישט פארלירן דעם המשך….