וואקאציע: נארט מיאמי

שטאט נארט מיאמי ביטש פלארידע
אכסניא ארויסגעדינגען פריוואטע דירה
בעסטע צייט געאייגנט דארט צו זיין פון פסח ביז סוכות
צייט אפשניט געאייגנט דארט צו זיין א וואך צוויי
וועם איז געאייגנט מיטצונעמען ווייב און גרויסע קינדער
צופרידנהייט

געגנט גאר גוט
פרייז כמעשה
טראנספארטאציע אנצוקומען אהין גאנץ גוט
אכילה שתיה לינה גאר גוט
ביהמ”ד און סביבה גאר גוט

כשר’ע עסן עטליכע געשעפטן וואס פארקויפן כשר’ע גראסעריס, ווי די אלטע “סאוט פלארידע” גראסערי, אדער די נייע ריזיגע “עמעיזינג סעיווינגס” וואס האט דארט בלויז א כשר עסן געשעפט.
און אלגעמיינע שאפינג ווי וואלמארט וכדו’ איז אויך דא דארט לרחצה, און עס בלויז מינוטן פון די באקאנטע “אוואנטורע מאלל”, און נישט ווייט פון די שיינע “וואטערוועיס”, און די גרויסע כשר’ע סופערמארקעט “שרה’ס טענט”.

בית המדרש און סביבה ס’איז דא בתי מדרשים און מנינים, מקוה וכדו’, און אויב וויל מען לערנען איז אויך דא פלאץ און היבש ספרים, ספעציעל אין “קהל חסידים”, ווי ס’איז די הויפט ווינקל פאר חסידישע אינגעלייט.
אויך איז דא דארט א חב”ד דערנעבן מיט מנינים, און א אשכנז’ישע “שערי תפילה ביהמ”ד” מיט א כולל.
חב”ד האלט ביים פארענדיגן דארט א נייע גרויסע בנין מיט ביהמ”ד און מקוה
וואקאציע סארט חוץ פון לערנען וואס איך האב פרובירט א גרויס חלק פון די צייט, און מיינע ביזנעס און אנדערע זאכן וואס איך האב מיטגענומען צו באשעפטיגן דארט.  איז דא דארט א “קאנאל”, א שיינער טייך וואס ציט זיך אויף א לאנגע שטרעקע, מיט א פארענדיגטע וואלק וועי דערנעבן, מיט שיינע פאלמען ביימער פון די זייטן, און עס זייער געשמאק דארט צו גיין שפאצירן און זיך אויסלופטערן.
בכלל זענען די גאסן גראד און לופטיג מיט הערליכע גראז און ביימער און גאר אנגענעם צו שפאצירן דארט.
וואס נאך? אין דעם שטאט איז דא א אידיש לעבן אגאנץ יאר, נישט נאר אין די ווינטער.
נאך א מעלה פון נארט מיאמי איבער אזעלכע שטעט ווי מיאמי ביעטש-סאוט ביעטש, פאלם ביעטש אד”ג, אז די גאסן זענען דא פיל זויבערער און מער אויסגעהאלטן ווי אנדערע גרויסע שטעט אין די ווארעמע מקומות.
אבער! עס איז אזוי שטיל דארט, אז אויב איינער פארנעמט באמת נישט קיין שטילקייט וועט ער וועלן אנטרינען ווערן פון דארט מיט א ראקעט שנעלקייט..
נאך א מעלה, עס איז גאנץ נאנט צום פארט לאודערדעיל לופטפעלד.
די געגענד איז זייער שטיל, ספעציעל ביינאכט, רוב פריוואטע “ווילאס” האבן אן אייגענעם סווימינג פול, בעק יארד און פראנט יארד, אסאך פריוואטקייט, און גאנץ רחבות’דיגע דירות, מיט גענוג פארקינג.

אויב שפירט איר אז אנדערע קענען אויך הנאה האבן פון דאס פלאץ וואו איר האט זיך אויסגערוהט, זייט ביטע מזכה דעם ציבור, און פילט אריין אייער וואקאציע אינפארמאציע אינעם פאלגענדן לינק
http://goo.gl/kuFOv
און מיר וועלן דאס פארעפנטליכן איינציגווייז, יעדעס מאל אן אנדערע פלאץ.
(אויב קענט איר נישט טייפן אידיש אויף אייער קאמפיוטער, קענט איר דאס אויספילן אויך אין ענגליש).

פון פסח ביז סוכות?

דאכט זיך אז רוב עולם גייט פון סוכות ביז פסח

גביר, גוט אויפגעפאסט… ונהפוך הוא.

איך אידענטיפיציר מיך מיט דעם וואקאציע, איך בין דארט געווען און שטארק הנאה געהאט.

קהל חסידים איז דאס פלאץ וואו אלע היימישע אידן דאווענען, זעה גוגל סטריט וויו.

http://www.tinyurl.com/NMBshul

קען איינער ר’ יונה לונגער? איך האב ארויסגעדונען פון אים א דירה, געווען זייער צופרידן. אבער נעקסטיים גיי איך זיכער מאכן אז עס האט א היטעד סווימינג פול. נישט אייביג איז די וועטער אין פלארידע ממש אזוי ווי מען ערווארטעט.

ר’ יונה לונגער איז א היימישע חסידישע אינגערמאן, וואס איז פון די שמירה דארט, און איז אסאך אינוואלווט אין פארשידענע וואוילטעטיגע צוועקן דארט. שוין אפאר מאל גערעדט אויף קול מבשר.

הרב גרויז

מעגליך לייגטס א לינק אויך צום פלאץ וואו איר זענט איינגעשטאנען? איך קוק מיך דארט אום אין גוגל, א געשמאקע געגנט קוקט עס אויס. עס איז אבער גאנץ נאנט צו מיאמי ביעטש. צען מינוט קוקט עס אויס אויפן מאפע.

נישט אויף דעם פלאץ איז דא אן אלטער איסור פון התאחדות הרבנים און אנדערע רבנים, אז אינגעלייט זאלן נישט אהינפארן, נאר ווער עס דארף עס פארן געזונט?

געזינט? קענסט שרייבן א גאנצע בוך וואס געזונט מיינט.

מנחם, דו האסט מיר געוואלט ענפערן?

דאכט זיך מיר אז מען רעדט דא וועגן פארן אויף וואקאציע.

איך בין נישט הונדערט פראצענט זיכער וואס אדון מנחם האט געמיינט מיט’ן זאגן ‘וועגן געזונט קען מען שרייבן א גאנצן בוך’

אבער, אויב מעג מען אריינלערנען פשט אין א שטיקל מנחם, וואלט איך מיך געטרויט מפרש צו זיין זיינע ווערטער. ער מיינט צו זאגן אז אמאל קען א וואקאציע אויך זיין צוליב געזונט.

יא, מ’רעדט פון א געזונטן מענטש. ער ליידט נישט אויף דער הארץ, מאגן, קושקעס און וואסער אין די לונגען, אבער פארט, צוליב זיין ‘געזונט’ אדער זיין בני בית’ת געזונט, איז קריטיש וויכטיג אז ער זאל זיך פארן אויסרוען.

און ‘געזונט’ קען אמאל מיינען בריאת הנפש, פונקט ווי בריאת הגוף.

כ’בין נישט קיין מורה הוראה און דעריבער פסק’ע איך נישט. אבער אמאל איז דא ווען דער מצב אין שטוב פאדערט אז מ’מוז פארן, און דאן איז א צווייטע מסכת.

לייב, האבן די רבנים גערעדט ספעציפיש פון נארט מיאמי? מיין פרוי איז דארט געווען פאראיאר און זי קלעימט אז ס’איז אויסגעהאלטן ביז גאר. מ’זעט זעלטן מענטשן בכלל פאר די אויגן, און כ”ש דאס וואס מ’דארף נישט זען. ס’זעט נישט אויס ערגער ווי אונזערע וויליאמסבורגער גאסן אין זומער.

כ’מאך חלילה גארנישט אוועק. ווער ס’דארף נישט גיין, זאל נישט גיין און טאר נישט גיין. כ’שמועס בלויז אויס די נושא. ומיני וממנחם תסתיים מלתא.

איך האב געוואלט טעסטן וואס די האלטסט איבער דעם גאנצן ענין פונעם איסור, און ווי אזוי אינעם איסור שטייט אויסגערעכנט פונקטליך די נעמן פון די גאסן און ווי זיי זענען, ווי ווייט פונעם ביעטש, וכדו’, סא כ’האב געוואלט מרמז זיין זאלסט אנהייבן דעם ויכוח, אויב ביזסטו נישט אין די גיסטע, לאז גיין.

אה, יעצט זעה איך אז אונזער נבון אהרן יאסל האט שוין אלעס מפרש געווען,

אזוי ווי ער האט גערעדט בלשון נקי, וועל איך ארויסברענגען גראבערהייט.
היינט טוט יעדער וואס ער וויל און נאכדעם קלעבט ער ארויף א הכשר און א תירוץ דערויף.
בריאת הנפש איז פונקט אזוי וויכטיג ווי בריאת הגוף. עלטערע יודן זענען פונקט אזוי מציווה אויף ולא תתורו,
אויב אזוי איז דער צד השוה:
דער אינגערמאן מעג פארן וועגן בריאת הנפש,
דער אלטער איד און אידענע מעג פארן וועגן בריאת הגוף,
דער מיטל יעריגער עושר מער פארן ווייל ווען ער וועט אהיימקומען וועט זיין רב וואס האט אינטערגעשריבן אויפן איסור אים געבן א פריינטליכן שלום עליכם און אויספרעגן ווי ‘גוט’ סאיז געווען,
והכל על מקומו יבא בשלום.

דאס ארגסטע וואס מוז ארויסגעברענגט ווערן איז, אז צוליב אזעלעכע איסורים איז געשען א נייע זאך אז יונגע פרויען פארן אן די מענער, אזאנס איז נישט דערהעלט געווארן מימות בריאת העולם, עס איז נישט מענטשליך און נישט תורה’דיג, עס איז נישט דא די ריכטיגע ווערטער מסביר צו זיין ווי שלעכט דאס איז,
די אחריות וועט פאלן אויף די חברה.

פאר עטס אלע שפרינגסט ארויף אויף מיר און עטס ווילסט מיך צורייסן אויף פיצלעך, און פרעגן קשיות און קאמפערן פלעצער, וויל איך טאקען לאזן וויסן מיין מיינונג, אז ע”פ הלכה, וואוינען אין די טרייפענע וויליאמסבורג איז ‘כמעט’ אזוי אסור ווי פארן קיין מיאמי, (מ’טוט עס נאר ווייל ס’איז ליכא דרכא אחרינא) און די ווייב פארן אין קאנטרי און מענער בלייבן אינדערהיים איז אזוי אסור ווי פרויען פארן אליין קיין מיאמי.

אויף וועלכע חברה ?
אויף וועקעשאן קען מען גיין אויף פלעצער ווי עס איז נישט דא די אלע נסויונות וואס עס איז א דארט און פאר די נפש איז עס פונקט אזוי גיט ,
די נפש מוז נישט האבן דוקא מיאמי מיט אלע אירע גרויליקייטן זיך אויסצוריען
אהרן יוסל דיין ווייב רעדט פון די גאס וואס זי איז אייינגעשטאנען איך האב גערעדט צו איינעם וואס האט יא געהאט די דירעקשאנס וויאזוי מען וואקט ארויס פון די גאס
און דאס אז פרויען פארן אן די מענער איז טאקע א פראבלעם אסער וואס איז וועגן דעם?
ווי באקאנט איז די איסור אויף פלארידא שוין פון גדולי עולם ווי למשל רביהק מסאטמאר זיע (עיין במסכת שטריימל) וואס פלעגט אהיימשיקן מענטשן וואס זסענען געקומען צו פארן בנוסף צו א פסק פארן קומען און אפילו פאר זיינע גאר נאנטע מענטשן

קוק אהער מנחם, ווען איך זאל האבן צייט וואלט איך דיר צונומען אויף קליין געלט, אבער איך בין נישט אזוי ברייט אין צייט, וועל איך זיך באגנוגן מיט דריי נקודות (די איבריגע וועל איך לאזן פאר אנדערע, אדער וועל איך שפעטער צוריקקומען).

1) איך האב נישט געזאגט, איך האב נאר געפרעגט, צו דאס איז נישט דאס פלאץ וואס איז געווארן גע’אסר’ט, גראדע מיין איך אז נישט אלע פלעצער אין פלארידע זענען בכלל האיסור.

2) פאר בריאות הנפש דארף מען נישט פארן אויף קיין גע’אסר’טע פלעצער וואו מען קען נכשל ווערן אין חמורות שבחמורות, עס איז דא אן א שיעור פלעצער מיט הרחבת הדעת (אפי’ אין די מאונטענס), ווי מען קען פארן אנשטאט, אלטע אידן פארן דארט צוליב די לופט, און צוליב די זון, און נאך זאכן וואס מען קען נישט ערזעצן ערגעץ אנדערש. וההכרח לא יגונה.

3) מיר האבן נארוואס געענדיגט אפוואשן איינעם פארן אויסוואשן אומריינע וועש אין אונזער ריינעם ביזנעס אויסגאבע, ביטע מנחם מאך נישט איבער זיין טעות.

זרח, איך האב נישט געזען דיין הערה פאר איך האב געשריבן, זייער גוט געשריבן.

גערעכט לייב. עס איז נישט דא דער פלאץ. איך בין געווארן אביסל איבערגעהיצט און נישט געקענט משליט זיין מח על הלב. איך צי צוריק.

MailPinch דא האסטו די ספעציפישע הויז וואו איך בין איינגעשטאנען
http://maps.google.com/maps?f=q&source=s_q&hl=eN&geocode=&q=north+miami+beach+florida+961+NE+172+Street&sll=25.934852,-80.160799&sspn=0.026784,0.055747&ie=UTF8&hq=&hnear=961+NE+172nd+St,+Miami,+Miami-Dade,+Florida+33162&layer=c&cbll=25.931566,-80.186819&panoid=oVGlp5QX2H4BoOx3rtqNNw&cbp=12,339.91,,0,12.62&ll=25.931566,-80.186819&spn=0.000494,0.002064&z=20

צום ענין אויב עס איז אויסגעהאלטן צו פארן דארט, איך גלייב אז דאס איז בכלל נישט די אישו דא. אין פאקט זענען די רבנים האוסרים מתיר אין פארשידענע אופנים, און עס איז מסתבר אז מען רעדט דא פון ישראל קדושים וואס פירן זיך עפ”י תורה והוראת הרבנים.

די אישו איז “ווען מען פארט שוין יא”, צו אויסשמועסן דעם פלאץ.

פארוואס מען פארט? דאס לאז פאר’ן פאָרער און זיין מורה דרך.

גרויז, קלאסיש געענטפערט. עי פלאס.
מנחם, דאנקע שיין, דער טיטל נבון, שמעקט מיר און כ’שפיר ווי ס’שטייט מיר עפעס גוט.
אויך דיין צוריקצו איז עפעס וואס ווייזט אויף א שיינעם פנימיות.

נבונים, זה מבין דבר מתוך דבר. (רש”י. יתרו)

ווען אהרן יאסעל מיט מנחם געבן זיך קעגנזייטיגע רום,
שטיי איך אין זייט און קוועל זיך אן פון דעם ספעקטאל…
ווי וואנט מאר…

אהרן יאסל וועלקאם בעק טא די קלאב, פון דיין פעדער רינט מילך און האניג, הלוואי וועסטו שוין אלץ פארבלייבן, ולא תוסיף עוד לגרשה…

און לוזער מענדל כאפט נישט וויפיל איך קוועל זיך אן פון זיין קעגנזייטיגן מילך-מיט-האניגדיגן ספעקטאקל.

אקעי דיצייט איז שוין רייף צו עפענען א געהעריגע פארום פאר די בעל בית די שמועסן גייען שוין ארויס פון די ארגינעלע ארטיקלען אויף וואס עס באציעט זיך
נא!! בעל בית שאקלט אייך אונטער!!
איך מין אז מנחם לייב און אהרן יוסל לוזער מענדל וכו’ וועלן אלע מסכים זין דערצו