אינעם פריערדיגן ארטיקל האב איך אייך קלארער ערקלערט דעם באדייט פון דאס ווארט “מארקעטינג”. איך האב גערעדט פון “סופליי” און “דעמענד”, און וויאזוי מ’דארף האבן “ביידע אינגרידיענטס” צו קענען מאכן געלט. איך האב אייך דאן אראפגעלייגט א פראבלעם וואס איר האט מעגליך, אז איר האט געטראפן א גרופע מענטשן וואס האבן דעם “דעמענד” פאר א געוויסע זאך, אבער איר האט נישט די וויסנשאפט וויאזוי צוצושטעלן דעם “סופליי” וואס זיי דארפן.
די גוטע נייעס איז, אז ס’איז דא ווער ס’זאל צושטעלן די סופליי דערפאר, פריער אדער שפעטער. ס’איז גרינג פאר א מענטש צו זיצן אויף איין פלאץ און זיך אפרעדן א גאנצן טאג אויפ’ן פראבלעם וואס ער האט, און ס’איז אסאך שווערער אויפצוקומען מיט א לעזונג צום פראבלעם. אויב אבער דער פראבלעם איז גענוג ערנסט, וועלן מענטשן אנהייבן צו טראכטן און זיך ברעכן קאפ און עווענטועל אויפקומען מיט א לעזונג.
אויב די מענטשן זענען קלוג און זיי זעען איין אז זייער לעזונג קען עווענטועל ברענגען פארדינסטן, קענען זיי דאס פארשלאגן פאר אנדערע מענטשן וואס האבן דעם זעלבן פראבלעם. אויב דער פראבלעם איז א ברייט-פארשפרייטער, קען דער מענטשן טרעפן טויזנטער אדער צענדליגער טויזנטער מענטשן איבער די וועלט פאר וועמען צו פארקויפן זיין אויפטרעף.
דאס איז נישט קיין שלעכטע פלאן, אבער יעדער ווייסט דאך אז “צייט איז געלט”. איר קענט מאכן די זעלבע געלט דורכ’ן אריינלייגן בלויז האלב פון די ארבעט. וויאזוי? דורכ’ן צושטעלן די אינפארמאציע פאר אפיליעיט מארקעטערס!
די אפיליעיט מארקעטערס וועלן זיין אייערע שליחים וואס וועלן פארקויפן די אינפארמאציע פאר אייך, אויב זענט איר מסכים אים צו געבן א חלק פון די רווחים. דער אפיליעיט מארקעטער וועט זיין דער מיטל-מענטש צווישן אייך און די קליענטן וואס זענען אינטערעסירט אין אייער אויפטרעף.
נעמט אין אכט אז די ארגינעלע אפטייטש פון “מארקעטינג” איז געבליבן די זעלבע אפילו ביי אפיליעיט מארקעטינג; ס’זענען נאך אלץ דא מענטשן וואס “דארפן” אינפארמאציע און ס’איז נאך אלץ דא מענטשן וואס “האבן” אינפארמאציע. איר זענט דער וואס שטעלט צו די אינפארמאציע, און הגם עס באלאנגט נישט צו אייך, קענט איר פארמיטלען צווישן די צוויי מענטשן דורכ’ן ווערן אן אפיליעיט מארקעטער.
וואס איז די מעלה פון אפיליעיט מארקעטינג? אז איר קענט שוין היינט אנהייבן. איר דארפט נישט האבן קיין אייגענע פראדוקט (וואס דויערט וואכן אדער חדשים צוצושטעלן). איר דארפט אפילו נישט האבן קיין אייגענע וועבסייט. איר דארפט בלויז איין זאך, א מח וואס פארשטייט דעם מארקעטינג קאנצעפט. איר דארפט קענען אידענטיפיצירן א שטארקן דעמענד און קענען צושטעלן די אינפארמאציע אדער פראדוקט וואס יענער זוכט.
מיר שטעלן זיך פאר אז איר האט שוין מסתמא זיך געכאפט, אז אפילו אויב איר זענט אן אפיליעיט מארקעטער, זענט איר דאך נישט דער איינציגסטער, איר זענט נישט קיין בן יחיד אויפ’ן גאנצן אינטערנעט.
אין די קומענדיגע לעקציע וועלן מיר אייך ארומרעדן איבער קאנקורענץ אין אינטערנעט מארקעטינג.
וואס איז אפיליעיט מארקעטינג?