נייעס

די סוף פון פרייע טשעקינג אין אמעריקע.

באנק אוו אמעריקע, א סימבאל פון פרייע טשעקינג אין די לעצטערע יארן, שטעלט מער נישט צו די סערוויס פאר נייע קאסטומערס. (עס איז נישט קלאר וואס וועט זיין מיט די וואס האבן שוין א פרייע אקאונט).
אנשטאט דעם, שטעלן זיי צו א נייע סערוויס בחנם, וואס רופט זיך אי-בענקינג. די חילוק? אלעס דארף ווערן געטון אנליין אדער דורך די ATM, אויב ווילט איר באקומען פאפירענע סטעיטמענטס אדער זיך באניצן מיט א מענטשליכע טעלער, קאסט עס $8.95 א חודש.
באנק אוו אמעריקא -וואס האלב פון אלע אמערקאנער פאמיליעס האבן ביי זיי אן אקאונט- האט געמאלדן דעם דראמאטישו טויש די פארגאנגענע דינסטאג. ווער איז שולדיג דערין? וואשינגטאן!
“איך האב געזען מער (נייע) רעגולאציעס אין די לעצטע דרייסיג חדשים, ווי אין די לעצטע דרייסיג יאר,” האט געזאגט ראבערט האמער, פארזיצער פון א באנק אדווייזארי פירמע. “די הכנסות פון די בענק פאלט געפערליך, און זיי פרובירען צו שאפן נייע הכנסות פון ווי עס לאזט זיך”.
די אלע וואס האבן געמיינט אז די נייע געזעצן, ווי פארבאטן די בענק און קרעדיט קארד פירמעס פון רעכענען פארשידענע פענעלטיס, האבן בלויז מעלות שטייען פאר א מיאוסע אנטוישונג. עס ווערט פאראויס געזען אז רוב בענק וועלן נאכטון די ביישפיל פון באנק אוו אמעריקע.
איך נעם נישט קיין שטעלונג אין די אידילאגישע (פאליטישע) חלק, צו די רעגירונג איז בארעכטיגט מצד די קאנסטיטוציע צו רעגולירן פריוואטע פירמעס. אבער דאס איז אמאל קלאר פון א ביזנעס שטאנדפונקט, יעדעס מאל וואס מען טשעפעט די פירמעס, זענען עס די קאנסומערס וואס ליידען דערנאך. מען קען עס נישט אפטיילן.

עפל פראדוקטן, נישט ביי מיר אין שטוב!

אין די נ.י. טיימס איז געווען א קורצע אינטערוויו מיט מרת. געיטס, די ווייב פון געוועזענע מייקראסאפט פארזיצער, און צווייט רייכסטע מענטש אין די וועלט, ביל געיטס.
אט זענען עטליכע אינטערעסאנטע אויסצוגן.

טיימס: איר פארמאגט אן אייפאד?
געיטס: ניין, איך האב א “זון” (ZUNE איז א ענליך צו א אייפאד, פראדוצירט דורך מייקראסאפט)
טיימס: וואס וועט זיין אויב אייער קינד וועט פארלאנגען “איך מוז האבן א אייפאד”?.
געיטס: עס האט שוין פאסירט, איך ענטפער, “דו קענסט האבן א ZUNE.
טיימס: איר פארמאגט א אייפעד?
געיטס: זיכער נישט.
טיימס: איז אמת די שמועה אז ביל (געיטס) באניצט זיך מיט א עפל לעפטאפ?
געיטס: פאלש! גארנישט גייט נישט דורך די שוועל פון אונזער טיר.
טיימס: איז טאקע נישטא קיין פלאץ אין די וועלט פאר עפל אויך?
געיטס: מייקראסאפט פראדוצירט סאפטווער פראדוקטן פאר די מעק. רעד צו מיין מאן.
טיימס: ווי אזוי האט דיין מאן געשפירט צו פאלן צו נומער צוויי (פון נומער איינס) אויף די ליסטע פון רייכסטע מענטשן אין די וועלט?
געיטס: אונזער אכט יעריגע טאכטער טשעפעט אים דערוועגן, אבער עס אינטערעסירט אים בכלל נישט.

און איך האב געמיינט אז די רייכע געיטס קינדער באקומען וואס זייער הארץ באגערט נאר…  אט  דאס הייסט חינוך.

אינטערעסאנט ווי די רייכסטע משפחה אוין די וועלט און דאך פארגינט מען נישט עפעס פאר די קאמפעטישאן, א קלאסישע עקזעמפל פון מי שיש לו מנה רוצה מאתים.

מ’שרייבט אז ביל געיטס איז דער ‘געוועזענער’ פארזיצער. איז ער שוין היינט נישט דער פארזיצער? ווער פירט דען די ביזנעס?

און וויפיל קינדער האט ער און ווי אלט איז ער?

אינפארמעישאן עניוואן?

ביי די וועי, איז דאס אמת אז אלע היימישע גרעפיק דעזיינערס נוצן מעק? אויב יא, פארוואס איז דאס אזוי?

דער היינטיגער איז סטיוו באלמאר

נישט אלע היימישע גראפיקער ניצן מעק, אבער סדארף צו זיין אסאך בעסער פאר אלע גרעסערע פריעקטן וואס גייט דורך א קאמפיוטער לאו דוקא גראפיק, אלעס אויסער פשוטע אפיס ארבייט

פארוואס? ווייל דער אמאליגער מעק סעילסמאן אין וומ”ס האט געמאכט א גוטן דזשאב, נישט יעצט, שוין פאר צוואנציג יאר צוריק, מן הסתם די אינגערע צוציקלעך געדענקן שוין נישט יענע צייטן, א קאמפיוטער האט געקאסט עטליכע אלפים. היינט איז ער א שרייבער אין איינע פון די גרויסע צייטונגען.

בנוגע פרי טשעקינג, עס איז א דבר ברור אז די דעמאקראטן צוברעכן די עקאנאמי, מיטן שפילן ווי זיי נעמען זיך אלץ אן פאר די נעבעכדיגע בירגער, טו שוין נישט אזויפיל אומגעבעטענע טובות! יעצט איז דען בעסער? יעצט וועט יעדער דארפן צאלן פאר א אקאונט, אזוי איז גוט?
לאמיר האפן אז אין א וואך ארום וועלן זיי מיאוס פארלירן, און די רעפאבליקאנער וועלן טאקע צוריקדרייען דעם רעדל.

איך האף אז מען וועט נישט צוריקדרייען דעם רעדל ח”ו. פאר מיר איז זיכער בעסער אזוי ווי איצט, און איך גלייב פאר רוב מענטשן אויך. לאמיר זאגן אז מען וועט דארפן באצאלן יעדע חודש 6 אדער 8 דאלער צו האבן א טשעקינג אקאונט (איך גיי שוין נישט אריין אין דעם אז מען קען דאס אנולירן אויב מען האט דירעקט-דיפאזיט אדער מען נוצט דעם דעביט קארטל עטליכע מאל א חודש, עכ”פ ביי רוב בענק), איז עס נאך אלץ בעסער ווי די רשעות’דיגע טאקטיקן וואס די בענק האבן גענוצט אונז צו באראבעווען דורך די קרעדיט קארדס.

די הויכע אינטערעסט ראטעס; די “יוניווערסל” דיפאלט (ד.ה. אויב דו צאלסט שפעט ביי סיטי וועט אויך טשעיס (צב”ש) דיר העכערן); נוצן אונזערע פעימענטס צו באצאלן קודם די אלטע באלאנסעס, און לאזן די נייערע מיט העכערע ראטעס וואקסן ווי הייוון; און די אלע אנדערע דריידעלעך מיט וואס זיי האבן אונז כסדר אפגעריפט. אין “די צייטונג” עטליכע וואכן צוריק האט זיי איינער בא’טיטול’ט “לעגאלע מאפיא”. זה שמם נאה להם. צוזאמען מיט די גאנצע לעגאלע יוסטיץ סיסטעם אין אמעריקע, ואכמ”ל.

דאס וואס זיי העכערן אצינד די אפצאלן אויף אנדערע פלעצער, איז אויך נישט מער ווי גניבה. נאר וואס דען, ס’זענען פאראן גניבות וועלכע מען קען גרינגער דולדן. קיין איין באנק איז נישט מחוייב צו האלטן מיין אקאונט אומזיסט. זיי מעגן בעטן א מינימאלן אפצאל פער חודש. אבער מיט די קרעדיט קארדס איז די הפקרות שוין ארויס פון די גלייזן. איך פערזענליך בין דאנקבאר פאר די דעמאקראטן (לכה”פ דאס מאל..) פארן דורכפירן די רעפארם.

איך האף אז די רעפובליקאער וועלן נישט לאזן די בענק אונז ווייטער באראבעווען. זארגט אייך נישט, זיי דארפן נישט אונזערע שטראפן פאר א שטיקל ברויט אין שטוב. זיי זענען גע’ספויעלט מיט זייערע אויפרייסערישע לעבנס, נעמענדיג פאר די בעלי בתים און מענעזשערס צענדליגער מיליאנען א יאר אין “באנוסעס”, אויסער די רייכע וועכנטליכע וועידזשעס, און ס’איז זיי פשוט שווער אביסל אראפצוציפן פון דעם פארשווענדערישן לייף-סטיל. איז “טאא-בעד” – לאזט מיך לעבן. איך קען נישט פינאנצירן אייערע פריוואטע עראפלאנען און יאכטעס, מיליאן דאלערדיגע הייזער מיט שווים באסיינען, און וואקאציעס יעדן מאנטאג און דאנערשטאג בארבע כנפות הארץ און זיך באדן אין שוואוילטאג. סארי, מיין בודזשעט ערלויבט מיר נישט אייך צו שטיצן.