ספרים חדשים

איש האמת האט געשריבן:וואס איז פשט מגעט א נאמען פון א ספר מיט א עגגלישע ווארט, "טשעק" בהלכה
איז עס נישט אונטרעסאנט??

יאנקל האט געשריבן:אלפא ביתא תניֵתא דשמואל זעירא (ב"כ)
ר' שמואל אשכנזי
א הפלא'דיגער ליקוט לויט דעם סדר הא' ב' פון מקורות נפלאות אויף כל מיני נושאים און אויסדרוקן
952 זייטן
$27

א ביישפיל פון אן אויסדרוק וואס ווערט דורך ר' שמואל שטארק דורכגעטון איז "אהוּב אפלטון, אהוּב סוקראט, האמת אהוּב יותר," וואס געפינט זיך אין דער חתימה פון ידידינו ר' יידל, מגדולי חכמי שטיבלנו. ר' שמואל גייט דורך צענדליגער מקורות וואו דער אויסדרוק ווערט דערמאנט אין רבנישער ווי אלגעמיינער ליטעראטור, אנגעפאנגען ביי חוות יאיר סי' ט', און געענדיגט ביי היינטצייטיגע מחברים. דאס אלעס איז געטון געווארן נאך פאר מען האט געקענט טרעפן מקורות דורך א קאמפיוטער!
איבער ר' שמואל אשכנזי (ער לאזט זיך נישט באטיטלען מיט מער ווי "ר'") זע דא און דא. פאר איין פרק פון דעם ספר זע דא.

קארל האט געשריבן:ספר באמונה שלימה
הרב יוסף זלמן בלאך
דער דיקער ספר (איבער 500 עמודים) איז געווידמעט פארצושטעלן די וויכטיגקייט פון אמונה פשוטה, און "פארענטפערן" די אלע ראשונים און אחרונים פון וועמען עס איז משמע אז ס'איז כדאי עטוואס חוקר צו זיין. הרב בלאך איז דער זעלבער וואס האט אין יאר תשס"ט ארויסגעגעבן דעם קונטרס "השמש בגבורתו", "אויפצואווייזן" אז די וויסנשאפטלער זענען זיך טועה מיט דעם וואס זיי באהויפטן אז די זון שטייט אינמיטן דעם סאלאר סיסטעם, נאר באמת שטייט די וועלט אינדערמיט. יענער קונטרס נעמט אויך אויף א פרק אין דעם נייעם ספר וואס טוט אונטערשטרייכן די וויכטיגקייט פון גלייבן באמונה פשוטה אין אלעם וואס די ראשונים האבן געשריבן.

לעיקוואד האט געשריבן:און די גאנצע סייענס איז פשוט א קאנספיראציע אז אמעקיקא זאל געוואונען רוסלאנד, אנטשולדיג, אז מזאל אופהערען גלייבען אין הייליגן רמב"ם, און ווערען ח"ו ציונים, מיט שוואכע קשיות.

שמואל הלוי האט געשריבן:זה עתה יצא לאור
ספר הטעמים
למרן בעל החתם סופר זצוק"ל
טעמים ונימוקים
על מצוות, הלכות ומנהגים
כללים וענינים
שיצאו מפי כתבו של מרן בעל החתם סופר זי"ע
להשיג בכל בתי מסחר ספרים

יידל האט געשריבן:וועסט נישט גלייבן אבער הרב בלאך איז אייגענטליך מקשר צווישן "אבולוציא" און "ציונות" אז ביידע זענען א קאנספיראציע אפצופארן מענטשן פון די ריינע אמונה.

קאווע טרינקער האט געשריבן:
ס'כדאי צוצולייגען - אז די ספר איז נישט געדרוקט מיט די הדסה/ארטסקרול/בעלזא פונט.

ירא שמים האט געשריבן:סאיז שוין די דריטע מהדורה און כגלייב אז ער איז שוין אינדערצווישען געוואר געווארן, און אז מגעט עס נאך ארויס מן הסתם איז עס מרצונו.
גראדע איז ער שוין יא געוואר געווארן גלייך ביים ערשטן מהדורה און ער האט זיך געבייזערט דערויף, אבער מען געט עס ווייטער ארויס ווייל עס איז א בעסט סעלער..... אבער קען אויך זיין אז אינצווישן האט ער זיך בארואיגט.

און כזעע אז די חומת הקדושה אין מאנסי שטייט אסאך העכער ווי אין ב.פ. , ווארום אין ב.פ. קען מען עס קויפן בריש גלי.
זאג נאר, ווי וואוינט הרב משה בער בעק און זיין קהילה, אין בארא פארק? נעוודאי אין מאנסי.
(גראדע איז מיר א חידוש אז איך האב עס נישט געזען אין טובי׳ס, זיי וואלטן עס געדארפט צו האבן בריש גלי).