קאמענטארן אויף אונטערשריפטן

עס זענען דא געשמאקע אונטערשריפטן וואס טייל ניק'ס האבן זיך אהערגעשטעלט, איז נישט מער ווי פאסיג אז מ'זאל עס קענען דא אויסשמועסן.

איך האב ליב וואס "קליגער איד" שרייבט אין זיין אונטערשריפט:

אויב האט קיינער נישט קיין טענות אויף דיר, דאן געפינסטו זיך אין א בית הקברות!

אויך געפעלט מיר שמעקעדיג'ס פאסיגע אונטערשריפט:

ריחא מילתא היא - לריח ניחוח אשה לה'

א טיפיקעל זר זהב'דיגע אינטערשריפט:

האסט מיר גע'לייק'ט? נעם עס נישט אוועק! נעקסט טיים טראכט צוויי מאל בעפאר דו לייקסט. הרג'ע מיר נישט!

נו וויזוי פילט עס?...

מיין אינטערשריפט איז יעצט

This signature was intentionally left blank.

איך מיין אז איך האב גע'גנב'עט די איידיע פון ערגעץ

זר זהב האט געשריבן:נו וויזוי פילט עס?...

שייגעץ! די הרג'עסט מיך!!!

קעי קעי, געפיקסט

ראשעקאל האט א שיינע חתימה.
איך גלייך אויך די חתימה פון קליינע רעבעלע.
און פון קופערניקוס מיטן קארפעט...

שמעקי. ברענג זייערע אינטערשריפטען. זיי קענען עס אין איין סקונדע טוישן , און מ׳וועט נישט וויסן פון וואס די רעדסט

יידל'ס אינטערשריפט איז זייער התעוררותדיג

Be the change you wish to see in the world - Gandhi

ווי אזוי מאכט מען דא א חתימה?

שמעקעדיג האט געשריבן:ראשעקאל האט א שיינע חתימה.
איך גלייך אויך די חתימה פון קליינע רעבעלע.
און פון קופערניקוס מיטן קארפעט...

ראשעקאל האט געשריבן:שמעקי. ברענג זייערע אונטערשריפטן. זיי קענען עס אין איין סעקונדע טוישן, און מ׳וועט נישט וויסן פון וואס דו רעדסט

קליינע רעבעלע:
בעסער פין מיר איז א פרימאק - ווייניגער ווי מיר איז א שייגעץ.

קופערניקעס:
און אויב אלעס, די גאנצע עקזיסטענץ איז בלויז אן אילוזיע? אוי, דאן האב איך זיכער איבערגעצאלט אויף די טעפיך וואס איך האב געקויפט פאריגע וואך - (ר' וואדי אלען)

מ גפני האט געשריבן:ווי אזוי מאכט מען דא א חתימה?

באניצער'ס קאנטראל פאנעל > פראפיל > רעדאגיר אייער אינטערשריפט >

איך האלט גאר שטארק פון יאיר'ס אונטערשריפט
If knowledge can create problems, it is "
not through ignorance that we can solve them ~ Isaac Asimov"

יא, ס'איז א שטארקע ווארט.

לעיקוואד'ס אונטערשריפט:
I have a dream ~Martin Luther King

אפשר עלאבארירסטו אביסל איבער דיין חלום?

יאנקל האט געשריבן:לעיקוואד'ס אונטערשריפט:
I have a dream ~Martin Luther King

אפשר עלאבארירסטו אביסל איבער דיין חלום?

קודם דער עיקר מען זאל האבען א חלום, שפעטער דארף מען וויסען וואס דער חלום איז. א מענטש אן א חלום איז קיין מענטש נישט. ובדרך מליצה קען מען זאגן מארז"ל הלן שבע ימים בלא חלום נקרא רע. און ווי פאנאביזשער רב האט געזאגט, איך חלום טאקע, אבער איך שלאף נישט. בקיצור דער יסוד פון א מענטש איז 1- האבן א חלום, 2- נישט שלאפען.
עכ"פ, בנוגע לענין קאווע שטיבל, מיין חלום איז אז אונזערע קינדער וועלן קענען שמועסען ערנסטע שמועסען און ארויסזאגען זייערע מיינונגען אן זיך באהאלטען אונטער א ניק.
ועוד פרטים בענין מיין חלום הלא הם כתובים על מספר אשכולות אחרים בקאווע שטיבל הלזה.

איינער, איך געדענק נישט ווער, האט געהאט אן אינטערשריפט אין די ניין טעג: I stink therefore I am, געבויעט אויפן מימרא: I think therefore I am.

ונבנתה העיר האט געשריבן:איינער, איך געדענק נישט ווער, האט געהאט אן אינטערשריפט אין די ניין טעג: I stink therefore I am, געבויעט אויפן מימרא: I think therefore I am.

ווער דען אויב נישט געפילטע?

יא, ווער דען? ס'געווען א צווייטער וואס האט געהאט א חתימה Cogito ergo sum = I think, therefore I am וואס מ'זאגן נאך פון דעקהארט, איז מיר איינגעפאלען דעס.

לעיקוואד האט געשריבן:איך האלט גאר שטארק פון יאיר'ס אונטערשריפט
If knowledge can create problems, it is "
not through ignorance that we can solve them ~ Isaac Asimov"

בכלל דער אייזיק אסימאוו איז געווען עפעס א משוגענע קאפ, ער האט ארויסגעגעבן ביכער שנעלער ווי א חסידישע איד טוישט זאקען, אפשר לוינט זיך צו עפענען א אשכול איבער עם.

If knowledge can create problems, it is "
not through ignorance that we can solve them ~ Isaac Asimov"

But if there were never knowledge there are no problems to be solved
!!!

געפילטע פיש האט געשריבן:שנעלער ווי א חסידישע איד טוישט זאקען

דו האסט בכוונה געשריבן "חסיד'ישע"?.....
(ס'מיר נוגע, ווייל "ריחא מילתא היא")

מיקוה נייעס:
נישט דא קיין לייכטערע זאך ווי א שווער פעקל געלט!

(שטייצעך נאר פאפירענע, נישט ניקלס)

שמעקעדיג האט געשריבן:

געפילטע פיש האט געשריבן:שנעלער ווי א חסידישע איד טוישט זאקען

דו האסט בכוונה געשריבן "חסיד'ישע"?.....
(ס'מיר נוגע, ווייל "ריחא מילתא היא")

ניין, מיין כונה איז געווען צו שרייבן גרינע קנאבל קוועטשער, אבער בטעות האב איך געטייפט חסידישע, זיי מיר מוחל.

שרגא'ס אונטערשריפט:
איינער מוז האבן דאס לעצטע ווארט. אויב נישט, קען אויף יעדע טענה און ארגומענט געברענגט ווערן א פארקערטע און עס וועט נישט נעמען קיין עק. (אלבעיר קאמו)

זר זהב שרייבט גוט:

The problem with doing nothing is that you don't know when you're done

יא , פיינע אינטערשריפטען.
איך זעה אזעחעכע גיטע אינטערשריפטען האב איך מיר אנגעהויבן שעמען מיט מיינע. עס איז מיר נאך נישט איינגעפאלען עפעס א גוט׳ס, דערווייל שטייט:

signature under construction.

געפילטע פיש האט געשריבן:מ'סתם האבן די פינטלעך נישט געהאלטן אויף לינקס נאר אויב מ'האט געלייגט א קאראקטער נאכדעם. גערעכט?

געפילטע האט עקספיריענס

און אז ער טוישט שוין, קען ער טוישן צו אחראי אנשטאט אחריות.

זר זהב האט געטוישט חתימה, ווי פאלגענד:

If your landlord does not give you enough heat, do not pay the rent" - Albert Einstein"

(וועלכער אלבערט האט געזאגט אזעלכע זאכן?)

אלבערט מהמכולת.

קופערניקוס' נייע אונטערשריפט איז גוט, אמת, און ציפעדיג ביינאזאם:

הוי מענטשן: פארנאכלעסיגן זייער געזונט צו זאמלען געלט, דאן ספענדן זיי געלט צו ראטעווען דאס געזונט.
טראכטן איבערן צוקונפט און פארגעסן דעם יעצט, אזוי אז זיי לעבן נישט מיטן יעצט און נישט מיטן צוקונפט.
זיי לעבן כאילו זיי גייען קיינמאל שטארבן, אבער זיי גייען שטארבן כאילו קיינמאל געלעבט!

שמעקעדיג האט געשריבן:קופערניקוס' נייע אונטערשריפט איז גוט, אמת, און ציפעדיג ביינאזאם:

הוי מענטשן: פארנאכלעסיגן זייער געזונט צו זאמלען געלט, דאן ספענדן זיי געלט צו ראטעווען דאס געזונט.
טראכטן איבערן צוקונפט און פארגעסן דעם יעצט, אזוי אז זיי לעבן נישט מיטן יעצט און נישט מיטן צוקונפט.
זיי לעבן כאילו זיי גייען קיינמאל שטארבן, אבער זיי גייען שטארבן כאילו קיינמאל געלעבט!

עס איז באזירט אויף א ציטאט פון דעם גרויסן כינעזער פילאסאף קאנפיוצעס וועלכער איז נסתלק געווארן מיט איבער צוויי א האלב טויזנט יאר צוריק. אילו ידעתי, ידעתי, פון קאנפיוצעס און זיינע הערליכע געדאנקען וואלט איך זיך א נאמען געגעבן על שמו, און קאנפיוצט דעם עולם מיט א מער פשוט קאמפליצירטן נאמען ווי די עקזיסטירנדע על שמו פונעם אסטראנאמער זצ"ל

היימישער ליטוואק:

היגיון פשוט הוא אותה שכבה של דעות קדומות שאנחנו רוכשים לפני שאנחנו בני שש עשרה. - אלברט אינשטיין

עס איז אינטערעסאנט, און אפשר טאקע האט ער דערפאר אזוי געזאגט, אז פונקט ביי די זעכצן האט איינשטיין אנגעהויבן אריינקלערן אין די סתירה פון מאקסוועל און ניוטאן לגבי די אבסעלוט ספיד פון ליכטיגקייט, וואס דאס האט איהם צוגעברענגט צו ספעשעל רעלאטיוויטי וואס דרייעט איבער קאמען קאנסעפשען על פיה.

לולקע-ציבעך:

"אין עוד מלבדו." ואידך פירושא: גיי ברעך קאפ.

אוי טאטי'ס אינטערשריפט:

די וואס זענען טרוד א גאנץ יאר על הגפן, זענען פורים טרוד על המחיה ועל הכלכלה. (קרעדיט; מעלות.)

זעהט אויס ווי א גיט ווארט אבער איך פארשטיי עס נישט . איינער קען עס אפשר מסביר זיין?

לכאו׳ איז די אפטייטש, אז די וואס ארבעטן נישט א גאנץ יאר, נאר טרונקען א גאנצן טאג, דארפן ארבעטן פורים, און ארומלויפן נאך געלט.

כ'גלייך ממי_שאמרו'ס חתימה:

Take my advice, I am not using it

עס קאסט מיר א שמייכל יעדע מאל איך זעה עס.

מען קען לערנען דערין עטליכע פשטים,
איינס, פארן חבר איז גרינג צו געבן עצות, איך האב דאך נישט יענעמ'ס יצר הרע, פאר יענעם בינעך פרום.

אופס שמעקעדיג, נישט פאר צו לאנג... זעהט אויס מ'האט צוכאפט ממי'ס אדווייז, ער איז געבליבן בעירום ובחוסר... נישט געזארגט. דער באגאבטער ממי שאמרו האט א פרישן חתימה:

? Don't you wish some ppl would start using glue instead of lipstick

יא, איך בין פון די מענטשן וואס וואונטשן זיך.....

-

קופערניקוס-ענוה איז די חשובסטע פון מיינע אלע מעלות
פיינע נייעס

קופערניקוס האט געשריבן:-

קיק נאר אהן!!
קופערניקעס האט אנגעשריבן א גאנצע דרשה אין זיין אינטערשריפט

די אומשטענדן, מיינע בירגער, מיינע פיינט, זיי זענען שולדיג, איך האב נישט געקענט טון בעסער (ניקאלא טשאוסקאו, סאדאם כוסעין, כוסני מובאראק)

שולדיג זענען נישט בלויז די אקטיווע דיקטאטורן, נאר אויך די פאסיווע צושויער; איך בין אחראי אויף די געשעענישן (מאהאטמא גאנדי, מארטין לוטער קינג, נעלסאן מאנדעלא)

בענזשאמין פרענקלין? ווידער געטוישט?
אט איז די נייע חתימה:

דער אומאנגענעמסטער שונא איז יענער וועמען דו קענסט באקעמפן מיט א שנעלקע אין נאז, נאר עס רינט אים פון נאז. מ. נ.

קאווע טרינקער טייערע,
פארוואס האסטו לעצטענס דיפרעסטע חתימות? בעמח"ס וכו' איז זייער גוט געווען.

קאווע טרינקערס אינטערשריפט

א חתימה? ביי אונז איז געווען א קפידא נישט צו חתמ'נען.

דער עולם כאפט די געוואלדיגע עומק פון מיין חתימה? אויב נישט וועל איך בעטן לעיקוואד און יאיר זאלן עס דעבאטירן.

איז עס גאוה צו זאגן אז יא?

לאמיך פרובירן אפלערנען. די ערשטע איז פשט ער שיסט זיך אליין אין די פיס. ווייל נאר א מענטש אליין מאכט זיך אן זיינע אומשטענדן, סארט בירגער, און שונאים. און איראניש איז אז די דריי קעמפער פאר גלייכבארעכטיגונג. געבן הסכמה אויף דעם דיקטאטור'ס תירוץ.
אבער דאס איז דאך צו פשוט. איז אפשר קומט (די ערשטע) עס רעפרעזענטירן די פחד וואס קופערניקוס האט געטראגן פון מענטשן, רעגירונג. ער האט זיך איזאלירט אין א אפגעזונדערטן פעסטונג.
אדער דאס אז מיר דא אין קאווע זענען אויך שולדיג דאס וואס די רבי'ס און קהילה פירער קענען זיך אזוי איזדעקעווען איבער אונז.
ווער ווייסט צו די מ' וואס די דריי אונטערשטע פארמאג אלע אין זייערע נעמען, און די ס' וואס אלע דריי אויבערשטע פארמאגן אין זייערע נעמען איז נישט א חלק פון די געוואלדיגע עומק.

קופערניקוס האט געשריבן:דער עולם כאפט די געוואלדיגע עומק פון מיין חתימה? אויב נישט וועל איך בעטן לעיקוואד און יאיר זאלן עס דעבאטירן.

קודם וויל איך זיכער מאכן אויב דו אליינ'ס פארשטייסט עס יא, און נאכדעם וועל איך זיך מוטשן עס צו פארשטיין...