מען פלעגט זאגן, אז די חילוק פון א מלמד ביז א שוחט איז, אז די מלמד איז אן ארימאן, און דער שוחט איז א בלוטיגער ארימאן,
עכ''פ דער נייעם שו''מ וועט זיכער זיין א 'פייערדיגן' 'ברענענדיגן' 'קאכעדיגן' שו''מ,
אפשר איז שו''מ גאר ר''ת, ש'ריפות ו'גם מ'כות.
איך האב געהערט א מעשה שהיה פון א סקווירא חסיד, ומעשה שהיה כך היה,
דער הייליגע רבי שליט''א איז אמאל ארויס פון א בנין, און דארט איז געשטאנען איינער, און געכאפט א בילד ממש און פארנט פונעם רבינס נאז, אויף א חוצפה'דיגן אופן, ס'איז געווען 'קלאר' אז מען 'מוז' 'עפעס' טון אראפצונעמען דעם חרון אף פון כלל ישראל,
די רבי האט מרגיש געווען ברוב קדושתו אז די חסידים גרייטן זיך אויף עפעס, האט ער זיך אנגערופען, 'נישט מיט הענט'.
די חסידים האבן דאס געהערט, און אנגעפרעגט דעם רבין זון ר' אהרן מענדל וואס איז געשטאנען דערביי, וואס צו טון, פון איין זייט האט רבינו געזאגט נישט מיט הענט, אבער מצד שני מוז מען דאך עפעס טון, האט ער געזאגט, 'מען זאל גיין מיט פיס'!!
וכך הוה, איינער איז געגאנגען צו יענעם פון אינטן, און יענעם געטריפט, און ער איז געפאלן צו דר'ערד, און ספאנטאן האבן די חסידים זיך גענומען שטויסן און בריקעווען אזש ער איז געווארן גוט צוביילט, אבער אלעס בלויז מיט די פיס!!
נא, אנצוקומען צו אזא מאס דרגה פון חכמה אלוקית, און ירא''ש, מוז מען אויפנעמען די ריכטיגע שו''מ, און מחנכים, אויפצוציען א דור וואס וועט זיין נאמן לשם ולתורתו.