berlbalaguleh האט געשריבן:המלוכה והממשלה: און דאס איז גענוג. אונזער סיסטעם פון רעליגיע איז נישט געבויעט אויף דעמאקראטיע. מיט פארטייען, קאנדידאטן און וואלן. אויב ער איז דער יורש דאורייתא איז ער בעל הבית אין קרית יואל. א שטעיטל וואס זיין פעטער דער סאטמאר'ע רבי ר' יואל טייטלבוים האט געבויעט. אפילו אויב ער איז א קאר סערוויס דרייווער. און ער. דער יורש קען אריינשטעללן זיין יורש. ואין להשיב על דבר המלך. און פאר וועם ס'געפעלט נישט. דא איז נישט רוסלאנד אדער טשיינא. מ'צווינגט קיינעם נישט צו בלייבן וואוינען אין קרית יואל. ס'געפעלט דיר נישט. דו האסט נישט ליעב דעם רב. מכח איזה סיבה שהיא. זיי מוחל און הייב דיך אויף און באשטעל די מאווינג טראק. ושלום על ישראל. קענסט מאוון קיין וויליאמסבורג, בארא פארק, קרוין הייטס, פלעטבוש, מאנסי, לעיקוואוד. אוואו דו ווילסט ככל אות נפשך. . אבער בלייבסט דו דא. פארמאך דיין פיסק. און זעץ זיך אראפ. און רודער נישט. און בונטעווע נישט. ווייל דו ביסט נישט קיין בעה"ב. דו און א פאר לצים, ווי יאסל בן מרים וואלדמאן קענען זיך איינרעדן אז עטץ זענטץ בעה"ב. אבער מ'האט ענק ב"ה געוויזן אז עטץ האטץ פאלטש געלערנט פשט אין פסוק. צוזאמען מיט ענקערע מרנן, רבנן ותלמידהון, וראשי קהילתא...קעיס קלאוז'ד...!
אויב, דרייסיג אדער פערציג פראצענט פון די שטאט האט זיך אפגעשאקעלט פונעם שטאטס רב מאיזה סיבה שיהי׳ און זיי האבן זיך געמאכט שבת פאר זיך מוזן זיי נישט זיין געבינדן צו די שטאטס רב, דאס זאגט נישט נאר איך, נאר ס׳איז שוין דן געווארן ביי פריערדיגע גדולים און פוסקים (ווער סקען ברענגן די מקור א ברכה אויף זיין קאפ, איך האב פארגעסן וואו עס איז געוועהן). סאיז געוועהן אזא מעשה אין א גרויסע שטאט ווי א גרויסע פראצענט פון די קהילה האבן נישט געגליכן דעם רב האבן זיי זיך געמאכט א אייגענע רב און א אייגענע קהילה און סהאט זיך אפגעשפילט די זעלבע געשיכטע ווי אין קר״י, זיי האבן געשריגן ממזרים און ארומגעלויפן צו רבנים, און למעשה האבן זיי געפסקנט אז ביידע קהילות מעגן עקזעסטירן און ביידע רבנים זענען לעגיטעמט.
ר׳ בערל ער איז נישט קיין יורש אויף די גאנצע שטאט רבנות נאר אויף די רביסטיווע און די פראפעטי פון די מוסדות.
נאך א שטארקע נקודה. די חילוק פון היינט ביז אמאליגע צייטן ווען סאיז געוועהן א שטאטס רב מיט א קליינע שול׳כל. וויפל [פרומע] אידן מיינסטו האבן שוין געוואוינט אין יעדע שטאט? אפילו די גרויסע שטעט? סאיז געוועהן איין קלייניטשיקע קהילה און סהאט נישט אויסגעפעלט נאך א רב. קיינער פון ר׳ אהרן׳ס זיידעס ביזן ישמח משה האבן נישט געהאט אזויפיל חסידים ווי ר׳ אהרן! סיגעט איז נישט געוועהן עפעס אזא גרויסע חסידות ווי די היינטיגע ״סאטמארע אימפעריע״. ער האט טויזנטער חסידים און ער מוז נישט געוועלטיגן אויף די גאנצע שטאט. זאל ער זיך אפגעבן מיט זיינע אייגענע חסידים און מיט ׳אריזאנא שווייץ׳ און לאזן אנדערע מענטשען וואס האלטן נישט ווי אים לעבן. קר״י מאנרא איז נישט עפעס א קלייניטשיקע שטעטלע מיט א שטאטס רב סאיז א עיר ואם בישראל היינטיגע צייטן. זאג מיר וועלכע שטאט אין אונגארן, רומעניע, אוקריינא האט געהאט אזויפיל פרומע אידן???