בן תמליון האט געשריבן:יואליש האט געשריבן:און די זאגסט אז אומרעליגיעזע מענטשן וואלטן דאס געטוהן? אדער איז דיין פראגע פארוואס זיי טוהן עס נישט?
יא די שאלה איז פארוואס, דאס איז דער נקודה דא און אויפדעם האט איר חביבי נישט קיין ענטפער.
ווער זאגט אז כ'האב נישט קיין ענטפער? ביז יעצט האט מען גערעדט צו ס'איז בכלל די מציאות אז אלע סארטן מענטשן האבן מאראלן. יעצט אז דו ענטפער איז א קלארע יא, גייען מיר צום צווייטן שאלה, פארוואס? דו זאגסט אז ווען נישט דו ביסט רעליגיעז וואלסטו געטוהן מה שלבך חפץ, געמארדעוועט און געפילדעוועט. דיינע ווירדן עקזעסטירן בלויז ווילאנג דו קענסט זיי ליינען פון א ספר. אבער ביסט מודה אז דאס פארענטפערט נישט די אלע אומרעליגיעזע מענטשן מיט מאראלען און ווירדן. ממילא דיין ענטפער איז גאר פעלערהאפטיג, און כ'בין חושד אז דער ענטפער איז געקומען נאך פאר די שאלה. אויב האב איך נישט גיט פארשטאנען גיב איך דער נאך א געלעגנהייט, זיי מסביר וואס דו האלסט איז די סיבה אונטער די אוניווערסל מידה פון רחמנות?
טראכט אריין אויב דיין ענטפער איז מסביר פארוואס אומרעליגיעזע פירן זיך אויך מיט מאראלן? פארוואס חיות ובהמות האבן געפילן און אלטוריסטישע רחמנות? איז עס אויך מסביר פארוואס ביים הייטי ערדציטערנישן האבן
מיליאנען מענטשן, אריינגערעכנט אלע סארטן רעליגיעז ווי אומרעליגיעז, מנדב געוען מתן בסתר פון זייער סעלפאן מילאנען מיליאנען דאלארן פאר די קרבנות, יתומים ואלמנות (בשעת פון 11211 איז נישט אריינגעקומען קיין איין דאלער)?
ווען מיר וועלן פארטיג זיין מיט דיין הסבר און אויב מ'וועלן אלע מודה זיין אז ס'איז פעלערהאפטיג, העמיר ווייטער פרובירן צו טרעפען אנדערע הסברים.
(וואס אן אמת, איך בין מודה אז ע"פ לאגיק קען מען עס כמעט נישט מסביר זיין, חוץ דורך די
גאלדענע רול וואס אפי' דאס איז נישט געניג, ווארום יעדער קען טראכטן, מאן ייאמר אז איך בין מחיוב צו מתקן זיין די וועלט, מאן ייאמר אז מיין קליינע פארלעצונג יעצט ווען קיינער זעהט נישט גייט ברענגן א חורבן העולם פאר אנדערע און פאר מיר. און הערשט, איז עס נישט מסביר פארוואס מ'טרעפט די אויפירונג ביי חיות. ממילא האט איך נישט אז די הסבר ליגט אין לאגיק און אויך נישט אין רעליגיע, וואס איז א סארט לאגיק.)