דאנערשטאג מערץ 10, 2016 6:47 pm#323978
מעלדונג: "קאווע שטיבל" ווערט פארשלאסן
מיר צייכענען היינט אפ פונקט 4 יאר זינט "קאווע שטיבל" האט זיך געגרינדעט. ווען מיר האבן געעפנט קאווע שטיבל אום ר"ח אדר תשע"ב מיט א ציל צו געבן א פלאטפארמע פאר אידיש-רעדנדע היימישע אידן צו קאמוניקירן מיט אפענע מוחות און הערצער אויף א אידישליכן אופן, האבן מיר בכלל נישט גע'חלומ'ט אז יעצט, פיר יאר שפעטער, וועלן מיר האבן דערגרייכט אזוי ווייט. קאווע שטיבל איז אן אנטאלאגיע פון אומצאליגע ווערק פון הויכן מחשבה'דיגן און ליטערארישן קאליבער, און איז א וואונדערליכער קיבוץ פון כל מיני מיינונגען און השקפות אינערהאלב ארטאדאקסישער אידישקייט און געזעלשאפט – פון איין עקסטרעם צום צווייטן.
א ים מיט טאלאנט איז אנטוויקלט געווארן צווישן אונזערע ווענט, און פילצאליגע באקאנטשאפטן זענען געשאפן געווארן אין די אישית-קעסטעלעך. געזעלשאפטליכע טעמעס פונקט ווי פילאזאפישע ענינים זענען העפטיג דעבאטירט געווארן מיט א געוואלד פון שכל הישר און כובד ראש, און פילע חברים זענען פאזיטיוו אפעקטירט געווארן אין זייער פערזענליכן לעבן דורך די מעגליכקייט צו קענען רעדן צו חברים מקשיבים, און די ברייטהארציגע עצות און הילף-אנבאטן מלפני ומאחורי הפרגוד.
קאווע שטיבל האט געעפענט ברייט די טויערן פאר יעדן - און ווירקליך, כמעט יעדע דעה אין דעם קאלירפולן ארטאדאקסישן ספעקטרום איז רעפרעזענטירט געווארן דורך אונזערע חברים. די פילע סארטן שמועסן פון אלע שטאפלען פון אינטעליגענץ ווערן רעפרעזענטירט אין די פארשידענע פארומס - פון "צימעס" ביז "העמק דבר", און אלעס אינדערמיט.
דאס אז יעדער קען זיך געפונען דאס פלאץ, האט אויך געעפענט א וועלט פאר די וואס האבן נישט געקענט רעדן ביז היינט. פילע וואס האבן געשפירט אינערליך דערשטיקט, און האבן טראץ זייערע טאלאנטן און אינטעליגענץ קיינמאל נישט געהאט די מעגליכקייט זיך ארויסצורעדן, צו לאזן הערן מחשבות און מיינונגען, האבן דא צום ערשטן מאל געטראפן אחים לדעה, און דאס ערשטע מאל די מעגליכקייט צו רעדן, דיסקוטירן און דעבאטירן, אן ווערן אטאקירט און צענזורירט.
פילע וועלכע זענען געבענטשט מיט טאלאנט פאר הומאר, פאעזיע, אנאליזן וכו', האבן אין שטיבל צום ערשטן מאל געפונען אן אוידיענץ וואס שעצט מעשי ידם להתפאר, און אנערקענט זייער פאסיגן חשוב'ן מקום אין דער געזעלשאפט.
טראצדעם וואס די ברייטצוגיגע עפעקטן ביז היינט זענען אומגעהויער, ווייסן מיר אבער אז מיר האבן דערווייל בלויז אנגערירט דעם שפיץ פון דעם אייז-בארג - דער פאטענציאל וואס איז נאך פאראן פון די ווייטגרייכנדע פאזיטיווע עפעקטן פון קאווע שטיבל זענען אומשאצבאר, און מיר האפן אז מיר האבן געשאפן א פרעצעדענט וואס וועט אלעמאל בלייבן אויפ'ן אויבערפלאך.
אונזער ארבעט אין דער הנהלה איז באשטאנען פון פארזיכטיג גיין אויף א גאר דינעם שטריק. פון איין זייט איז פרייהייט פון ווארט געווען פון אונזערע שטערקסטע פרינציפן, אבער פון דער אנדערער זייט האבן מיר געדארפט זיין פארזיכטיג אז מ'זאל נישט ארויסטרעטן פון דער תורה'דיגער טעריטאריע. מיר האבן אנערקענט אין יעדנ'ס רעכט זיך אויסצוקלויבן זיין מהלך החיים, אבער גלייכצייטיג ערווארטעט אז די שמועסן זאלן זיין פולקאם אין איינקלאנג מיט ארטאדאקסישער יהדות, און מיט א אידישליכן טעם אן וואולגאריזמען, ניבול פה, אדער חסרון דרך ארץ. א ציל צו וועלכן מיר האבן דערגרייכט מיט א שטארקן סוקסעס.
מיט א שווער געמיט זענען מיר אבער געצווינגען צו מעלדן, אז נאך פיר יאר פון אנגייענדיגער ארבעט ארום דעם זייגער, זענען מיר געקומען צו א פונקט וואס מיט אונזער בעסטן ווילן קענען מיר מער נישט אנגיין, און מיר זענען געצווינגען צו שפארן די טויערן פון קאווע שטיבל.
די טויזנטער ארטיקלען און מאמרים וועלכע זענען געשריבן געווארן דורך אונזערע חברים וועלן ווייטער זיין צוטריטליך אויף קאווע שטיבל, נאר מ'וועט מער נישט קענען שרייבן קיין פרישע הודעות. מיר וועלן טאקע מער נישט האבן די אנגייענדע לעבעדיגע פלאטפארמע פאר פרישע אשכולות און תגובות, אבער קאווע שטיבל וועט פארבלייבן ווי א ביבליאטעק און אדרעס צו וועלכן מ'וועט זיך אלעמאל קענען ווענדן פאר איר רייכן אנגעזאמלטן חומר.
עס איז אונז זייער שווער געווען צו קומען צו דעם באשלוס, און גלייבט אונז אז מיר וואלטן דאס געוואלט פארמיידן פאר יעדן פרייז. אבער נאכ'ן דן זיין דערין בכובד ראש פאר וואכן און חדשים, זעען מיר דאס ווי די אומפארמיידליכע מסקנא.
ווי שווער עס איז אונז צו נעמען דעם קומענדיגן געצווינגענעם שריט, זענען מיר שטאלץ און גערירט פון די פילע לעבנס וועלכע זענען אין די לעצטע יארן פאזיטיוו טראנספארמירט געווארן א דאנק קאווע שטיבל, און מיר פארשטייען און ווייסן דעם ווייטערדיגן פאטענציאל, אבער עס איז געקומען די צייט צו גיין.
קאווע שטיבל וועט געשלאסן ווערן י"א אדר, מאנטאג פרשת צו.
דער "מאחורי הפרגוד" פארום איז יעצט געשלאסן געווארן, און מיר האפן אין די קומענדיגע טעג אויסצוארבעטן א יושר'דיגן מהלך ווי אזוי זיך צו ספראווען דערמיט אויף ווייטער.
מיר וועלן אייביג האלטן טייערע דער זכות וואס מיר האבן געהאט אין לויף פון די פיר יאר אנצופירן מיט קאווע שטיבל, און מיר באדאנקען פון טיפן הארצן אלע וואס האבן צוגעהאלפן, בפרט די חשוב'ע חברים וועלכע האבן אנגעפילט אונזערע ווענט מיט אזויפיל טאלאנט, מחשבה און געפיל.
_______
נ.ב. דא האט איר אונזער ערן ווארט אז די ווערטער ווערן געשריבן מיט'ן פולסטן ערנסטקייט און בכלל נישט אין גייסט פון חודש אדר, פורים אדער "אפריל פולס". קאווע שטיבל ווערט פארמאכט אין 11 טאג ארום. ביטע נעמט אונזערע ווערטער מיט'ן פולסטן ערנסטקייט.
א ים מיט טאלאנט איז אנטוויקלט געווארן צווישן אונזערע ווענט, און פילצאליגע באקאנטשאפטן זענען געשאפן געווארן אין די אישית-קעסטעלעך. געזעלשאפטליכע טעמעס פונקט ווי פילאזאפישע ענינים זענען העפטיג דעבאטירט געווארן מיט א געוואלד פון שכל הישר און כובד ראש, און פילע חברים זענען פאזיטיוו אפעקטירט געווארן אין זייער פערזענליכן לעבן דורך די מעגליכקייט צו קענען רעדן צו חברים מקשיבים, און די ברייטהארציגע עצות און הילף-אנבאטן מלפני ומאחורי הפרגוד.
קאווע שטיבל האט געעפענט ברייט די טויערן פאר יעדן - און ווירקליך, כמעט יעדע דעה אין דעם קאלירפולן ארטאדאקסישן ספעקטרום איז רעפרעזענטירט געווארן דורך אונזערע חברים. די פילע סארטן שמועסן פון אלע שטאפלען פון אינטעליגענץ ווערן רעפרעזענטירט אין די פארשידענע פארומס - פון "צימעס" ביז "העמק דבר", און אלעס אינדערמיט.
דאס אז יעדער קען זיך געפונען דאס פלאץ, האט אויך געעפענט א וועלט פאר די וואס האבן נישט געקענט רעדן ביז היינט. פילע וואס האבן געשפירט אינערליך דערשטיקט, און האבן טראץ זייערע טאלאנטן און אינטעליגענץ קיינמאל נישט געהאט די מעגליכקייט זיך ארויסצורעדן, צו לאזן הערן מחשבות און מיינונגען, האבן דא צום ערשטן מאל געטראפן אחים לדעה, און דאס ערשטע מאל די מעגליכקייט צו רעדן, דיסקוטירן און דעבאטירן, אן ווערן אטאקירט און צענזורירט.
פילע וועלכע זענען געבענטשט מיט טאלאנט פאר הומאר, פאעזיע, אנאליזן וכו', האבן אין שטיבל צום ערשטן מאל געפונען אן אוידיענץ וואס שעצט מעשי ידם להתפאר, און אנערקענט זייער פאסיגן חשוב'ן מקום אין דער געזעלשאפט.
טראצדעם וואס די ברייטצוגיגע עפעקטן ביז היינט זענען אומגעהויער, ווייסן מיר אבער אז מיר האבן דערווייל בלויז אנגערירט דעם שפיץ פון דעם אייז-בארג - דער פאטענציאל וואס איז נאך פאראן פון די ווייטגרייכנדע פאזיטיווע עפעקטן פון קאווע שטיבל זענען אומשאצבאר, און מיר האפן אז מיר האבן געשאפן א פרעצעדענט וואס וועט אלעמאל בלייבן אויפ'ן אויבערפלאך.
אונזער ארבעט אין דער הנהלה איז באשטאנען פון פארזיכטיג גיין אויף א גאר דינעם שטריק. פון איין זייט איז פרייהייט פון ווארט געווען פון אונזערע שטערקסטע פרינציפן, אבער פון דער אנדערער זייט האבן מיר געדארפט זיין פארזיכטיג אז מ'זאל נישט ארויסטרעטן פון דער תורה'דיגער טעריטאריע. מיר האבן אנערקענט אין יעדנ'ס רעכט זיך אויסצוקלויבן זיין מהלך החיים, אבער גלייכצייטיג ערווארטעט אז די שמועסן זאלן זיין פולקאם אין איינקלאנג מיט ארטאדאקסישער יהדות, און מיט א אידישליכן טעם אן וואולגאריזמען, ניבול פה, אדער חסרון דרך ארץ. א ציל צו וועלכן מיר האבן דערגרייכט מיט א שטארקן סוקסעס.
מיט א שווער געמיט זענען מיר אבער געצווינגען צו מעלדן, אז נאך פיר יאר פון אנגייענדיגער ארבעט ארום דעם זייגער, זענען מיר געקומען צו א פונקט וואס מיט אונזער בעסטן ווילן קענען מיר מער נישט אנגיין, און מיר זענען געצווינגען צו שפארן די טויערן פון קאווע שטיבל.
די טויזנטער ארטיקלען און מאמרים וועלכע זענען געשריבן געווארן דורך אונזערע חברים וועלן ווייטער זיין צוטריטליך אויף קאווע שטיבל, נאר מ'וועט מער נישט קענען שרייבן קיין פרישע הודעות. מיר וועלן טאקע מער נישט האבן די אנגייענדע לעבעדיגע פלאטפארמע פאר פרישע אשכולות און תגובות, אבער קאווע שטיבל וועט פארבלייבן ווי א ביבליאטעק און אדרעס צו וועלכן מ'וועט זיך אלעמאל קענען ווענדן פאר איר רייכן אנגעזאמלטן חומר.
עס איז אונז זייער שווער געווען צו קומען צו דעם באשלוס, און גלייבט אונז אז מיר וואלטן דאס געוואלט פארמיידן פאר יעדן פרייז. אבער נאכ'ן דן זיין דערין בכובד ראש פאר וואכן און חדשים, זעען מיר דאס ווי די אומפארמיידליכע מסקנא.
ווי שווער עס איז אונז צו נעמען דעם קומענדיגן געצווינגענעם שריט, זענען מיר שטאלץ און גערירט פון די פילע לעבנס וועלכע זענען אין די לעצטע יארן פאזיטיוו טראנספארמירט געווארן א דאנק קאווע שטיבל, און מיר פארשטייען און ווייסן דעם ווייטערדיגן פאטענציאל, אבער עס איז געקומען די צייט צו גיין.
קאווע שטיבל וועט געשלאסן ווערן י"א אדר, מאנטאג פרשת צו.
דער "מאחורי הפרגוד" פארום איז יעצט געשלאסן געווארן, און מיר האפן אין די קומענדיגע טעג אויסצוארבעטן א יושר'דיגן מהלך ווי אזוי זיך צו ספראווען דערמיט אויף ווייטער.
מיר וועלן אייביג האלטן טייערע דער זכות וואס מיר האבן געהאט אין לויף פון די פיר יאר אנצופירן מיט קאווע שטיבל, און מיר באדאנקען פון טיפן הארצן אלע וואס האבן צוגעהאלפן, בפרט די חשוב'ע חברים וועלכע האבן אנגעפילט אונזערע ווענט מיט אזויפיל טאלאנט, מחשבה און געפיל.
_______
נ.ב. דא האט איר אונזער ערן ווארט אז די ווערטער ווערן געשריבן מיט'ן פולסטן ערנסטקייט און בכלל נישט אין גייסט פון חודש אדר, פורים אדער "אפריל פולס". קאווע שטיבל ווערט פארמאכט אין 11 טאג ארום. ביטע נעמט אונזערע ווערטער מיט'ן פולסטן ערנסטקייט.
