Unorthodox TV - באזירט אויף די בוך.

האב איך געזען עטליכע עפיזאדן, מה נאמר ומה נדבר, אזעלכע געמישטע געפילן. פון איין זייט אזא הנאה פון די גוטע חלקים, אבער די ווייטאג פון טעותים.

פארוואס מאכן זיי נישט אביסל מער ריסערטש?
אויב וואלט אן עדאלט פארשוואונדען געווארן, ווער וואלט נישט גערופן די פאליס?
וואס איז די פלאן, מען גייט איר נאכלויפן אין בערלין און?
די מעשוגענע קאזין, יא רבנים האבן עקסטרעמיסטן ארום זיך, אבער וואספארא פארשוין איז דאס (מיט א גאן)?
אירע געפילן זענען ווייט נישט גוט דעוועלאופט. (מען דארף בעסער קענען פילן וויאזוי זי האט עוואלווט).


עס טוט מיר וויי, ווייל דאס איז וויאזוי אונז ווערן רעפרעזענטירט פאר די וועלט. איך האלט אונז האבן אסאך פראבלעמען, אבער ווען מען לייגט עס אראפ אנדערש, אפילו נאר דקות'דיגע חילוקים, ווערט עס פון א גוטע זאך צו אן עוולה. אויב וואלט אונזער קאמיונטי געקומען אונטער פרעשור פון די אלגעמיינע גאס ווי עס דארף צו זיין, וואלט עס געקענט האבן אן השפעה לטובה אין די לאנג ראן. אבער ווען די דרויסענדיגע וועלט זעט אונז מיט אזעלכע ברילן, ברענגט עס נאר ווייטקייט און שנאה פון ביידע זייטן.

די מענערישע בגדים זענען גראדע יא גאנץ פיין. (חוץ די שטריימלעך, דארטן האבן זיי געשפארט...)
די אידיש איז אויך בעסער ווי איך האב מיר געראכטן (אבוויעסלי ווייט פון פערפעקט).

שוין, גענוג פאר היינט נאכט, נאך דא אפאר וואכן איזולאציע.

און די מדריכה

די כלים וואס זי נוצט... די ענקזייעטי מאשין... אטעם אריין...

טאטע אין הימל!

איך האב אויסגעפלאצט ביי די אלומיניום פאפיר באדעקטע בענקל ביים סדר

ס'איז טאקע פול מיט הגזמות, אבער א גרויסע טייל פון זיי זענען פיין בארעכטיגט (כמאמר החכם: "אויף מיר מאכט מען נישט אויף אזעלכע מעשיות"), זיי טרעפן אריין גוט אין פינטל.

ועיין עוד כאן.

רביה"ק זי"ע: לעומת זה. פון דארט נעמט זיך די פאפולאריטעט פון "שטיסל". ווייל אין א יעדע מאווי, טי.ווי. סעריע. אדער פילם וואס האט צו טון מיט אידן אדער אידישע סאבדזשעקטס מאכן די פראדיוסערס אמעראצ'ישע טעותים. למשל, ביי די פילם סעריע..."בלו בלאדס"...וואס זיי האבן פילמירט אין בארא פארק מיט עטליכע יאר צוריק, איז איינס פון די טעותים וואס זיי האבן געמאכט (נישט די איינציגסטע) אז איינער פון די הויפט שפילערס (וועלכער איז אפילו נישט קיין איד) האט געשפיעלט ווי א חסיד'ישער איד. אנגעטון מיט א שטריימל און בעקישע, האט אויך געהאט זיין וועדדינג בענד (רינגל).

בכלל מאכן די פראדיוסערס טעותים. וועלכע זענען אקעגן די מציאות. כאטש זיי האבן עדיטארס, וועלכע דארפן כאפן און פאררעכטן די טעותים. אויף איין מאווי שפיעלט מייקל דאגלעס ווי א זוהן וועלכער גייט באזוכן זיין טאטן אין שפיטאל. וואו דער טאטע ליגט מיט א אקסידזשען טענק. און ס'שטייט פארשידענע סיינס אז מ'טאר נישט סמאוקן. און ער רייכערט א ציגארעטל.

איך האב נישט געזעהן קיינע טעותים אין דעם סעריע, זייער יועץ אלי ראזען (וועלכע שפילט אויך דער רבי) האט געמאכט א פיינע ארבעט, כ'האב נאר געזעהן הגזמות. אויסער דעם איז דא די מושג פון plot holes, וואס אפילו די סאמע גרעסטע, פראפעסיאנאלסטע, און פאפולערסטע פילמען זענען געשלאגן דערין.

זיי וואלטן געדארפט א היימישע costume director און editor.
זאכן ווי א דורך זיכטיגע מחוצה, דער נייע חתןס צופליקטע שטריימל, די פרויענס פארצייטישע קליידער און שייטלעך... רוב סאטמארע פרויען גייען אנגעטוהן טייער, neat און classy. אפילו אסתי איז געווען אנגעטוהן זייער יאנטשי און שלאמפי. אזא ארימע חתונה האב איך נאר געזעהן אין ארץ ישראל. די אקסענטס זענען רוב נישט געווען פאסיג. דער רב רעדט אמעריקאניש, די מיידל רעדט ארץ ישראל'דיג.
איך האלט אז זייער פאנטשער איז געווען Filming אין בערלין, און זיי האבן נישט געהאט קיין ריכטיג היימישע advice צו דער האנט דארט.

די בעסטע אקטער אינעם שפיל האלט איך איז געווען דעם מאן יענקי. זייער אויטענטיש. אסתי איז צו פארביסן די גאנצע צייט. זי האט געהאט א גאנצע מאווי צו ווייזן א ריכטיגע שמייכל און סאיז קיינמאל נישט געקומען. ווען זי האט געשפילט רוחמי אויף שטיסל האט עס אריינגעפאסט אלץ איר חלק, אבער דא האט עס געמאכט א צו אנגעצויגעננ שטימונג.

די פילם איז שטארק נעגעטיוו קעגן חסידישע אידן. איך קען נישט זעהן אז עס זאלן צוקומען חרדי ליבהאבער נאכן זעהן דעם שפיל, און מאכן דעם גוטן רושם וואס שטיסל האט געמאכט.

שטיסל פאקט איבער דעם שפיל tenfold מיט non bias , authenticity, מיט א storyline וואס איז פארשטענליך און ריכטיג, און enjoyable.

די דורכזיכטיגע מחיצה איז א plot hole, זיי האבן עס געדארפט מאכן אזוי כדי אסתי'ס טאטע און מאמע זאלן זיך טרעפן.

די צופליקטע, פאלשע שטריימלעך איז ווייל זיי האבן זיך נישט געקענט ערלויבן קיין עכטע. זיי טענה'ן אז זיי האבן געדארפט 150 שטריימלעך, און אויסגעבן 200,000 דאללער נאר פאר דעם איז נישט געקומען אין באטראכט (כאטש וואס זיי וואלט אפשר געמעגט אויסגעבן די 1,500 דאללער כאטש פאר'ן חתנ'ס שטריימל).

די יאנטשי קליידער זענען טאקע מוגזם, אזויווי אסאך אנדערע פרטים אין די פילם, איך מיין אז אלי ראזען האט עס בכוונה אריינגעשטעלט... איין זאך וואס איז שוין יא געווען צופיל איבערגעטריבן און ס'מיר געקראכן אויף די נערוון, איז געווען די כלה'ס headpiece.

יישר כח פאר'ן ארויפברענגען די vaginismus חלק, בשעת ווען אונז האבן געוואטשט די פילם האב איך געמיינט אז ס'איז נאך א plot hole, כ'האב קיינמאל נישט געהערט דערפון בעפאר, ס'מיר געווען אזא דבר פשוט אז ס'איז הוילע דמיון אז ס'מיר ניטאמאל איינגעפאלן עס צו גוגלען, יעצט אז דו האסט עס דערמאנט האב איך מיך גענומען די מיה עס צו גוגלען און איך זעה טאקע אז ס'טאקע דא אזא זאך.

איינע פון די גרויסע פראבלעמען מיט די חרד'ישע פילמען איז אז מ'ערווארט נאך א 'שטיסל', און ווען ס'קומט נישט נאך די ערווארטונגען ווערט מען אנטוישט. רבותי, נעמטס ענק דאס גוט אריין אין קאפ, שטיסל איז נאר געווען איינס, ביזדערווייל האט זיך נאך קיינער נישט געקענט מיט זיי פארמעסטן.

רביה"ק זי"ע: דאס קענמען זעהן אין ריעל לייף אויך. די אומ-וויסנדע טעותים וואס די נישט ארטאדאקסישע אידן און נישט אידן מאכן. אייביג ווען זיי וויללן אדער דארפן שפיללן א ראלע פון אן ארטאדאקסישער אדער חסיד'ישער איד.

די קלאסישע מעשה מיט די 2 אנדערקאווער פאליציאנטן וועלכע האבן געדארפט פאטראלירן די גאסן פון בארא פארק פארשטעלט אלס חסיד'ישע אידן. אנגעטון מיט שטריימל און בעקישע פרייטיג פארנאכטס ווען אידן גייען אין שול. און אין די זעלבע צייט האבן זיי גערייכערט ציגארעטלעך...אדער די אנדערקאווער עף.בי.איי. עידזשענטס וועלכע האבן אין מאנרא שבת אינדערפריה אויפגעמאכט דעם שאוער און געניצט זייף גייענדיג אין מקוה.

איך אליינס האב פערזענליך באגעגנט אזא עפיזאד. איך האב אין א געוויסע תקופה געוואוינט אויפ'ן בלאק פון סאטמאר 53. ביי 13'טע עוו. איין טאג זעה איך ווי ס'איז פלוצלינג אויסגעוואקסן א הויעכער יונגערמאן אנגעטון ווי א קארלינער חסיד. מיט דעם גאנצן לבוש. מיט א ברייטן הויעכן פלאטשיגן ביבער הוט און שווארצע זאקן. אפילו דעם קראגן פון זיין ריפסענע בעקישע האט ער געהאט לויט'ן ירושלימ'ער סטייל. ער איז געווען א יוצא ונכנס אין אלע היימישע בתי מדרשים פון די געגנט. ווי סאטמאר, וויזשניץ און שומרי שבת. זיין קאווער סטארי איז געווען אז ער האט פארקויפט ספרים. פון א ווען מיט טונקעלע, איבערגעפארבטע פענצטערס.

איין טאג זעה איך ווי ער נעמט ארויס א סעט ספרים פון זיין ווען און רייסט אראפ די ברוינע פאפיר וועלכע האט געהאט אידישע אותיות (מערסטנס געדרוקט אין ארץ ישראל.) און לייגט עס גלייך אריין אין מיין גארביטש קען. ווען כ'האב איהם מעורר געווען אויף דעם. צוערשט אין עברית. רעכענענדיג אז ער קומט פון ארץ ישראל. האט ער זיך גענומען ברעכן די ציין מיט אן אמעריקאנער ענגלישן אקצענט. האביך איהם געזאגט אז ער זאלל רעדן צו מיר ענגליש. צוערשט האט ער זיך גע'עקשנ'ט צו רעדן א צובראכענעם עברית. אבער נאכדעים האט ער גענומען רעדן ענגליש. ווען כ'האב איהם געפרעגט פארוואס ער האט אריינגעלייגט די רעפפינג פעיפער אין גארבידזש האט ער מיך געפרעגט צי ס'באדערט מיך. האביך איהם געזאגט אז עכט באדערט עס מיך נישט. אבער מ'לייגט דאס געווייליך נישט אין גארביטש. צוליעב די אידישע ווערטער. האביך דאמאלס געזעהן אז ער האט אפילו נישט קיין השגה איבער שמות...!

רביה"ק זי"ע: איינס פון די הויפט סיבות פארוואס שטיסל איז אזוי שטארק ..."אן פוינט"... איז ווייל איינער פון די פראדיוסערס , היינט א חילוני. אבער א געוועזענער ישיבה בחור. וועלכער האט אליינס געלעבט אט דעם לעבנסשטייגער. אויסער וואס ס'איז זייער גוט געווארן ריסוירטשד...!

איך גלייב נישט אז דארט שטעקט די סוד, די חברה פון unorthodox זענען אויך געווארן באגלייט דורך א געוועזענען ישיבה בחור אלי ראזען.

רביה"ק זי"ע: ווען די סעריע ..."שטיסל"... איז געלאפן האט מען דאמאלס ארויסגעהויבן דעם פאקט. אבער דער פאקט איז אז קיין שום אנדערע סעריע אדער פילם האטציך נישט געקענט פארגלייכן מיט שטיסל...!

איך האב געזעהן עטליכע אנדערע מאוויס און טי.ווי. סעריעס. און ביי זיי אלע כאפט מען די טעותים וואס זיי מאכן. למשל די מאווי/ווידעא ..."דהע טשאוזען"... באזירט אויף א ביכל וואס דער קאנסערוואטיווער ראביי חיים פאטאק האט געשריבן. איך האב געליינט דעם ביכל. און אויך געוואטשט די מאווי. זיי האבן זייער שיינע, אידישע סצענעס. אבער פול מיט אמעראצישע טעותים. אז די אידן קומען פרייטיג צונאכטס אין שול דאווענען מיט טליתים. נאך א אידישע טעמיר'טע מאווי- ..."סטרענדזשער עמאנג אס"... האט אויך זייער שיינע אידישע סצענעס. אבער איז פול מיט טעותים פון א אידישן שטאנדפונקט.

זיי וואלטן ענדישער געדארפט נעמען גיטי אדער ליבי זי וואלט געווען מיליון מאל בעסער .
דעי משה לעפקאוויטש איז פיין
און די רבי האט גאר א פיינע יודיש

רביה''ק זי''ע האט געשריבן:די דורכזיכטיגע מחיצה איז א plot hole, זיי האבן עס געדארפט מאכן אזוי כדי אסתי'ס טאטע און מאמע זאלן זיך טרעפן.

די צופליקטע, פאלשע שטריימלעך איז ווייל זיי האבן זיך נישט געקענט ערלויבן קיין עכטע. זיי טענה'ן אז זיי האבן געדארפט 150 שטריימלעך, און אויסגעבן 200,000 דאללער נאר פאר דעם איז נישט געקומען אין באטראכט (כאטש וואס זיי וואלט אפשר געמעגט אויסגעבן די 1,500 דאללער כאטש פאר'ן חתנ'ס שטריימל).

די יאנטשי קליידער זענען טאקע מוגזם, אזויווי אסאך אנדערע פרטים אין די פילם, איך מיין אז אלי ראזען האט עס בכוונה אריינגעשטעלט... איין זאך וואס איז שוין יא געווען צופיל איבערגעטריבן און ס'מיר געקראכן אויף די נערוון, איז געווען די כלה'ס headpiece.

יישר כח פאר'ן ארויפברענגען די vaginismus חלק, בשעת ווען אונז האבן געוואטשט די פילם האב איך געמיינט אז ס'איז נאך א plot hole, כ'האב קיינמאל נישט געהערט דערפון בעפאר, ס'מיר געווען אזא דבר פשוט אז ס'איז הוילע דמיון אז ס'מיר ניטאמאל איינגעפאלן עס צו גוגלען, יעצט אז דו האסט עס דערמאנט האב איך מיך גענומען די מיה עס צו גוגלען און איך זעה טאקע אז ס'טאקע דא אזא זאך.

איינע פון די גרויסע פראבלעמען מיט די חרד'ישע פילמען איז אז מ'ערווארט נאך א 'שטיסל', און ווען ס'קומט נישט נאך די ערווארטונגען ווערט מען אנטוישט. רבותי, נעמטס ענק דאס גוט אריין אין קאפ, שטיסל איז נאר געווען איינס, ביזדערווייל האט זיך נאך קיינער נישט געקענט מיט זיי פארמעסטן.

שבאבניקים איז אויך געווען גאנטץ אוטענטיש

כ'האב נעכטן באקומען די לינק פונעם פילם ס'פארט ארום ביים עולם (שוין א גוטע זאך) מיין אפשאצונג? יא אבוויעסלי האט עס אסאך פעלערהאפטיגע חלקים פון אסאך אספעקטן ווי די סטרוקטור, די ווארדראוב, און אויסקוק, די לעבנסטשטייגער איז אפשר נישט פונקט ווי מ'זעהט אין וויליאמסבורג געווענליך, די שפראך איז אפשר אויך נישט אזוי איי איי איי איינער מער איינער ווייניגער, הגם איך בין קאקו פאר די אלע דיטעילס וואס זיי האבן יא גוט ארויסגעהאט און דעליווערט, אפגערעדט אז די לייפסטייל וואס מ'פילמט איז כמעט אינגאנצן פרעמד פאר א דורכשניטליכער סעקולער מענטש אונזער עולם כאפט נישט וואס דאס מיינט פאר א טאטאלער דרויסנדיגער טיווי קרו פון בערלין זאל אריישפאצירן אין אזא איזאלירטע געמיינדע און זיך נעמען דערשנאפן איינצעלהייט ביי איינצעלהייט, און מ'רעדט נישט פון 10 זאכן נאר פון א מיליאן! פון אידישע חפצים וואס ליגט אין א יעדע אידישע הויז, ביז וואס מ'סערווירט פאר נאכטמאל, וואס איז די גאסיפ וואס מ'שמועסט, וויאזוי מ'גייט אין גאס, וויאזוי מ'קושט עפעס ביים זייט פון די טיר ביים אריינגיין אין א הויז, אז א מאן קוקט נישט דירעקט אויף א פרעמדע פרוי, כ'מיין וואס ערווארטן די חסידים קען מיר איינער זאגן? אז א טיווי דיירעקטאר זאל גיין קויפן די וואך און מאכן קאפי פעיסט? אדער אפשר זיך זעצן ליינען אייוועלט? בעסיקס דארפן זיין גוט אלעס אנדערש איז א פלאס.

דעס ווי איך זאל דיר יעצט אראפשטעלן אינמיטן פאקיסטאן, און דו ווייסט נישט צו מ'וועט זיך צאמלויפן דיר באשטיינערן עני מינוט פארן נישט פונקטליך אויספאלגן אלע פארשריפטן פון די געמיינדע, יעצט הייב אן זאמלען שטאף... ס'איז נישט די גרינגסטע זאך

כ'מיין אז אין די היסטערי פון האליוואד איז נישט געווען קיין פילם/טעלעוויזיע סעריע - פונדרויסן - נישט פון א איד דירעקט (אויב ס'איז געווען) וואס זאל יא האבן ריכטיג געדעקט יעדע פארשטיקענע דעטאל, ווי געזאגט גיי ארויס פונעם אידישן פערספעקטיוו פאר א מינוט וועסטו פארשטיין ווי שווער ס'איז, יאפ מ'זעמיר זייער פארמאכט! מציאות איז מציאות. א פילם ברענגט עס נאר מער ארויס, ס'איז אבער מיסודו נישט איבערגעטריבן אז מ'קוקט טיף אריין.

ביי די וועי די כאראקטערס האבן אסאך תוכן, דעי מומע זי דאך אזא מכשיפה, א טיפיקל דורכגעפוילטע וויליאמסבורגע יענטא, ווי א ביטש פירט זי אסתי ארום ביי די נאז אין געשעפט "ווייל מ'וויל דיך זעהן"... ווען זי האט געפלאפלט פאר איר מאמע מיט וועם מ'קלערט זיך משדך צו זיין מיט איר נצחון'דיגן שמייכל "די שפירא'ס נעבן די navy yuurd" האב איך מיר געשוואוירן אז זי איז א בית רחל מיידל! מיי גאד איז זי גוט! די אויגן און די facial expressions וואס זי האט איז אויסטערליש, און ווען אסתי פרעגט א צעיושרטע "ווער איז דער בחור?" ענטפערט זי מיט א ביטול "געהעריג, ווי יעדן" א ענטפער וואס מ'גיבט פאר א פינף יעריג קינד פרעג נישט קיין קשיות און עס אויף... דעס איז מעשים בכל יום... ליידער...
באט די קעסטינג איז בכלל נישט אוועקצומאכן, די רב דערמאנט מיך פון שמעון זאב מייזליש, ער איז א עקס חסיד דערפאר איז זיין אידיש די בעסטע, ער איז אייזן נאטירליך.

נאכאמאל קען מען מאכן בעסער? יא, זיכער קען מען, מ'האט דאך שוין געזעהן גענוג איבער אונז אויפן קליינעם און גרויסן סקרין, כ'גלייב נישט אז נאך פידלער אן די רוף blue bloods און the awakening of moti wolkenbruch אז איין טאג וועט ארויסקומען די גאלדענע פילם אנבייעסד פילם איבער חרדים, ס'איז פשוט נישט אינטערסאנט, די שמוץ איז וואס איז ווערט צו פילמירט ווערן.

אונטערשטע שורה
ווילאנג ס'קומט פונדרויסן וועט עס האבן די געפיל פאר א אינסיידער ווי א דרויסנדיגער ארבעט.

סאנטיאגא: דו זאגסט דא שטארקע נקודות. לויט ווי איך האב געליינט ערגעץ זענען די קרו מעמבערס פון די סעריע ..."שטיסל"...איינגעשטאנען אין מאה שערים פאר עטליכע טעג. אריינגערעכנט א שבת. כדי צו לערנען ערשטהאנטיג איבער דעם לעבנס שטייגער פון די חרד'ישע אידן. ווייל קיין איינער פון די עקטערס קומען נישט פון קיין רעליגיעזן בעקגראונד. אויסער איינער פון די פראדיוסערס.

איך האב בכוונה נישט געוואלט דערמאנען ..."פידלער אן דהע ראאף"...כאטש ס'איז א קלאסישע דראמא. און זייער גוט געשפיעלט. דורך חיים פאטאק. און די אנדערע עקטארס. ווייל ס'איז צו דזשענעריק. און טוט נישט רעפלעקטירן די היינטיגע מציאות פון חסיד'ישן לעבן...!

און נאך א נקודה בנוגע וואס דו זאגסט הדסים טייערער: דו קענסט נישט ערווארטן פון א סעקולער דירעקטאר נישט צו רעדן פון אלע זאכן וואס דו (און כ'מיין יעדער וואס האט א פראבלעם אז מ'ברענגט אידן און בפרט די נושאים אונטערן פארגרעסערונגס גלאז) ווילסט נישט הערן, ס'איז נישט פשט זיי מאכן נישט גענוג ריסורטש, די ווארט איז אונז זעמיר פארמאכט אין פארגלייך צו די פרייע לעבנסטשטייגער. מאכן א טיווי סעריע פארלאנגט א טאן פון דו דילידזשענס, און נישט נאר גיין און זוכן אויף חב''ד.ארג נאר רעדן מיט מענטשן פון אינעווייניג וואס קענען די -קאמיוניטי, זענען אויפגעוואקסן אין די קאמיוניטי, און דרייען זיך אין די קאמיוניטי, און ווען איז די לעצטע מאל וואס דו האסט געהערט א חסיד זאל זיך צושטעלן? ממש א זעלטנהייט, עפעס ווען ס'קומט צו דעם אנטלויפן מיר פון יעדן שאטן, סא די קאמבינאציע פון א פארמאכטע טויער סאסייעטי, און נישט וועלן זיין בייהילפיג קומט אזעלכע רעזולטאטן, קיינער זאל מיר נישט האבן קיין טענות נאכדעם... מנשה לוסטיג קען עגריען מיט מיר, ער האט פיין געהאט צו שפירן דעם הארד טיים ביי זיין פילם, און דאס איז שוין געווען אלעס אויף א היימישן אופן, אלעס פרומע אידן, און מיט דעם אלעם האט מען זיי געטריבן פון עטליכע פלעצער, נאר דעס אליין ס'רופט זיך לאוקעישן סקאוטינג, האסט א מושג וואספארא העידעיקס דעס איז? שאפן פלעצער און נאכדעם ווערט מען פארטריבן מיט בושות... מענטשן געבן אזא קוק אפ א שעה'איגע פילם (אויב דער חסיד, האט אפילו אוועקגעבן דעם שעה צו ענדיגן די גאנצע) און גארנישט יעדער האט דעות... די אינגל דארט איז די איינציגסטע נישט פרומער, ווייל קיין איין מאמע אין גאנץ בארא פארק האט נישט געוואלט געבן זייער קינד - פאר א כשר'ע, פאזיטיווע געשיכטע ארום חסידים, אונז האלט מיר
זיך נישט ביים צושטעלן און מ'האט טענות.. מענטשן האבן נאך טענות.

ס'באדערט מיר פשוט די היפאקראציע, ווייל יעדע מאל אונז מאכן העדליינס אין פילם און אין די נייעס, קומען מענטשן מיט די אינוואלידע ארגומענט, און דערביי גיבט מען אזא וויש אוועק אלע פראבלעמען וואס מ'דארף ווען רעדן דערפון... וואס ווילט עטס, מ'זאל אריינקומען אין ראדני מקוה מיט אלע קלאפער געצייג אפכאפן וואס מ'שמועסט דארט? עטס ווארפטס דאך ארויס די פילם מאכערס פון איבעראל!! עניוועי אבסורד.

ווען ס'איז אזוי מין שלעכט אז דו דערקענסט ממש נישט די קאמיונטי, סאסייעטי, לעבן און שאפן פון וואס ווערט געשילדערט, האסטו א גערעכטע טענה, די פאקט איז אז איך און דו דערקען מיר זיך היבש גוט, נישט ממש טרענספערנט אבער מ'קען רילעיטן דערצו, און סתם נוצן די אומסוקסעפולע עלעמענטן אין א מעשה אלס א שטעקן מאכט נישט די פראבלעמען אין אונזער קאמיוניטי זאל פארשווינדן ווערן... טעכנישע לאגיסטישע קלייניקייטן זענען קינדער שפילן אין קאנטראסט צו די הימל שרייענדע צוריקגעבליבענע לעבנסטשטייגער וואס קיינער ווייסט נישט פארוואס און פארוועם מיר פאלגן עס נאך

די אלע קליינע טעותים סיי די accent און סיי די פורים-שטריימלעך מאכט גארנישט אויס פאר קיין פרעמדע. נאר איינער פון די קאמיונטי באמערקט עס.

מ׳זעהט אבער אז זיי האבן אריינגעלייגט אסאך כוח און מוח פאר די קליינע דיטעילס!


איך האב נישט געוואוסט אז די פילם-אינדאסטרי נוטיגט זיך אין שטריימלעך. ווען איך ווייס וואלט איך זיי גערן געבארגט מיין רעגן-שטריימל...
איך פלאן אפשר צו עפענען א נייע ביזנעס פון פארדינגען ״חסידישע מלבושים״ פאר די מאוויס- א יעדער איינער וואס האט איבעריגע מלבוש, שטריימל, גארטל, ספאדיק, חנוכה מנורה, לאנגע גאטשע זאל זיך מעלדן אין אישי. איר קענט שיין פארדינען...

רביה''ק זי''ע האט געשריבן:l (כמאמר החכם: "אויף מיר מאכט מען נישט אויף אזעלכע מעשיות"), זיי טרעפן אריין גוט אין פינטל.

ועיין עוד כאן.

פיין געזאגט!

berlbalaguleh האט געשריבן:רביה"ק זי"ע: לעומת זה. פון דארט נעמט זיך די פאפולאריטעט פון "שטיסל". ווייל אין א יעדע מאווי, טי.ווי. סעריע. אדער פילם וואס האט צו טון מיט אידן אדער אידישע סאבדזשעקטס מאכן די פראדיוסערס אמעראצ'ישע טעותים. למשל, ביי די פילם סעריע..."בלו בלאדס"...וואס זיי האבן פילמירט אין בארא פארק מיט עטליכע יאר צוריק, איז איינס פון די טעותים וואס זיי האבן געמאכט (נישט די איינציגסטע) אז איינער פון די הויפט שפילערס (וועלכער איז אפילו נישט קיין איד) האט געשפיעלט ווי א חסיד'ישער איד. אנגעטון מיט א שטריימל און בעקישע, האט אויך געהאט זיין וועדדינג בענד (רינגל).

בכלל מאכן די פראדיוסערס טעותים. וועלכע זענען אקעגן די מציאות. כאטש זיי האבן עדיטארס, וועלכע דארפן כאפן און פאררעכטן די טעותים. אויף איין מאווי שפיעלט מייקל דאגלעס ווי א זוהן וועלכער גייט באזוכן זיין טאטן אין שפיטאל. וואו דער טאטע ליגט מיט א אקסידזשען טענק. און ס'שטייט פארשידענע סיינס אז מ'טאר נישט סמאוקן. און ער רייכערט א ציגארעטל.

אמת! אז מ'רעדט שוין, א באקאנטע טעות וואס טרעט אויף די נערוון, שוין עטליכע מאל געזעהן ווען מ'דארף אויפהייבן א טעלעפאן, זעהט מען די פאון אויפן האום סקרין מיט אלע עפס אין אנדערע ווערטער מ'ווייזט קלאר פארן צוקוקער אז מ'האט ניטאמאל געפעיקט דעם פאון קאל, דעס איז א מאדנע ביישפיל, מ'קען מיינען ווי שווער איז דאס צו פעלשן... די איינציגסטע לאגישע סיבה איז ס'הערשט א געיעג צו ענדיגן פאוסט פראדאקשען, כאפן זיך אריין אזעלכע טעותים. אמאל כאפט מען זיך הערשט נאכן שאאטן, און גיין איבערמאכן קען אפקאסטן שווערע אלפים פון טרעוול, עסן, איבערדינגען די פלאץ, סעקיוריטי, אויפהאלטן די פילם קרו, אלס פאר א מילדער טעות...

יעצט כאפ איך הערשט ווער דער אלי ראזען איז. ער איז מיר געוועהן זייער קענטליך, כהאב נישט געקענט כאפן פון וואו איך קען אים.

ער הייסט אלי ראזנבלוי. א היימיש קינד פון ב״פ. איך קען אים גוט, כ׳פלעג פארברענגן מיט אים.

בת קול האט געשריבן:זיי וואלטן געדארפט א היימישע costume director און editor.
זאכן ווי א דורך זיכטיגע מחוצה, דער נייע חתןס צופליקטע שטריימל, די פרויענס פארצייטישע קליידער און שייטלעך... רוב סאטמארע פרויען גייען אנגעטוהן טייער, neat און classy. אפילו אסתי איז געווען אנגעטוהן זייער יאנטשי און שלאמפי. אזא ארימע חתונה האב איך נאר געזעהן אין ארץ ישראל. די אקסענטס זענען רוב נישט געווען פאסיג. דער רב רעדט אמעריקאניש, די מיידל רעדט ארץ ישראל'דיג.
איך האלט אז זייער פאנטשער איז געווען Filming אין בערלין, און זיי האבן נישט געהאט קיין ריכטיג היימישע advice צו דער האנט דארט.

די בעסטע אקטער אינעם שפיל האלט איך איז געווען דעם מאן יענקי. זייער אויטענטיש. אסתי איז צו פארביסן די גאנצע צייט. זי האט געהאט א גאנצע מאווי צו ווייזן א ריכטיגע שמייכל און סאיז קיינמאל נישט געקומען. ווען זי האט געשפילט רוחמי אויף שטיסל האט עס אריינגעפאסט אלץ איר חלק, אבער דא האט עס געמאכט א צו אנגעצויגעננ שטימונג.

די פילם איז שטארק נעגעטיוו קעגן חסידישע אידן. איך קען נישט זעהן אז עס זאלן צוקומען חרדי ליבהאבער נאכן זעהן דעם שפיל, און מאכן דעם גוטן רושם וואס שטיסל האט געמאכט.

שטיסל פאקט איבער דעם שפיל tenfold מיט non bias , authenticity, מיט א storyline וואס איז פארשטענליך און ריכטיג, און enjoyable.

אה פון שטיסל קען איך איר נאמען שכח. שטיסל קען מען נישט פארגלייכן צו אמעריקע, אין ארץ איז דא פיל מער ריסארסעס א באנדע פרייע, פונקט ווי אין די חייל איז דא גענוג שומר תורה ומצות, איז דא גענוג פרומע וואס מיינדן נישט זיך צוצושטעלן... בכלל אן איזרעלי ביי דעפינישן איז פיל מער אפן און קעירלעס, ווי דער וויליאמסבורגע צוריקגעצויגענער חסיד

ביזט נישט גערעכט, איר כאראקטער איז פארביסן, אויף אלעס! קלער אריין א מינוט, און צייל מיט די פינגער; זי איז א יתומה, צוקריגט מיט די מאמע, קיין פאטער האט זי נישט, און די פארשאלטענע מומע שטייט איר אויפן קאפ, די באבע איז סתם אומסיפאטיש, איבערהויפט ווען די מאמע קומט פון בערלין, אבער פאר איר האט אסתי עפעס יא רעספעקט און גיבט זיך אפ מיט איר מיט א שמייכל, קען זיין ס'איז א חלק פון מיטשפילן, די האט דאך א גרויסע סוד מיט זיך וואס מאכט נישט זאכן גרינגער, זי לעבט א דאבל לייף און זי איז נישט אינטערסירט אין העטראסעקסואלע מערידזש וואס נאך? ס'איז דא די קאנעקשן מיט די פיאנא טיטשער וואס זי שפירט א בענקשאפט ווייל דאס איז געווען איר פתח צו די אפענע וועלט און דא דארף זי אלעס איבערלאזן און גיין קיין בערלין. בקיצור

אני הקטן האב אויך פארלוירן די פאטער יונגערהייט איך קען זאגן ווען זי האט געזאגט: איך בין נישט קיין יתומה! האב איך באקומען טשילס, גראדע די איין ליין אז די מומע זאל זאגן פאר איר ווי נישט ווי איז דאך א יתומה שטימט אפשר נישט, א געווענליכע חסידישע פרוי רעדט נישט אפן און גראב פארנט פון א מיידל אזוי, דעס רעדן די כמו ערוואקסענע צווישן זיך, עניוועי כ'ווייס זייער גוט וויאזוי ס'פילט מ'פארלירט די בלוט און פלייש, און מ'פארדינט דעה זאגערס פון אלע זייטן... און ס'מאכט אין יעדנספאל צען מאל ערגער! לאז דעם קינד לעבן און אויב דאס קינד האלט נישט ביים חתונה האבן שאט אפ ענד גיוו דעם סאם ספעיס

ווי יענער האט געזאגט, מ'פארלירט איין טאטע און מ'באקומט צעהן...

שבת אחים האט געשריבן:יעצט כאפ איך הערשט ווער דער אלי ראזען איז. ער איז מיר געוועהן זייער קענטליך, כהאב נישט געקענט כאפן פון וואו איך קען אים.

ער הייסט אלי ראזנבלוי. א היימיש קינד פון ב״פ. איך קען אים גוט, כ׳פלעג פארברענגן מיט אים.

ווער איז דער ראזן איינער האט א בעפאר בילד פון אים? כ'ווייס וואס ער שפילט איך בין פשוט נייגעריג אין זיין פעסט,
ער איז אינוואלד היינט מיט די יידישיסטישע off Broadway show
"New Yiddish Rep" אבער ווער איז ער, כ'מיין פון וואו שטאמט ער חתונה געהאט א גרש א בחור אביסל בעיקראונד

אלי ראזן איז פיינע נייעס, ער איז גראדע נישט קיין פארביסענער, און שפילט אין אסאך די סארט יידישע פילמען לעצטענס.
ס'איז איין גרופע וואס זענען אינוואלווד אין יודישע עקטינג. אלעס קומט פון היימישע שטובער, אבער כ'מיין אז דאס אליינס אז זיי פירן זיך שוין נישט היימיש, פארגעסן זיי אליינס וויכטיגע זאכן ביים מאכן א מאווי, ווי יעדער וואלט נארטורליך אויבנאויף פארגעסן מנהגים וואס מ'פירט זיך אין שטאט - נאכן זיין צוויי חדשים אין קאנטרי.

און אפילו זיי באמערקן יא טעותים, האב איך אליינס געהערט פון מנשה לוסטיג, אז דער דירעקטאר און שותפים זענען באלעבוס אויפ'ן ארבעט, און טאמער זיי פאר'עקשנ'ן זיך אויף זאכן, נישט צו טוישן, צו יא טוישן, קענסטו נישט קריטיקירן, פונקט ווי אין א מיליטער באזע, וואס כאטש דער זעלנער פארשטייט לאגישע זאכן וואס דער קאמאנדיר זאגט ראנג, קען ער נאר שווייגן און פאלגן.
פארפאלן ס'איז נישט קיין בדיעבד'דיגע פורים שפיל ביים רבי'ן מוצאי יום טוב, ס'איז א קרו מיט ארבייטער און א אגענדע. און זיי האבן אסאך מער חשבונות אויף יעדע ריר ווי מ'מיינט.

דאס אז אונזער עולם האלט נאר ביים קוקן און נישט העלפן, דאס איז דאך א פאקט, און לכאורה וועט זיך דאס אויפלאזן בקרוב, פונקט ווי אסאך זאכן, אבער ווען ס'קומט צו מאכן פילמען וואס איז לכתחילה נעגעטיוו קעגן חרדים, דארף א היימישער שומר שבת זיין משוגע צוצוהעלפן.
און אז האסט דערמאנט די 'מנשה' פילם, דאס איז שוין געווען א היבשע דורכברוך, און דווקא נישט נעגאטיוו, און ס'האט זיך נישט וואס צו שעמען פון שטיסל.

אגב, איז דא עטליכע ענליכע פילמען וואס ווארטן צו ערשיינען אינעם פאבליק דעם זומער תש''פ, אויב דער מאנסטער קאראנע וועט נישט מבלבל זיין די סדר החיים.

סאנטיאגא האט געשריבן:

שבת אחים האט געשריבן:יעצט כאפ איך הערשט ווער דער אלי ראזען איז. ער איז מיר געוועהן זייער קענטליך, כהאב נישט געקענט כאפן פון וואו איך קען אים.

ער הייסט אלי ראזנבלוי. א היימיש קינד פון ב״פ. איך קען אים גוט, כ׳פלעג פארברענגן מיט אים.

ווער איז דער ראזן איינער האט א בעפאר בילד פון אים? כ'ווייס וואס ער שפילט איך בין פשוט נייגעריג אין זיין פעסט,
ער איז אינוואלד היינט מיט די יידישיסטישע off Broadway show
"New Yiddish Rep" אבער ווער איז ער, כ'מיין פון וואו שטאמט ער חתונה געהאט א גרש א בחור אביסל בעיקראונד

אויב איך געדענק גוט:
ער איז אויפגעוואקסן חסידיש. יונגערהייט איז ער געווארן א ליובאביטשער.
און ער האט חתונה געהאט צו א חבדסקער, דאכצעך זיי הייסן בארענשטיין. ער האט צוויי קינדער.

עפעס אזוי.

הרי את מגורשת לי??

מאטי האט געשריבן:הרי את מגורשת לי??

כ׳האב מיך טאקע אויך געוואונדערט. וואס איז טאקע פשט? אפשר וועגן די הלכה.

זינט ווען רעכענען זיך זיי מיט הלכות?

רביה''ק זי''ע האט געשריבן:איך גלייב נישט אז דארט שטעקט די סוד, די חברה פון unorthodox זענען אויך געווארן באגלייט דורך א געוועזענען ישיבה בחור אלי ראזען.

שטיסל איז געווען א דורכברוך, ס'מאכט זיך איינמאל א decade מענטשן האבן א גרויסן טעות אז יעדער פילם ארום חסידים איז די ציל מ'זוכט אונז אראפצורייסן. דא קומט אריין א מורא'דיגע פוינט: געווענליכע פילם/טעלעוויזיע דירעקטארס האבן א גאול, די גאול איז סטאריטעלינג, מאכן א אנבייעסד איידעלע געשיכטע ארום חסידים, ווי שיין ס'הערט זיך איז עס נישט קיין מורא'דיגע סטארי, ווי יעדע דירעקטאר וועט דיך זאגן, מ'קען מאכן א מעשה: משה יאנקל איז געקומען פון ארץ ישראל וואוינען קיין ברוקלין זיין מאמע האט נישט קיין מאן און זיין זוהן איז קראנק אין בעט. אדער קען מען מאכן א מעשה מיט פרטי פרטים, א איד, א חסיד פון ארגענטינע, משה יאנקל, א נערוועזער ברייט ביינערדיגע דייבעטיק, א בעל תשובה פון ספרדי'שן אפשטאם געבוירן נאך צוואנציג יאר, געוועזענער מאריוואנע דילער, מופט קיין אמעריקע, האט נישט קיין חברים, און ארבעט אין א באדי שאפ, זיין זוהן איז אוטיסטיק און האט נישט קיין שייכות מיט'ן טאטן ער וואוינט ביים באב'ן די באבע האט חלומות פון איר מאן ביינאכט...

אזוי פעדימט זיך א געשיכטע מיט זאפט, דאס איז טאקע די אנדערלייאינג דיפרענס פון מאווי און טיווי סעריעס, וויפיל פרטים די פלאט אליינס האט, יעדע עפיסאוד האט נאך פילפאכיג מער און ס'איז א ענדלעס פארמאט

די מציאות איז נעגעטיוו צו נישט, א חסיד גייט און פארט אפ און ס'טוט זיך א געראטשעקע, די פאמיליע האקט אפ מיט אים/איר אפילו נישט איז דא די אומבאטעמ'טע געפיל די ארומיגע ווייסן נישט וויאזוי עס צו עסן און די א"ג עסקנים רעיזן געלט קעגן דער גייער ווען ס'איז דא קינדער, און אויך די עמפעסיס אויף א פארשלאסענע לעבן וכו' וכו' האט סאך מער סטאריליין און דערפאר קומט לעניות דעתי ארויס מער פון די סארט מעשיות. גארנישט קיין אגענדע
א גרינגען שבת מיינע פריינט

מאטי האט געשריבן:הרי את מגורשת לי??

ראזן זאגט אז ווען 'שטיסעל' האט געהאט שירה האס מקדש זיין א בחור האט די רבנות געדרייט א קאפ אז זי ברויך דורכגיין א גט לחומרא. זי איז אן איזרעילי בירגער און זיכט זיך נישט קיין קאפ וויי, האבן זיי באשלאסן אז דער מסדר קידושין וועט נישט ארויסזאגן דעם שם, נאר אדושעם (קעגן א טו"ז) און די חתן וועט זאגן הרי את מגורשת...

ווי נישט ווי גלייב איך עכ''פ אז אלע וואס זענן לפנים פארגליטשט, זענען נישט קיין להכעיס'ניקעס, און אז מ'קען עס מאכן ok כשר, וועלן זיי עס טון

ס'איז כשר וישר לכתחילה אזוי אויך, די רבנות זענען סתם א באנדע בהמות, נישט אומזינסט שטייט אין משנה "ושנא את הרבנות", ס'נישט צום גלייבן ווי אין א פארגעשריטענע לאנד אין תש"פ קען נאכאלץ זיין אזא מוסד.

אסאך זאכן זענען נישט צום גלויבן, און טאמער מ'מאכט א פילם נישט מיט'ן ציל צו טשעפען, נאר צו אויפטון, טוט מען פארמיידן די קליינע פראבלעמען

כרפס האט געשריבן:און אז מ'קען עס מאכן ok כשר, וועלן זיי עס טון

כאמיך באצויגן צו דעם.

כרפס האט געשריבן:אסאך זאכן זענען נישט צום גלויבן, און טאמער מ'מאכט א פילם נישט מיט'ן ציל צו טשעפען, נאר צו אויפטון, טוט מען פארמיידן די קליינע פראבלעמען

ווי למשל?

נאכאמאל רעדן פון פאזיטיווע זאכן איז דא גענוג געלעגענהייטן פאר די קאמיוניטי אויב זיי ווילן שטארק, זייט ווען דארפן פרעמדע מענטשן זיך זארגן פאר דיין אימעדזש? די פראבלעם איז דאך די זאכן וואס מ'שפילט געווענליך אויס אפ ווערן קיינמאל נישט אדרעסירט. hypocrisy#

סאנטיאגא האט געשריבן:

כרפס האט געשריבן:אסאך זאכן זענען נישט צום גלויבן, און טאמער מ'מאכט א פילם נישט מיט'ן ציל צו טשעפען, נאר צו אויפטון, טוט מען פארמיידן די קליינע פראבלעמען

ווי למשל?

נאכאמאל רעדן פון פאזיטיווע זאכן איז דא גענוג געלעגענהייטן פאר די קאמיוניטי אויב זיי ווילן שטארק, זייט ווען דארפן פרעמדע מענטשן זיך זארגן פאר דיין אימעדזש? די פראבלעם איז דאך די זאכן וואס מ'שפילט געווענליך אויס אפ ווערן קיינמאל נישט אדרעסירט. hypocrisy#

ריכטיג, אבער ס'דא אזא זאך ווי פעיק נויז, אז מ'מאכט א פילם און מ'בלאזט אויף א מעשה, וואס אמת אז ס'דא א פראבלעם, אבער א שיינע טייל פונעם פראבלעם איז גאר אינעם גיבור המעשה - וואס האט פראדוצירט דעם מעשה.
וואס איך זאג איז, אז א מענטש פארציילט א מעשה אין א פילם, פשוט לייגט ארויס פאקטן וואס האבן פאסירט, און זיין ציל איז מער ווייניגער צו פארציילן זיי מעשה, און אפשר אויך צו טוישן עפעס וועגן דעם.
אבער טאמער זאל מען מאכן א פילם - אזויווי וואן אף אס - וואס איז פשוט געוויזן פאר יעדן, קוק וואס איך האב געבראכן נעכטן.. האט עס נישט קיין גוטע ציל, און ס'האט אויף די לאנג ראנג קיין הצלחה אויך נישט. די נעגאטיווע שפייעכטץ איז גוט פאר שנעלע נייעס, פאר פעסעמיסטן, אבער נישט פאר אינטערטעינמענט אין די מאווי האנדל

איך בין גראדע היבש אימפרעסד פון די שאו, אין א געוויסע זין טרעט עס צו נענטער צום געמיינזאמען וויליאמסבורגער לייפסטייל ווי שטיסל.

די ווילאמסבורגע לעבן אויך אין א אייגענע וועלט און פארמאגן אן אייגענע קולטור אבער עס איז זייער וויט פון די טשאלמע'ס, דא אין דעם שאו האבן מיר א שוויגער וואס מישט זיך אריין אין די אינטימישע לעבן פון טאכטער און איידעם, א מומע א יענטע און א סעוויער וואס מאכט חתונה און טוט שידוכים פאר איר רחמנותדיגע אפגעפארענע שוועסטער, די סטיגמא פון א אפגעפארענער אין די קאמיוניטי, די אונגערישע באבע מיט אירע געפילן.

משה לעפקאוויטש איז אזא אוטענטישער און געפינבארער כאראקטער, גיבט א קוק ווי ער פארדרייט זיך זיין מויל און שרייט אריין ביי די האטעל אז ער איז נישט פון איזראעל נאר פון 'ניו יארק סי'ר'י, האלא'... זיין סקרינסעיווער אויף זיין סמארטפאון איז פון זיין רבי...

די פארלוירנקייט וואס א היימישע מיידל כאפט ווען די כלה טיטשער זאגט איר וואס זי האט אין איר באדי, און די בושה וואס זי האט ווען זי גייט אין מקוה, די צעבראכענקייט ווען זי שערט זיך...

די נאאיווקייט פון דעם יונגערמאן ווען ער זעט אינטערנעט מיט א סמארטפאון ביי זיין שוואגער, די שלעכטע לענדלארד וואס קוקט נישט אריין אין די טענענטס אויגן, די מחסור אין ענגלישער ווערטער אוצר ביי די סאטמארע וויליאמסבורגע אידן...

בקיצור א מוראדיג דעטאלירטע שאו מיט אסאך אינסייד אינפאו...

ווי קען מען עס וואטשן בחינם

טעלעגראם

m https://friedavizel.com/2020/03/28/sort ... northodox/ m

קען עס אפשר איינער ארויפלייגן לזיכוי הרבים

.

מאך זיכער האט געשריבן:טעלעגראם

וועכע טשענל?

לבי ובשרי האט געשריבן:

מאך זיכער האט געשריבן:טעלעגראם

וועכע טשענל?

דא מאך א זוך פאר unorthodox

אדער דא:
m https://t.me/unorthodoxtv m

פריידא וויזעל'ס איבערזיכט איז א מוז פאר יעדער וואס וויל גוט פארשטיין די חסרונות פון דעם שאו.

איין אקטיאר מיט וועם איך בין אביסל באקאנט פערזענליך וואס אויף אים איז שווער אריבערצופירן ביקורת איז משה לעפקאוויטש (מוישע).

זיין נאמען איז ווילבושעוויץ, א רוסישע משפחה פון מאנטשעסטער וועלכע האט זיך גוט אריינגעבלענדט אין די סאטמארע-ברסלב'ע קהילה אין שטאט, ער שפילט אויס די סאטמארע טשילערס איינס אין די וועלט, סיי מיט די דביקות ביי קברי צדיקים און סיי מיט די נידריגע עדיקשנס ווי חאזעריי און געמבלינג...

די טיווי שאו איז היבש פארנאגראפיש, מען קען זען דערויף די פריוואטע חלקים סיי פון אסתי און סיי פון מושי, איך וואלט נישט געראטן פאר איינער וואס וויל נישט זען פארנאגראפיע צו זען די שאו, ווען איך ווייס ווען וואלט איך עס נישט געקוקט, פאר מיינע מאראלישע צוועקן.

לאמיר זיך אביסל בעסער מסביר זיין. יעדער פארשטייט אז מען קען נישט האבן קיין טענות אויף יעדע דיטעיל, ווי סאנטיאגא האט ארויסגעברענגט ווי ווייט אונז זענען מיט אונזער לעבנסשטייגער. די טענה איז אויף די צוגאנג.

אין חדר פארציילט א מלמד וועגן א קעניג (מיט א קרוין), א קלוגע יועץ אן ערליכער איד, א גלח וואס איז אוודאי שלעכט, א צדיק וואס איז די בעסטע וואס קען זיין, און אזוי ווייטער יעדע קלישעי וואס איז פארהאן. אבער אין די וועלט פון פראפעשינעל מידיע איז עס נישט אזוי, אפילו ווען עס איז פיקציע וועלן זיי עס אראפלייגן אויף א וועג אז דו קענסט אויך פארשטיין די "רשע" (אין א געוויסע זין). על אחת כמה וכמה ווען מען רעדט באזירט אויף אמת'ע מענטשן, וועט מען ווייזן פאר די צוקוקער ביידע זייטן. חוץ אמאל ווען מען רעדט פון אזעלכע מענטשן וואס זענען אנגענומען אלס "שלעכט" (למשל נאציס).

די מעשה ווערט פרעזענטירט אז מען קען נישט פארשטיין קיין איין זאך וועס די "חסידים" טוען. יעדע איינציגער איד איז אדער טיפש מרחם, אדער א שלעכטער מענטש, אדער ביידע. און יעדע גוי טוט חסד און העלפט ארויס פרעמדע מענטשן אויף די גאס...

קענסט מיר מסביר זיין וואספארא סארט טיפ דער טאטע איז? ער קומט אריין און מאכט קידוש צו קענען טרונקען א גלעזל וויין... עס דערמאנט מיר ווען מיין רבי האט פארציילט פון די שיכור וואס האט זיך געוואלגערט אין די בלאטעס, און איך בין געזיצן און גע'דמיונ'ט ווי ער וואלגערט זיך ליטערלי אין די בלאט א גאנצע טאג... (איך זאג נישט אונז האבן נישט קיין משוגעים, אבער דאס איז א מעשוגענער פון די קוק ווינקעל פון א קינד)

די מאן אליין (יענקי) ווערט אראפגעלייגט ווי א גאנץ פארשטענדליכער מענטש, חוץ ווען עס קומט געוויסע זמנים ווערט ער פלוצלונג א שוטה משוטה ווייל ער איז דאך א חסיד, ווען ער זעט א סמארטפאון שרייט ער אריין ווי א וואנזיגער... און ווען זיין מאמע זאגט אים א ווארט וויל ער זיך פלוצלונג גט'ן נאך די סדר...

בנוגע די גאנצע מעריזש ענין, עס שטערט מיר ווען עס ווערט אראפגעלייגט ווי פרויען ווערן אונטערדרוקט דורך זייער מענער. עס איז אמת אז פרויען ליידן אין אונזער קאמיונעטי, און זיי ליידן אפילו אסאך מער ווי מענער, אבער ווען עס קומט צו די ענין ליידן אינגעלייט פונקט אזוי. מיידלעך זענען געווענליך מער אינוואלווד אין שידוכים ווי בחורים, כלות זענען געווענליך בעסער צוגעגרייט ווי חתנים אין געוויסע ענינים.

און אזוי קען מען רעדן און רעדן...

כרפס האט געשריבן:דאס אז אונזער עולם האלט נאר ביים קוקן און נישט העלפן, דאס איז דאך א פאקט.

דאס איז לכאורה א גוטע תירוץ אויף אסאך דיטעלס, כאטש איך בין נישט אזוי זיכער אז מען קען טאקע נישט טרעפן קיין היימישע צו העלפן.


דיסקלעימער: איך האב עס געזען אויף נעטפליקס.


ביידעוועי, איך האב אמאל אנגעהויבן צו קוקן שטיסל אבער עס איז מיר נישט אריינגעקומען גוט, יעדער לויבט עס אזוי אויס דא, וועל איך עס מוזן געבן נאך א טשענס.

הדסים: א שטיקל לימוד זכות (לימיט זכות) איבער דעם פילם וואס פרעדא וויזעל האט געמאכט. ארויסברענגענדיג די נעגאטיווע זייט פון דעם חסיד'יש-ארטאדאקסישן לעבנסשטייגער אין דעם טאג-טעגליכן לעבן.

זי הייבט ארויס די נעגאטיווע אספעקט וויאזוי דאס לעבן זעהט אויס ביי חסידים אנשטאט צו ווייזן וויאזוי ס'וואלט געדארפט צו זיין אידעאליסטיש. וואס איהרע מאטיוון זענען איז נישט אינטרעסאנט אויפ'ן איצטיגן מאמענט.

לפענ"ד איז דאס איינס פון די הויפט דיפערענצן צווישן איהר ווערק און די אנדערע דעטאליר'טע באריכטן איבער דעם חסיד'יש-ארטאדאקסישן לעבנס שטייגער און שטיסל. אז די אלע באריכטן שיינען א ספאטלייט אויף די חסידים און באלייכטן די נעגאטיווע זייט. כאילו צו זאגן. אויב עטץ זענטץ אזוי אנדערש און מאדנע וואלטן די אלע זאכן נישט געטארט זיין אין ענקער לעבן. עטץ וואלטץ געדארפט צו זיין בעסער פון דעם...! משא"כ שטיסל ווייזט אז טראצדעם וואס די חסידים/חרדים זענען אנדערש , זענען אבער דא ביי זיי פונקטליך די זעלבע פראבלעמען און קאנפליקטן ווי ביי די איבעריגע טייל פון די באפעלקערונג...! און זיי זענען נארמאלע מענטשן...!

מאך זיכער האט געשריבן:פריידא וויזעל'ס איבערזיכט איז א מוז פאר יעדער וואס וויל גוט פארשטיין די חסרונות פון דעם שאו.

פרידא טרייבט דארט היבש איבער, זי שטעלט זיך אויף יעדע קליינע נארישע דיטעיל.
ביים סוף פון איר ארטיקל זאגט זי קלאר וואס איר באדערט, אז מהאט נישט דערמאנט איר נאמען....

ס'דא איין עצה טייערע ברודערלעך.
לאמיר נישט זיין פון די צוקוקער און קריטיקירער, נאר עמטליך אנהייבן מאכן פילמען, אויף א פראפעשנעל קאליווער, און מיט אונזערע מאטיוון.
ס'שוין העכסט צייט, און ס'איז א היבשע גבורה ווער ס'קען דאס באווייזן.
איך האב געמיינט אז נאך די מנשה פילם, וועט זיין א היץ אין די גאסן, אזויווי ווען אברומי קארפן האט שפאצירט מיט נאטאלי פארטמאן. אבער ס'שא שטיל
נו אויב די צייט איז רייף, פארוואס קלאצן מיר? פארוואס עסן מיר דזשאנק פוד, ווי א שטייגער די אונטערנס און יענס גלייכן, וואס איז גוט פאר חדר יונגלעך. לאמיר זיך ארויסרוקן פון די שמאלע שיכלעך.

ברענג אריבער גרואווייס...