קאווע שטיבל • אפיציעלער איסור אויף שטערן/שפאקטיוו

איך וויס נישט צו איך זאל לאכן צו וויינען. אזעליכע יונגע ראצערס קוים וואס זיי האבן שתי שערות און שוין פירן זיי מערכות און דרייען איבער א וועלט.

גדעון האט געשריבן:אלס א שטיצער פון די מערכה פון די "גענגסטערס" וועל איך משתדל זיין צו מאכן מיינע ארדערס פון א גראסערי וואס וועט ארויסשליידערן דער שטערן - שפאקטיוו

אויף אלע אידן געווינטשען אזאלעכע גענגסטערס, איידעלע כולל יונגעלייט וואס מיינען גארנישט נאר דעם קומענדן דור,

Welcome back גדעון.

שוין לאנג נישט געהערט פון דיר. ביסט געווען ביזי צו משכנע זיין די געשעפטן נישט אריינצונעמען די היימישע מאגאזינען?

אויב אנהייב דעם אשכול האב איך געמיינט אז דו האלטסט וואס דו שרייבסט, גלייב איך יעצט אז דו ווילסט נאר זאגן אנדערש ווי אלע שרייבער דא, אבער אויב ענטפערסטו אויף די קומענדיגע שאלות וועל איך אננעמען אז ביסט יא ערנסט.

האט מען גערעדט צו די רבנים וואס געבן זייער הכשר אויפן שטערן?

אויב יא, וואס האבן זיי געזאגט? ווי קען מען געבן א הכשר אויף אזא טריפה אויסגאבע? און פארוואס דערמאנט מען עס נישט אין דעם איסור?

איך הער אז סטארס האבן אנגעפאנגען אינגרויסן צוריקצופאקן עמי אויף די שעלווס...

אזוי קוקט מען אויס ווען א גרופע ווארמאנגערס פירן מערכות. נישט נאר טוען זיי נישט נאר זיי מאכן גאר שאדן פאר פריערדיגע מערכות

LOL+++++++++++++++++++++++++++

ידען האט געשריבן:

גדעון האט געשריבן:אלס א שטיצער פון די מערכה פון די "גענגסטערס" וועל איך משתדל זיין צו מאכן מיינע ארדערס פון א גראסערי וואס וועט ארויסשליידערן דער שטערן - שפאקטיוו

אויף אלע אידן געווינטשען אזאלעכע גענגסטערס, איידעלע כולל יונגעלייט וואס מיינען גארנישט נאר דעם קומענדן דור,

Welcome back גדעון.

שוין לאנג נישט געהערט פון דיר. ביסט געווען ביזי צו משכנע זיין די געשעפטן נישט אריינצונעמען די היימישע מאגאזינען?

אויב אנהייב דעם אשכול האב איך געמיינט אז דו האלטסט וואס דו שרייבסט, גלייב איך יעצט אז דו ווילסט נאר זאגן אנדערש ווי אלע שרייבער דא, אבער אויב ענטפערסטו אויף די קומענדיגע שאלות וועל איך אננעמען אז ביסט יא ערנסט.

האט מען גערעדט צו די רבנים וואס געבן זייער הכשר אויפן שטערן?

אויב יא, וואס האבן זיי געזאגט? ווי קען מען געבן א הכשר אויף אזא טריפה אויסגאבע? און פארוואס דערמאנט מען עס נישט אין דעם איסור?

קודם כל חביבי, איך זאג נישט אנדערש ווי יעדן, איך פארשטיי אז די ווינט איז דא 'אנטי רבנים' און 'פרא איש הישר בעיניו יעשה', אבער סאיז נאך דא עטליכע אידן דא וואס האלטן אנדערש, קוק דיך אביסל ארום,

יעצט צו דיינע קשיות, איך בין נישט די רבנים'ס ווארטזאגער און איך האב כלל נישט קיין אנונג וואס די מעשה מיט דו 'דין תורה' איז געווען,

וואס יא, איך האב גרויס חשק אז דער שטערן - וואס האט מיר אריינגעברענגט אלס בחור אין די גויאישע וואלט - זאל נישט אריינברענגען מיינע קינדער, דאס הארץ טוט מיר וויי זעהנדיג יעדע חודש ווי בחור'לעך שטייען אין די גראסעריס אין ליינען זיך אן מיט די גויאישקייטן וואס פיהלט אן די בלעטער פונעם שטערן,

איך פארשטיי אז נישט יעדער איז איינשטימיג מיט מיין אסעסמענט איבער די אויסגאבעס, יעדער אויף זיין דרגא האט אנדערע האפענונג וויאזוי זייערע קינדער זאלן אויסוואקסן, אבער איך וועל מיט מיינע פאר דאללער שטיצן די גראסעריס וואס וועלן צישטעלן זייערע געשעפטן לויט מיינע שאיפות פאר מיינע לעכטיגע קינדער,

the way is to build them up with yesoides hadas, not to close them in a box,whats the chochmah and where is their bchirah
if they are closed in a box and they are robots

זר זהב שרייבט:
איך גלייב נישט אז זייער פראבלעם איז דאס אז בעלי בתים ליינען עס. אויב וואלט געעוען א וועג אז נאר ב"ב זאלן קענען האבן צוטריט צו די סארט מאגאזינען וואלט קיין איסור דערויף קיינמאל נישט ארויסגעקומען.

האט שוין איינער געהערט אז אין די די היסטאריע פון כלל ישראל אז מען האט גע'אסר'ט א פראדוקט ווייל סאיז דא א געוויסע טייל מענטשן פאר וועמען עס טויג נישט?
אויב בחורים טאר נישט ליינען אבער פאר מיידלעך און בעלי בתים איז עס גאר א מעלה אז זיי ליינען "נאר" דאס, דאן איז דא אסאך עצות וואס צו טון פאר מען געט ארויס א קול קורא ווי עס שטייט בזה"ל והם בבל יראה ובבל ימצא, ויתרחקו מהם "אנשים נשים טף וזקן עד קצה האחרון"...
אויב וואלטן די אידן געמיינט אויפצוטון וואלטן זיי געקענט טון איינס פון די פאלגענדע עצות:
1) מאכן א תקנה אין די שטאט אז "אלע" צייטונגען מוזן ליגן אין די געשעפטן פארשפארט אין אזא קלאזעט (אזוי ווי ציגערטלעך אין וואל מארט...) און אנזאגן די געשטעפט איינגעטומער אז "אלע" צייטונגען (אריינגערעכט דער איד און בליץ...) קען מען נאר פארקויפן פאר א פארהייראטן.
2)נעמען איינס פון זייערע אזויגערופענע כולל אינגעלייט וואס איז פויל צו ארבעטן אבער לערנט נישט קיין איין ווארט אין אים אריינשטעלן אין א גוטע ביזנעס. דהיינו, עפענען זעקס/זיבן צייטונג קיוקסן (נוס סטענטס בלע"ז) אין גאנץ וומ"ס און דאן מאכן א תקנה אז די גראסעריס זאלן מער נישט פארקויפן קיין "שום" צייטונג, און דאן וועט מען קענען קאטראלירן אז די צייטונג קיוקס פארקויפט נאר פאר פאראנטווארטליכע גרעסער מענטשן.
3) און אויב די אלע זאכן קען מען נישט טון און דו ווילסט שרייבן אן "איסור" אנשטאט צו מאכן א "תקנה" דאן שרייב "כלה כמות שהוא" שרייב אז בחורים טאר נישט... שרייב נישט קיין ווילדע נערישע איסורים אויפן עצם פראדוקט אז יעדער דארף זיך מרחק זיין עד קצה האחרון...
4) און אויב ביזטו געצווינגען צו שרייבן ווילדע איסורים ווייל נאר דאס קענסטו, דאן שרייב אויף דיין פאליטשער צייטונג און אויף דיין חבר דעם בליץ אויכט...
סך הכל זעהט מען קליפ און קלאר אז זיי מיינען נישט דעם אויבערשטן אדער עפעס אויפצוטון פאר אידישקייט.
און צו דיר טייערע זר זהב זאג איך. קום נישט דא פראבירן צו מאכן פי. אר. פאר דיין ווילדע מערכה, ווייל דא דרייען זיך מענטשן וואס האבן א שטיקלע מוח אין זייער קאפ און וועסט קיינעם נישט אויפווייזן.
ליבערשט דריי זיך ווייטער ביי די גראסעריס און מאך אן דיין טעראר, אבער לאמיר דיר זאגן זייער קלאר עס זעהט אויס אז די גייסט אויף צו פארלירן נישט נאר דעם סטאפיט מערכה, נאר דו מיט דיינע חברים וועלן ווערן אזוי ללעג ולקלס אז פאר די נעקסטע צען יאר קענסטו ווייטער זיך זעצן רעדן קינדישע פאליטיקלעך ווייל וועלכע מערכה דו וועסט פראבירן להבא וועסטו פארלירן, און מען וועט לאכן פון דיר אין די גאסן

גדעון, כה לחי! זאגסט אקוראט וואס הונדערטער מענטשן בלוטיגן אין זייער הארץ!

וואס יא, איך האב גרויס חשק אז דער שטערן - וואס האט מיר אריינגעברענגט אלס בחור אין די גויאישע וואלט - זאל נישט אריינברענגען מיינע קינדער, דאס הארץ טוט מיר וויי זעהנדיג יעדע חודש ווי בחור'לעך שטייען אין די גראסעריס אין ליינען זיך אן מיט די גויאישקייטן וואס פיהלט אן די בלעטער פונעם שטערן.

LOL פאר "זיי מיינען נאר דעם קומענדיגן דור".

אויב מיינען זיי דעם קומענדיגן דור זאלן זיי ווייניגער גזל'ען פון די רעגירונג, א קלענערע חילול ה' מאכן, גיין ארבעטן ווי נארמאלע מענטשן, ברענגען פרנסה אין שטוב, ארבעטן אויפ'ן אייגענעם נאמען, אוועקווארפן דעם טריפה'נעם אינטערנעט, נישט קויפן פאליסיס אויף אלטע אידן מיט כל ערליי שווינדלערייען און דריידלעך, נישט אויסנוצן יעדן איינציגסטן טריק אינעם בוק צו שלעפן געלט אומלעגאל פון יעדן פלאץ וואס זיי קענען נאר, נישט לייגן צעטלעך איבער ארבעטן הלכה ולא למעשה וכו' וכו'' וכו'. מען קען אנפילן גאנצעטע ביכער איבער די מעשים טובים פון די איידעלע יונגעלייט.

און בעיקר זאלן זיי אויסלערנען זייערע קינדער דעם ענין פון דרך ארץ קדמה לתורה, זיי אויסלערנען נישט צו טשעפענען קיין אנדערע אידן, נישט מבזה זיין, נישט פארשעמען קיין רבנים, נישט ווארפן פאשקעווילן, נישט מאכן קיין ליצנות פון רבני'שע חתימות מיט'ן טוישן נוסחאות פון קול קורא'ס לויט ווי ס'קומט זיי אויס בעסער פאליטיש, זיין פארנומען מיט זעך און נישט א גאנצן טאג טראכטן וועמען נאך מען קען אונטערברענגען. ואחרון אחרון חביב זאלן זיי אויסלערנען די קינדער אז ווען א רב בישראל, א גאון עולם, גיט א פסק און א הכשר דעמאלט מוז מען דאס רעספעקטירן צי ס'געפעלט יא צי ס'געפעלט נישט. אויב דער רב האט איינגעזען אז דער פראדוקט דארף זיין כשר מסתמא האט ער זיינע סיבות ע"פ תורה.

ראשאקאל איר האט מיר נישט גוט פארשטאנען. ס'איז אוואדאי נישט קיין לכתחילה פאר בעלי בתים עס צו לייענען, אבער א איסור געט מען נישט ארויס אויף א "בדיעבד" , בעלי בתים מעגן עס בדיעבד לייענען. די איסור איז ארויסגעקומען ווייל יונגע בחורים טארן עס לכתחילה נישט לייענען!

גדעון, איין פראגע:
דער בליץ איז נישט פונקט אזוי ארג? אויב נישט, פארוואס?
דער איד און דער בלאט זענען נישט פונקט אזוי געפערליך, אדער ערגער?
די נאכאנאנדע אידישע 24-שטונדיגע ראדיא, איז נישט פונקט אזוי געפערליך, פאר יונג (וואס דער קאפ ווערט אריינגעשלעפט אין די גויאישע וועלט מיט פאליטיק און אלע נארישקייטן) און אלט (טויזנטער שעות ביטול תורה וועכנטליך)?
און אויב לאמיר זאגן האלטסט אז דאך איז דער שטערן אויף אביסל אן ערגערע שטאפל, האלטסטו טאקע אזוי ווייט איז דער חילוק אז אויף די אנדערע הערט מען נישט קיין אות אחת, ניטאמאל א מכתב הסברה, ווידער דער שטערן פארלאנגט אן איסור גמור בבל יראה ובל ימצא ויתרחקו אנשים נשים וטף עד קצה האחרון מיט א גאנצע קאמפיין פון "צווינגען" די געשעפטן עס ארויסצוטראגן? ממש ממש ממש אזוי ווייט? עס קוקוט דיר טאקע אויס לויט דעם ווי די עסקנים מיינען דא ממש לשם שמים צו ראטעווען דעם דור?

זר זהב האט געשריבן:

הדד בן בדד האט געשריבן:

דעינעש האט געשריבן:נישט צו פארקריכן פונעם נושא,
ווער געדענקט נאך די איסור אקעגן VIN ??
(און אויף וויפיל האט עס געפועלט ביי אייך ??)

צירוק צום שטערן (כ'מיין רבנים...)

דעינעש, ווי"ן איז אנדערש, ווי"ן דארף נישט אנקומען צו געשעפטן אז מען זאל קענען אנקומען צו זיי, דער שטערן ווערט פארקויפט אין די געשעפטן, און דער איסור איז נאר א שפרונג ברעט צו קענען אפשטעלן דאס פארקויפן אין די געשעפטן, אזוי ווי דער איסור זאגט קלאר, דעריבער וועט זיך דאס ווענדן נאר אין אונז, מיר וועלן דארפן פאדערן פון אנזערע געשעפטן בכל התוקף עס ווייטער צו פארקויפן, און איך זאג קלאר, אויב מיין גראסערי שטעלט עס ארויס, מעלד איך אים איין אז ער פארלירט מיך אלס קאסטומער.

ווי"ן האט זיך פיין געטוישט כידוע פאר דעי וואס לייענען עם שוין יארן. ער באריכט שוין נישט אלע סארטן נייעס'ן אא"וו. א סוקסעספולע מערכה!

הדד
ביי ווי"ן איז יא דא אדוועטייזערס און אויך וויזיטארס צו זייער סייט, אמת אויף א אנדערע פארנעם ווי יעצט ביי די רעבנים פרשה (ליין שטערן),
און ווי זר שרייבט, איט וואאז סוקסעספול, [כאטשיג עס איז אויך געווען א קאמפיין פיל מיט פארטייאישע נגיעות, לויט ווי געהערט דעמאלטס] אבער זיי זענען מיינעך נאך אין ביזנעס ב"ה, (אפשר אנדערע בעלי בתים)

בכל אופן, יעדער האלט זיך אונטער אויף זיין שטייגער

גדעון האט געשריבן:קודם כל חביבי, איך זאג נישט אנדערש ווי יעדן, איך פארשטיי אז די ווינט איז דא 'אנטי רבנים' און 'פרא איש הישר בעיניו יעשה', אבער סאיז נאך דא עטליכע אידן דא וואס האלטן אנדערש, קוק דיך אביסל ארום

ווינט דא איז אנטי-רבנים? דער עולם דא איז צעקאכט איבער דעם חסרון פון מנהיגות, פון דעם פאקט אז דער מצב איז ליידער "איש כל הישר בעיניו יעשה". אז א פאר צעהיצטע לצים זענען מחליט צו פירן א מערכה, קענען זיי תיכף באקומען אונטערשריפן פון פילע רבנים.
און למען האמת, באשטייט דען די יהדות החרדית פון די פאר רבנימ'לעך וועלכע האבן אונטערגעשריבן קעגן דעם "שטערן"? ווי מיר ווייסן אלע געהערן זיי צו דער עקסטרעמיסטישער רז"ל-פראקציע פון סאטמאר. דארף מען אלזא בכלל נישט זיין "קעגן רבנים" צו האלטן אז די פאר קיצונים זענען אפגעפרעגטע רע-בנים.
אז דו פרעגסט מיך וועל איך דיר זאגן אז מיר שטערט אויך אז די אנדערע רבנים, די וועלכע זענען נישט פון די עקסטרעמיסטן, רופן זיך נישט אן, און מאכן נישט קיין סוף איינמאל פאר אלעמאל צו דעם עקלדיגן עסטרעמיסטישן קאראהאד וואס גייט שוין אן עטליכע יאר. וואו איז זייער קוראזש? פאר דעם זענען זיי רבנים, אויף צו קענען מיטשאקלען מיט'ן שוואונג? אויף צו פארמאכן דאס מויל ווען מען דארף זיי קריטיש וויכטיג?

שרגא האט געשריבן:גדעון, איין פראגע:
דער בליץ איז נישט פונקט אזוי ארג? אויב נישט, פארוואס?
דער איד און דער בלאט זענען נישט פונקט אזוי געפערליך, אדער ערגער?
די נאכאנאנדע אידישע 24-שטונדיגע ראדיא, איז נישט פונקט אזוי געפערליך, פאר יונג (וואס דער קאפ ווערט אריינגעשלעפט אין די גויאישע וועלט מיט פאליטיק און אלע נארישקייטן) און אלט (טויזנטער שעות ביטול תורה וועכנטליך)?
און אויב לאמיר זאגן האלטסט אז דאך איז דער שטערן אויף אביסל אן ערגערע שטאפל, האלטסטו טאקע אזוי ווייט איז דער חילוק אז אויף די אנדערע הערט מען נישט קיין אות אחת, ניטאמאל א מכתב הסברה, ווידער דער שטערן פארלאנגט אן איסור גמור בבל יראה ובל ימצא ויתרחקו אנשים נשים וטף עד קצה האחרון מיט א גאנצע קאמפיין פון "צווינגען" די געשעפטן עס ארויסצוטראגן? ממש ממש ממש אזוי ווייט? עס קוקוט דיר טאקע אויס לויט דעם ווי די עסקנים מיינען דא ממש לשם שמים צו ראטעווען דעם דור?

געוואלדיג! געוואלדיג!

ווען די רבנים מיינען עס אמת'דיג וואלטן זיי געאסרט אלע צייטונגען בלי שום יוצא מן הכלל און נאר מתיר געווען די מעלות. האבן זיי אבער געמוזט שפילן פאליטיק און מאכן ליצי ליצנות. אויב איינער האט באמערקט האבן זיי דריי מאל געטוישט דעם נוסח פון דעם איסור.

נוסח א': אינעם ערשטן נוסח פונעם איסור איז געווען נכלל חוץ פון דער שטערן און דער שפּאקטיוו אויך דער "בליץ".

נוסח ב': אינעם צווייטן נוסח פונעם איסור איז ארויסגענומען געווארן דעם "בליץ", וואס דאס ברענגט די ברענעדיגע שאלה, ווער איז געשטאנען אונטער דער החלטה אראפּצונעמען דעם בליץ פונעם איסור?

נוסח ג': אינעם דריטן נוסח איז ארויסגעשניטן געווארן בכלל דער פאקט "שהעורכים עמדו לפנינו וקבלו ע"ע להיות כפוף תחת מרות הרבנים ופיקוחם ע"י משגיח וככל היוצא מפיהם יעשו." עס איז נאר געבליבן די ווערטער "באו לפנינו עורכי המאגאזינען שטערן ושפאקטיוו והציעו לפנינו דבריהם בכתב בארוכה וכן בע"פּ את שיטתם בנוגע להנ"ל." (מסתמא האט זיך די רבנים געכאפט אז זיי מאכן ליצנות פון זיך אליינס אויב זיי זענען מודה אז די עורכים האבן מסכים געווען צו זיין אונטערגעווארפן אונטער די רבנים.

עס איז קלאר ווי דער טאג אז די רבנים האבן נישט ארומגעטוישט דעם נוסח. אויב עפּעס איז דאס געטאן געווארן דורך פּריוואטע מענטשן מיט פּאליטישע כוונות, און דאס ברענגט אונז צוריק צו די ברענעדיגע קשיא, וואס ליגט באמת אונטער דעם קאמפּיין און ווער איז באמת דער וואס איז מחליט וויאזוי צו פירן די מערכה?

אלס א ליינער פון דעם שטערן פון דעי וואן (כ'מיין אז כ'אב נאך ביי מיר אלע אויסגאבעס פון דעם ערשטן) קען איך מעיד זיין, און אזוי אויך מייין איך אז אלע ליינער קענען מעיד זיין, אז ער האט זיך שטארק געטוישט, די סטייל, די סארט ארטיקלען וואס ער שרייבט. זייט ער האט דעם הכשר האט ער זיך זייער זייער שטארק געטוישט, און יא, איך האב אויך א שטוב מיט קינדער, און אויך בחורים, און איך לאז זיי ליינען "נאר דאס", ווייל כהיום איז דאס דער ריינסטער אויסגאבע.

גלייב מיר נישט, קויף איין וואך דער איד און דער בלאט און קוק עס אדורך, וועסט זיך אליינס איבערצייגן, עס איז א עקל און א גרויל וואס מען שרייבט דארט, און אויף דעם זארגט זיך קיינער נישט פאר די "קומענדיגע דורות", אדער אז עס "זאל נישט אריינברענגען אין מיינע קינדער די דרויסנדיגע וועלט". ווילסט אפהיטן דיינע קינדער פון די דרויסנדיגע וועלט? מאך זיכער אז זיי האבן ליב דעם אינוויינגסטן וועלט, פיטער זיי אויטענטישע אידישקייט, וועלכע איז ביוטעפול, וועלכע פארזיסט דאס לעבן, און דאן וועלן זיי נישט וועלן וויסן פון עפעס אנדערש. פון נישט ליינען דעם שטערן, אבער יא דער איד/בלאט, וועסטו זייער ווייניג היטן דיינע קומענדיגע דורות.

ס"ה פילסטו זיך גוט אז דו ביסט פרום, ווייל דער שטערן האט גלאנציגע פעידשעס און א שיינע קאלערדיגע דעקל, אה, יא, די לעצטע צוויי יאר שוין די גאנצע קאלערדיג, נו, דאס איז דאך א שוידערליכע פירצה, מען מוז דאס אסר'ן. וואס האקסטו מיר אין קאפ אריין, אכטונג געבן אויף די דורות קען מען "נאר", און נאכאמאל "נאר" דורך זיי פיטערן אמת. נכרים דברי אמת, און אז זיי וועלן דאס האבן וועלן זיי נישט דארפן עפעס אנדערש, און אויב וועלן זיי דאס נישט האבן, גיב איך דיר א גאראנטי, יא, אני הקטן, הדד בן בדד פון קאווע שטיבל, גיב דיר א גאראנטי, אז אויב וועלן זיי דאס נישט האבן, און זיי זענען אזעלכע וועלכע זוכן עפעס סיפוק אין לעבן, וועט דיר גארנישט העלפן דאס פארמאכן דעם שטערן, זיי וועלן שוין טרעפן עפעס אנדערש, און גאר שטארק מעגליך אז ס'וועט זיין פיל ערגער פון דעם שטערן.

אין די תורה שטייט אויף מאכלות אסורות ונטמאתם בם, זאגן חז"ל, ונטמטם בם, אז דער קאפ און מוח ווערט פארטעמפט פון עסן אלע סארט שוואכע הכשרים, און די געשעפטן זענען היינט אנגעפילט מיט זאכן, אבער קיינעם פאלט נישט ביי צו אסר'ן, אדער גאר מאכן א מערכה ביי דיגעשעפטן נישט צו פארקויפן. דער שטערן איז נישט אנדערש. אויב דיר טוט וויי וואס דו האסט געליינט אלס בחור, האסטו פשוט א פערזענליכע אגענדע, און עס איז דיר גרינג אנצולייגן דיין חסרון אין יענעם, יענער איז גאר שולדיג, נישט דו אליינס, און מיט אים אינטערברענגען רעדסטו זיך איין אז דו וועסט אויף דעם מכפר זיין. נייס טריי, ביים אידישן גאט ארבעט דאס נישט, דאס ארבעט נאר ביי די אייגן פארבריצירטע אל אחר פון די איסורים פאבריצירער.

לא אלמן ישרא'

בגדולות קומען די מכון לפיקוח ארויס מיט א בריוו פארן שטערן ושפאקטיוו די וואך אין בלאט

ליינטס און האטס הנאה

דעינעש האט געשריבן:לא אלמן ישרא'

בגדולות קומען די מכון לפיקוח ארויס מיט א בריוו פארן שטערן ושפאקטיוו די וואך אין בלאט

ליינטס און האטס הנאה

ביטע אפלאודן ווער ס'קען
ייש''כ

אייזן שטארקע בריון, ותשוח"ח להאדמורי"ם החתומים שם פארן מקיים זיין דעם ולא תגורו מפני איש

גדעון,

האסט אלע רעכטן צו באשליסן פאר זיך וואס דו האלסט פאר ריכטיג. אין דעם זינען קומט דיר קרעדיט און הלוואי זאלן מיר אלע אזוי זיין.

לענ"ד נראה אז די גויאישקייט אישו מיטן "שטערן" איז נישט שייך, ווייל די גויאישקייט איז שוין במילא דא אויף א באלעבאטישן פארנעם. פון די מויערן וואס דער ערשטער דור האט אויפגעשטעלט ארום אונזער מחנה איז שוין כמעט נישט געבליבן קיין זכר. אמאל האט מיטגיין מיטן סיסטעם בדרך כלל געמיינט פארן גוט. היינט איז א מצב אז אויב שטייט מען פאסיוו, שב ואל תעשה, פארט מען זייער א סך מאל לינקס. די "דיפאלט" טראגט היינט אין אן אנדער ריכטונג ווי אמאל -- אן אמאל וואס גייט צוריק ווייניגער ווי 10 יאר.

מער און מער פון אונזער עולם ווערט אראפגעשוואנקען פון שיף. און די כוואליעס זענען נישט גויאישקייט, נאר געפאלנקייט, סתם פארגרעבטקייט.

אין א וועלט וואו דער אינטערנעט איז שולט, איז דער שטערן א ישועה, נישט קיין פראבלעם. דאס איז שוין אויב מיר וועלן מסכים זיין צו א הנחה אז דער שטערן איז גויאישקייט.

ווער עס האלט אז דער שטערן איז גויאיש און א פראבלעם זאל מוחל זיין ארויסשארצן זיך די ארבל און צושטעלן עפעס אנדערש. וואספארא ווירטשאפט איז דאס צו זיצן אויפן לעיזי באי און אימעילן איסורים יעדע פינף מינוט -- לאז שוין זיין אז מ'רעדט באמת פון פראבלעמען וואס דארפן באהאנדלט ווערן.

מענין לענין, איך מיין אז די סיבה וואס האט געפירט דערצו אז משונהדיגע מענטשן און צעדרייטע עקסטרעמיסטן האבן זיך געקענט צושטעלן צום רודער איז ווייל קיינער שטייט נישט דארט. די רבנים/חותמים/אוסרים זיצן זיך פארלוירן אין זייער באקוועמע פאטעלן און טוען זילטש. נישטא כמעט קיין פירערס -- איך רעד נישט פון ערליכע, נארמאלע פירערס, נאר פירערס בכלל; עמיצער וואס זאל עפעס טאן זאכליך פארן כלל. נישטא. אז דער קאנטראל צימער איז ליידיג, האבן זיך דארט אריינגעזעצט פראים, בעלי מידות מגונות, און סתם אומסטאבילע באשעפענישן.

זיי קענען שרייען עד אפס כוח. עס וועט דויערן אביסל און די אידן מיט לויזע חתימות וועלן זיך ארומזען שרייען צום קול פון זייער אייגענעם עכא. דעמאלט וועט זיין אביסל צו שפעט.

דעינעש האט געשריבן:לא אלמן ישרא'

בגדולות קומען די מכון לפיקוח ארויס מיט א בריוו פארן שטערן ושפאקטיוו די וואך אין בלאט

ליינטס און האטס הנאה

שוין דאנערשטיג. איינער לייענט דא דער בלאט?

אויב יא, לייג ארויף זייער בריוו.

בריוו

מוראדיג שטארק!!

A1
אלע לאמיר זאגען שכוח פאר דער שטערן פאר די גיטע ארבעט
און לאמער אלע צישטיין צי דע מערכה

שכוח פשוט

chasid האט געשריבן:מוראדיג שטארק!!

רח"ל מיר דארפן צוקיקען ווי רבנים שלאגן יך ארום ווי קינדער. אז איינער אסרט, ווער געט רעכט פאר די א.ג. "רבנים המפקחים" צו שרייען אז ס'איז מותר? אוי לנו שכך עלתה בימינו!

שמואל שלום שלמה האט געשריבן:רח"ל מיר דארפן צוקיקען ווי רבנים שלאגן יך ארום ווי קינדער. אז איינער אסרט, ווער געט רעכט פאר די א.ג. "רבנים המפקחים" צו שרייען אז ס'איז מותר? אוי לנו שכך עלתה בימינו!

זאג נאר, ווער פירט און ווער פארפירט ??

וועקט אייך אויף, אויפשטיין...

"ווער פירט און ווער פארפירט" - ווער איז דאס מחליט? איך וועל זאגן אזוי ווי מען האט געזאגט ביי אנדערע פרשיות: ווי זענען די רבנים המתירים ביי אנדערע פירצות? פלוצים דא וועקן זיי זיך אויף?

שמואל שלום שלמה האט געשריבן:רח"ל מיר דארפן צוקיקען ווי רבנים שלאגן יך ארום ווי קינדער. אז איינער אסרט, ווער געט רעכט פאר די א.ג. "רבנים המפקחים" צו שרייען אז ס'איז מותר? אוי לנו שכך עלתה בימינו!

וואס רעדסטו נארישקייטן?

------------------------

דער בלאט האט געווידמעט א גאנצן עדיטאריעל פאר די שמוציגע פרשה.

יעצט איינמאל האט דער בלאט געמאכט א גוטע ארבעט!

זיי האבן דאך שוין געשפירט די היץ אויף זייער אייגענע פלייש...

העי יו !!!
זיי זענען דא געווען פאר די אוסרים זיי געבען שוין א הכשר אויף דער שטערן יארען
קומען די אוסרים און ריקען אריין א איסור און מאכן זיך ניטאמאל וויסענדיג פון די בעלי מכשירים
איך מיין וואט דע העלל גאוס אן העיר......

אויייי איז דאס גוט!

אה, אך, שלום עליכם. שוין לאנג נישט געהערט פון אייך. צו קענט איר ארויף שטעלן א קאפיע פון דעם עדיטאריעל אין בלאט?

זאלען זיך די רבנים ארימרייסען פליקען בערד און פאנטשען גלעזער
אבער נאר צווישען זיך

שש"ש
די ביזט גוט דא, אז יעדער זאגט די זעלבע מה כל האשכול הזאת,
והרבנים הם הם תפארתנו, ולאורם אור תורתם אנו מתחממים

אפיציעלער היתר אויף שטערן/שפאקטיוו

אמע"כ העורכי קאווע שטיבל הלז הע"י,

מקען שוין פארריכטן ס'קעפל האשכול,


יישר כח,
הק' דעינעש

בָּרוּךְ אַתָּה ה' אֱלֹקֵינוּ מֶלֶךְ הָעוֹלָם, שֶׁהֶחֱיָנוּ וְקִיְּמָנוּ וְהִגִּיעָנוּ לַזְּמַן הַזֶּה.
עס זענען נישט דא קיין ווערטער צו לויבן און דאנקען השי"ת על כל החסד אשר עשה, ועל אשר מסר עולמו לשומרים. ענדליך ענדליך, נאך אזויפיל יארן זיך אפליידן פון די ליידיגע קעפ, רשעי וקיצוני ישראל, איז אנגעקומען דער טאג אויף וועלכן מיר האבן אזוי געווארט, אז ערליכע רבנים זאלן ארויסטרעטן קעגן די מחרחרי ריב, און אפטון די מאסקע פון זייערע טראציגע פנימ'ער.
זה היום עשה ה' נגילה ונשמחה בו.
איך וויל זיך נישט באנוצן מיט ליידיגע גארנישט-מיינענדע סופערלאטיוון, אבער אין א וועג איז די "מודעה רבתי" פון הגאונים זיידא און אבראהאם א מאנומענטאלער געשעעניש אין דער היסטאריע פון דעם יהדות החרדית אין אמעריקע. עס איז דאס ערשטע מאל וואס די "עסקנים" און זייערע רבנים-שותפים זענען אויסגעטון געווארן נאקעט ברבים, און זייער קלון איז באשריבן געווארן דורך ערליכע רבנים וועלכע האבן איינגעזען אז דער מצב פארלאנגט א מחאה. כמעט יעדע שורה פון דער "מודעה" פארמאגט פערלווערטער פאר וועלכע מען וואלט געדארפט עקסטער געבן קידוש אין ביהמ"ד אז ענדליך האבן רבנים דאס איינגעזען.
אנגעפאנגען מיט דעם ערשטן פאראגראף, וואו די רבנים שרייבן אז טראצדעם וואס כמעט אלע טאליבאן-געשטימטע רבנים פון וויליאמסבורג האבן געשריבן אויף דעם "שטערן" אז "יתרחקו מהם אנשים נשים טף וזקן עד קצה האחרון... שלא יכשלו בהם ח"ו אפילו באקראי ובסתר כבגלוי," איז עס כשר למהדרין, און די גאנצע כוונה פון די איסור-שרייבער איז "נישט געווען אויף צו מאכן תיקונים." פאר די אלע וועלכע ווייסן נישט וויאזוי דער איסור-מארקעט ארבעט, מאכט דער זעלבער פאראגראף קלאר אז די עסקנים און רבנים-קאלאבארירער האבן נישט געטון דאס מינדעסטע זיך צו פארבינדן מיט די רבנים וועלכע געבן די השגחה אויף דער אויסגאבע שוין די לעצטע עטליכע יאר! הרב זיידא און הרב אבראהאם ווילן אז מיר זאלן וויסן אז דאס איז זייער מהלך, דאס איז דער וועג וויאזוי זיי ארבעטן - "ומזה בעצמו יוכל כל אדם להוכיח על הדרך והנימוס." גאר שטארקע ווערטער.
די "מודעה" מאכט אויך קלאר דאס וואס יעדער רעכטדענקיגער מענטש טענה'ט שוין יארן, הלמאי מ'רודפ'ט און מ'צאפט דאס בלוט פון פריוואטע מענטשן וועלכע געבן ארויס אויסגאבעס על טהרת הקודש, בו בזמן וואס עס ערשיינען וועכנטליך שמוציגע צייטונגען אן קיין מינדעסטע רבני'שע אויפזיכט. ענדליך זאגן די רבנים, "אמת! 'דער שטערן' איז פיל בעסער פון זיי!"
אויף אזוי ווייט איז "דער שטערן" בעסער און אויסגעהאלטענער אז די רבנים באפעלן די געשעפטן אים דווקא יא צו פארקויפן, ווייל אולי וועט דאס אפהאלטן מענטשן פון לייענען די אנדערע שמוציגע היימישע אויסגאבעס.

עס איז נאך דא א סך צו קאמענטירן אויף דעם היסטארישן דאקומענט. ביז אהער איז בלויז אויפ'ן שפיץ גאפל וואס איך האב געשפירט געצווינגען צו רעאגירן אפילו איך בין יעצט געדרוקט אין צייט.

ערשטער חלק

היסטאריע!! די רבנים לאזן זיך מער נישט פון די טעראריסטען!! מער וועט אונזער שטאט נישט געפירט ווערן דורך זעלבסט-געקרוינטע א.ג. עסקנים! ברוך שמסר את עולמו שלומרים!! ייסכר פי דוברי שקר!!

לאמיר פרובירן צוצוטרעפן וואס זייערע קומענדיגע פלענער וועלן זיין.

קומענדיקע פלענער? קעגן וועם, קעגן די רבנים המכשירים פון די "שטערן/שפאקטיוו" וואס האבן זיך געוואגט צי זיין מחוצפים צי רבנים וואס האלטן זיך בכלל נישט אין די ליגע פון די סתם רבנים, נאר גאר צי זיין רבנים איבערן כלל מיט א העכערן פארשטאנד? ווארט נאר 'עסטו זען ווי די רבנים המכשירים וועלן האבן צי לעקן פון די באנדיט'שע רבנים... און דאס אליין איז די שיינקייט פון די רבנים המכשירים. ס'איז העכסט איבעראשנד צי זען רבנים זאלן האבן קוראזש זיך ארויסצישטעלן אויף א לינקע שטעלונג וואס זיי האלטן איז ריכטיג.

די מודעה פון הגה"צ ר' יעקב זיידא שליט"א איז א געוואלדיגע דערגרייכונג פאר דעם "שטערן". זאל דער אויבערשטער העלפן אז זיי זאלן ווייטער מצליח זיין.
אין דעם נייעם "שפאקטיוו" וואס איז היינט ארויסגעקומען שרייבט דער רעדאקטאר א "ווענדונג צו אונזערע חשוב'ע לייענערס", וואו ער איז מסביר בקיצור די השתלשלות הדברים, און בעט אז מ'זאל פאדערן און גראסערי דעם "שטערן" און "שפאקטיוו".

WOW WOW WOW
דא האב איך געדארפט ניצן די אלע WOW'ס, נישט ביים איסור וואס איז באמת א קליינע WOW, ווייל ליידער איז אן איסור נישט אזא גרויסער חידוש היינט. אבער אזא צעטל פון הרב זיידא, דאז איז שוין איינמאל א WOW.
באמת, זעענדיג ווי איינער האט עס דא היינט געברענגט, האב איך קודם געקלערט אז עס איז א געמאכטע זאך. כ'נישט געקענט גלייבן אז עס איז דא אזא ערנסטע רב וואס איז גרייט זיך ארויסצושטעלן און זאגן וואס ער האלט באמת, אן דעם וואס ער זאל טראכטן פון די מעגליכע קאנסעקווענצן, אן דעם ואוס ער זאל זיין פאליטיקלי קארעקט. עס איז ממש א שטארקייט (אזוינס ואס מען האט נאכנישט געזען זייט דער בעלזער האט מיט אזא שטארקייט זיך אראפגעלאזט און געטאן וואס ער האט געהאלטן פאר ריכטיג, אדער למען השלום).
איך קוק ארויף דעם איד, ער דארף זיין דער וואס טרעט אויס דעם וועג, אזעלכע רבנים קענען העלפן צוריק אויפבויען די טראסט און רעספעקט וואס פשוט'ע בעלי בתים און דער קומנענדיגער דור זאל האבן פאר די מנהיגים.
מען דארף פארשטיין אז דא איז נישט סתם א רב קומט זאגן אז אניסאקיס ווערים איז מותר, ווען רוב שרייען אסור, וואס אפילו דאס וואגן זיך היינט ווייניג און יעדער וויל נאר נאכטאנצן די גרויסע און דער חלום איז נאר צו ערשיינען צוזאמען מיט די "הויפט רבנים". נאר דא איז עס פיל פיל ווייטער. הרב זיידא האט זיך אנגענומען פאר א פריוואטן מענטש. ער האט פשוט געזען די אומ'יושר וואס דא איז פארגעקומען און ער האט באשלאסן אז ער קען בשו"א נישט שווייגן, ער טאר נישט שווייגן.
אבער נאך אלץ וואלט ער געקענט ארויסקומען מיט עפעס א פארווע קורצע פאראגראף, וואס וואלט אויך געווען א קונץ בשעת די אלע פופצן רבנים זענען ארויסגעקומען מיט אזא "שארפן איסור בבל יראה ובל ימצא". אבער ניין, ער האט זעט אויס דוקא יא געוואלט שרייבן קלארע דיבורים, וואס איך האב שוין יעצט געליינט אין דעם נייעם שפאקטיוו, און דא הער איך אז אויך אין דער בלאט ערשיינט דאס. דאס איז ממש אומגלויבליך. ער שרייבט אפן אז דא קומט דער כוחא דהתירא עדיף (וואס איז היינט א פארגעסענע זאך און נאר א שפעט-ווארט אויף כ"ק מקארלסבורג שליט"א), ער שרייבט קלאר אז יא ער האלט אז דער שטערן איז בעסער ווי די אנדערע מאגאזינען וואס האט בכלל נישט קיין השגחה און ווי די אנדערע וואס האבן פאליטיק לשה"ר רכילות, און שרייבט אויך קלאר אז די רבנים הגאונים שליט"א וואס האבן געחתמעט האבן "מחמת איזה ידידות ופוליטיק" משמיט געווען אן אנדערן מאגאזין וואס איז שוין געליגן אינעם איסור אן דעם וואס אסאך חותמים האבן אפילו געוואוסט אז מען האט עס ארויסגענומען, אויך שרייבט ער אז די רבנים וואס האבן זיך מצרף געווען "כפי הנראה להיות, אחד סמך על חבירו בכל כוחו, בלי בירור וידיעה כלל", און דערנאך מיט א גבורה שרייבט ער אז ער זאגט קלאר פאר די געשעפטן אז זיי זאלן "יא" ממשיך זיין צו פארקויפן די שטערן און שפאטקטיוו "ולית לן לאשגוחי בהו כלל" .
און בעצם האב איך הנאה אז למעשה נאך דעם איסור וואלט געווען א פראבלעם עס צו קויפן פשוט ווייל נישט אזוי קען מען ערציען גרויסע קינדער ווען מ'ווייזט אז מ'פייפט זיך אריין אין א קול קורא וואס זיי האבן געזען, אבער יעצט איז דאך שוין דא קלארע ווערטער און א פסק פון דעם רב וואס זאגט קלאר די גאנצע מעשה און ווי זיי אליין זיצן אייביג צו דן זיין אויף יעדע זאך אינעם שטערן און די אייגנטימער זענען אלץ גרייט אים אויסצוהערן, איז דאך אלעס כשר וישר.
הרב זיידא און הרב אבראהאם (סארי, איך קען נישט אייערע ריכטיגע טיטלען), איר האט געוויזן אז לא אלמן ישראל. לאמיר האפן עס איז א גוטע התחלה און מנהיגים טוען ווי זייער דעת תורה דיקטירט, און נישט ווי די עס איז די פאליטישע לופט, ווי עס איז די צייטגייסט, און ווי די היציגע נטורי-קרתא-סטיל עסקנים פארלאנגען.

100+ לא אלמן ישראל, ב״ה ס׳דא כאטש צוויי ערליכע רבנים. כמוהם ירבו בישראל.

נאך די ווערטער פון קארל און שרגא קען איך בלויז צולייגן אז האפנטליך ווען דער בריוו זיין דער אנפאנג פון דער ענדע פון דעם ביטערן גלות פון וועלכן מיר ליידן ליידער דורך אונזערע עקסטרעמיסטישע ברידער.

פשוט-קאמפליצירט האט געשריבן:מענין לענין, איך מיין אז די סיבה וואס האט געפירט דערצו אז משונהדיגע מענטשן און צעדרייטע עקסטרעמיסטן האבן זיך געקענט צושטעלן צום רודער איז ווייל קיינער שטייט נישט דארט. די רבנים/חותמים/אוסרים זיצן זיך פארלוירן אין זייער באקוועמע פאטעלן און טוען זילטש. נישטא כמעט קיין פירערס -- איך רעד נישט פון ערליכע, נארמאלע פירערס, נאר פירערס בכלל; עמיצער וואס זאל עפעס טאן זאכליך פארן כלל. נישטא. אז דער קאנטראל צימער איז ליידיג, האבן זיך דארט אריינגעזעצט פראים, בעלי מידות מגונות, און סתם אומסטאבילע באשעפענישן.

זיי קענען שרייען עד אפס כוח. עס וועט דויערן אביסל און די אידן מיט לויזע חתימות וועלן זיך ארומזען שרייען צום קול פון זייער אייגענעם עכא. דעמאלט וועט זיין אביסל צו שפעט.

א גוטע אבזערוואציע. איך מיין אבער אז אין א געוויסן זין שרייען זיי שוין צו זייער אייגענער עכא. און יא, ס'איז שוין צו שפעט. די לצים-עסקנים האבן אריינגעכאפט די תמימות'דיגע רבנים אין זעקל שוין עטליכע יאר, און עס זענען שוין אונטערגעוואקסן טויזנטער בחורים און יונגעלייט וועלכע זענען נישט בלינד און זעען דעם משוגענעם מצב, און זיי ווילן מער נישט הערן וואס די רבנים האבן צו פארקויפן.
א שיין דור אויפגעשטעלט, שלשה רועי בקר!

זיכער א מוראדיגע זאך אז די שטערן האט דאס באוויזן אזא הערליכע בריוו, איך האף נאר אז ס'וועט נישט צוריק בעקפייערן, אז די טערעריסטן סיקריקים וועלן מאכן אזא טעראר אז ס'וועט זיין נאך ערגער.

ראשעקאל האט געשריבן:זיכער א מוראדיגע זאך אז די שטערן האט דאס באוויזן אזא הערליכע בריוו, איך האף נאר אז ס'וועט נישט צוריק בעקפייערן, אז די טערעריסטן סיקריקים וועלן מאכן אזא טעראר אז ס'וועט זיין נאך ערגער.

זיי האבן שוין געמאכט לכ' זייער גרעסטע מאוו, "אן איסור"... וואס קען קומען נעקסט, שומרים ביי יעדן געשעפט?...

מוראדיג האט געשריבן:

ראשעקאל האט געשריבן:זיכער א מוראדיגע זאך אז די שטערן האט דאס באוויזן אזא הערליכע בריוו, איך האף נאר אז ס'וועט נישט צוריק בעקפייערן, אז די טערעריסטן סיקריקים וועלן מאכן אזא טעראר אז ס'וועט זיין נאך ערגער.

זיי האבן שוין געמאכט לכ' זייער גרעסטע מאוו, "אן איסור"... וואס קען קומען נעקסט, שומרים ביי יעדן געשעפט?...

נע, שומרים? זיי זענען באמעס!! מ'וועט לייגען עהרליכע יראת שמיםדיגע יונגערלייט וואס וועלן מעורר זיין בדרכי נועם נישט חס ושלום צו קויפען די טרייפענע שטערן......
דזשאוקינג אסייד, האסט נאך קיינמאל נישט געהערט פון די טאקטיק וואס די איידעלע תורהדיגע יונגערלייט האבען? איך וויל עס נישט אויסשמועסן, ווייל אויב איינער ווייסט נישט דערפון וויל איך דאס נישט אויסלערנען, אבער ס'האט צוטוהן עפעס מיט פענצטער'ס און שטיינער. אסאך ענדליכע טריק'ס זענען שוין געניצט געווארן דורך די הייליגע אידן וואס מיינען כבוד שמים. יעצט קענען זיי עס ניצן פאר הרב זיידא'ס טובה אים צו העלפן באזיגן זיין יצר הרע און ער זאל תשובה טון.

דעינעש האט געשריבן:אפיציעלער היתר אויף שטערן/שפאקטיוו

אמע"כ העורכי קאווע שטיבל הלז הע"י,

מקען שוין פארריכטן ס'קעפל האשכול,


יישר כח,
הק' דעינעש

אפיציעלע היתר איז שוין דא עטליכע יאר.

אמת געזאגט

כאטשיג יעצט איז די היתר געווארן סאך שטערקער, און די אוסרים זענען געווארן מער אפגעריסן ווי קיינמאל בעפאר

אלעס סאונד זייער גוט. אבער פאקט איז אז אינעם "איד" איז נישט דא קיין גוישע ארטיקלען אדער לשון הרע. עכ"פ נישט די לעצטע שיינע פאר יאר. די 'שטערן' נעמט א גוי און באשרייבט זיין הלוך ילך, וויאזוי ער איז רייך געווארן אלעס שיינט און בליטשקעט און ס'זעצט זיך שטארק אריין אינעם יונגען מוח.

איך לייען דעים איד יעדן וואך און איך זעה נישט קיין שום גוישע ארטיקל, אדרבה לייג ארויף א גוישען ארטיקל פון איד אפשר האב איך עס פארזעהן. -- דער איד האט למשל אן אלטן פאליסי נישט ארייצולייגן פיקטשערס פון גוים ממש ביז מס"נ ווי למשל ביי די בין לאדין פרשה האבן זיי (און נאר זיי) נישט אריינגלייגט די פעימעס אבאמא/ווייט האוז פיקטשער. דער איד איז מלא מיט השקפה ארטיקלען און סתם זאכליכע אינפארמאטיווע ארטיקלען.

איך זאג נישט אז מ'דארף "אסר'ן" דעם שטערן, אבער וואס זיי טוען זיך צו פארענטפערן מיט'ן ווארפן זייער שמוץ אויף יענעם איז סתם נאריש און אינסאלטינג.

און אויב פאלט יא אמאל אריין אן ארטיקל וואס אויב לייענט מען עס גוט (וואס א יונג בחור כאפט נישט געווענליך) שמעקט עס אביסל פון פאליטיק, איז עס נאך אלץ נישט קיין פארגלייך! איך למשל ליין שוין די איד 20 יאר אנגעהויבן פון די 10 יאר, יעדע וואך האב איך עס געהאט און דורך געבלעטערט, ווען איך האב יארן שפעטער געהערט אז אינעם איד פלעגט מען באשמוצן רבנים ווי למשל קאשויע רב אדער סיי ווער וואס איז נישט געגאנגען אין שפאן יענע צייטן האב איך מיר געואונדערט פארוואס איך געדענק גארנישט אזאלעכע באשרייבונגען!?!?... וואסי פשט ?? דער תירוץ איז ווייל קינדער/אינגע בחורים כאפן נישט אויף פאליטיקס וואס זענען מער פאר עלטערע מענטשן, ס'אינטערעסירט זיי נישט!

פוינט איז אז צו זאגן אז די פארטייאישע צייטונגען זענען ערגער איז סתם נישט גערעדט צום זאך, די מערכה דא איז צו העלפען קינדער און בחורים! דער "איד" איז נישט וואס נעמט אוועק זייער קאפ פון לערנען!

דער נאריש בארימטער איסור וואס איז די זשאוק פון שטאט, ווערט ווייטער אריינגעלייגט אינעם דבר יום ביומו.

זר זהב האסט א פוינט.