קאווע שטיבל • אפיציעלער איסור אויף שטערן/שפאקטיוו

מיט שאק האב איך אויפגענומען דעם נייעם איסור אויף דער שטערן און שפאקטיוו.

נישט קלאר אויסגעקומען.

לאמיר פראבירן נאכאמאל.

די קאראפשען וואס דא איז פארגעגאנגען איז הימל שרייענד, אבער שולדיג זענען דער שטערן פארן טראסטן זייערע שונאים

ומעשה שהי' כך הי':

דער איבראנער רב, הרב משה מאיר בריעף, האט געזען אז ער האט געהאט הצלחה מיט עמי האט ער באשלאסן אז ער איז דער בעל הבית פון וויליאמסבורג, האט ער באשלאסן אז ער גייט גיין מחיל אל חיל און ארויסווארפן יעדע זאך וואס שמעקט אים נישט פון די סטארס

פארטיג מיט עמי. יעצט איז ער געגאנגען צו דער שטערן

אבער די שגץ שטיק וואס דא האט זיך אפגעטון איז הימל שרייענד

די ארויסגעבערס פון דער שטערן האבן אים געקאלט און געזאגט היתכן, ווי קען א רב טון אזא זאך אהן קודם זיך אראפזעצן מיט די בעלי בתים

האט דער איבראנער רב געזאגט, גוט וועט מען ווען מאכן א מושב בית דין און מען וועט הערן וואס די בעלי בתים פון שטערן האבן צו זאגן

דער איבראנער רב האט געמאכט אן אזויגערופענע בית דין ווי עס זענען געזיצן ער צוזאמען מיט הרב שמחה ישראל בלום און הרב הלל וויינבערגער.
די ארויסגעבערס פון דער שטערן זענען געקומען צו די אסיפה און געזאגט: אונז קום מיר צו ענק בכפיפות ראש ובנמיכות קומה, זאגט אונז וואס עטס ווילטס און אונז וועל מיר עס טאן כדי ענק צופרידנצושטעלן

די דריי האבן געזאגט, עטס האלט דאך אז ס'איז גוט, איז וואס קומט עטס אהער?

די ארויסגעבערס פון דער שטערן האבן אבער מיט א פערדישע תמימות געענטפערט, אונז האבן דרך ארץ פאר רבנים, זאגט אונז וואס עטס ווילטס און אונז וועל מיר דאס טון

די ארויסגעבערס פון דער שטערן האבן איבערגעזאגט פאר די רבנים איינמאל און נאכאמאל אז זיי וועלן טון אלעס וואס די רבנים וועלן פארלאנגען, ווי למשל

1. טוישן די סטייל ארטיקלען
2. אויפהערן צו לייגן בילדער
3. אריינלייגן נאך א מוסר ארטיקל
4. וואס נאך עטס ווילטס

אבער די דריי חברה האבן אנגעשטעלט א פנים פון א תם, זיי האבן געהייסן אז די ארויסגעבערס זאלן זאגן וואס איז יא גוט מיטן שטערן

די ארויסגעבערס האבן איבערגעזאגט נאכאמאל און נאכאמאל, כל אשר הרבנים יאמרו לנו נעשה ונשמע

זעענדיג אז זיי קענען נישט אריינשלעפן די ארויסגעבערס אין א טרעפ האט זיך דער איבראנער רב צום סוף אנגערופן, די רבנים וועלן זיך צוזאמקומען און דן זיין וואס ס'איז דא צו טון

אינצווישן האט דער שטערן געדארפט גיין צום דרוק האבן די ארויסגעבערס אנגערופן דעם איבראנער און אים געפרעגט אויב ס'איז שוין דא א החלטה ווייל זיי ווילן מאכן די שינויים אין דעם קומענדיגן נאמבער

הרב בריעף האט געענטפערט אז ניין, די רבנים האבן נאכנישט מחליט געווען

האבן די ארויסגעבערס געזאגט: אם כן וועלן מיר אליינס מאכן אפאר שינויים, אונז וועל מיר פארמעקן די בילדער פון גוים, לייגן אנדערע ארטיקלען וכדו' ביז ווילאנג עטס באשליסטס וואס ס'איז דא צו טון

די געטרייע ליינערס פון דער שטערן האבן געזען די ווילדע שינויים וואס דער שטערן האט געמאכט, אויפרעגנדיג אלע ליינערס

אפאר טעג דערויף האבן די דריי רבנים ארויסגעגעבן א מכלומרשטן גילוי דעת אז זיי האבן דורכגעפירט א מושב בית דין און אויסגעהערט "די טענות" פון די ארויסגעבערס און האבן דן געווען דערויף און באשלאסן אז דער שטערן און שפאקטיוו איז אסור

די חוצפה און שגץ שטיק פון די דריי רבנים איז דאך נישט צום באגרייפן אפילו. דא קומען אידן און זאגן פאר די רבנים, אונז וויל מיר זיך צושטעלן און טאן וואס עטס ווילטס און דאס איז דער פאטש וואס זיי באקומען צוריק אין פנים

די שאלה איז אזוי, פארוואס זאל נאך איינער מסכים זיין יעצט צו גיין זיצן מיט רבנים ווען ער זעט אז רבנים פירן זיך אויף ווי גענגסטערס און נגד התורה מיטן זאגן ליגנט און פסקענען פאלש?

אבער דאס איז נאכנישט אלעס. די חוצפה גייט נאך סאך ווייטער. אויפ'ן אריגינעלן צעטל איז געווען אינקלאדעד אין דער איסור אויך דער בליץ אבער אין די נייע צעטלעך וואס זיי האבן געדרוקט איז דער בליץ ארויסגעשניטן געווארן. פארוואס? דער בליץ ווייסט דאך יעדער איינער טרייט נאכצומאכן דעם שטערן. איז וואס עפעס האט מען אים ארויסגענומען? זייער פשוט. דער וואס גיט ארויס דעם בליץ איז א בוזעם פריינט מיט הרב הלל וויינבערגער. ביי די טרויעריגע שמיטה לולבים פרשה זענען די צוויי געזיצן טעג און וואכןאון צוזאמען געארבעט. דער ארויסגעבער פון דער בליץ איז געווען א בן בית ביי הרב וויינבערגער.

יעצט האט אים הרב וויינבערגער צוריקגעצאלט פארן זיין אזוי געטריי פאר אים בעת צרה

אבער איך באשולדיג נישט די דריי רבנים פארן אריינשלעפן דער שטערן אין א טרעפ. איך באשולדיג דער שטערן פארן זיין אזוינע בהמות און זיך גיין אראפזעצן מיט די חברה. יעדער וואס האט געהערט וואס זיי ווילן טון האט זיי געווארנט און געזאגט: שוטים, זיי גייען ענק אריינשלעפן אין א טרעפ, און מאכן פון ענק ליצי ליצנות. יעצט האבן זיי באצאלט דעם פרייז פאר זייער טיפשות. אז מען לייגט זיך מיט קעץ שטייט מען אויף ציגראדזשעט

(איך בין א פען פון דער שטערן, אבער זייער בהמה שטיק פון די לעצטע צוויי וואכן האט מיר זייער אויפגערעגט. און איך וויל זיי דא זאגן זייער קלאר: וועט עטס פאלן פאר די טעראר קענט עטס פארגעסן פון מיר און אלע מיינע חברים ליינערס. אונז וועל מיר בשום אופן נישט קויפן דער שטערן מיט געפאטשקעטע פיקטשערס און אידישע ליכט ארטיקלען.)

די וועג ווי די רעדסט איבער די חוצפה פון די רבנים, די צידקות פון די שטערן ארויסגעבער, והאחרון החביב- וויאזוי די שרייבסט איבער דער בליץ מאכט מיך טראכטן אז די געשיכטע איז געווען אביסל אנדערש ווי דו ווילסט עס אראפלייגן,

ני די זאגסט דאך אליין אז ביי דיר איז די בליץ אחרון אחרון חביב, וועל איך זיך מיט דיר נישט קריגען

ווילאמסבורג איז זעהר מזלדיג אז ב"ה די בליץ איז אראפ געגאנגען פון די איסור וועט כאטש בלייבען איין מאגעזין וואס מען וועט קענען ליינען...

אבער היות די ווייסט די אנדעררע גירסא פין דעם איסור, אפשר זאגסטו עס דא

אדרבא ואדרבא אפשר ווייסטי די אמת לאז אינז עס וויסן

יו מיססעד מיי פוינט, איך וויל מיט דיר אויך נישט קריגן,
למען האמת, איינמאהל פאר אלעמאל: איך ליין 'נישט' דער שטערן, שפאקטיוו, בליץ, בלאט (לכ' קארל..), איד - אדער סיי וועלעכע אויסגאבע אויף אידיש, די בליץ האסטו אריינגעשלעפט אין די געמויזעכטס,
ווי געשריבן איך ווייס נישט די אנדערע גירסא, אבער פארוואס זאל איך (אדער סיי ווער וואס איז שוין גענוג לאנג אנליין) גלייבן דיין ווערסיע

גדעון, לאמיר זאגן אז אנאנים שרייבט ליגנט, איז עס אבער א שטארקע מעגליכקייט.

איך האף נאר אז די עורכים פונעם שטערן האבן געהאט שכל און אלעס רעקארדירט.

גדעון, יא אמת אדער נישט אמת, דער פאקט אז דער בליץ איז נישט דערמאנט אויף דעם גילוי דעת, שמעקט נישט גוט

לויט געוויסע שמועות, איז דא א טעיפ פון דעם מיטינג צווישן דער שטערן און די דריי רבנים, איך הער אז עס גייט ארויסקומען א פונקטליכע טרענסקריפט ווי דער שטערן זאגן קלאר פאר די רבנים אז אפי' זיי האבן יעצט א הכשר זענען זיי גרייט זיך צו צושטעלן צו וואס זיי וועלן פארלאנגן.
כ'הער זאגן אז די טעיפס וועלן אויפווייזן ווער איז זאגט דער "שקר גס". דער שטערן? אדער גאר די רבנים וועלכע זענען געטריבן פון פאליטישע אמביציעס?...
ונזכה ונחי' ונראה

אויב דאס איז ריכטיג און זיי וועלן דאס געבן פארן פאבליק, וועט דאס לכאורה זיין א אויפטרייסלענדע אויפדעקונג. נאר זאלן די עורכים זיך נישט ברעכן נאר גיין פול פארס און טוהן וואס די באנדיטן האבן געטוהן מיט זיי.

מיין אגענדע איז געבעיזד אויף די וועלט בארימטע קוואוט:

First they came for the Jews and I did not speak out because I was not a Jew.

Then they came for the Communists and I did not speak out because I was not a Communist.

Then they came for the trade unionists and I did not speak out because I was not a trade unionist.

Then they came for me and there was no one left to speak out for me.

יא, דאס איז מיין אגענדע!!!

נישט לאנג צוריק בין איך געווארן עלידשעבל פאר א סעל פואן אפגרעיד און איך האב נישט געוווסט וועליכע פואן צו קויפן ביז דער רב שור האט אזוי משבח געוועהן דעם איי פואן ביים אגודה קאנווענשאן, פונקטליך ווי גוט מען קען איבעראל אנקומען, ווי א מלאך פון הימל האט דער רב שור גערעדט צו מיר אין הארץ אריין און איך בין שנעל געלאפן קויפן אן איי פואן און ב״ה ׳כהאב שטארק הנאה פונעם פואן.

לעינינו, די רבנים, וואס לאורם אנו הולכים, געווענליך אסרן זיי נאר גוטע זאכן, אינטערנעט, איי פואן, סטראבעריס וכדו׳ סוא אן איסור אדער א חרם איז ווי א בליטשקעדיגע סיין וואס הייסט קויפן אט דאס גוטע פריש געאסערטע סחורה.

WOW WOW WOW אזא איסור איז אנבעליוועבל. עס לאזט זיך נישט גלייבן אז די עסקנים האבן זיי אזוי אין טאש אז און קענען מאנעוורירן די רבנים גענוי ווי עס גלוסט זיך זיי.

ווי קען מען דאס מסביר זיין פאר א נארמאל קינד אז די רבנים, די גרויסע הייליגע תלמידי חכמים און פוסקים, האבן "גע'אסר'ט" נישט מער און נישט ווייניגער ווי "דער שטערן", אן אויסגאבע וואס ער ליינט שוין די לעצטע צען יאר אין זיין הויז, און יעצט האבן די רבנים מחליט געווען אז עס איז "אסור". יא, אסור. עס נישט נאר סתם געווארן פלוצלינג אסור נאך צען יאר ערשיינען אן קיין שום הסבר וואס איז יעצט אנדערש געווארן, נאר טאקע "בבל יראה ובל ימצא עד קצה האחרון". איז דאס נישט חוזק געמאכט פון זיך אליין?!

יא, איך טאטי האב די לעצטע צען יאר געליינט די "גויאישע" זאכן וואס איז בבל יראה ובל ימצא. דער היינטיגער בחור'ל וועט אזוינס קענען פארשטיין? קודם כל וועט ער פרעגן, פארוואס טאר איך נישט ליינען איבער די ראזענבערג שפיאנען אדער אז א מאנקי האט געטרייט צו רעדן? ווי קען אים דאס מסביר זיין אז אין די צייטונג מעג ער עס ליינען אבער אין א הארטע מאגאזין איז עס ממש "אסור בבל יראה"? און אויב איז עס די שפיאן אדער טעראריסט ארטיקלעך, וועט ער דאך דאס זעלבע סארט מאטעריאל אויך ווייטער ליינען אין דער בלאט און דער איד און דער צייטונג.

און בכלל, גויאי'שע נייעס און פאליטיק איז דען יא מותר? ס'הייסט אז די נייעס און פאליטיק דאס איז יא געאייגנט פאר א בחור'ל? פערזענליך מיין איך אז גויאישע פאליטיק איז צען מאל מער א גויאישע זאך און אויך ערגער פאר א בחור זיך אריינצולייגן, ווי א פשוטע אינטערעסאנטע געשיכטע ארטיקל ווי דער שטערן טוט. די גויאישע פאליטיק אין וואס א בחור'ל קאכט זיך מיט קול מבשר, איז דען איין פיצל ווייניגער פארגויאישט? און דאס איז איין נארישע מאל א חודש וואס נאכ'ן ערשטן שבת נאכמיטאג איז עס געענדיגט, ווידער די וועכנטליכע צייטונגען און די 24-שעה-קול-מבשר-ליניע זענען ממש ווי א גויאישע קאנסטענט מידיא פאר די יונגע נשמות. צי ווייל דארט ווערן די רבנים שיין געדעקט, האלט מען זיך שטיל? איז א קול קורא תורה אדער פאליטיק?

דערנאך וועט דער בחור אויך פרעגן: אז דער שטערן איז אסור, איז טאקע רובאשקין אויך א שייגעץ? עס גייט דאך כמעט סינאנים... אקעי, דזשאסט קידינג. אבער אמת'דיג, אויב די רבנים זענען מחליט אז מען טאר נישט ליינען ש.ר. ארטיקלעך, טאר מען דאך אים אויך נישט הערן רעדן... זיי האבן דאך געשריבן "בל יראה ובל ימצא"... סאו ווי גייט מען מסביר זיין אז הערן מעג מען יא און ליינען טאר מען נישט.

נאך א וויכטיגע פוינט: ווען דער שטערן האט באקומען די השגחה פון דריי רבנים, האב איך דאך זיך מחיה געווען צו ווייזן פאר מיין בחורל אז ער זאל נישט פילן ווי מיר האבן אין שטוב עפעס א "גויאישע זאך" ווי די פאשקעווילן פלעגן האמערן און שרייען, נאר עפעס וואס די רבנים געבן זייער צושטימונג. עס האט מיך געמאכט מער שפירן ווי א טאטע א בעל אחריות. אבער וואס זאל איך אים יעצט זאגן? קויפן גייט ער דאך ממילא מיך ווייטער צווינגען.

ער וועט אויך וועלן פארשטיין: טאטי, מה נשתנה היום הזה מכל הימים? לנעכטן האבן דריי רבנים געשריבן אז עס איז א גוטע זאך און יעצט אויף די זעלבע זאך קומען אנדערע צען רבנים שרייען אז עס איז "אסור בבל יראה ובל ימצא"? עס קאן דאך אזוינס נישט זיין. קודם קוקט עס אויס ווי א חוצפה, און בכלל, רבנים טוישן אזוי זייער מיינונג פון מאנטאג אויף דאנערשטאג? מ'געט ארויס אן איסור פונקט טאקע אויף דעם זעלבן אויסגאבע וואס עס האט געהאט א רבנישן שטעמפל דערויף פון דריי רבנים מיט זייערע חתימות? עס מאכט דאך ללעג ולקלס די גאנצע זאך פון א רבנישע אונטערשריפט. דאס ווייזט דאך קלאר פאר יעדן מענטש אז אלעס האט מיט פאליטיק. נעכטן האט איינער ערלעדיגט אזוי און מארגן קען א צווייטער ערלעדיגן פונקט דאס פארקערטע. עס גייט לויט די זייטיגע חשבונות וואס די עסקנים פירן? די היינטיגע בחורים און יונגעלייט קען מען נישט סתם אוועקמאכן מיט א מאך מיט דער האנט. עס דארף שטימען, עס דארף מאכן סענס.

איך האב נאך א טענה, אויב האלטן די רבנים טאקע אז עס איז בעסער פאר א בחור נישט צו ליינען, וואלטן זיי געקענט ארויסקומען מיט א "כתב הסברה", שרייבן א "רבי'שע רעקאמאנדאציע", אבער צו ארויסקומען מיט אן "אסור בתכלית האיסור" דארף מען דאך ריזערוון אזעלכע קול קורא'ס פאר די "ערגסטע זאכן" און די "גרעסטע דור פראבלעמען". די לשונות וואס זיי ניצן דא, איז דאך די זעלבע ווי ביי טעלעוויזיע. ווילן זיי דאס מאכן אייניג הארב, אמתמהה? צו שרייבן מיט אזעלכע משוגענע לשונות, ווי "ויתרחקו מהם אנשים נשים טף וזקן עד קצה האחרון" איז דאך א געלעכטער שאין כמוהו, זיי מאכן חוזק פון זיך אליין. און עס באדערט מיך באמת.

קיין "איסור" אויף דעם גרעסטן טומאה בדורינו , דעם אינטערנעט מיט די אלע סמארט-פאונס, אויף דעם אויף האב איך נישט געזען קיין רבנים אונטערשרייבן, ווי קען דאס זיין? איך בין געווען פאריגע וואך ביי א חתונה זע איך א בחור, וואס זיין טאטע איז געזיצן צוויי טישן אוועק, שפילט זיך מיט זיין "איי-פאון", אבער ואין פוצה פה ומצפצף? ווי קען זיין אז עס זענען נישטא ריזיגע פלאקאטן אז "קיין יונגערמאן זאל זיך נישט דערוואגן צו האבן אן איי-פאון!" אדער כאטש עכ"פ נאר מיט א רשות פון זיין רב אדער כאטש מיט דזשעי-נעט, אדער סיי וויאזוי די רבנים זענען מחליט. דער סמארט-פאון איז דאך באמת די זאך וואס דאס קען ממש אונטערברענגען דעם אידישן דור, און זיכער די סארט תמימות און ערליכקייט פון אונזערע עלטערן. אבער מיט דעם זענען די עסקנים נישט ביזי, די רבנים זארגן נישט אויף דעם פייער וואס ברענט אין פארנט פון זייערע אויגן, נאר מיט וואס יא? וואס איז זייער פייערדיגע מערכה מיט די הארבסטע לשונות של איסור קונם ושמתא, אה יא, קעגן דעם שטערן! און אויך אנדערע שטותים, ווי דעם עירוב אדער ליפא שמעלצער, נאר דאס איז מוראדיג וויכטיג פאר דער עקזיסטענץ פון כלל ישראל. איר קענט דאס גלייבן? קענען זיי מיט אזעלכע קול קורא'ס איינרעדן אז זיי מיינען עס ערנסט? צי ווייל זיי האבן גארנישט קעגן סטיוו דזשאבס פערזענליך, קומען זיי נישט ארויס קעגן דעם איי-פאון? נאר ווייל א היציגער עסקן האט אפגעמאכט אז ער גייט יעצט פירן א געוויסע מערכה, דארפן אלע רבנים מיטשפילן מיט יענעמ'ס געימס?

טייערע רבנים, איר ווייסט אז איר זענט די וואס האבן די אחריות צו ראטעווען דעם דור, אבער בשעת עס פאלן קרבנות און איר דארפט פרובירן מינימיזירן און אפשטעלן די מגיפה, זענט איר פארנומען צו גיסן א טעפל וואסער אויף א פלאם וואס ברענט אין די שכינות, און עס איז אפשר ניטאמאל א פלאם נאר א גאז רענטש... איר זענט אנשטאט פארנומען מיט פראבלעמען וואס זענען האלב-עקזיסטירנד, און זיכער נישט אויפ'ן אויבנאן פון "היינטיגע געפארן". איר זענט ביזי מיט זייטיגע חשבונות און אונטער דרוק פון היציגע נטורי-קרתא -סטייל עסקנים? ווייל אנדערש מאכט עס נישט קיין סענס. עס זענען דא ערנסטע פראבלעמען אויף די וועלט, זייט מוחל און הייבט אן טון צו דער זאך איידער עס איז צו שפעט. היציגע עסקנים: לאזט אפ אונזערע רבנים און לאזט זיי פירן מיט זייער אייגענעם דעת תורה, שטופט זיי נישט מיט ענקער איבערגעפלאמטע קליינקעפיגקייט!

איך ווייס נישט צי עס האט מיט דעם וואס די קהילות האבן זייערע פריוואטע צייטונגען, מאגאזינען, בילדער אלבומס און אוצרות, אדער אנדערע סיבות, אבער עס איז קיין שום ספק אז דער "איסור" האט נישט מיט דעם עצם ענין, ווייל קיין איין רב וואלט זיך נישט יעצט נאך צען יאר פלוצלינג אויפגעוועקט און מחליט געווען אז דער שטערן פירט אראפ דעם היימישן דור פון וועג. מסתמא האט דבורה פעלדמאן אנגעהויבן מיט'ן ליינען דעם שטערן, ניין?... אייגנטליך פאלט מיר יעצט איין אז דאס איז טאקע איינע פון די וויכטיגע טעמים וואס מען דארף יא האבן אזא זאך ווי דער שטערן, ווייל מרת פעלדמאן שרייבט אז זי פלעגט בגניבה זוכן צו ליינען גויאישע ערציילונגס ביכער, איז אפשר אין דעם שולדיג די אפגעריסענע לאו-קוואליטי ליין מאטעריאל וואס איז דא אין אידיש. איר טאטע איז נישט קיין סאטמארער וואס האט זיך געקאכט אין פאליטיק און דעריבער איז איר לגמרי נישט אינטערעסאנט געווען דער בלאט און דער איד. עס איז דא א מעגליכקייט אז אויב וואלט זי געהאט דעם שטערן, וכדומה, עפעס מער אינטערעסאנטע חומר צו ליינען, וואלט זי אפשר געבליבן ביי דעם און נישט געגאנגען זוכן חמצדיגע גויאישע ביכער, וואס האבן איר עווענטועל געעפנט דעם אויגן און אוועקגעפירט. דאס איז דאך אויך געווען די סיבה אין די פריערדיגע יארן פארוואס גרויסע רבי'ס האבן געשטיצט צו צושטעלן אייגענע אידישע "אינטערעסאנטע" לייען-מאטעריאל. ליידער זעט אויס ווי טייל פון די רבנים היינט פארשטייען דאס נישט און גייען מיט'ן קאפ אין וואנט. און אנשטאט די ארומיגע עסקנים וואס זאלן זיי געבן די ריכטיגע אינפארמאציע וואס עס טוט זיך רעאליסטיש אין די היימישע וועלט, גייען נאר די עקסטרעמע היץ-קעפ מיט זייערע בייסיגע ווערטער אויפשטורעמען און אנהיצן די רבנים צו טאן ווי זיי געפעלט און מאכן נאר זיכער אהערצושטעלן "קאושער דידזשיטעל קעמרעס" און אן איסור אויף דעם שטערן. רבונו של עולם, האב רחמנות און לייז אונז אויס פון גלות.

און אנאנים דערמאנט מיך א מוראדיגע פוינט וואס כ'נישט געכאפט (דאס איז אפילו אויב עס איז נישט פונקטליך די מעשה ווי ער לייגט עס אראפ): וואו איז דער בליץ אינעם איסור? מיט וואס איז דער בליץ א האר אנדערש? איך אליין האב נאך צוויי חדשים נישט געוואוסט אז עס איז בכלל אן אנדערער ארויסגעבער (ביז כ'האב עס אנגעהויבן ליינען...) , עס האט די זעלבע סארט ארטיקלעך, סאו ווי קען טאקע זיין אז די רבנים האבן אים ארויסגעלאזט? דאס קען איך פאר די וועלטס געלט נישט פארשטיין. איך וועל מסתמא אליין פרובירן אנרופן איינעם פון די חותמים, וואס איך קען אים אביסל, און אים פרעגן די ברענענדיגע שאלה. מיין געס איז, אז זיי ווייסן ניטאמאל דערפון, ווייל די פאשקעווילן די לעצטע פינף יאר האבן נאר דערמאנט דעם שטערן און די צייטשריפט... אדער מוז זיין אז די עסקנים האבן טאקע עפעס פערזענליך אויפ'ן שטערן, אבער נישט קעגן דער בליץ. אבער פון דעם בליק פון א פשוט'ן בעל הבית, וואס גייט יעצט זאגן פאר זיין בחורל אז "חלילה, בשום אופן נישט קויפן דעם שטערן ווייל עס איז אסור בתכלית האיסור און בבל יראה ובל ימצא", אבער דער בליץ, דאס איז גאר עפעס אנדערש, יענץ איז דיר ווייטער געראטן צו קויפן. וויאזוי קען מען דאס פארשטיין געבן? עס מאכט דאך נישט קיין טראפ סענס.

די אלע רבנים האבן נאך אלץ נישט מיט וואס צו זיין פארנומען אין דעם יעצטיגן דור נאר מיט ליפא שמעלצער און דער שטערן? אן "איסור", אויף היימישע ליין מאטעריאל? סאו די היימישע צייטונגען מיט זייערע אפענע פאליטיק, עקלדיגע מחלוקת און לשון הרע ווי קיינמאל בעפאר אין היימישן אמעריקע, מיט אפילו אנטי-דיינישע חוזקדיגע ארטיקלעך און אפענע עדיטאריעלס קעגן א רבי פון טויזנטער חסידים, נאר פון פארקערטן צד, דאס אלעס איז געווען כשר וישר, ניטאמאל א מחאה האט מען געהערט במשך די אלע יארן. הייסט דאס געפירט מיט ישרות און אמת? אויב נישט קיין איסור, כאטש א מחאה, כאטש ברמז, אבער ניין, גארנישט, יענץ שאדט נישט אונזערע טייערע קינדערלעך. (און כ'דערמאן זיך אז עס שוין ליידער געווען א פאל ווען נישט קיין אנדערער ווי א רבי פון טויזנטער חסידים, דער ברך משה, האט "גע'אסר'ט" א צייטונג, דער בלאט, און געדענקט וואספארא בזיון התורה דאס איז געווען) און אפילו סתם אלס די אנדערע ארטיקלעך, האבן די צייטונגען פונקט אזוי שוין געהאט יעדן סארט ארטיקל אויפ'ן זעלבן נוסח ווי דער שטערן האט, אבער זיי זאגט מען נישט קיין ווארט? אלעס ווייל זיי זענען א פארטיי און דא רעדט זיך פון אינדיווידועלע מענטשן. און דאס טראץ וואס זיי שרייען אז "מיר זענען זיך גרייט צוצושטעלן" און טראץ וואס זיי האבן א רב בישראל וואס האט געגעבן זיין גושפנקא. לשון הרע, מחלוקת און רכילות, נאו פראבלעם פאר אונזערע קינדער, אבער "וויאזוי קענעדי איז געשאסן געווארן" דאס איז די געפערליכע סם ? נאר דאס איז ממש אסור בבל יראה ובל ימצה עד קצה האחרון עד אין סוף ממש? איז דא אייינער וואס פארשטייט די תורה'דיגקייט פון אזא מהלך? קען איינער טרעפן וויאזוי צו מסביר זיין פאר זיין קינד.

איך האב מורא אזא איסור קען בעקפייערן, אזוי ווי פריערדיגע ענליכע "קול קורא'ס" האבן געטון און פונקט ווי די גאנצע פאליטיק הרג'עט יעדע ברעקל ערנסקייט פון דעם היינטיגן דור, ווייל עס הייבט אן אויסקוקן ווי זיי האבן חשבונות מיט יעדע זאך און עס מיינט נישט ערנסט, דאס זעלבע קען יעצט געשען. לאמיר זיך נישט פאפן, אויב די גראסעריס פארקויפן עס ווייטער, וועט עס נישט פאלן מיט קיין צוואנציג שטיק. און אויב גראסעריס גייען עס נישט פארקויפן, וועלן דאך אלע וואס זענען שוין צען יאר הייסע חסידים פונעם שטערן זיך זיכער נישט אזוי שנעל אפשאקלען דערפון נאר וועלן גלייך מאכן א סובסקריפשאן און באקומען אויף פאסט, וועט דאס נאר ווייטער אונטערהאקן די גאנצע זאך פון א קול קורא. עס וועט אויפטון וויפיל די מערכה קעגן דידשיטעל קעמערס. און דאס טוט מיר באמת וויי. אנשטאט אנהייבן א מעכטיגן קאמפיין קעגן איי-פאונס, וואס קען באמת אויפטון אויב מען ווייל און עס איז א מערכה וואס איז ווערט צו פרובירן מיט אלע כוחות אפילו אויב מען איז נאר 50 פראצענט סוקסעספול, אנשטאט איז מען ביזי מיט אזעלכע בעיבישע קאמפיינען ווי דעם שטערן און נאך טאקע מיט'ן גאנצן ערנסקייט און מיט די הארבסטע לשונות, וואס מאכט ליידער א פורים פון די רבנים און ווייזט פאר די בעלי בתים ווי די עסקנים פירן זיי ביי די נאז און ווי שטארק מ'קען זיך פארלאזן אויף די רבנים צו וויסן וויאזוי צו פירן דעם היינטיגן שווערן דור און מען זעט די וויכטיגע פריאריטעטן וואס ליגט די ערשטע אויף זייער אגענדע. א שאד, א שאד.

שרגא, שפתיים ישק!

שרגא, גאר גוט געזאגט, איך ווייס נישט ווי אנצוהייבן דיך צו באדאנקען.

איך וויל נאר צולייגן איין פוינט. איך האב היינט נאכט גערעדט מיט איינעם פון די רבנים פון די וועד וואס גיט א השגחה אויף די שטערן, און ער זאגט מיר אז קיין איינער פון די חותמים האט אים נישט אנגערופן, נישט אים און נישט קיין אנדערן פון די רבנים, אים צו פרעגן אדער זאגן אפילו איין ווארט פארן חתמ'ענען אויף דעם איסור.

דאס מאכט נאר שטערקער וואס שרגא זאגט.

איך געב זייער אכטונג און כ'בין זייער איינגעהאלטן פון צו שרייבן איבער אונזערע מנהיגים, און איך וועל אויך יעצט זיך אפשטעלן דא און וועל וועגן זייער פערזענליכקייט נישט שרייבן קיין ווארט.

איך וויל אבער בלויז איבערגעבן וואס איך האב געזען מיט מיינע אויגן.

דער צעטל וואס איז געווען אויסגעשפרייט בראש כל חוצות אויף די ווענט אום שבת און אויף די ערב שבת'דיגע בלעטלעך איז געווען א שפעטערע ווערסיע. אינעם ערשטן און וואס איך האב געזען איז קלאר געשטאנען דאס ווארט "בליץ"!!! דאס טייטש אז די רבנים וואס האבן דאס אונטערגעשריבן האבן קלאר אריינגערעכנט דעם "בליץ" אינעם איסור! און פאר עפעס א מיסטעריעזער סיבה האבן די רבנים מחליט געווען אז דער בליץ איז יא כשר און מען דארף עס נישט אסר'ן, און מען איז געגאנגען פריש איבערנעמען די חתימות.

איך האלט אז מען דארף זיך א מינוט אפשטעלן און מוחה זיין אויף דעם וואס מען איז מטריח די אלע טייערע רבנים וואס געבן אוועק פון זייער טייערע אויסגערעכנטע צייט אויפצוטאן פאר אידישקייט בלויז צו מקדש זיין שם ה', און נאכן זיך צוזאמקומען צום מושב בית דין וואס דארט האט מען קלאר מחליט געווען אז מען דארף אסר'ן "אלע" דריי אויסגאבעס, איז מען געגאנגען און מען האט זיי נאכאמאל גערופן און ערקלערט פארוואס ביי די פריערדיגע אסיפה האט מען געמאכט א טעות און גע'אסר'ט דער בליץ וואס איז יא אויסגעהאלטן און איז ראוי אריינגעברענגט צו ווערן אין אידישע שטובער.

שרגא, אוי טייערער שרגא. זאגסט דאך אזוי גוט – אבער וואס דו זאגט איז דאך אזוי שווארץ; ביטער שלעכט.
פלגי מים ירדו עיני. דאס הארץ איז צעטרייסלט פון דער אומגעהויערער גרוילטאט ארויסצוגעבן אזא עקלהאפטיגן בריוו קעגן א חרדי'שן קוואל פון אידישע לייען-מאטעריאל. מה נאמר ומה נדבר? וואו זאל מען אנפאנגען? עס זענען דאך נישט דא די ווערטער וועלכע קענען שילדערן די שרעקליכע אנטוישונג פון יעדן רעכטדענקיגן מענטש. מיר לעבן אין א מצב וואס אידישקייט קען אונטערגיין אין א ליאדן מינוט צוליב דעם גרויסן קאנטראסט פון אונזער פארמאכטן לעבן און דער יעצטיגער אינפארמאציע עפאכע. מיר לעבן אין א צייט ווען יעדן טאג קומען צו פרישע טאטעס און מאמעס וועלכע באוויינען דעם גייסטישן טויט פון זייערע קינדער. עס איז א תקופה ווען כמעט יעדער אנשטענדיגער מענטש איז צעשאסן אויף שברי שברים צוליב דעם מצב פון רבנות און הנהגה.
טייל פון די רבנים וועלכע האבן אונטערגעשריבן אויף דעם קול-קורא דינען זעלבסט עגלי זהב פון ראביסטעוועס פון עקירת התורה; זיי זיצן בריש חוצות ביי "טישן" פון רבי'ס וועמענ'ס היפאקריטסווע איז שוין איבערגעשטיגן יעדן מאס, ביי רבי'ס וועלכע האבן שוין דירעקט מצער געווען הונדערטער מענטשן, וועלכע נוצן כביכול אלץ א פּאָנדל, ר"ל, אין זייערע אומווערדיגע אדמו"רות-שפילערייען. ווי שעמען זיך נישט מענטשן, אנגעפרעסענע מיט'ן ציבור'ס געלט פאר בנים ובני בנים, אויסגעפאשעטע פון זיך מפרסם זיין אין די גאסן מיט דיקטאטן קעגן פשוטי עם, צו אונטערברענגען א תמימות'דיגן ערליכן יונגערמאנ'ס פרנסה.
עס איז בכלל נישט קיין סוד וואספארא קאליבער יונגערמאן דער ארויסגעבער פון דעם "שטערן" איז – א איד וואס גיט זיך אוועק פאר אנדערע במלוא מובן המילה, און וועלכער האט זיך אויפגעבויעט א הערליכע קאריערע פון ארויסהעלפן פילע אידן פון זייער קלעם. פארגלייך אים צו די ארויסגעבער פון די אומווירדיגע צייטונגען ווי "דער איד" און "דער בלאט", וועמענ'ס גאנצע קאריערע איז בלויז רשעות און שפיכת דמים. ווי שעמען זיי זיך נישט? ווי האבן זיי נישט די בושה זיך צו באשרייבן און באטיטלען אין די גרויליגסטע פובליקאציעס – פון א אידישן און מענטשליכן שטאנדפונקט – און דערנאך מאכן א "מושב בי"ד" אויף א גרינגען ציל ווי "דער שטערן" וואס דינט נישט קיין פארטייאישע אינטערעסן.
זענען דאס די אויף וועלכע מיר דארפן ארויפקוקן? זענען דאס די וואס רעפרעזענטירן אידישקייט? ווילאנג איך בין א איד וועל איך האלטן אז אזעלכע מענטשן זענען כופרים באלוקי ישראל. זיי גלייבן אין אן אייגן-געמאכטן רשעות'דיגן היפאקריטישן גאט.
באשר תלכו לא אלך, אלוהיכם לא אלוקי!

איך האב נאכנישט געליינט די פריערדיגע הודעות דא, און יעצט באמערק איך אז מען האט דערמאנט דעם "דורכגעפאלענעם" מערכה קעגן דעם "עמי' מאגאזין.

וואס?? דורכגעפאלענעם??? מען האט דאך עס ארויסגעריסן פון "אלע" געשעפטן???

איך גלייב אז א גרויס חלק דא ווייסט דאס אויך אז עס הייבט זיך נישט אן, נאר די געשעפטן האבן צוליב די טעראר עס געמוזט אראפנעמען פון די פאליצעס, אבער פארט האבן דאך די קונים עס ווייטער פארלאנגט און אין כמעט אלע געשעפטן אין וויליאמסבורג איז דאס ווייטער דא נאר מען דארף עס פארלאנגען. די געשעפטן ווייסן אויך אז דאס איז פשוטער פאליטישער שפיל און זיי זענען דא צופרידן צו שטעלן זייערע קונדן וואס פארלאנגען דאס.

אדרבה, זאלן די טפשים ארויסקומען מיט זייערע אייגענע אויסגאבעס און צושטעלן אן אלטערנאטיווע!!

און א ווארט צו שרגא. דיינע ווערטער און שריפט זענען געוואלדיג און ווערד צו באגריסן.

ביטע לייג מיר נישט אוועק דעם קול מבשר. ווילסט איך זאל צוריק אנצינדן מיין ראדיא פאר נייעס? און איך האלט אז ק"מ איז גאר קלוג מיטן דעקן יעדן רעבעלע. אפשר וואלט געווען אן עצה פארן שטערן זיי אויך צו קאווערן און אזוי שטיל מאכן די כבוד הונגעריגע באנדיטן.

דו דערמאנטס די קלוגע טעלעפאנען און פארוואס מען אסר'ט עס נישט. אין וועלכן געגנט וואוינסטו? איך האב שוין צופיל זיך אנגעהערט און אנגעליינט איבער די שרעקליכע כלים, סאו ווייס איך נישט וואס דו ווילסט מיט דעם.

קארל, איך האב דיר שוין געליינט פריער אויך, אבער אין דעם פורום ביסטו עפעס אויסערגעווענליך.

איך האב געוואלט אויסקלארן דעם פאראגראף וואס כ'האב פריער געשריבן:

דער צעטל וואס איז געווען אויסגעשפרייט בראש כל חוצות אויף די ווענט אום שבת און אויף די ערב שבת'דיגע בלעטלעך איז געווען א שפעטערע ווערסיע. אינעם ערשטן און וואס איך האב געזען איז קלאר געשטאנען דאס ווארט "בליץ"!!! דאס טייטש אז די רבנים וואס האבן דאס אונטערגעשריבן האבן קלאר אריינגערעכנט דעם "בליץ" אינעם איסור! און פאר עפעס א מיסטעריעזער סיבה האבן די רבנים מחליט געווען אז דער בליץ איז יא כשר און מען דארף עס נישט אסר'ן, און מען איז געגאנגען פריש איבערנעמען די חתימות.

איך האב עס געשריבן אין א סארקאסטישן וועג, און עס ווייסט יעדער אז חתימות מיינען גארנישט היינט, און טאקע אזעלכע סארט איסורים זענען די סיבות פארוואס מען לאכט אפ פון זיי. און מען האט נישט גענומען און אוודאי נישט איבערגענומען די חתימות.

צעשאסן און צעבראכן זענען אידן אריין אין דעם שבת פרשת תצוה נאכדעם וואס עס איז פאר'ן זמן נתפרסם געווארן די קול קורא קעגן "דער שטערן". איך, פונקט ווי א גרויס חלק היימישע אידן, בין די לעצטע יארן צעבראכן אויף שטיקער צוליב דעם ביטערן מצב היהדות. איך קען אנצייגן אויף צוויי זאכן וועלכע האבן מיר און טויזנטער אנדערע געוויזן דעם ביטערן פרצוף פון דער היימישער ראבינאט: די סאטמארער מחלוקת און די עירוב קאנטראווערסיע. די עירוב פרשה האט געוויזן ווי תורה דיקטירט בכלל נישט וויאזוי א איד דארף זיך צו פירן - עס איז בלויז "איך", "איך" און נאכמאל "איך" וואס ווערט גענומען אין באטראכט ביים ארויסגעבן א "פסק" פאר אידן. עס האט געוויזן ווי מענטשן וועלכע זענען אין קול קורא'ס מעיד אויף זיך אז "דעתינו דעת תורה" נעמען זיך צוזאם גרופעס גרופעס, סאטמארער מיט סאטמארער, בעלזער מיט בעלזער, און וואונדער איבער וואונדער: די "דעת תורה" נעמט זיי אלע איבער אויף איינמאל עס עס קומט ארויס א געמיינזאמער פסק וואס שטימט מיט די פארטייאישע קאלקולאציעס.
חוץ די פשוט'ע זאך וואס די סאטמארער מחלוקת האט געוויזן, ווי א.ג. רבנים זענען גרייט עובר צו זיין אויף א האלבער תורה כדי צו קענען פירן ראביסטעוועס און ברעטשען אין שבת-שובה דרשות, האט עס אויך געוויזן ווי רבנים זענען גרייט צו משקר זיין אפילו ביי זאכן וואס זענען מילתא דעבידא לאיגלויי, ווי פארקויפן אז אן עירוב אויף ראדני סט. איז געווען געמאכט פאר גוים... עס האט אויך געוויזן ווי נאכדעם וואס עס זענען געווען פאליטישע סיבות דערפאר, האבן די רבנים וואס "דעתינו דעת תורה" פלוצלינג גע'פסק'נט אז "עמי" איז סם המוות ממש צוליב שוידערליכע דברי כפירה וואס ליגט דערין...
וואס איך האב געשריבן ביז אהער זענען דברים פשוטים ממש וואס יעדער חדר-אינגל ווייסט און דארף צו וויסן, אבער מיין געפיל איז אייביג: 'זיי וועלן קומען צום שכל - עס וועט קומען דער טאג ווען זיי וועלן זיך כאפן ביים קאפ און זען דעם מציאות וואס פאטשט אין פנים.' איין טאג וועט איינער באווייזן דורכצודרינגען די הערצער פון די רבנים, און וועט מצליח זיין זיי ארויסצונעמען פון דער פינסטערניש אין וועלכער זיי האבן זיך אריינגעלייגט.
דער איסור אויפ'ן "שטערן" האט מיר אבער געוויזן אז איך לעב אין אן אילוזיע. עס איז נישטא קיין שכל צו וועלכן זיי גייען אמאל צוקומען - זיי זענען פשוט בלינד און טויב, זיי זעען נישט, הערן נישט און שמעקן נישט די זידיגע צואה-רותחת אין וועלכן זיי זענען איינגעטינקען ביז איבער דער נאז; זיי זעען נישט ווי די "עסקנים" וועלכע קאנטראלירן זיי איזדיעקעווען זיך איבער וועמען עס געפעלט זיי נאר, און פארמאגן נישט קיין שום תורה'דיגע אדער מענטשליכע פרינציפן. זיי כאפן נישט ווי זיי נעמען בידיים קינדער, בחורים און יונגעלייט וועלכע ווילן זיין ערליך, וועלכע ווילן גלייבן אין א רבנישער אויטאריטעט, און צאפן פון זיי ארויס זייער לעצט ביסל האפענונג.
די איינציגסטע האפנונג וואס בלייבט איבער איז אז די נארמאלערע מעסיגערע רבנים וועלן ארויסקריכן פון זייער פחדנות, און וועלן אפן זאגן וואס זייערע דעות זענען. ליידער אבער ציטערן די מעסיגע רבנים פון די היימישע סיקריקים, און זיי עפענען זיך נישט דאס מויל. וואס דער ציבור קען טון איז געבן שטיצע פאר די מעסיגע רבנים, זיי ווייזן אז מ'וועט זיי שטיין צו דער האנט אויב זיי לאזן זיך הערן. ווער עס האט צוטריט צו א מעסיגן רב, זאל זיך נישט שעמען, נאר אריינגיין צו אים אויף אן אוידיענץ און זיך אויסוויינען דאס הארץ אויף דעם ביטערן מצב, אולי ואולי וועלן זיי איינזען אז ס'איז לא עת לחשות - ס'איז געקומען די צייט מער נישט צו לאזן די סיקריקישע עסקנים און רבנים אונטערברענגען אידישקייט און אונזערע צוקונפטיגע דורות.

איך גלייב אז א גרויס חלק דא ווייסט דאס אויך אז עס הייבט זיך נישט אן, נאר די געשעפטן האבן צוליב די טעראר עס געמוזט אראפנעמען פון די פאליצעס, אבער פארט האבן דאך די קונים עס ווייטער פארלאנגט און אין כמעט אלע געשעפטן אין וויליאמסבורג איז דאס ווייטער דא נאר מען דארף עס פארלאנגען. די געשעפטן ווייסן אויך אז דאס איז פשוטער פאליטישער שפיל און זיי זענען דא צופרידן צו שטעלן זייערע קונדן וואס פארלאנגען דאס.

ביסט זיכער דערין? וואס הייסט, זיי פארקויפן עס אפן אדער האבן זיי אונטער'ן קאונטער אפאר שטיק און שלעפן עס ארויס ווען איינער פארלאנגט?

און א ווארט צו שרגא. דיינע ווערטער און שריפט זענען געוואלדיג און ווערד צו באגריסן.

ביטע לייג מיר נישט אוועק דעם קול מבשר. ווילסט איך זאל צוריק אנצינדן מיין ראדיא פאר נייעס? און איך האלט אז ק"מ איז גאר קלוג מיטן דעקן יעדן רעבעלע. אפשר וואלט געווען אן עצה פארן שטערן זיי אויך צו קאווערן און אזוי שטיל מאכן די כבוד הונגעריגע באנדיטן.

א דאנק. איך לייג חלילה גארנישט אוועק, איך האלט נישט פון צעווארפן נאר פון בויען, נאר איך האב ארויסגעברענגט א נקודה אז אויב די חותמים האלטן טאקע אז דער שטערן איז א פראבלעם פאר'ן דור, דאן איז דאך קול מבשר קלאר אויך אין דער קאטעגאריע, און אפילו נאך ערגער ווייל עס נעמט אוועק 24 שעה אין טאג, יעדן טאג פריש, דאקעגן דער שטערן וואס נעמט אוועק איין גאנצע שבת נאכמיטאג א חודש... סאו וואס וואלט מער געדארפט באדערן אויב די רבנים מיינען דא א ריכטיגע תורה'דיגע קאמפיין?
אבער האסט א שטארקע פונקט אז עס העלפט דיך קעגן אנצינדן די ראדיא. אבער דער שטערן העלפט פונקט אזוי אנדערע נישט צו קויפן קיין אנדערע פרעמדע גויאישע (אדער ציוניסטישע) מאגאזינען.

דו דערמאנטס די קלוגע טעלעפאנען און פארוואס מען אסר'ט עס נישט. אין וועלכן געגנט וואוינסטו? איך האב שוין צופיל זיך אנגעהערט און אנגעליינט איבער די שרעקליכע כלים, סאו ווייס איך נישט וואס דו ווילסט מיט דעם.

איך וואוין דא אין ניו יארק און איך האב שוין אויך געזעצן "צעטלעך" מיט "אויפקלערונגען" פונקט ווי אויף שמירת הלשון. אבער קיין "איסור" און קיין "קאמפיין" פון רבני העיר נאך נישט. איך האב נאכנישט געזען אז מען זאל "אסר'ן" די היימישע געשעפטן צו פארקויפן דעם איי-פאון. און דא רעדט מען פון אלע דריי הארבסטע עבירות אויפ'ן גרעסטן פארנעם, אבער ניטאמאל איז עס א גדר נישט אריינצונעמען איינעמ'ס קינד אין מוסד אויב ער האט אזא כלי אין טאש אן קיין ריכטיגע סיבה. אפילו סתם "מכתב הסברה'ס" און פאשקעווילן זענען שוין געווען פיל מער אויף די היימישע אויסגאבעס, ווי קעגן אינטערנעט. און די גרעסטע סימן איז אז עס נאכנישט געווען קיין "איסור" אדער "ערנסטע קאמפיין" דערעקגן ווייל דערווייל שעמט זיך נישט קיינער ארויסצושלעפן זיין איי-פאון, אפילו אין טאש, און שפילן דערמיט. די קינדער קוקן נישט אראפ זייער טאטן וואס האט עס. סאו זאג דו מיר וואס איז וויכטיגער און וועלכע פראבלעם נעמען די רבנים ערנסטער, איי-פאון אדער שטערן?

שהחינו והקמנו והגיענו לזמן הזה

מיט גרויס פרייד טוה איך שרייבן די שורות נאכן זען אין די ערשטע תגובה אז ב"ה ענדלך האבן די רבנים מקיים געווען דעם לא תגורו ווי ס'דארף צו זיין און קומען ארויס מיט אן עפענטלכען איסור אדער מחאה אויף די נייע מספחת וואס האט זיך אריינגעכאפט ביים היימישן ציבור, אפגעזען וואס אלע שקרים און לשון הרע'ס וועלן גיין אויפן חשבון פון די רבנים, האבן זיי אלעס געלייגט אין א זייט און ארויסגעגעבן זייער דעת תורה.

די בשורה האט מיר אריינגעברענגט א גרויס שמחה אין מיין הארץ, איך גלייב די גאנצע טאג וועט מיר שוין גיין אנדערש היינט, הגם איך האב נישט געזען די צעטל אוי קיין 1 גאס נאר דא, אבער איך האף אז ס'איז אמת, מהם ילמדו וכן יעשו.

די רבנים שרייען אויס! מיר וועלן זיך נישט שרעקן פאר די אויסגעהונגערטע גוישע נייעס \היסטארי ליינער'ס טעראר אויפן חשבון פון די רבנים, מיר וועלן טוהן וואס מיר האלטן פאר ריכטיג! צדקים ילכו בם ופושעים יכשלו בם.

LOL+++++

כ'האב נאר געוואלט דערמאנען די טייערע רבנים שליט"א אז חוץ אסר'ען דעם שטערן, שפאקטיוו און בליץ (האלד די פרעס! האלד די פרעס! נישט אסר'ען דעם בליץ!!! דער בליץ איז משלנו. ער דעקט אונזערע שמוץ. מען האט שוין געפרינט די צעטל מיטן איסור קעגן בליץ? גייט מיך נישט אן, זאל מען אלע צעטלעך איבערפרינטן.) האבן זיי אויך גע'אסר'ט דעם טריפה'נעם אינטערנעט. בעט איך זיי דעריבער אז די רייץ אפצוענטפערן דעם טעראר פון די גויאישע קעפ זאל זיי נישט פירן אז זיי זאלן עובר זיין אויף זייער אייגענע איסורים און אנפאנגען צו שרייבן אויפ'ן טריפה'נעם אינטערנעט.

קאווע,
a breath of fresh air

סאיז נאריש אריינצומישען די בליץ אינעם סעמעטוכע. דע בליץ איז קיינמאל נישט צוגעקימען צום שטערן נישט בכמות באיכות, און ניין סאיז נישט געגאנגען אויפן שטערנס מהלך, ער האט כמעט נישט באשריבן קיין מענטשן בכלל און גויאישקייט בפרט. ואין כאן מקומו. אויב עפעס איז דער איד און בלאט און צייטונג דע וואס דארפן געאסרט ווערן, נאר דארט קען מען זיך נישט שלאגן מיט א קאמפאניע.
דאס אליין צו אסרן דער שטערן איז א שגץ שטיק מאין כמוהו, סלאזאט זיך נישט גלייבען ווי א גאנצע שטאט ווערט געפירט כצאן לטבח דורך עסקנים רוצחים וואס האבען די רבנים אין טאש.
שרייען אליינס דא איז אבער נישט געניג מדארף טון למעשה ווייל אנדערש וועלן זיי זיך נישט אפשטעלן. איך בין שוין א סאבסקרייבער אינעם שטערן אבער איך וועל מארגן סאבסקרייבען אויך פאר מיין באלעבאס אלס משלוח מנות פרעזענט, און ווי דער בעלזער רבי שליט"א פירט שטענדיג אויס "וממנו ילמדו וכן יעשו"
אויב א געשעפט אייגענטימער לאזט מער נישט אריינברענגען די שטערן זאל מען אים לאזען וויסען אז ער פארלירט א קאסטימער.
און צו דיר ר' שטערן שפאקטיוו גיי אריבער צום נאווארדיקער בית דין אין ב"פ און שמיר זיי אראפ 25$ ארויסצישיקען א הזמנה פאר הרב בריף און די אנדערע וואס האבען דיר שאדען געמאכט די פרנסה. פארלאנג 50 אלפים, האסט גרויסע טשאנסן מצליח צי זיין. האב נישט מורא, יש דין בישראל, טויזענטער אידען זענען מיט דיר. זאל א דיין טראכטן 2 מאל איידער ער הארגעט אוועק א צווייטענס פרנסה.

קאווע איך בין מיט דיר -
איך גלייך נישט ווען איינער מאכט אוועק די רבנים'ס מהלך
דא איז דא צוויי שטארקע קעגנזייטיגע צדדים,
פון איין זייט וויל מען האבן אייגענע יודישע לייען מאטריאל אין אפי' אויסגערייניגט פון עכטע גויאישקייט עד שידי המערכת מגעת,
אבער פינעם צווייטען צד, די רבנים וואס האלטען אז אינזערע שטיבער - עס איז נאך דא אסאך אזעלכע שטיבער - דארפען זיך פירען אזוי ווי די שו"ע אין מסורה וויאזוי איזערע זיידעס האבן זיך געפירט אין די גויאישע סטייל ספרי מלחמות לייען מאטריאל איז קיימאל נישט אריינגעקימען אין היימישע שטיבער,

---------------
קרעקער צו א שארפע שפראך.. בנחת וועט מען בעסער הערן דיין מיינונג

אין אדם נתפס בשעת צערו
אסאך אסאך אידען זענען אנגעווייטיגט אויף די רבנים. אמת מדארף נזהר זיין בכבודם אפילי סשמעקט אינז נישט וואס זיי טיען. למעשה איז המשכת כלל ישראל דורך רבנים און אייביג האט מען געהאט טענות אויף זיי נאך אין משה רבינוס צייטען. אבער פליז חשובע רבנים שליט"א מאכטס אינז גרינגער און נישט שווערער נזהר צי זיין בכבודכם הרמה

אךשמח האט געשריבן:דער צעטל וואס איז געווען אויסגעשפרייט בראש כל חוצות אויף די ווענט אום שבת און אויף די ערב שבת'דיגע בלעטלעך איז געווען א שפעטערע ווערסיע. אינעם ערשטן און וואס איך האב געזען איז קלאר געשטאנען דאס ווארט "בליץ"!!! דאס טייטש אז די רבנים וואס האבן דאס אונטערגעשריבן האבן קלאר אריינגערעכנט דעם "בליץ" אינעם איסור! און פאר עפעס א מיסטעריעזער סיבה האבן די רבנים מחליט געווען אז דער בליץ איז יא כשר און מען דארף עס נישט אסר'ן, און מען איז געגאנגען פריש איבערנעמען די חתימות.

עס ווייסט יעדער אז חתימות מיינען גארנישט היינט, און טאקע אזעלכע סארט איסורים זענען די סיבות פארוואס מען לאכט אפ פון זיי. און מען האט נישט גענומען און אוודאי נישט איבערגענומען די חתימות.

ווי אינטערעסאנט, 'די שטערן' מיט'ן רבניש'ען קערפער'שאפט זייערע דערויף, האט מען זיי אזוי מיט א מאך מיט די האנט אין א זייט געשטעלט, אן טאן די מינימאלסטע אנשטענדיגע פארשטענדיגונג, לתועלת הציבור, און מיר נישט דיר נישט, געגעבען עפעס א גושפנקא פאר'ן וויזוי הייסט עס, בליץ, און אנעם מינדעסטע רבנישע ביז איצטיגע איבערזיכט, באיזה אופן וצורה כ"ש,

אפשר א לימוד זכות דערויף, ווייל אויף'ן 'שטערן' איז סיי ווי סיי דא מליצים, וואס נעמען זיך אן דערפאר, און וועלען איר צירוק שטעלען על כנה הראשון, און דערלאנגען מנה אחת אפיים פאר אירע אנגרייפער, אדער אפי' בלויז איגנארירן, און מיט רעכט, די גאנצע יעניגע'נס אייגען געמאכטע סובמאכטע, משא"כ דע בליץ.

כיהודה ועוד לקרא, וויל איך מיר אויך אנשליסן אין דעם פארלאנג: מאכט נישט חוזק פון די רבנים, זיי מאכן שוין גענוג חוזק פון זיך אליינס...

אויך וויל איך בעטן די בעה"ב פונעם שטערן/שפאקטיוו אז אויב האבן זיי טאקע טעיפס זאלן זיי עס ארויסגעבן אזוי שנעל ווי מעגליך, כדי אז דער גאנצער עולם זאל זען וויאזוי אונזערע רבנישע פירערס פירן א הייליגע מערכה, און זאלן די קומענדיגע דורות וויסן וויאזוי א מערכה דארף געפירט צו ווערן...

און פארשטייט זיך אז קיינער זאל נישט פארהאלטן די רבנים שליט"א וואס זיי זוכן דא אויפ'ן טריפה'נעם אינטערנעט. עס איז עת לעשות לה' הפרו תורתך.

קרעקער, מאכסט א טעות. קיינער האט נישט אריינגעמישט דעם בליץ.

די שאלה איז פארוואס מען האט "ארויסגעמישט" דעם בליץ נאכדעם וואס ער איז שוין געווען אינעם איסור?

אויף וועם האסטו א קשיא?
עס וועט אינז גארנישט בעסער מאכען אז דע בליץ איז יא אדער נישט אינעם איסור
מיין פוינט איז אויב אסערן דאן אסער אלעס צייטונג איד בלאט קולמבשר בליץ. אדער גארנישט
די בליץ איז נישט די שטערנס קאמפעטאציע אז מזאל זיי ביידע אסערן בינאזאם

האט איינער גערעדט מיט די רבנים וואס געבן דעם קלארן הסכמה אויפן שטערן?

ווי ווייט מען האלט די רבנים אין אשפה און וואס זיי טוען היינט סיי וואס זיי ווילן אן קיין שום בושה דארפן זיי דאך זאגן עפעס א באבקע תירוץ פארוואס זיי מאכן זיך נישט וויסנדיג פון די הכשר וואס דער שטערן/שפאקטיוו האבן, און וואס דער רב וואס איז נאך דארט איז א באקאנטער ת"ח ועובד ה'.

איך פארשטיי נישט איז עס טאקע הפקר וועלט
ענגליש טאר מען נישט ח"ו
עברית טאר מען נישט ח"ו
אין יעצט טאר מען אידיש אויך נישט. מארגען גיי מיר הערן א דרשה פון הרב בריעף ווי עס פאלט שטיקער פון כלל ישראל ווייניג ווייסט ער אז דאס איז זיין קרעדיט.

אי"ה נישט ביי מיר איך וועל ווייטער קויפן אבער זיינע פאללאוערס וועלן עס די מערסטע שפירן

ידען, דא האסטו דיין ענטפער:

הדד בן בדד האט געשריבן:איך האב היינט נאכט גערעדט מיט איינעם פון די רבנים פון די וועד וואס גיט א השגחה אויף די שטערן, און ער זאגט מיר אז קיין איינער פון די חותמים האט אים נישט אנגערופן, נישט אים און נישט קיין אנדערן פון די רבנים, אים צו פרעגן אדער זאגן אפילו איין ווארט פארן חתמ'ענען אויף דעם איסור.

WOW

גייט דא אויסברעכן א מלחמה צווישן די רבנים?

מיר זעט טאקע אויס אז די רבנים החותמים זענען פון איין פארטיי. ריכטיג?

די רבנים החותמים זענען פערצופאל פון איין פארטיי, און די ארויסגעבער זענען א צווייטע, אבער דוכט זיך דער איסור האט נישט מיט די פארטייען, פשוט די רבנים החותמים באלאנגען צו א פארטיי ווי ס'שרייבט זיך גרינגער חרמות וקונמות יעדן מאנטאג און דאנערשטאג, ס'איז פשוט א שוואכקייט פון יענע פארטיי

אויף בחדרי חרדים האט איינער ארויף געלייגט דאס פאלגענדע, אונטערן טיטל "פאריעריגע שניי" (זעט דא):

שרגא און קארל - עס קומט איין ביידן א שלל פון אגודלים-אויף-ארויף.

פונעם נוסח אויפן איסור איז שווער ארויסצוקריכן וואס די פראבלעם מיט שטערן/שפאקטיוו איז. אלס "תורה היא וללמוד אני צריך" וואלט איך פארגעשלאגן אז די וואס פארשטייען יא די טעמים ונימוקים איבערצוזעצן דעם לשון אויף אידיש, און דערביי ארויסלאזן אלע מליצות. איך טראכט אז דאס וואלט צוגעהאלפן אונז, פשוט'ע מענטשן, פארשטיין דעם חומר הענין.

מען דארף נעמען אין באטראכט אז די לייענערס פונעם שטערן/שפאקטיוו זענען נאך אזוי לאנג לייענען אזעלכע שרעקליכע זאכן נעבעך זייער מגושם געווארן, און זענען נישט ביכולת צו פארשטיין אויפן ווינק. נאך מער, די מליצות צעמישן דעם פשוט'ן עמך-איד. לדוגמא: ווען איך לייען ווערטער ווי "בל יראה ובל ימצא", דערמאן איך זיך אין הלכות פסח. וכדומה.

מסביר זיין דעם איסור אויף פשוט-פראסט אידיש, אן קיין מה-מצינו מליצות און לומדישע טערמינען, וואלט לכאורה זייער בייהילפיג געווען אין דער מערכה.

קארל האט געשריבן:עס איז בכלל נישט קיין סוד וואספארא קאליבער יונגערמאן דער ארויסגעבער פון דעם "שטערן" איז – א איד וואס גיט זיך אוועק פאר אנדערע במלוא מובן המילה, און וועלכער האט זיך אויפגעבויעט א הערליכע קאריערע פון ארויסהעלפן פילע אידן פון זייער קלעם. פארגלייך אים צו די ארויסגעבער פון די אומווירדיגע צייטונגען ווי "דער איד" און "דער בלאט", וועמענ'ס גאנצע קאריערע איז בלויז רשעות און שפיכת דמים. ווי שעמען זיי זיך נישט? ווי האבן זיי נישט די בושה זיך צו באשרייבן און באטיטלען אין די גרויליגסטע פובליקאציעס – פון א אידישן און מענטשליכן שטאנדפונקט – און דערנאך מאכן א "מושב בי"ד" אויף א גרינגען ציל ווי "דער שטערן" וואס דינט נישט קיין פארטייאישע אינטערעסן.

ווי קומט דא אריין אינעם נושא די מצוות ומעש"ט פוו די ארויסגעבער פונעם שטערן/שפאקטיוו? לו יהא אז פאר איזה סיבה שהוא האבן די רבנים מחליט געווען אז די אינהאלט פון דיזע מאגאזינען קענען שעדיגן זייער מהלך החינוך (אפגעזען צו דו האלסט פון דעם מהלך צו נישט) און דערפאר האבן זיי אונטערגעשריבן א איסור, האלסטו אז זיי דארפן טוישן זייער מיינונג צוליב וואס די ארויסגעבער דערפון האט א גאלדענע רעקארד פון ארויסהעלפן אידן בעת צרתם? וכי מה ענין שמיטה אצל גרענד קעניאן? די רעדע איז דא איבער השקפה.

ס'דערמאנט יעדעס מאל ווען VIN האט א העדליין וועגן א איסור אויף א נייע ל. ש. אלבום שפרינגען די קאמענטער'ס גלייך ארויף, ס'ט משוגע?! וואס איז ראונג מיט די אלבום? דו ווייסט וויפיל חסד ל. טוט? ער לויפט טאג און נאכט ארום משמח זיין אין שפיטעלער וכו' וכ'ו. נו איז וואס וועגן דעם? איז עס מכריע אויף די סטייל ניגונים וואס ער זינגט?

כ'זאג נישט, איך הער ל. ש. ביי מיר אין אפיס און כ'ליין דער שטערן ווען ס'קומט מיר צו די האנט, מיינט אבער נישט אז כ'האלט טאקע אז ס'באלאנגט אזוי, איך בין נאר נישט קיין עקסטרעמער מענטש בטבע. איך קען אבער דערהערן וואס יענעם באדערט דערוועגן.

וועגן די עצם מעשה, כ'קען נישט פאסן קיין החלטה ווייל דערווייל הער איך נאר איין צד, כ'וויל נישט מיין החלטה איבער די רבנים זאל אויסקוקן ווי די אונטערגעשריבענע איסור פון די סטארי...

מען זעהט מער און מער אז די רבנים פארשטייען נישט און פארטרעטן נישט דעם המון עם. זיי לעבן אין א זייפן בלאז וואס האט זיך שוין פון לאנג צופלאצט און קיינער האט אפילו נישט געבאדערט זיי צו זאגן אז סאיז געים אוווער, אז זיי זאלן צומאכן די לייט אויפן וועג ארויס ווייל קיינער איז שוין נישט דא.

פארווע האט געשריבן:

קארל האט געשריבן:עס איז בכלל נישט קיין סוד וואספארא קאליבער יונגערמאן דער ארויסגעבער פון דעם "שטערן" איז – א איד וואס גיט זיך אוועק פאר אנדערע במלוא מובן המילה, און וועלכער האט זיך אויפגעבויעט א הערליכע קאריערע פון ארויסהעלפן פילע אידן פון זייער קלעם. פארגלייך אים צו די ארויסגעבער פון די אומווירדיגע צייטונגען ווי "דער איד" און "דער בלאט", וועמענ'ס גאנצע קאריערע איז בלויז רשעות און שפיכת דמים. ווי שעמען זיי זיך נישט? ווי האבן זיי נישט די בושה זיך צו באשרייבן און באטיטלען אין די גרויליגסטע פובליקאציעס – פון א אידישן און מענטשליכן שטאנדפונקט – און דערנאך מאכן א "מושב בי"ד" אויף א גרינגען ציל ווי "דער שטערן" וואס דינט נישט קיין פארטייאישע אינטערעסן.

ווי קומט דא אריין אינעם נושא די מצוות ומעש"ט פוו די ארויסגעבער פונעם שטערן/שפאקטיוו? לו יהא אז פאר איזה סיבה שהוא האבן די רבנים מחליט געווען אז די אינהאלט פון דיזע מאגאזינען קענען שעדיגן זייער מהלך החינוך (אפגעזען צו דו האלסט פון דעם מהלך צו נישט) און דערפאר האבן זיי אונטערגעשריבן א איסור, האלסטו אז זיי דארפן טוישן זייער מיינונג צוליב וואס די ארויסגעבער דערפון האט א גאלדענע רעקארד פון ארויסהעלפן אידן בעת צרתם? וכי מה ענין שמיטה אצל גרענד קעניאן? די רעדע איז דא איבער השקפה.

ס'דערמאנט יעדעס מאל ווען VIN האט א העדליין וועגן א איסור אויף א נייע ל. ש. אלבום שפרינגען די קאמענטער'ס גלייך ארויף, ס'ט משוגע?! וואס איז ראונג מיט די אלבום? דו ווייסט וויפיל חסד ל. טוט? ער לויפט טאג און נאכט ארום משמח זיין אין שפיטעלער וכו' וכ'ו. נו איז וואס וועגן דעם? איז עס מכריע אויף די סטייל ניגונים וואס ער זינגט?

כ'זאג נישט, איך הער ל. ש. ביי מיר אין אפיס און כ'ליין דער שטערן ווען ס'קומט מיר צו די האנט, מיינט אבער נישט אז כ'האלט טאקע אז ס'באלאנגט אזוי, איך בין נאר נישט קיין עקסטרעמער מענטש בטבע. איך קען אבער דערהערן וואס יענעם באדערט דערוועגן.

וועגן די עצם מעשה, כ'קען נישט פאסן קיין החלטה ווייל דערווייל הער איך נאר איין צד, כ'וויל נישט מיין החלטה איבער די רבנים זאל אויסקוקן ווי די אונטערגעשריבענע איסור פון די סטארי...

פארווע, דאס מאל האלט איך אז קארל איז גערעכט. ווען די רבנים האלטן ווען אזוי ווי דו זאגסט, וואלטן זיי אזוי געשריבן, אבער למעשה שרייבן זיי קלאר אז די סיבה פון דעם איסור איז ווייל די ארויסגעבער זענען שקרנים. דער אזוי גערופענער איסור איז א קלארער, מיאוס'ער אטאקע אויף די ארויסגעבער, ווי מען באפאלט זיי מיט גאר שארפע לשונות "...והעמידו פנים של הכנעה וקבלות מרות ... באותו זמן הביאו לנו כתב עברי לצחק בנו בשקר גס ובמרמה..." דאס איז זייער א פערזענליכער אטאקע.

אזא אטאקע קענען זיי אנשמירן אויף מענטשן וועלכע מען קען נישט, אדער אז מען קען זיי פאר שווינדלער און באטריגער. אבער דער ארויסגעבער פון דעם שטערן קען יעדער איינער אלס פונקט פארקערט פון דעם, און דוקא די רבנים קען מען פאר שווינלער און באטריגער, דעריבער קומט זייער גוט אריין וואס קארל האט געזאגט.

פוי! איך בין מוחה בפה מלא! ווי קומט עס אז אידן רעדן מיט אזא בזיון קעגן אונזערע הייליגע רבנים אשר מפיהם אנו חיים??? ווי איז די הכנעה צו א דעת תורה? ווי איז די בושת פנים? וואס פארשטייען פשוטי עם??! עטס מיינסטס אז עטס פארשטייען בעסער ח"ו? היט אייך אפ פון די עזות פנימער די עדת קרח און גייט נישט בעצת רשעים חלילה. עס וועט ענק ביטער קאסטן אויב עטס הערטס נישט אויף מיט די עזות אבער שוין!

משה בער האט געשריבן:פוי! איך בין מוחה בפה מלא! ווי קומט עס אז אידן רעדן מיט אזא בזיון קעגן אונזערע הייליגע רבנים אשר מפיהם אנו חיים??? ווי איז די הכנעה צו א דעת תורה? ווי איז די בושת פנים? וואס פארשטייען פשוטי עם??! עטס מיינסטס אז עטס פארשטייען בעסער ח"ו? היט אייך אפ פון די עזות פנימער די עדת קרח און גייט נישט בעצת רשעים חלילה. עס וועט ענק ביטער קאסטן אויב עטס הערטס נישט אויף מיט די עזות אבער שוין!

און איך בין מוחה אויף דיר פארן נוצן פארן דיין ניק און פאר דיין בילד, דעם נאמען און בילד פון אן ערליכן אפגעהיטענעם חסיד'ישן אידן, ביי וועמען בילדער זענען טאקע פוי, און דער גאנצער עולם הזה איז ביי אים נישט ווערט כקליפת השום.

איך האב פריער געהערט קראנט אז הערשל קלאר האט זיך אויפגעטון ווי שטארק ער איז אז ער האט באוויזן ארויסצוטראגן עמי, בינה פון ווילאמסבורג, און אז יעצט גייט ער ווייזן אז ער קען אויכט ארויס טראגן דעם שטערן פון ווילאמסבורג.
עס איז עק וועלט א טרעראיסט וואס איז וואויל באקאנט אז ער צילט קאמפאניס וואס ער האלט זיי וועלן אים באצאלן געלט ער זאל זיי אפלאזן (עס איז באקאנט אז ער האט שוין באקומען צענדליגער טויזענטער דאללער לא יחרץ) פירט אן א מאפיע ביזנעס און האט נאך די רבנים אין טאש. און טערזירט גראסעריס אלעס אויפן חשבון פון די איינוואוינער אין וומ"ס. אויב וועט מען דאס נישט אפשטעלן באצייטנס וועט דאס נישט נעמען קיין עק, און דער מאפיענער וועט טאקע באקומען א כוח וואס מען וועט מער נישט קענען צוברעכן
אגב, האב איך געהערט אז דעברע פעלדמאן שרייבט אין איר בוך אז זי פלעגט אלץ מיידל זיך ארויסכאפן און לויפן אין לייבערי ליינען גויאישע ביכער, ווער ווייסט אפשר ווען מען זאל איר ווען לאזן ליינען דעם שטערן וואלט זי נישט אנגעקומען אין תהום... איך בין נייגעריג ווער עס נעמט די אחריות...!
ווער רעדט נאך אויב וועלן זיי טאקע מצליח זיין און גראסעריס אין וומ"ס וועלן ארויסשטעלן דעם שטערן, און די טויזענטער ליינער וועלכע זענען שוין געוואוינט פאר צען יאר צו ליינען דעם שטערן, און זעהן נישט קיין שום פראבלעם דערמיט וועלן עס גיין קויפן אין די גוי'אישע נויססטענטס ווי עס פארקויפט זיך גויאישע תועבה מאגאזינען. ווער נעמט אויף דעם די אחריות...!
וואלט נישט בעסער געווען ווען מען האלט די בעלי בתים פון שטערן אונטער דרוק אז זיי זאלן נישט פארקויפן אין די גוישע נויססטענטס? וואלט נישט בעסער געווען צו האלטן אויף די שטערן דעם דרוק פון די רבנים אז זיי זאלן ווייטער שרייבן איידעלע און מילדע ארטיקלן? זענען די שוטים געגאנגען און אראפגענומען פון זיי די יאך און אפגעטון דאס ארגעסטע וואס זיי זענען בכוח וואס דאס מיינט אז פון היינט און ווייטער איז הפקר וועלט...
די לייכטזיניגקייט פון די אזויגערופענע פרומע איז אבעליוועבל, זיי האבן נישט קיין שום פארשטאנט צו קיין הנהגה... אנבעליוועבל

דער טפשות וואס דא גייט פאר דארף מען קיינעם פון אונז נישט מסביר זיין, און פאר די אפוטרופסים פון אונזער אידישקייט קען מען נישט מסביר זיין. זיי ווערן געטריבן פון א פאנאטישע גרוילקייט וואס האט קיין שייכות צו אידישקייט בכלל, און זיי האבן נישט קיינעם וואס דיקטירט זיי ווי זיך צו פירן אויסער זייער אייגענער שלעכטער מוח וואס פארפירט זיי און דערנאך גייען זיי צו זייערע רבנים וואס פאלגן זיי נאך אלעס וואס מען פארלאנגט פון זיי, און אויך די רבנים ציטערן פון זיי, ווייל זאל זיך איינער ארויסשטעלן פארן אמת, איז אך און וויי. דער טעראר ארבעט מיט אלע כוחות. א פאקט וואס איך ווייס פון אייגענער עקספיריענס און וואס איך האב מער ווי איינמאל מיטגעהאלטן. און נישט געהערט פון צווייט אדער פיפטע האנטיגע נייעס!!

וואס דא גייט פאסירן איז עטליכע זאכן.

1) א טייל פונעם ציבור וועט פשוט אויפהערן צו ליינען בכלל, אויסער די גאר אינהאלטסרייכע (...) פאליטיש-חסידישע צייטונגען.

2) א קלענערע טייל וועט זיך סובסקרייבן צום שטערן און אזוי אויך צו די אנדערע צייטונגען וואס מען לאזט נישט אריין אין הייליגען וויליאמסבורג.

3) א געוויסע פראצענט וועט זיך אינגאנצן אפלאזן פון אידיש ליינען און וועט נעמען דעם אינטערנעט אלס זיין הויפט מקור פאר נייעס און וויסנשאפט.

אינטערנעט קומט אריין אלס מער אינעם חרדישן לעבן. עס איז א פאקט און קיינער וועט קיינמאל נישט האבן די מעגליכקייט דאס אפצושטעלן. אפי' מען וועט ארויסווארפן די קינדער פון די מוסדות וועט נאך אלס אינטערנעט פארבלייבן און ווייטער אנגיין. אנשטאט אז מען זאל צושטעלן כשר'ע סחורה און זוכן וואס מען קען טון מיטן עולם וואס לעבט שוין אין אן אינטערנעט עפאכע, פרובירט מען נאך אלס אנצוהאלטן דעם מאנאפאל אויף די היימישע מוחות, וואס האט אפשר ביז א פופצן צוואנציג יאר צוריק געארבעט מיט סוקסעס.

משה בער האט געשריבן:פוי! איך בין מוחה בפה מלא! ווי קומט עס אז אידן רעדן מיט אזא בזיון קעגן אונזערע הייליגע רבנים אשר מפיהם אנו חיים??? ווי איז די הכנעה צו א דעת תורה? ווי איז די בושת פנים? וואס פארשטייען פשוטי עם??! עטס מיינסטס אז עטס פארשטייען בעסער ח"ו? היט אייך אפ פון די עזות פנימער די עדת קרח און גייט נישט בעצת רשעים חלילה. עס וועט ענק ביטער קאסטן אויב עטס הערטס נישט אויף מיט די עזות אבער שוין!

א הערצליכן שמחת פורים ושמחת תמיד דיר אויך.

כהאב שוין געשריבען אויוון אז די באלעבאתים פונעם שטערן האבען א חיוב צו שיקען א הזמנה צי די וואס האבן זיי שאדען געמאכט געלט. אויב א רב וועט וויסען אז עס קאסט עם זיין טאש וועט ער טראכטען צוויי מאל אויב ער זאל אינטערשרייבען פאר דעם מאפיא הערשעל קלאר. אויב זיי טיען דאס נישט איז די שטאט אין א סכנה
מיר ליינער פין די שטערן דארפען קלאר מאכען פאר די גראסעריס אז אויב נעמען זיי עס נישט אריין פארלירן זיי א קאסטומער., זיי מוזען האבען א קאנטער פרעשער צו די עסקנים'ס פרעשער

ווען מען פרעגט די רבנים מיט וואס איז דער שטערן ערגער פון איד אין בלאט וואס ענטפערען זיי?

זיי האבן דען וואס צו ענטפערן?

אדרבה, לאמיר אלע פראבירן צו פרעגן די רבנים. זייערע נאמבערס זענען אויף די ליסטע. מען דארף דאך הערן זייער צד אויך.

איך בין נישט באקאנט מיט דער גאנצער געשיכטע, און וויפיל מ'קען יא גלייבן קול קורא'ס און וויפיל נישט. אבער אזויפיל קען איך זאגן אז איך קען הגה"צ מ'איבראן שליט"א פערזענליך, און ער איז אן איש מורם מעם, א געוואלדיגער גאון און בעל מידות להפליא. עס איז ביי מיר ברור אז אויב שטייט ער טאקע אונטער דעם קול קורא האט ער עס קלאר דורכגעטון און טיף באטראכט אלע צדדים.