כנור האט געשריבן:ווען באבוב 48 זאל איין האלטען דער פסק און באבוב 45 נישט, וואלט געקענט זיין טענות פארוואס טוהט באבוב 45 נאר דער מינימום (הרב ראזענבערג האט דאך געזאגט אז עס איז גוט און גענוג). אבער למעשה האלט נישט באבוב 48 איין זייער חלק פונעם פסק אז זיי מוזען רופען דער אנדערע באבוב "באבוב-45", איז אלזא וואס פארא טענות קען מען צו באבוב-45 האבען.
באבוב 48 רופט אן דער אנדערע באבוב "45" פלעין, און זענען מדגיש 45 און דעטס אול, זענען נישט גורס באבוב בכלל און טייל רופען זיי נאך אלץ קארטשין (נגד הפסק); איז פארוואס דענמאלט טאר נישט באבוב 45 מדגיש זיין דער "באבוב" און פארוואסערען דער "45"? מען וויל דאך זיי באראבעווען זייער איידענטיטי!
למעשה האט מען עס פארויס געזעהן אז 48 וויל נישט קיין שלום בשום אופן, און אויפען פסק איז טאקע דא צוויי עיקולים; איז למעשה קיין גילטיגע פסק נישט דא; נאר באבוב-45 האט געטוהן לפנים משורת הדין; קען דאך נישט קומען דער וואס טוהט נישט אפילו די מינימום און פארלאנגען אז יענער זאל טוהן דער מאקסימום! און ווען ער זאל יא טוהן וואס די פארלאנגסט וועסטו דען שוין יא מאכען שלום?!
בקיצור, די ווילסט איינעם שלאגען און פארלאנגסט אז ער טאר זיך נישט באשיצען! דאס טוהען נאר די אראבער; זיי מעגען שיסען אנשים נשים וטף אבער מדינת ישראל טאר נישט הרגענען זייערע טעראריסטען, און דער וועלט נעמט זיך נאך אן פאר זיי! די נוצרים שרייען אז מיר זענען נישט די אידען, מיר זענען נישט געווען ביי מתן תורה; די אראבער שרייען אז אין ארץ ישראל זענען קיינמאל נישט געווען קיין אידען, און א בית המקדש איז קיינמאל נישט געשטאנען; און דער וועלט איז אויפען בעסטע אופן "נוטראל" ווי א סאך ליינערס דא!
טייערע chusid; אז די וועסט אריין טראכטען וועסטו זעהן אז איך בין גערעכט. וואס איז דיין נוטראלקייט ווערט, ווען די זעהסט ווי מען בא'עוולט א גאנצע קהילה, א הייליגע קהילה, און דער "עלטצטע" זוהן פונעם מהר"ש זי"ע! איז ער נישט אויך געווען א זוהן!
און א סוד וועל איך דיר זאגען (צווישען פיר אויגען) אז דער באבובער רבי פון 45 איז גרייט צו א סאך מער ווי עס שטייט אין פסק אויב ער זאל נאר האבען מיט וועמען צו גיין צום טיש. געהערט האביך (איך קען עס נישט קאנפירמען) אז ווען ר' משה חיים מאנדעלבוים איז אוועק האט רבי מרדכי דוד געקרעכצט אז "עס איז שוין נישט דא מיט וועמען צו גיין צום טיש". דער האפענונג איז געווען אז ר' משה חיים (וואס איז געשטארבען פון צער פון זעהן דער פועל יוצא פונעם ספליט) וועט נאכען פסק ארבעטען אויף שלום, און ער וואלט זיכער אזוי געטוהן טאמער ער וואלט געלעבט. יעצט אבער זענען זיי געבליבען נאר מיט אינגעלעך וואס ווייסען נישט דער אל"ף בי"ת פון באבובער חסידות, און וואס עס מיינט שלום און מענטשליכקייט.
נישט דא מיט וועמען צו גיין צום טיש.
כנור טייערע:
ראשית כל, ענדליך האט מען דערלעבט, אז ביסט מודה אז ענק פאלגן נישט דער די״ת.
לאמיר גיין צוביסלעך.
באבוב פאלגט נישט דער די״ת - מען רופט ענק ״45״.
באבוב וויל נישט שלום - באבוב וויל ענק נישט קענען.
דער ערשטע מקיים צו זיין דער ערשטער חלק פון דער פסק איז געווען באבוב, און אן קיין שום שהיות, האט מען געצאלט די ערשטע התחייבות.
אבער לאמיר גיין לגופו של ענין:
באבוב רופט ענק בלויז 45 - דו נוצט דאס אלס א היתר, אז ענק מעגן זיך רופן באבוב, און באהאלטן די 45.
1. דער פסק איז מחייב יעדער צד, נישט קיין חילוק צו דער אנדערע צד פאלגט יא צו נישט.
2. ענק רופן 45, איז נישט קיין עולה. ענקער חסידות ״הייסט״ באבוב45. לאמיר עס קלאר ארויס שרייבן, דער נאמען פון ענקער חסידות באשטייט פון נישט איינס, עס באשטייט פון 4 ווערטער ״באבוב פינעף און פערציג״, תולדות אברהם יצחק האט 3, ענק האבן 4.
לאמיר עס דיר געבן בעסער צו פארשטיין.
דער ״באבובער דרך״ - וואס ענק האבן אזוי ליב, איז אין באבוב. ענקערע דרך, ענקערע מנהגים, ענקערע רבי, רביצין, רב, ענק אליינס, הכל בכל מכל כל הייסט מער נישט באבוב, ענק זענען נישט באבוב, ענק זענען ״באבוב פינעף אין פערציג״
כזה:
באבוב פינעף אין פערציגער דרך
באבוב פינעף אין פערציגער מנהגים
באבוב פינעף אין פערציגער רבי
באבוב פינעף אין פערציגער רביצין
באבוב פינעף אין פערציגער רב
באבוב פינעף אין פערציגער חסיד
ניין, שעפעלע, פינעף אין פערציגער איז ״נישט״ קיין היכר, און נישט קיין העקער ווי רמ״ד וויל, עס איז א חלק פון ענקער נאמען. ענק זענען אדורך געגאנגען א שינוי השם פראסידזשער, וואס מען מאכט פאר א חולה מסוכן, עס איז א פיינליכע פראצעדור, מען וויל נישט מודה זיין דערין, ס׳נעמט צייט זיך צוצוגעוויינען, ס׳איז א ביטערע פיל, אבער ענק וועלן און גייען עס אראפשלינגען.
באבוב, איז א חסידות וואס איז באזירט אויף די דרך ומנהגי רבוה״ק לבית באבוב
באבוב פינעף אין פערציג, איז א נייע קאנצעפט, א פריש געגרינדעטע חסידות דורך רמ״ד און ר״י רובין, וואס רעדן זיך אז זיי גייען בדרכי די שוועיער זכרוינע לבכאאכעע.
דער פסק דין, פארלאנגט אז יעדער איינער מוז אנערקענען און רופן דער צווייטן צד מיט ריכטיגן נאמען.
באבוב45 מוז רופן באבוב מיט נאמען באבוב, און קיין שום צונאמען.
באבוב מוז רופן באבוב45 מיט נאמען באבוב45 און קיין שום צונאמען.
דא שאפט זיך א שטיקל פראבלעם:
באבוב פינעף אין פערציג איז א לאנגע נאמען, 4 ווערטער, ס׳נעמט אויף זעהר אסאך, ווען מען וויל דערציילן א ווערטל וכדומה.
א פראבלעם!
למעשה איז דא נאך אן אישו.
רמ״ד, דער רבי וואס ענק טענה׳ן איז מורא׳דיג איבעגעגעבן צו זיינע חסידים, האט געמאכט דער 90סטן טאג א באשלוס.
ס׳איז געווען 3 צדדים.
1. נישט פאלגן דער די״ת.
2. צו פאלגן דער פס״ד ווי א נאמנארמאלעאלע מענטש, יוד, זיך צו קלויבן א נארמאלע נאמען ווי ״צאנז-באבוב״, וואס קלינגט שיין, ס׳מאכט סענס, אנהייבן פון פריש וכו׳ וכו׳ אלעס וואלט געווען צופרידן.
3. אויסנארן דער וועלט מיט׳ן עולם. מען גייט זיך רופן ״באבוב45״ שם מ״ה, היכר, העקער. זאלן זיך מיינע חסידים באגראבן פאר בושה, באהאלטן די 45 בארבע קצות הדעזיין, אבי מען זאל דעם פעטער נישט רופן באבוב, נאר באבוב48.
דיין טייערע רבי, האט נישט געטראכט פון דיר, ער האט נישט געטראכט פון זיך, ער האט געטראכט פון זיין פעטער צו מאכן דער באשלוס.
נישט קיין חילוק, וויאזוי ער איז געקומען צו דער מסקנא. כהיום זענטס עטץ ״חסידי באבוב פינעף און פערציג״.
יעצט לאמיר צוריקגיין:
דער מנהג העולם, אז חסידות׳ן וואסן האבן לאנגע נעמען, נוצט מען דער לעצטע נאמען, ס׳איז פשוט גרינגער און שנעלער. קיינער ווערט נישט באליידיגט, ס׳איז אקסעפטעבל.
נעם א משל ווי ״צאנז קלויזנבורג״ - מען רופט זיין קלויזנבורגער חסידים, קלויזנבורגער רב, קלויזנבורגער ביהמ״ד. קיינער ווערט נישט באליידיגט.
צאנז גריבוב, דער איז דער גריבוב רב, און דעטס איט. ווער רופט עם צאנז גריבוב, אפילו ער אליינס נישט.
תולדות אהרן - זיי זענען די אהרעלעך, א גוטן טאג, אזוי גייט עס, כ׳האב נאך נישט געהערט קיין קאמפלעינט.
פון אט דעם דרינג איך ארויס צוויי זאכן:
1. מען דארף נישט נוצען ״אלע״ 4 ווערטער פון ענקערע נאמען, צו רופען ביי די לעצטע איז נארמאל, און אז מען גיבט דיך די 3 לעצטע ווערטע, זאלסט פילן גוט, עס איז ״ענקערע נאמען״. יא! באבוב איז ״נישט״ ענקערע איידענטיטי, ״באבוב״ איז ״אונזערע״ איידענטיטי, ענקערע איידענטיטי איז ״באבוב פינעף און פערציג״. אזויווי ס׳איז נישט דא נאך איינער וואס אבד״ק פינעף אין פערציגף אדער חסידי פינעף און פערציג, דעריבער איז 45 גאנץ א גוטע איידענטיטי פאר ענק, און ווי דערמאנט אז עס אקסעפטאבעל אין דער גאנצע וועלט - זיי נישט אנדערש, וויין נישט.
אבער יעצט קוק ווי די רבש״ע פירט א וועלט:
ווען רמ״ד ואלט זיך געקליבן דער צווייטער אפציע, זיך צו רופען ״צאנז באבוב״, וואלט מען ענק דאך גערופען ״באבוב״, ווייל דאס איז דער לעצטע ווארט, ווי דערמאנט. אוי וואלט ער אפגעטוען זיין פעטער! ענק וואלטן זיך גוט געפילט, אונז וואלטן געפלאצט, וואס וואלטן ענק געמאכט נאך בעסער פילן (כ׳ווייס אז די גייסט עס לייקענען). און וואלטן זיך געמוזט שטאפן דאס מויל. און ענק וואלט זיך גוט געפילט מיט א נארמאלען נאמען.
נו! איז געקומען רמ״ד און האט זיך גערופען באבוב45.
יעצט איז ער פינעף און פערציגע רבי. ענק באהאלטן די 45 אין ווינקלען, ענק שעמען זיך דערמיט.
ענק זענען געבליבן ״קרח מכאן וקרח מכאן״
כ׳מיין אז ס׳איז גאנץ קלאר, אז ענק צו רופען ״45״ איז נישט קיין עולה מצד דער פס״ק, ווייל עס איז נישט א ״צונאמען״ עס איז א חלק פון ענקער נאמען, ס׳איז נישט אויסגעשמועסט, אז מען מוז ארויס זאגן דאס ווארט אינגאנצען, און אויב נישט האט מען נישט יוצא געווען.
אבער, ענק זאלן רופן באבוב, באבוב48, צו בלויז 48, דאס 100 פראצענט אין קעגנזאץ פון דער די״ת.
יצעט לגבי ענקערע קאנסטאנטע געשריי ״וואס טוט באבוב פאר שלום״
לאמיר עס מאכן קורץ:
וואס האט רמ״ד געטוען פאר שלום?
געגאנגען צו ערכאות - למען השלום
געגאנגען צו בג״צ - למען השלום
חרוב געמאכט קעמפס - למען השלום
גע׳גנב׳ט פראגרעמס פון באבוב - למען השלום
גענוצט גענוי די זעלבע נעמען פון די מוסדות - למען השלום
גלייגט עיקולים ווי נאר מעגליך - למען השלום
פראלקאמירט אז מען דארף נישט פאלגן דער דין תורה - למען השלום
געפאלג אזוי איינצרעדן די גאס - למען השלום
וכו׳ וכו׳
וואס האט באבוב געטוען פאר שלום?
געאפפערט פשרות - למען המחלוקת
ערלעדיג בית יעקב ווי ענק זאלן קענען דאווענען - למען המחלוקת
זיך געבעטן ביי ענק צו פאלגען דער פסק געהעריג - למען המחלוקת
געצאלט אן קיין מאנקי ביזנעס - למען המחלוקת
מען רופט ענק באבוב45 אדער 45 כנ״ל - למען השלום
אבער ניין, דאס איז נישט שלום, דאס האט באבוב געטוען פאר מחלוקת!
וואס ענק טוען, יהיה מה שיהיה, אז למען השלום.
וואס אונז טוען = מחלקות.
ר׳ יוד, חוץ פון ״פלאטקענען״ ״אני שלום״ און ״והמבין יבין״, האט רמ״ד נאר געארבעט למען המחלוקת, דריי נישט קיין קאפ.
באבוב האט קלאר געזאגט פאר ר׳ שלמה פרישוואסער, וועט ער פאלגן געהעריג, וועלן זיך די רבי׳ס טרעפן און ס׳וועט זיין שלום.
אבער געוואיר ווערנדיג ווי רמ״ד לויפט מאכן עיקולים, האט ער שוין אויך מודה געווען, אז רמ״ד אז דער וואס וויל נישט קיין שלום.
ווי אזוי עס זאל נאר זיין.
ר׳ מרדכי דוד האט דער שליססעל פון שלום.
נישט באבוב, און נישט ר׳ משה חיים מאנדלבוים אין קבר.
״זאגן אז ער איז ״גרייט״ פאר א סאך מער, איז פשוט ״געפלאטקעוועט״, חוץ פון שרייען שלום האט ער נאר געטוען למען המחלוקת.
רמ״ד, דארף פשוט איין טאג באשליסן, אז מען גייט פאלגן דער פסק, אין קונצן, וועסטו זעהן ווי עס וועט זיין שלום.
״והמבין יבין״
דו ווייסט וואס דאס מיינט?
אויב די פארשטייסט וואס איך שרייב, דאן ביסטו א מבין און אויב נישט...