טעגליכע נייעס בולעטין

מאסקווע – די דיפלאמאטישע באציאונגען צווישן רוסלאנד און אמעריקע זענען נעכטן געווארן נאכמער פארשארפט ווען רוסלאנד האט ארויסגעווארפן צוויי אמעריקאנער דיפלאמאטן פון מאסקווע און זיי אהיימגעשיקט קיין וואשינגטאן.
דאס איז געקומען אלס נקמה דערויף וואס די אמעריקאנער רעגירונג האט אנהייב פאריגע וואך ארויסגעווארפן צוויי רוסישע דיפלאמאטן און זיי אהיימגעשיקט.

דאס ארויסווארפן די רוסישע דיפלאמאטן פון וואשינגטאן איז געווען אין רעאקציע צו דעם וואס מאסקווער פאליציי זענען איבערגעפאלן אן אמעריקאנער דיפלאמאט און אים צעשלאגן פארנט פון די אמעריקאנער קאנסולאט אין מאסקווע.

-קה"א-

סיריע – די אייסיס טעראר גרופע האט נעכטן געזאגט אז זיי האבן סוקסעספול אראפגעשאסן א סירישע מיליטערישע העליקאפטער, וועלכע איז געפירט געווארן דורך צוויי רוסישע מיליטערישע פילאטן. דער אראפשיס האט פאסירט העכער די סירישע היסטארישע שטאט פּאלמיירא און ביידע פילאטן זענען געשטארבן. דאס קומט אין די זעלבע צייט וואס די סירישע רעזשים פון באשאר אסאד האט נעכטן געמאלדן אז זיי פארלענגערן זייער אייגענעם פייער אפשטעל מיט נאך 3 טעג.

-קה"א-

מאראקא - א אידישע פארפאלק, שמואל טאלעדאנא און זיין פרוי, זענען דערמארדעט געווארן אין זייער היים אין קאסאבלאנקא, מאראקא. די פאליציי זאגן אז זיי פארדעכטיגן אז די מאטיוו אונטער די מארדן איז געווען רויבעריי און האבן ארעסטירט א גערטנער וועלכער האט געארבעט פאר די אידישע פארפאלק. מאראקאנער אידן האבן אבער געבעטן די פאליציי אויך אויסצופארשן די מעגליכקייט אז זיי זענען דערמארדעט געווארן צוליב זייער אידישקייט.

-קה"א-

לאנדאן – עס קומען ווייטער דיי נאכווייען פונעם "טשילקאט רעפארט" אין ענגלאנד, וועלכע איז פאריגע וואך ארויסגעגעבן געווארן איבער ענגלאנד'ס ראלע אינעם איראק אינוואזיע פון יאר 2003. נעכטן האט מען געהערט פון דזשאן פּרעסקאט, וועלכער האט געדינט אלס דעפיוטי פרעמיער מיניסטער אונטער טאוני בלעיר ווען עס איז געמאכט געווארן דער באשלוס צו אינוואדירן איראק, אז ער האלט אז די בריטישע רעגירונג האט קלאר געבראכן אינטערנאציאנאלע געזעצן ביים אינוואדירן איראק און אז די גאנצע אינוואזיע איז געווען אומלעגאל.

טעקסאס – אין ווייטערדיגע באריכטן איבער די 5 אומגעברענגעטע פאליציי אפיצירן ביי די בלעק לייוו (דאונט) מעטטער פראטעסטן: דער הויפט פון די דאלאס פאליציי דעפארטמענט, טשיף דעיוויד בראון, האט נעכטן געגעבן א לענגערע אינטערוויו אויף "סי ען ען", ביי וועלכע ער האט אויפגעדעקט פרישע שרעקעדיגע דעטאלן פון די שטונדן ווען פאליציי אפיצירן האבן זיך געראנגלט מיט'ן שיסער מייקא עקס דזשאנסאן נאכדעם וואס ער האט שוין געהאט געשאסן און אומגעברענגט 5 פאליציי אפיצירן – א דראמא וואס האט זיך געענדיגט ווען די פאליציי האט אריינגעשיקט א ראבאט באמבע, מיט בערך א פונט "סי-4" אויפרייס מאטעריאל, אומצוברענגען דזשאנסאן.

טשיף בראון זאגט אז אין לויף פון די שטונדן וואס די פאליציי אפיצירן האבן געפירט געשפרעכן מיט דזשאנסאן, אים צו פרובירן צו איבערצייגן אז ער זאל זיך אונטערגעבן פאר די פאליציי פרידליך, האט ער געלאכט מיט א ברוטאלן געלעכטער צו די פאליציי און ביי עטליכע געשפרעכן מיט די 911 דיספעטשערס און ספעציעלע געשפרעכן-פירער עקספערטן, האט דזשאנסאן געזינגען געזאנגען און האט אויסגעזען צו זיין זייער רואיג און אין קאנטראל פון די סיטואציע. טשיף בראון זאגט אז ס'האט קלאר אויסגעזען אז ער איז אויסן אנצוהייבן נאכאמאל שיסן.

טשיף בראון האט אויך געזאגט אז ווי עס זעהט אויס, איז דזשאנסאן פארוואונדעט געווארן ביים אריינלויפן אין די געביידע וואו ער האט זיך באהאלטן און געשאסן אויף די פאליציי, ווייל מען האט געפונען שפעטער פארשידענע מעסעדזשעס וואס ער האט געשריבן מיט זיין אייגן בלוט, אריינגערעכנט די בוכשטאבן "אר-בי" וואס די פאליציי ווייסט נאך דערווייל נישט די באדייט דערפון. טשיף בראון האט צוגעלייגט אז דזשאנסאן האט פלאנירט מערערע אטאקעס און מעגליכע באמבע אויפרייסן, וואס דאס האט מען געזען פון באמבע מאטעריאל און אנדערע וואפנס און ביכלעך וואס מ'האט געטראפן אין זיין היים.

---

דאלאס – פרעזידענט אבאמא וועט מארגן באזוכן דאלאס, טעקסאס, וואו ער וועט אנטיילנעמען ביי א ספעציעלע רעליגיעזע צערעמאניע צו באעהרן די פינף פאליציי אפיצירן וועלכע זענען אומגעקומען אין די ברוטאלע געצילטע אטענטאט דורך מייקא עקס דזשאנסאן. אבאמא האט נעכטן ביי א רעדע געזאגט אז אזעלכע ברוטאליטעטן און סיי וועלכע געוואלדטאטן קעגן פאליציי אפיצירן, שעדיגט די "בלעק לייווס מעטער" באוועגונג און ער האט פריש אפעלירט צו די מאסן צו פראטעסטירן פרידליך.

---

מינעסאטע – די כאאס אין גרויסע אמעריקאנער שטעט, מיט די פראטעסטן און אנגייענדע ראיאטן קעגן פאליציי, האט געגרייכט אזא שטאפל אז אנדערע לענדער ווארענען גאר זייערע בירגער קעגן רייזן קיין אמעריקע אין די טעג! באכרעין, באהאמעס און די יונייטעד אראב עמירעיטס האבן אלע ארויסגעגעבן ווארענונגען פאר זייערע בירגער וועלכע געפונען זיך אין אמעריקע, אוועקצושטיין פון פלעצער וואו עס קומען פאר אנטי-פאליציי פראטעסטן, צוליב'ן געפאר פון שיסערייען. די פראטעסטן זענען באזונדער ווילד געווען זונטאג און מוצאי שבת אין מינעסאטע, וואו 6 פאליציי אפיצירן זענען פארוואונדעט געווארן.

---

ניו יארק – געוועזענער ניו יארק סיטי מעיאר רודי דזשוליאני האט נעכטן געמאכט העדליינס ווען ער האט ביי אן אינטערוויו גאר שארף אטאקירט די "בלעק לייווס מעטער" באוועגונג. דזשוליאני האט געזאגט אז אפילו בלויז די נאמען פון די באוועגונג איז ראסיסטיש און אנטי-אמעריקע, ווייל עס הייבט ארויס אז די לעבנס פון א געוויסע קאליר אדער עטנישע גרופע מענטשן איז וויכטיגער און טייערער ווי די לעבנס פון אנדערע. דזשוליאני האט אויך געזאגט אז די "בלעק לייווס מעטער" באוועגונג איז קלאר שולדיג פאר די מארדן פון די 5 פאליציי אפיצירן אין דאלאס, וויבאלד זיי געבן שטענדיג ארויס פראפעגאנדע, ליפלעטן און געזאנגען, מיט ווערטער וואס זאגן קלאר אז מען דארף צילן און אומברענגען פאליציי אפיצירן.

-קה"א-

צפון קארעא – וועט די קאמוניסטישע מיליטער פון צפון קארעא איבערטרעטן דעם גרעניץ מיט איר שכן דרום קארעא? אזוי זעהט אויס פון א סטראשע וואס זי האט נעכטן ארויסגעגעבן. אמעריקע און דרום קארעא האבן פרייטאג געמאלדן אז אין ליכט פון די לעצטערע מיסיל פראבעס דורך צפון קארעא, וועט אמעריקע אוועקשטעלן א מיסיל פארטיידיגונגס סיסטעם ביים גרעניץ צווישן צפון קארעא און דרום קארעא. פאר צפון קארעא שמעקט נישט די נייעס און האט געזאגט אז זי וועט פיזיש אריינשיקן טרופן קיין דרום קארעא צו צעברעכן און אוועקנעמען די אמעריקאנער מיסיל פארטיידיגונגס סיסטעמען.

איראק – א באריכט פון די "איי עיטש עס" גרופע זאגט אז אין די לעצטע אכצן מאנאטן האט די אייסיס טעראר גרופע פארלוירן קאנטראל אויף א פערטל פון אירע טעריטאריעס וואס זי האט קאנטראלירט אכצן מאנאטן צוריק. אין יאנואר 2015, זעקס מאנאטן נאכדעם וואס אייסיס האט דערקלערט א קאליפאט אין איראק און אין סיריע, האט זי קאנטראלירט 35 טויזנט סקווער מייל און יעצט קאנטראלירט זי בלויז 26 טויזנט סקווער מייל. דאס הייסט אז זי האט שוין פארלוירן אזא גרויסע שטח גרויס ווי גאנץ אירלאנד.

חאמזא בין לאדין, דער זוהן פונעם אומגעברענגטן על קאידא פירער אסאמא בין לאדין, האט נעכטן ארויסגעגעבן א 21 מינוטיגע אודיא רעקארדירונג, אין וועלכע ער סטראשעט די אמעריקאנער רעגירונג אז די גלאבאלע דזשיהאד באוועגונג וועט נקמה נעמען קעגן אמעריקע דערפאר וואס זיי האבן אומגעברענגט זיין פאטער, ביי די געוואגטע נעווי סיעל אפעראציע אין 2011 אין אבאטעבאד, פאקיסטאן. חאמזא איז ביז נישט לאנג צוריק געזיצן אין איראנער טורמע.

לאנדאן – נעכטן איז קלאר געווארן ווער עס וועט דינען אלס נייער פרעמיער מיניסטער פון ענגלאנד און עס וועט זיין פרוי טעריסא מעי, וועלכע איז אויסגעוועלט געווארן דורך די פירערשאפט פון די קאנסערוואטיווע פארטיי אלס נייע פארטיי פירערין און דערמיט איז זי אויטאמאטיש געווארן דער וואס גייט איבערנעמען דעם אמטירנדן פרעמיער מיניסטער דעיוויד קעמעראן. קעמעראן האט געמאלדן נעכטן אז ער וועט שוין רעזיגנירן מארגן מיטוואך און מעי וועט באלד קענען איינגעשוואוירן ווערן אלס נייער פרעמיער מיניסטער אין לאנד.


סאוט אפריקע – א היידזשעקינג שרעק איז אנטשטאנען אויף א פליגער פון די סאוט אפריקאנער ״עירלינק״ עירליינס, ווען דער פליגער טרענספּאנדער סיסטעם האט ארויסגעשיקט אן אלערט מיטן קאוד ״7500״, וואס איז באקאנט אינטערנאציאנאל אלס א קאוד פאר א היידזשעקינג. למעשה האט זיך ארויסגעשטעלט אז ס׳איז געווען א פשוט׳ע טעכנישע פראבלעם מיט׳ן טרענספּאנדער סיסטעם און דער פליגער האט געלאנדעט זיכערערהייט אינעם ארטיגן וואנדערברום לופטפעלד.


איראן – די אמעריקאנער מיליטער האט אויסגעדרוקט זארג אז די איראנער מיליטער גייט ווייטער אן מיט זייערע מיליטערישע רייצערישע שריט קעגן אמעריקאנער קריגס שיפן וועלכע פארן אינעם גאלף וואסער – טראץ וואס ס'איז געווען ערווארטעט אז די רייצענישן וועלן קומען צו אן ענדע ווי נאר די רעגירונגען פון ביידע לענדער האבן אונטערגעשריבן דעם נוקלעארן אפמאך. דער פענטאגאן זאגט אז בעיקר גייט איראן ווייטער אן מיט זייערע מיליטערישע שיקאנירונגען אינעם "הארמוז וואסער וועג" קאנאל, און נעכטן ווען אן אמעריקאנער מיליטערישע שיף איז דארטן דורכגעפארן, האט איראן געשיקט 5 קליינע מיליטערישע שיפן צו האלטן אן אויג אויפן אמעריקאנער שיף און צו לייגן דרוק אז דער אמעריקאנער שיף זאל פארלאזן דאס ארט ווי שנעלער.


באגדאד – די איראקער רעגירונג האט נעכטן געזאגט אז זי האלט ביי די סאמע לעצטע שטאפלען פון פלאנירן א מאסיווע מיליטערישע אינוואזיע אויף די שטאט מאסול, וואו אייסיס פארמאגט די הויפטקווארטירן פון איר איסלאמישע שטאַט. אין ליכט פון דעם האט מען נעכטן געהערט אז פרעזידענט אבאמא האט אויטאריזירט דאס שיקן פרישע 560 אמעריקאנער טרופן קיין איראק, אין אן אויסברייטערונג פון ערד-טרופן צו באקעמפן אייסיס. די מעלדונג איז געמאכט געווארן דורך פארטיידיגונגס סעקרעטאר עשטאן קארטער ביי זיין סורפרייז באזוך נעכטן אינדערפרי אין באגדאד.


ווענעזועלע – די ווענעזועלער רעגירונג האט אראפגענומען איר גרעניץ בלאקאדע צווישן ווענעזועלע און קאלאמביע פאר בלויז 12 שעה, צו ערלויבן די אויסגעהונגערטע און אויסגעדארשטע מאסן בירגער אז זיי זאלן קענען גיין קיין קאלאמביע און איינקויפן עסנווארג, מעדיצין, סופלייס און אנדערע וויכטיגע זאכן. דאס קומט אינדערצייט וואס ווענעזועלע גייט אריבער א שרעקליכע הומאניטערישע קריזיס, ווען די געשעפטן זענען אויסגעליידיגט, פארמערס און פירמעס פראדוצירן נישט קיין עסנווארג, און די רעגירונג האלט ביים צוזאמפאל. א לאקאלע מאניטאר גרופע האט געזאגט אז אין לויף פון די 12 שעה זענען אזויפיל ווי 35 טויזנט ווענעזועלער אריבערגעגאנגען קיין קאלאמביע זיך איינצוהאנדלען לעבנס-קריטישע מאטעריאלן.


פּיאנג-יענג – די קאמוניסטישע צפון קארעא קען זיך נאך אלץ נישט איבערקומען איבער דעם וואס די אמעריקאנער רעגירונג האט פאריגע וואך געמאלדן שווערע סאנקציעס קעגן איר פירער קים יאנג אן. א יו-ען מאניטאר גרופע האט נעכטן געזאגט אז אין די לעצטע 48 שטונדן האט מען אנגעהויבן זעהן מער אקטיוויטעטן ביי צפון קארעא'ס נוקלעארע מיסיל ארויסשיס פלאטפארמעס, און באזונדער האט צפון קארעא געמאלדן נעכטן אז זי פארשליסט די איינציגסטע דיפלאמאטישע קאנאל וואס זי האט געהאט מיט אמעריקע – נעמליך איר אפיס אין די יונייטעד נעישאנס געביידע אין ניו יארק, דורך וועלכע אמעריקע און צפון קארעא טוישן געווענליך אויס מעסעדזשעס צווישן זיך.

-קה"א-

דאלאס – צוויי אמעריקאנער פרעזידענטן וועלן היינט באזוכן אין דאלאס, טעקסאס, צו פרובירן ברענגען אביסל רואיגקייט אין דער שטאט וועלכע איז אויפגעשאקלט נאך פון די דאנערשטאג אטענטאטן אויף פינף פאליציי אפיצירן. אמטירנדער פרעזידענט אבאמא און געוועזענער פרעזידענט בוש וועלן ביידע זיך טרעפן מיט פאמיליעס פון די אומגעקומענע אפיצירן און וועלן אויפטרעטן מיט קורצע ווערטער. דאס ווייסע הויז האט אויך געזאגט אז אבאמא וועט זיך טרעפן מיט לאקאלע סיוויל רייטס פירער אין דאלאס.


דאלאס, טעקסאס - פאליציי טשיף דעיוויד בראון האט נעכטן קאמענטירט ווייטער איבער'ן אויספארשונג ארום דעם פארשוין מייקא עקס דזשאנסאן וועלכער האט דורכגעפירט די ברוטאלע אטענטאטן אויף 5 פאליציי אפיצירן, זאגנדיג אז בעיקר ווילן יעצט די פאליצייאישע אויספארשער דערגיין וויאזוי דזשאנסאן האט באוויזן צו זאמלען אזויפיל וואפנס און צו שאפן באמבע מאטעריאל. טשיף בראון האט אויך געזאגט אז עס איז צייט אז טעקסאס זאל באטראכטן די מעגליכקייט פון רעפארמירן אירע גאן געזעצן, זאגנדיג אז דאס וואס מען מעג אין טעקסאס טראגן כמעט אלע סארט גאנס אין דער עפנטליכקייט, מאכט גאר שווער פאר לאו-ענפארסמענט צו טאן זייער דזשאב.


סאן דיעגא – א שטורעם איז נעכטן אנטשטאנען ווען מען האט געהערט אז די פאליציי אין סאן דיעגא, קאליפארניע האבן באפרייט א פארשוין, ענטאני פאדזשעט, וועלכער ווערט פארדעכטיגט אין דורכפירן מארדן אויף 3 היימלאזע און שווער פארוואונדן א פערטן היימלאזן. פאדזשעט אליינס איז א היימלאזער און ער איז ארעסטירט געווארן אין לויף פונעם וויקענד. די פאליציי האבן אים אבער באפרייט, זאגנדיג אז זיי האבן נישט געהאט גענוג באווייזן אים צו קענען אפיציעל קלאגן אין געריכט, און דעריבער האבן זיי אים לעגאל מער נישט געטארט האלטן ארעסטירט.


קאלאראדא – צוויי פארשוינען, ענדרו גאוס און זעקערי רייען, זענען נעכטן ארעסטירט געווארן דורך די פאליציי אין קאלאראדא, אויף באשולדיגונגען אז זיי האבן אנגעצינדן א קעמפ פייער און עס געלאזט אומבאוואכט, וואס דערפון האט זיך דער פייער גאר שטארק פארשפרייט און פאראורזאכט אן ערנסטע וואלדפייער. דער וואלדפייער, וועלכע האט געברענגט אין לויף פון די פארלאפענע וויקענד אין נעדערלענד, קאלאראדא, האט פארניכטעט פינף היימען און האט געפירט זונטאג צו די צייטווייליגע עוואקואציע פון צוויי טויזנט לאקאלע איינוואוינער.


מישיגען – צוויי געריכט אפיצירן זענען נעכטן אומגעקומען ווען אן ארעסטאנט האט געעפנט פייער אין א מישיגען קאונטי געריכט הויז. דער אינצידענט האט פאסירט ווען דער ארעסטאנט איז טראנספערירט געווארן פון א צייטווייליגע צעל אינעם געריכט הויז אויפן וועג צום געריכט זאל פאר זיין פראצעס, ווען דער ארעסטאנט איז איבערגעפאלן איינעם פון די אפיצירן וועלכע האבן אים טראנספערירט און גע'גנב'עט דעם אפיציר'ס רעוואלווער. 2 געריכט אפיצירן זענען אומגעקומען און די פאליציי האבן דאן געשאסן און אומגעברענגט דעם ארעסטאנט. א מישיגען פאליציי אפיציר און א ציווילער צוקוקער זענען אויך פארוואונדעט געווארן.


פעדעראלע האומלענד סעקיוריטי באאמטע אין אמעריקע האבן באשטעטיגט אז מיט עטליכע טעג צוריק האט אייסיס ארויסגעשטעלט א ליסטע פון זיבעצן הונדערט אמעריקאנער וויכטיגע פיגורן וועמען זיי רופן אז אייסיס שטיצער זאלן אטאקירן, און צווישן די זיבעצן הונדערט זענען אויך געווען נעמען פון פארשידענע פראמינענטע אידישע פיגורן, פירער פון געוויסע קאנגרעגעישאנס און ענליכס. האומלענד סעקיוריטי באאמטע האבן אפגעהאלטן א ספעציעלע טעלעקאנפערענץ מיט אידישע עסקנים איבער די אישו.


רעפובליקאנער אין קאנגרעס האבן נעכטן פארלאנגט א פרישע יוסטיץ דעפארטמענט אויספארשונג, צו דערגיין צי קלינטאן האט געזאגט ליגנט אונטער שבועה ווען זי האט גערעדט אין קאנגרעס איבער בענגאזי.


פאליציי אין ארלענדא, פלארידע האבן ארעסטירט 10 אקטיוויסטן וועלכע האבן געשטורעמט און בלאקירט די ארטיגע אפיסעס פון סענאטאר מארקא רוביא.

-קה"א-

4 טעראריסטן זענען נעכטן ארעסטירט און אנגעקלאגט געווארן אויף טעראר קלאגעס אין סאוט אפריקע. זיי האבן געפלאנט צו באמבארדירן דעם ארטיגן אמעריקאנער קאנסולאט און עטליכע אידישע צענטערן אין לאנד, אלס טייל פון אן אטאקע אין נאמען פון אייסיס.

איטאליע – א שרעקליכע אינצידענט האט נעכטן פאסירט אין בארי, איטאליע ווען צוויי פאסאזשיר באנען האבן זיך צוזאמגעשטויסן און אזויפיל ווי 25 זענען אומגעקומען. 50 זענען פארוואונדעט געווארן און פילע פון די פארוואונדעטע געפונען זיך אין א קריטישן צושטאנד. איטאליע'ס פרעמיער מיניסטער מאטעא רעזני האט דערקלערט דעם באן אינצידענט אלס איינס פון די ערגסטע אינצידענטן אין איטאליע'ס לעצטיגע היסטאריע און האט פארארדענט א באלדיגע נאציאנאלע אויספארשונג צו דערגיין וואס האט געפירט צום צוזאמשטויס.


ירדן – רעבעלן גרופעס אין סיריע האבן נעכטן געזאגט אז פליגערס פון די רוסישע ארמיי האבן אראפגעשאסן עטליכע באמבעס דירעקט געצילט אויף א פליטים לאגער וועלכע איז אוועקגעשטעלט ביים גרעניץ צווישן סיריע און ירדן. אזויפיל ווי 12 זענען אומגעקומען פון די רוסישע באמבארדירונגען און די רעבעלן האבן פארלאנגט אז די רוסישע מיליטער זאל ארויסקומען און געבן אן ערקלערונג פארוואס זי האט באמבארדירט א קעמפ וואו עס האלטן זיך אויף אומשולדיגע פארוואגלטע פליטים.


כינע – די כינעזער רעגירונג האט נעכטן געליטן א שווערע מפלה ווען די אינטערנאציאנאלע געריכט אין די האג, האלאנד האט געאורטיילט אז דערמיט וואס די כינעזער רעגירונג האט געשיקט אירע מיליטערישע און פישער שיפלען אין געוויסע טיילן פונעם סאוט-טשיינע ים, האט זי פארלעצט די זעלבסטשטענדיגקייט פון די פיליפינען. דאס באדייט אין אנדערע ווערטער אז די אינטערנאציאנאלע געריכט האט קלאר אפגעווארפן דאס וואס כינע פרובירט אוועקצושטעלן אלס א פאקט אז זי האט פולקאמע קאנטראל אויף די סאוט-טשיינע ים.
די כינעזער רעגירונג האט פארדאמט דעם אורטייל, זאגנדיג אז דער אורטייל וועט בלויז פארשארפערן די אנגעצויגנקייט אינעם סאוט-טשיינע ים.


איראק – דזשאן קענטייל, א בריטישער זשורנאליסט וועלכער ווערט שוין געהאלטן אלס משכון דורך אייסיס זינט 2012, איז נעכטן ערשינען אין א פרישע ווידעא וואס אייסיס האט ארויסגעגעבן. אין די ווידעא רעדט קענטייל ארום איבער דעם וואס אמעריקע האט באמבארדירט די "מאסול יוניווערסיטי" אין מאסול, איראק, זאגנדיג אז אמעריקע האט באמבארדירט איינס פון איראק'ס סאמע בעסטע יוניווערזיטעטן.
עס איז שוין די צוועלעפטע אזא סארט ווידעא וואס אייסיס געבט ארויס ווי קענטייל "באריכטעט" פאר אייסיס און רעדט פרא-אייסיס פראפעגאנדע. מען גלייבט אז ער ווערט געצווינגען דורך זיינע פארכאפער צו זאגן יעדעס ווארט אין די ווידעאס. זיין פאמיליע האט אבער ארויסגענומען דעם גוטן טייל דערפון, אז מען זעהט אז ער לעבט נאך.

-קה"א-

לואיזיאנא – א שרעקעדיגע אויפדעקונג האבן די פאליציי באאמטע אין בעיטאן רוזש, לואיזיאנא געמאכט, ווען זיי האבן אויפגעדעקט אז א גרופע שווארצע מיליטאנטן האבן פלאנירט א מאסן שיסעריי אויף פאליציי אפיצירן – אן ענליכע פלאן צו די מארדן פון 5 פאליציי אפיצירן אין דאלאס, טעקסאס וואס דער פארשוין מייקא עקס דזשאנסאן האט דורכגעפירט פאריגע וואך דאנערשטאג.

לויט ווי די פאליציי געבן איבער, האבן זיי אויפגעדעקט דעם פלאן ווען די פאליציי זענען אלארמירט געווארן שבת צו א רויבעריי אין א געשעפט וואס פארקויפט אלטע אפגענוצטע פראדוקטן אריינגערעכנט וואפנס און רעוואלווערס. די פאליציי האבן ארעסטירט דעם רויבער, וועלכער האט זיך שנעל גענומען רעדן צו די פאליציי אויספארשער און דערציילט אז ער און זיינע פריינט האלטן ביי די לעצטע שטאפלען פון א פלאן צו מארדן מאסן פאליציי אפיצירן.

די פאליציי האבן באוויזן צו ארעסטירן נאך צוויי פארשוינען וועלכע זענען פארמישט געווען אין די פלאנירונגען, און דערווייל זוכן זיי נאך א פערטן פארשוין. דער פאליציי טשיף אין בעיטאן רוזש האט נעכטן געזאגט אז די נייעס איבער א פלאן פאר מאסן מארד קעגן פאליציי אפיצירן צייגט די וויכטיגקייט אז אפיצירן זאלן זיין גאר שטארק באוואפנט און פארפאנצערט – וואס די בעיטאן רוזש פאליציי דעפארטמענט איז געקומען אונטער קריטיק אין די לעצטערע טעג פאר'ן זיין צו שטארק באוואפנט.


דאלאס – פרעזידענט אבאמא האט נעכטן באזוכט אין דאלאס, טעקסאס, אינאיינעם מיט וויצע פרעזידענט דזשאו ביידען און געוועזענער פרעזידענט דזשארדזש דאבעליו בוש. אבאמא האט געגעבן א רעדע, זאגנדיג אז די שיסעריי פון פינף פאליציי אפיצירן אין דער שטאט האט אויפגעדעקט די טיפסטע צעטיילונג אין לאנד, אבער עכט איז נישט דאס לאנד אזוי צעטיילט און ער האט גערופן פאר פאראייניגונג און רעספעקט צווישן אלע אמעריקאנער בירגער. אבאמא האט זיך אויך פערזענליך געטראפן מיט די פאמיליעס פון די 5 אפיצירן.

ניו יארק – דער סטאק מארקעט האט זיך נעכטן געשלאסן מיט רעקארד גוטע ציפערן. דער דאו דזשאונס האט זיך געשלאסן ביי 18,360, וואס איז די העכסטע ציפער אין היסטאריע פונעם דאו דזשאונס סטאק אינדעקס. די ״עס ענד פּי-500״ האט זיך אויך געשלאסן ביי א רעקארד הויכקייט פון 2,155. די גוטע ציפערן קומט אלס רעזולטאט פון אינוועסטירער׳ס רואיגקייט איבער דעם פאזיטיוון דזשאבס באריכט פאריגע וואך פרייטאג און אנדערע פאקטארן וואס צייגן אז די עקאנאמיע רוקט זיך אין די גוטע דירעקציע.

וואשינגטאן – אין וואשינגטאן די-סי האבן די פאליציי נעכטן געמאלדן אז זיי האבן ארעסטירט 5 פארשוינען, וועלכע האבן געעפנט פייער אויף פאליציי אפיצירן. די פארשוינען האבן זיך גענומען שיסן אויף די אפיצירן בשעת ווען די אפיצירן זענען געקומען אונטערזוכן אן עמורדזשענסי רוף אז שיסערייען זענען געהערט געווארן. קיינער פון די אפיצירן זענען נישט פארוואונדעט געווארן.

דער קעפיטאל געביידע אין וואשינגטאן די-סי איז נעכטן געווען אונטער לאקדאון פאר בערך א שעה, נאכדעם וואס קעפיטאל פאליציי אפיצירן האבן געזען א פארשוין מיט א רעוואלווער אין א קאר. ס'איז געווען אן אומזיסטע שרעק.

-קה"א-

לאנדאן – ענגלאנד האט נעכטן באקומען א נייעם פרעמיער מיניסטער, ווען טעריסא מעי איז אפיציעל געווארן פרעמיער מיניסטער נאכדעם וואס דער ביז יעצטיגער פרעמיער מיניסטער דעיוויד קעמעראן האט רעזיגנירט פון אמט. קעמעראן האט נעכטן פארמיטאג געגעבן זיין לעצטע רעדע אינעם פארלאמענט און דערנאך איז ער אריבער צום וועסטמינסטער פאלאץ צו קעניגין עליזאבעט, צו מעלדן פאר איר פארמאל אז ער רעזיגנירט פון זיין פאזיציע.

אבער אינדערצייט וואס ענגלאנד האט באקומען א נייעם פרעמיער מיניסטער, איז יעדער פארנומען קוקן אויף ענגלאנד'ס נייעם אויסערן מיניסטער. פרעמיער מיניסטער טעריסא מעי האט געמאלדן נעכטן נאכמיטאג אז זי נעמט געוועזענער לאנדאן מעיאר באריס דזשאנסאן צו דינען אויף די הויכראנגיקע און מאכטפולע פאזיציע פון אויסערן מיניסטער. דאס איז אויפגענומען געווארן מיט וואונדער, וויבאלד דזשאנסאן איז בכלל נישט באקאנט מיט זיין דיפלאמאטישע צוגאנג צו זאכן, נאר פונקט פארקערט.

דזשאנסאן איז געווען פון די וועלכע האבן אנגעפירט דעם "ברעקזיט" קאמפיין וועלנדיג אז ענגלאנד זאל זיך אפטיילן פונעם אייראפעאישן יוניאן. עס האט געהאט געהייסן אז דזשאנסאן וועט ווערן קומענדיגער פרעמיער מיניסטער, אבער ער האט גלייך נאכ'ן ברעקזיט אפשטימונג געמאלדן אז ער איז נישט פאראינטערעסירט צו האבן דעם דזשאב. אלזא וועט זיין זייער אינטערעסאנט צו זעהן וויאזוי דער אומדיפלאמאטישער און לויזער צינג באריס דזשאנסאן וועט טאן זיין דזשאב אלס ענגלאנד'ס הויפט דיפלאמאט.

אויסער דעם וואס זי האט געשטעלט דזשאנסאן אלס אויסערן מיניסטער, האט פרעמיער מיניסטארשע אויך געמאלדן אז דעיוויד דעיוויס וועט דינען אלס ספעציעלער "ברעקזיט מיניסטער" וואס באדייט אז ער וועט דארפן דורכפירן די פארמאלע פראצעדורן פון אפטיילן ענגלאנד פון די אייראפעאישע יוניאן, וואס נעמט אריין דאס זיצן מיט אלע אייראפעאישע יוניאן לענדער און פארהאנדלען די דעטאלן וויאזוי אזא צעטיילונג וועט ארבעטן. פרעמיער מיניסטארשע מעי האט אויך געגרינדעט א נייע פאזיציע "אינטערנאציאנאלע האנדלס מיניסטער" וואס ענגלאנד וועט דארפן האבן צו קענען טאן ביזנעס מיט אנדערע אייראפעאישע לענדער. אויף די פאזיציע איז געשטעלט געווארן ליאם פאקס.


רוסלאנד – די רוסישע רעגירונג האט נעכטן געזאגט אז זי איז גרייט נאכצוגעבן א וויכטיגע זאך פאר די אמעריקאנער און אנדערע נאטא מיליטערן. פארשטייער פון 28 נאטא לענדער און פארשטייער פון די רוסישע רעגירונג זיצן אין די טעג אויף א קאנפערענץ אין בריסל, צו אנווארימען די גאר קאלטע באציאונגען צווישן נאטא און רוסלאנד, און איינס פון די הויפט טענות וואס נאטא האט קעגן רוסלאנד, איז אז די רוסישע מיליטערישע פליגערס וועלכע פליען העכערן באלטישן ים, לעשן אויס זייערע "טרענספּאנדער" מאשינקעס, וואס מאכט שווערער פאר אנדערע פליגערס זיי צו אידענטיפיצירן און עס שטעלט אין געפאר אלע פליגערס וואס פליען אינעם ראיאן.
רוסלאנד טוט דאס סטראטעגיש, ווייל זי וויל נישט אז אמעריקע זאל וויסן פון אירע לופט אפעראציעס אינעם באלטישן ים, אבער אצינד זאגט רוסלאנד אז זי איז גרייט דאס נאכצוגעבן און וועט יא אנצינדן די טרענספּאנדערס פון אירע פליגערס אינעם באלטישן ים, אויב די נאטא און אמעריקאנער פליגערס וועלן טאן די זעלבע.

איראק – דער אפיציעלער קריגס מיניסטער פון די אייסיס טעראר גרופע, א טעראריסט ביים נאמען אבו אומאר על שישאני, איז אומגעקומען אין אן אמעריקאנער לופט אטאקע, בשעת ער האט זיך געפונען אין א קליין שטעטל נעבן מאסול, איראק וואו אייסיס פארמאגט איר הויפטשטאט. על שישאני איז געווען פון אמעריקע'ס מערסט-געזוכטע טעראריסטן און שוין עטליכע מאל וואס אמעריקע האט זיך איינגערעדט אז ס'איז איר געלונגען אים אומצוברענגען. אצינד האט אייסיס זעלבסט באשטעטיגט אז על שישאני איז אומגעקומען.

סאוט סודאן – אזויפיל ווי 47 אמעריקאנער זעלנער וועלן אין די טעג אנקומען צום לענדל סאוט סודאן, נאכדעם וואס עס האבן דארטן אויסגעבראכן ערנסטע געפעכטן אין די הויפטשטאט דזשובא, צווישן די מיליטער וועלכע שטיצט דעם אמטירנדן פרעזידענט און די מאסן וועלכע שטיצן דעם אמטירנדן וויצע פרעזידענט. דער פענטאגאן זאגט אבער אז די אמעריקאנער זעלנער וועלן בכלל נישט אנטיילנעמען אין די שלאכטן, נאר זיי פארן אהין צו באשיצן געוויסע וויכטיגע אמעריקאנער אינטערעסן און אויך גרופעס אמעריקאנער בירגער וועלכע געפונען זיך דארטן.

טערקיי – די פראנצויזישע רעגירונג האט געמאלדן אז זי האט אפגעשפארט איר אמבאסאדע אין טערקיי'ס הויפטשטאט אנקארא און אויך אלע אירע קאנסולאטן לענגאויס טערקיי, צוליב אן ערנסטע פרישע טעראר געפאר. זי האט אויך געקענסלט עפנטליכע געפלאנטע אויפטריטן פאר איר דיפלאמאטישע שטאב אין טערקיי. דאס קומט בלויז 2 וואכן נאכדעם וואס עס האט פאסירט די טויטליכע אייסיס טעראר אטאקע אויפן אטאטורק לופטפעלד אין איסטאנבול.

טעהראן – איראנער פרעזידענט כאסאן רוכאני האט געווארנט אין א רעדע נעכטן אז איראן האט די מעגליכקייט צוריק אנצוהייבן איר נוקלעארע וואפנס אנטוויקלונג גאר שנעל, אויב וועט אמעריקע און די איבריגע מערב וועלט נישט איינהאלטן זייערע טיילן פונעם אפמאך און ארויסהעלפן איראן מיט אירע עקאנאמישע שוועריגקייטן. רוכאני האט געזאגט אז דערווייל ווי עס זעהט אויס, טוט נישט אמעריקע איר טייל וואס זי האט זיך פארפליכטעט צו טאן אלס טייל פונעם נוקלעארן אפמאך.

-קה"א-

באסטאן – פעדעראלע אגענטן האבן נעכטן געמאלדן אז זיי האבן אנטדעקט הויפענעס פאלשע 100-דאלער באנקנאטן, אלעס אינאיינעם ביי א ווערד פון 1.2 מיליאן דאלער, ביי א פרוי וועלכע האט דאס אריינגעשמוגלט פון פּערו קיין אמעריקע, דורכן באסטאן לאוגען לופטפעלד. די 1.2 מיליאן דאלער אין פאלשע באנקנאטן זענען געליגן באהאלטן אין הויפענעס פארפּאקטע פעדימער צום נייען. די עף-בי-איי זאגט אז זיי האבן געהאט באקומען פון פאראויס אינפארמאציע פון די פערו רעגירונג, אז עמיצער גייט אריינקומען קיין אמעריקע און גייט פרובירן צו שמוגלען פאלשע אמעריקאנער באנקנאטן.

מערילאנד – א שרעק איז נעכטן אנטשטאנען אינעם גיגאנטישן "סיקס פלעגס" פארק וואס געפונט זיך אין מערילאנד נישט ווייט פון וואשינגטאן די-סי, ווען עס איז אריינגעקומען א טעלעפאן קאלל מיט א סטראשונקע אז א באמבע געפונט זיך אינעם פארק. אלס רעזולטאט פון די סטראשע, איז דער פארק נעכטן אינדערפרי פארשלאסן געווארן. ערשט דריי אזייגער נאכמיטאג איז פעסטגעשטעלט געווארן דורך די פאליצי – וועלכע האבן גרונטליך דורכגעזוכט יעדן אינטש פונעם פארק, אז די באמבע סטראשע איז געווען א פאלשע. דער פארק וועט היינט דאנערשטאג אפערירן ווי נארמאל.

וואשינגטאן – ״עמעזאן״ האט נעכטן געמאלדן אז דער ״עמעזאן פּריים טאג״ וואס זי האט אפגעהאלטן די וואך דינסטאג איז געווען איר סאמע גרעסטע סעילס טאג אין היסטאריע. זי זאגט אז פארקויפונגען זענען געשטיגן מיט 60 פראצענט אין לויף פונעם טאג, און בכלל איז דער היי-יעריגער עמעזאן פּריים טאג געווען מער סוקסעספול ווי פאראיאר, מיט 50 פראצענט מער פארקויפונגען איבערן טאג ווי די פאריעריגע פּריים טאג. עמעזאן זאגט אז אין ליכט פון די גוטע נייעס, וועט זי קומענדיגע יאר נאכאמאל אפהאלטן אן ״עמעזאן פּריים טאג״.

דער נאכט-קלוב וואו ס'איז פארגעקומען טעראר אטאקע מיט חודש צוריק, איז ערשט נעכטן באפרייט געווארן פון אונטער די פאליציי, וועלכע האבן נאך ביז יעצט געפארשט.

וואשינגטאן – אין א פּרעצעדענטלאזע שריט, וועט די אבאמא אדמיניסטראציע פארעפנטליכן 28 בלעטער פונעם ״סעפטעמבער עלעווען קאמיסיע באריכט״ וועלכע זענען ביז היינט געהאלטן געווארן אין געהיים. די 28 בלעטער רעכנט אויס אלע באווייזן איבער סאודי אראביע׳ס ראלע אין די סעפטעמבער עלעווען אטאקעס. געציילטע פאראגראפן און ווערטער וועלן יא זיין פארמעקט פון די 27 בלעטער. לויט איין באריכט וועלן די 28 בלעטער מעגליך שוין פארעפנטליכט ווערן היינט פרייטאג.

וואשינגטאן – די רעפובליקאנער-קאנטראלירטע קאנגרעס האט נעכטן באשטעטיגט דריי באזונדערע אנטי-איראן בילס. די ערשטע איז א סעריע פרישע סאנקציעס קעגן די איראנער רעגירונג, די צווייטע איז א פארבאט אויף איראן פון האבן צוטריט צו אמעריקע'ס סטאק מארקעט אריינגערעכנט אז זי וועט נישט קענען האנדלען מיט אמעריקאנער וואלוטע, און די דריטע איז אז אמעריקע זאל נישט מעגן קויפן "העווי וואסער", א נוקלעארע מאטעריאל, פון איראן. די אבאמא אדמיניסטראציע וויל אפקויפן די העווי וואסער וואס איראן מוז אויפגעבן אלס טייל פונעם נוקלעארן אפמאך.
די רעפובליקאנער אין קאנגרעס זאגן אז איראן מוז עס אויפגעבן אבער אמעריקע מוז עס נישט אפקויפן. אבאמא האט קלארגעשטעלט אז ער וועט נישט אונטערשרייבן קיין איינס פון די 3 בילס.

וואשינגטאן – דאס ווייסע הויז האט נעכטן באשטעטיגט אז קומענדיגע וואך פרייטאג וועט אבאמא זיך טרעפן מיט'ן פרעזידענט פון מעקסיקא, הענריקע פּעניע ניעטע אין ווייסן הויז. דאס וועט פארקומען איין טאג נאך די ענדע פונעם רעפובליקאנער קאנווענשאן וואו די רעפובליקאנער וועלן נאמינירן דאנעלד טראמפ פאר פרעזידענט, וועלכער רופט צו בויען א וואנט צווישן מעקסיקא און אמעריקע, און טוט נאכאנאנד אראפרייסן די מעקסיקאנער רעגירונג.


פעיסבוק האט זיך געבראכן פאר די דרוק און האט געמאלדן אז זי האט פארמעקט פילע אקאונטס וואס האבן באלאנגט צו כאמאס טעראר מיטגלידער.

באשאר אסאד: כ'גיי אין ערגעץ נישט
סיריע – דער סירישער דיקטאטור באשאר אסאד האט נעכטן געגעבן א לענגערע אינטערוויו פאר די אמעריקאנער ״ען בי סי ניוז״ סטאנציע און צווישן אנדערן האט ער פעסט געזאגט אז ער בלייבט אויפן בענקל. ער האט געלייקנט באריכטן אז די רוסישע רעגירונג האט אנגעהויבן לייגן דרוק אויף אים אז ער זאל אפטרעטן, זאגנדיג אז רוסלאנד שטייט אונטער אים און שטיצט אים הונדערט פראצענטיג.

דאקומענטן צייגן פאקיסטאן שטיצט טעראר
אפגאניסטאן – ראמאטולא נאביל, געוועזענער הויפט פון די אפגאניסטאנער נאציאנאלע שפיאנאזש אגענטור, האט נעכטן פארעפנטליכט א הויפן דאקומענטן וועלכע זענען ביז יעצט געהאלטן געווארן אין געהיים, און אין די דאקומענטן ווערן אויפגעדעקט פארשידענע דעטאלן און געשיכטעס וויאזוי די פאקיסטאנער רעגירונג האט אפיציעל געשטיצט די טאליבאן און די האקאני טעראר גרופע דורכאויס די יארן פון 2014 און 2015.

263 מיליאן קינדער האבן נישט שולעס
אפריקע – א פרישע באריכט וואס די יו-ען האט נעכטן פארעפנטליכט צייגט אז אזויפיל ווי 263 מיליאן קינדער איבער די וועלט האבן נישט געהעריג קיין שולע וואו צו לערנען און אויפוואקסן. דאס באדייט אז איינס פון יעדע צען קינדער איבער די וועלט האבן נישט קיין שולע. דער באריכט זאגט אז די צוויי הויפט אורזאכן פארוואס קינדער האבן נישט שולעס זענען: מלחמה און ארימקייט. פון די 263 מיליאן קינדער, וואוינען 15 מיליאן אין דירעקטע מלחמה זאנעס.

איטאליענער באן באאמטע אויסגעפארשט
איטאליע – די רעגירונג אין איטאליע זאגט אז צוויי איינגעשטעלטע אינערהאלב די באן שינע סטאנציעס אין דרום איטאליע זענען אונטער אויספארשונג. דאס קומט נאכדעם וואס א מאסיווע טויטליכע צוזאמשטויס צווישן צוויי באנען האט פאסירט אין דרום איטאליע, פון וועלכע 23 זענען אומגעקומען. די פאליציי פארדעכטיגן נישט קיין טעראר, אבער מען ווארט אויף ענטפערס פון די 2 איינגעשטעלטע וויאזוי עס קען זיין אז די באנען זענען געווען אויף די סאמע זעלבע שינעס איינס קעגנאיבער די צווייטע, וואס האט געברענגט דעם פאטאלן צוזאמשטויס.

פלארידע וויל נישט געבן כשר'ס
פלארידע – די פלארידע סטעיט רעגירונג האט אריינגעגעבן אן אפּיעל אין פעדעראלע אפּיעלס קאורט, אפצואווארפן אן אורטייל פון א נידריגערע געריכט וועלכע האט געצווינגען די סטעיט צוצושטעלן כשר׳ע עסנווארג פאר אידישע ארעסטאנטן. די פלארידע סטעיט באאמטע טענה׳ט אין איר אפּיעל אז דאס צושטעלן כשר׳ע עסנווארג איז צו טייער און די סטעיט בודזשעט קען דאס נישט דעקן.

געזוכטער לעיקוואוד רויבער ארעסטירט
לעיקוואוד – א פארשוין וועלכער האט דורכגעפירט פופצן היים גניבות אין אידישן לעיקוואוד אין די לעצטע יאר צייט, איז ענדליך נעכטן ארעסטירט געווארן. ער האט באוויזן צו גנב׳ען קעש און חפצים ביי א ווערד פון 2 מיליאן דאלער. די לעיקוואודער חברה שומרים זענען אויסגעלויבט געווארן דורך די לאקאלע פאליציי באאמטע פאר'ן צושטעלן אינפארמאציע וואס האט געהאלפן די פאליציי כאפן און ארעסטירן דעם לאנג-געזוכטן פארשוין.

פייער אויף אידזשיפט-עיר
עגיפטן – "פייער". דאס איז די איינציגסטע ווארט וואס די עגיפטישע און פראנצויזישע באאמטע האבן דערווייל באוויזן צו הערן קלאר, אויף די שווארצע קעסטל פונעם געקראכטן אידזשיפט-עיר פלייט 804 פליגער. 65 מענטשן זענען אומגעקומען ווען דער פליגער האט אראפגעקראכט אינעם מיטללענדישן ים מיט צוויי מאנאטן צוריק. יעצט הערט מען אז די פילאטן האבן געשריגן "פייער" אויפן פליגער סעקונדעס בעפאר עס האט אראפגעקראכט. דאס באשטעטיגט וואס די "פלייט דאטא רעקארדער" שווארצע קעסטל האט געצייגט אז ס'איז געווען א פייער אויפן פליגער בעפאר'ן קראך.

קיין פרישע ברעקזיט רעפעדענדום
לאנדאן – א פרישע אנקעטע צייגט אז א מערהייט בריטישע בירגער ווילן נישט אז מען זאל דורכפירן א פרישע רעפערענדום איבער די פראגע צי ענגלאנד זאל בלייבן אינעם אייראפעאישן יוניאן אדער נישט. 57 פראצענט זאגן אז זיי ווילן נישט א פרישע רעפערענדום, ווייל זיי זענען צעפרידן מיט די רעזולטאט פון די ערשטע רעפערענדום אז ענגלאנד גייט זיך אפטיילן פונעם אייראפעאישן יוניאן, און בלויז 29 פראצענט זאגן אז זיי ווילן א פרישע רעפערענדום.

סאודי ראלע אין סעפטעמבער עלעווען
סאודי אראביע – די אמעריקאנער רעגירונג האט פרייטאג ארויסגעגעבן די 28 בלעטער פונעם ״סעפטעמבער עלעווען קאמיסיע״ באריכט וואס זענען ביז יעצט געהאלטן געווארן אין געהיים, וואס אנטהאלטן באווייזן איבער סאודי אראביע׳ס ראלע אין די סעפטעמבער עלעווען אטאקעס. דאס ווייסע הויז זאגט אז דער פובליק וועט זיך איבערצייגן פון די דאקומענטן אז די סאודי אראביע רעגירונג האט פאקטיש נישט געשפילט א ראלע אין די אטאקעס.

פרישע ארעסטן אין באלטימאר
באלטימאר – אזויפיל ווי 65 זענען נעכטן ארעסטירט געווארן ביי פרישע ווילדע פראטעסטן אין באלטימאר. הונדערטער שווארצע פון די "בלעק לייווס מעטער" באוועגונג זענען ארויסגעקומען אין באלטימאר, מערילאנד צו פראטעסטירן, און צענדליגער פון די פראטעסטירער האבן זיך געשטעלט לענגאויס די וויכטיגע שאסיי "אינטערסטעיט 83" און דאס בלאקירט, שאפנדיג א טראפיק פאר עטליכע מייל. די פאליציי האבן באפוילן די בלאקירער צו גיין אין דער זייט, און נאכדעם וואס זיי האבן נישט אויסגעפאלגט, האבן די פאליציי דורכגעפירט 65 ארעסטן.

פארש איבער ארלענדא אטאקע
פלארידע – די פעדעראלע יוסטיץ דעפארטמענט האט געזאגט אז זי וועט אויספארשן די ארלענדא פאליציי דעפארטמענט איבער וויאזוי די דעפארטמענט און אירע אפיצירן האבן רעאגירט צו די טעראר אטאקע וואס האט פאסירט ביים נאכט-קלוב אין די שטאט מיט א מאנאט צוריק, ווען דער טעראריסט אומאר מאטין האט געשאסן און אומגעברענגט 49 מענטשן. פילע באשולדיגן די ארלענדא פאליציי אז זיי האבן זייער שטאטליך רעאגירט און דאס האט געפירט צו די הויכע צאל אומגעקומענע. דער יוסטיץ דעפארטמענט זאגט אז דער אויספארשונג איז אונטערגענומען געווארן נאך א ביטע פון דזשאן מינא, דער טשיף פון די ארלענדא פאליציי דעפארטמענט, וועלכער זאגט אז ער זעלבסט וויל פארשטיין וואס ס'איז געגאנגען אזוי שטאטליך די נאכט פון די אטאקע.

"סי-איי-עי אגענט" פאראורטיילט
וואשינגטאן – וועין סימאנס, א פארשוין וועלכער איז פון 2002 ביז ממש לעצטנס ערשינען רוטינליך אויף ״פאקס ניוז״ אלס שפינאזש אנאליסט און האט זיך אנגעגעבן אלס א געוועזענער הויכראנגיקער סי-איי-עי אגענט, איז פאראורטיילט געווארן צו 33 מאנאטן טורמע נאכדעם וואס ס׳האט זיך ארויסגעשטעלט אז ער איז קיינמאל בכלל נישט געווען איינגעשטעלט אין די סי-איי-עי און ער האט סוקסעספול פארנארט ״פאקס ניוז״ פאר אזא לאנגע צייט.

אידישע סופערמארקעט פארברענט
מאסעטשוסעטס – די אייגענטימער פונעם אידישן ״די בוטשערי״ סופערמארקעט אין ברוקליין, מאסעטשוסעטס, זאגן אז זיי צילן צוריקצועפענען זייער געשעפט היינטיגע וואך מיטוואך, נאכדעם וואס א העלישע פייער האט פאראורזאכט שאדנס פון א האלב מיליאן דאלער. דער פייער האט זיך אנגעהויבן פון אן איבערגעלאזטן ציגארעטל אינעם סטארעדזש טייל פונעם געשעפט.

-קה"א-

3 פאליציי אפיצירן טויט נאך בעיטאן רוזש שיסעריי
לואיזיאנא – עס קוקט אויס ווי ס'איז געווארן די נארמאלע רוטינע זאך אין אמעריקע, זיך אויפצואוועקן יעדע פאר טעג און הערן פון א פרישע אינצידענט וואו פאליציי אפיצירן זענען געצילט געווארן דורך באוואפנטע מיליטאנטן. שטייענדיג קוים צוויי וואכן נאכדעם וואס פינף פאליציי אפיצירן זענען געשאסן און אומגעברענגט געווארן קאלטבלוטיג אין דאלאס, טעקסאס, האט מען נעכטן געהערט א פרישע אינצידענט ווען א פארשוין האט געשאסן און אומגעברענגט 3 פאליציי אפיצירן אין בעיטאן רוזש, לואיזיאנא.

די שיסעריי האט זיך אנגעהויבן אנטוויקלען ווען דער פארשוין געווין לאנג האט זיך ארומגעדרייט אויפן לאקאלן "עירליין הייוועי" שאסיי מיט א רעוואלווער בערך 8:30 אינדערפרי. די פאליציי האבן אריינבאקומען באריכטן איבער א באוואפנטן מאן אויפן הייוועי, און ווען די פאליציי זענען אנגעקומען, האט לאנג געעפנט פייער אויף די אפיצירן, און א שיסעריי אויסטויש איז אנטשטאנען. אלעס אינאיינעם זענען 3 אפיצירן אומגעקומען און 3 אנדערע זענען פארוואודעט געווארן, אריינגערעכנט איינער אין א גאר קריטישן צושטאנד.

דורכאויס'ן טאג נעכטן זענען די דעטאלן געווען אזוי אומקלאר און די פאליציי האבן פאר לאנגע שטונדן געמיינט אז עס איז געווען מער ווי איין שיסער. זיי האבן באוויזן צו שיסן און אומברענגען לאנג גלייך אין די ערשטע שעה נאכ'ן אנהייב פונעם אינצידענט, אבער ס'איז געווען א פחד אז נאך צוויי פארשוינען דרייען זיך ארום מיט רעוואלווער. עטליכע פארדעכטיגטע זענען ארעסטירט געווארן אינעם געגנט, אבער נאכמיטאג בערך 4 אזייגער איז קלאר געווארן אז לאנג איז געווען דער איינציגסטער שיסער.

דער פענטאגאן האט באשטעטיגט די באריכטן אז לאנג איז געווען א זעלנער אין די אמעריקאנער ארמיי און האט געדינט עטליכע יאר אין איראק. פון מעסעדזשעס וואס לאנג האט געשריבן אין די לעצטערע טעג, האט מען געקענט קלאר זעהן אז ער איז אויפגעברויזט איבער א סעריע אינצידענטן וואו אפיצירן האבן אומגעברענגט שווארצע אין עטליכע סטעיטס, און לאנג האט באזונדער אויסגעלויבט מייקא עקס דזשאנסאן, ווועלכער האט דורכגעפירט די שיסעריי און מארד אויף 5 אפיצירן אין דאלאס, טעקסאס.

דער נעכטיגער אינצידענט האט ווידעראמאל אריינגעווארפן דאס לאנד אין א פחד אז די אומרוען צווישן די פאליציי און די שווארצע געמיינדע איז נאכנישט פאראיבער. פרעזידענט אבאמא האט נאכמיטאג אויפגעטרעטן מיט א ספעציעלע רעדע אין וועלכע ער האט גאר שארף פארדאמט די ברוטאלע מארד אויף די 3 פאליציי אפיצירן. ער האט געזאגט אז יעצט איז נישט א צייט צו שפילן פאליטיק, נאר ארויסצוצייגן שטיצע פאר לאו-ענפארסמענט, און ער האט קאטעגאריש דערקלערט אז אן אטאקע אויף לאו-ענפארסמענט איז אן אטאקע אויף גאנץ אמעריקע.

--
א פארשוין האט גענומען 4 משכונות אין א "בורגער קינג" רעסטוראנט אין באלטימאר מערילאנד. פינף שטונדן איז אנגעגאנגען די דראמא צווישן דעם פארשוין און די פאליציי. עווענטועל האט ער באפרייט אלע משכונות און ער איז פרידליך ארעסטירט געווארן.

פּוטש פארזוך אין ארמעניע

ארמעניע – א גרופע באוואפנטע פארשוינען זענען נעכטן איבערגעפאלן די פאליציי הויפטקווארטיר אין די הויפטשטאט יערעוואן און האבן זיך גענומען שיסן. עס איז זיי געלונגען צו פארכאפן קאנטראל פון די געביידע, אין אנטוויקלונגען וואס פילע באטראכטן אלס א פוטש קעגן די ארמענישע רעגירונג. אמווייניגסטנס איינער איז באשטעטיגט אומגעקומען און די באוואפנטע פארשוינען האבן געשטעלט צילשיסער מיט אויסגעשטרעקטע וואפנס ארום די פאליציי געביידע. די פארשוינען האבן פארכאפט עטליכע משכונות, אריינגערעכנט דעם לאקאלן פאליציי טשיף.

פעיסבוק און אנדערע סאציאלע מידיא זענען בלאקירט געווארן אין טיילן פון ארמעניע, וואס איז נאך א צייכן פון א פּוטש, ווען די פּוטש פירער זוכן צו פארכאפן קאנטראל אנדעם וואס מ׳זאל צופיל דיסקוסירן אויף סאציאלע מידיא. די ארמענישע רעגירונג לייקנט דערווייל די אלע באריכטן. לאקאלע עקספערטן זאגן אז די באוואפנטע פארשוינען זענען שטיצער פונעם אנטי-רעגירונג אקטיוויסט דזשיראר סופיליאן, וועלכער זיצט אין טורמע. סופיליאן האט שוין אין די פארגאנגענהייט גערופן פאר א פּוטש קעגן די אמטירנדע ארמענישע רעגירונג.

-קה"א-

וואשינגטאן – א טראנזיט אפיציר אינעם וואשינגטאן די-סי געגנט איז אנגעקלאגט געווארן אויף טעראר קלאגעס אז ער האט פרובירט צו שטיצן די אייסיס טעראר גרופע. דער איז דער סאמע-ערשטער אמעריקאנער רעגירונג אפיציר אנגעקלאגט צו ווערן אויף טעראר קלאגעס. דער אפיציר, ניקאלעס יאנג, האט איינגעקויפט גיפט קארטלעך אין ווערד פון 250 דאלער וואס ער האט געוואלט אז אייסיס זאל דאס קענען נוצן איינצוקויפן סמארטפאון עפּפּס און אנדערע קאמיוניקאציע מיטלען. די עף-בי-איי געהאט אונטערגעשטעלט אן אינפארמאנט וואס יאנג האט געמיינט אז יענער איז א שליח פון אייסיס, און יאנג איז ארעסטירט געווארן נעכטן אינדערפרי. ער איז שוין געווארן נאכגעקוקט זינט 2010 דורך פעדעראלע אגענטן, און האט פרובירט אין יאר 2011 צו פארן קיין ליביע.


וואשינגטאן – א באריכט פון די פעדעראלע רעגירונג צייגט אז זייט יאר 2001 זענען געשטיגן די צאל אמעריקאנער מיליטערישע וועטעראנען וואס באגייען זעלבסטמארד מיט א דריטל, און דאס קומט ווארשיינליך צוליב די צוויי לאנג-פארצויגענע מלחמות וואס אמעריקע פירט אין איראק און אין אפגאניסטאן. בלויז אין יאר 2014 זענען געווען אזויפיל ווי צוואנציג וועטעראנען וואס זענען טעגליך באגאנגען זעלבסטמארד, וואס האט באטראפן א סך הכל פון ארום זיבן און אהאלב טויזנט זעלבסטמארדן אין לויף פונעם יאר.


וואשינגטאן – פרעזידענט אבאמא האט נעכטן געמאלדן אז ער האט געשניטן די טורמע אורטיילן פון אזויפיל ווי 214 ארעסטאנטן וועלכע זיצן אין פעדעראלע טורמעס אויף נישט-הארבע דראג פארבינדעטע קלאגעס, וואס איז די סאמע גרעסטע ציפער פון טורמע שניטן וואס סיי וועלכער פרעזידענט האט פארארדענט אין איין טאג זינט יאר 1900. אלעס אינאיינעם האט שוין אבאמא געשניטן טורמע טערמינען פון מער ווי 500 ארעסטאנטן, וואס איז טייל פון זיין קאמפיין צו פארגרינגערן טורמע אורטיילן אויף מינדערוויכטיגע דראג פארברעכער.


טעהראן – דער ״וואל סטריט דזשורנאל״ דעקט אויף אז די אבאמא אדמיניסטראציע האט געשיקט אזויפיל ווי 400 מיליאן דאלער קעש דורך א פליגער קיין איראן אום יאנואר, אינעם זעלבן טאג וואס די איראנער רעזשים האט באפרייט 4 אמעריקאנער ארעסטאנטן. לויטן באריכט איז די 400 מיליאן דאלער קעש באשטאנען פון אייראפעאישע יוראס, שווייצער פראנק און אמעריקאנער דאלארן, פארשטעקט אין האלצערנע קאסטענעס. די אבאמא אדמיניסטראציע לייקנט דעם באריכט, און זאגן אז די געלטער וואס זענען געשיקט געווארן איז נישט געווען קיין אויסלייז געלט, נאר איז געווען די ערשטע פעימענט פון 1.7 ביליאן דאלער וואס די "אינטערנאציאנאלע געריכט" האט שוין יארן צוריק געאורטיילט אז אמעריקע דארף באצאלן פאר איראן צוליב א דורכגעפאלענע וואפנס אפמאך אין די 1970'ער יארן.


דוביי – א פליגער וועלכע איז געקומען פון אינדיע קיין דוביי נעכטן אינדערפרי האט געמאכט אן עמורדזשענסי קראך לאנדונג אינעם דוביי לופטפעלד, ווען א פייער האט אויסגעבראכן אינעם פליגער. דער גאנצער פליגער איז זייער שנעל איינגעהילט געווארן אין העלישע פלאמען און שווארצע רויעך האט געשפריצט פון אלע זייטן, וואס האט געברענגט א שרעק אז עס זענען נישטא קיין איבערלעבער פונעם פייער. למעשה האט מען וואונדערליך געהערט אז אלע 282 פאסאזשירן און 18 פלי מאנשאפט איינגעשטעלטע האבן איבערגעלעבט דעם פייער. א פייערלעשער וועלכער האט באקעמפט דעם פייער איז יא שפעטער אומגעקומען אין שפיטאל נאכ'ן ליידן ברען וואונדן און אטעמען פראבלעמען.


לאנדאן – נעכטן ביינאכט האט פאסירט א מעגליכע טעראר אטאקע אין לאנדאן, ענגלאנד, ווען א פארשוין האט געשטורעמט די ראסעל סקווער געגנט מיט א מעסער און אנגעהויבן אטאקירן און שטעכן אומשולדיגע פוסגייער. אלעס אינאיינעם האט דער פארשוין באוויזן צו שטעכן 6 מענטשן און די פאליציי זענען באלד אנגעקומען און ארעסטירט דעם פארשוין נאך א קורצע געיעג. איינער פון די 6 פארוואונדעטע זענען שפעטער אומגעקומען פון די וואונדן. די פאליציי שליסן נישט אויס טעראר, אבער שרייבנדיג די שורות שפעט מיטוואך נאכט, זאגן פאליציי קוועלער אז דער פארשוין איז מעגליך געווען גייסטיש צערודערט און אז די אטאקע האט מעגליך גארנישט מיט טעראר.


לאנדאן – די רעגירונג באאמטע אין ענגלאנד האבן געמאלדן – נאך בעפאר די נעכטיגע שטעכעריי אטאקע – אז פרישע 600 באוואפנטע פאליציי אפיצירן וועלן ארויסגעשטעלט ווערן לענגאויס לאנדאן, אין רעאקציע צו די לעצטערע טעראר אטאקעס אין אייראפע. דאס קומט 2 טעג נאכדעם וואס דער לאנדאנער פאליציי הויפט האט געווארנט אז א טעראר אטאקע אויף לאנדאן איז בלויז א פראגע פון צייט.


רוים – די רעגירונג אין איטאליע האט געזאגט אז זי וועט זיך צושטעלן צו אמעריקע׳ס באמבארדירונג מיסיע קעגן אייסיס אין ליביע, אויב וועט אמעריקע בעטן. איטאליע געפונט זיך זייער נאנט צו ליביע און די אבאמא אדמיניסטראציע האט שוין אויסגעדרוקט אינטערעסע אין נוצן מיליטערישע באזעס אין איטאליע פאר אמעריקאנער פליגערס אין די ליביער אנטי-אייסיס מיסיע.


קוועלער אינערהאלב די אבאמא אדמיניסטראציע זאגן אז די געשפרעכן צווישן אמעריקע און מדינת ישראל איבער א מיליטערישע הילפס פעקל פאר מדינת ישראל גייען ווייטער אן, און מען האפט אין די קומענדיגע טעג צו מעלדן א מאסיווע פרישע הילפס פעקל.


פענטאגאן סעקרעטאר עשטאן קארטער האט געמאלדן א באשלוס פון די אבאמא אדמיניסראציע נישט צו באצאלן פאר פאקיסטאן 300 מיליאן דאלער וואס אמעריקע דארף עכט באצאלן אין ספעציעלע מיליטערישע צאלונגען, וויבאלד די פאקיסטאנער רעגירונג האט זיך דערווייל אנטזאגט צו קעמפן קעגן די געפארפולע האקאני נעטווארק טעראר גרופע.

-קה"א-

קול העולם:

סאן פראנציסקא – אויטאריטעטן אין סאן פראנציסקא האבן נעכטן באשטעטיגט אז דער צוואנציג יעריגער קאלווין ריילי איז געשאסן געווארן צום טויט אינעם אקוואטיק פארק אין דער שטאט, שפעט מוצאי שבת אינמיטן דער נאכט, ווען ער האט דארטן שפאצירט און איז געווען פארטיפט און אריינגעטון אין שפילן דעם גאר פאפולערן "פאוקימאן גאו" געים. די פאליציי זאגן אז דערווייל זענען נישטא קיין שום באווייזן איבער מאטיוון פון דערשיסן ריילי, אבער די מארד צייגט די געפארפולקייט פון זיין אזוי שטארק אריינגעטון אינעם שפיל, אז מען זעהט נישט וואס טוט זיך ארום זיך.

מכירת מחלה

m http://www.jdn.co.il/video/723266 m

רוסלאנד – נעכטן האט מען געהערט א היסטארישע אנטוויקלונג, וואס וועט מעגליך ברענגען נאנטער א לעזונג צו די לאנגיעריגע מיסטעריע איבער וויאזוי דער חסיד אומות העולם ראאול וואלענבערג איז געשטארבן. וואלענבערג איז באקאנט איבער דעם וואס ער האט געדינט אלס שוועדישער דיפלאמאט אין נאצי-אקופירטע אונגארן און האט זיך איינגעשטעלט דאס לעבן דורכ'ן ארויסגעבן טויזנטער פאלשע פאספארטן און שוץ-פאפירן פאר אונגארישע אידן, וואס דורכדעם האבן זיך טויזנטער אידן געראטעוועט זייערע לעבנס פון זיכערן טויט דורך די נאציס ימ"ש.

וואלענבערג איז אין 1945 געכאפט און ארעסטירט געווארן דורך די רוסישע מיליטער, און מען האט מער קיינמאל נישט געהערט פון אים. שפעטער האט מען געהערט אז אין 1947 איז ער געשטארבן פון נאטורליכע אורזאכן בשעת'ן זיין אונטער ארעסט פון די רוסן. זיין טויט איז געווען פארוויקלט אין גרויס מיסטעריע, און אצינד האפט מען אז די מיסטעריע וועט געלעזט ווערן, צוליב א נייע בוך וואס איז פארעפנטליכט געווארן. דער בוך איז ארויסגעגעבן געווארן דורך ווערא סאראווע, אייניקל פון איגאר סעראוו, דער רוסישער קעי-דזשי-בי הויפט וועלכער האט געפירט די קעי-דזשי-בי אין די 1950'ער יארן.

דער בוך איז א צוזאמשטעל פון א טאגבוך וואס סעראוו האט געשריבן, און צווישן די נאטיצן שרייבט ער "איך בין נישט מסופק קיין איין רגע נישט, און איך בין זיכער אז וואלענבערג איז נישט געשטארבן פערצופאל, נאר דערמארדעט געווארן", און סעראוו גייט ווייטער און זאגט אז ער האט אינפארמאציע אז דער קאמוניסטישער פירער דזשאוסעף סטאלין זעלבסט האט פארארדענט דאס אומברענגען וואלענבערג. וואס בלייבט אבער א מיסטעריע אפילו מיט'ן בוך, איז פארוואס די רוסן האבן געזוכט פטור צו ווערן פון וואלענבערג.

-

קענסאס – א שרעקליכער אינצידענט האט נעכטן פאסירט ווען א צוועלעף יעריג קינד איז אומגעקומען ביים זיך אראפגליטשן אויף די "ווערוקט" ("פאררוקט" אויף די דייטשע שפראך) וואסער-גליטשער אין די שליטערבאן פארק אין קענסאס סיטי, קענסאס, וואס דער גליטשער ווערט באטראכט אלס די וועלטס-העכסטע וואסער-גליטשער, שטייענדיג ביי 168 פוס אין דער לופטן. דאס קינד איז אידענטיפיצירט געווארן אלס קעיליב שוואב, א קינד פונעם רעפובליקאנער קענסאס סטעיט לעגיסלאטור מיטגליד סקאט שוואב. דער פארק וועט היינט מאנטאג זיין פארשפארט פאר אויספארשונגען.

-

פלארידע – דער רעפובליקאנער פלארידע גאווערנאר ריק סקאט האט שארף אראפגעריסן די פעדעראלע רעגירונג און קאנגרעס איבער דעם וואס זיי האבן דערווייל נאכנישט באשטעטיגט די פרישע מיליאנען דאלארן אין הילפס געלטער צו באקעמפן די זיקא וויירוס. פלארידע האט שוין באקומען אפאר מיליאן דאלער פאריגע וואך, זינט עס איז באקאנט געווארן אז די סטעיט פארמאגט פופצן זיקא וויירוס פעלער, אבער דערווייל ווארט מען אז קאנגרעס זאל באשטעטיגן 1.1 ביליאן דאלער צו העלפן פירמעס און ארגאניזאציעס וועלכע ארבעטן אויפצוקומען מיט וואקסינען און לעזונגען אפצושטעלן די פארשפרייטונג. נעכטן האט מען אויך געהערט שארפע קריטיק פונעם דעמאקראטישן סענאטאר טשאק שומער, וועלכער האט געזאגט אז קאנגרעס זאל אפשטעלן זייער זומער וואקאציע און קומען קיין וואשינגטאן צו באשטעטיגן דעם זיקא וויירוס פאנד.

-

וואשינגטאן – א באריכט נעכטן האט געצייגט אז פרעזידענט אבאמא גרייט זיך אין די קומענדיגע טעג צו מעלדן א נייע מאסיווע פלאן פאר די עקזיסטירנדע אמעריקאנער "סייבער קאמענד", וועלכע איז א גרופע מיליטערישע עקספערטן וועמענס אויפגאבע עס איז צו פארטיידיגן אמעריקע'ס קאמפיוטער סיסטעמען פון מאסיווע אטאקעס דורך אנדערע לענדער. אונטער'ן נייעם פלאן, וועט דער "סייבער קאמענד" ווערן אפיציעל א דעפארטמענט אינערהאלב דעם פענטאגאן, וואס באדייט אז זי וועט האבן פיל מער מיליטערישע מאכט און איר אויפגאבע וועט זיין אויפצוקומען מיט פאקטישע וואפנס וויאזוי צו פארטיידיגן אמעריקע פון די קומענדיגע קריג, וואס מיליטערישע עקספערטן זאגן אז מלחמות וועלן אינעם צוקונפט ווערן געפירט דורך קאמפיוטערס.

-

אפגאניסטאן – אייסיס טעראריסטן אין אפגאניסטאן האבן פארעפנטליכט בילדער פון אמעריקאנער וואפנס וואס זיי האבן פארכאפט. אייסיס זאגט אז די וואפנס האבן באלאנגט פאר אמעריקאנער זעלנער, און מיליטערישע עקספערטן באשטעטיגן טאקע אז די וואפנס אויף די בילדער, וואס נעמט אריין א ראקעט ארויסשיסער, עטליכע רעוואלווערס און הויפנס אמוניציע, זעען טאקע אויס ווי אמעריקאנער וואפנס וואס אמעריקאנער זעלנער האבן גענוצט אין אפגאניסטאן. באזונדער האט אייסיס געוויזן אז זיי האבן אן אידענטיפיקאציע קארטל פון אן אמעריקאנער זעלנער ביים נאמען רייען לארסאן. די אמעריקאנער מיליטערישע קאמאנדירן אין אפגאניסטאן האבן אבער געזאגט אז לארסאן איז נישט פארכאפט געווארן, נאר געפונט זיך אינאיינעם מיט זיינע קאלעגע זעלנער. מען פארשט וויאזוי אייסיס האט געלייגט א האנט אויף די וואפנס.

-

קובא – די קובאנער רעגירונג האט נעכטן ארויסגעגעבן א סטעיטמענט אין וועלכע זיי באשולדיגן די אבאמא אדמיניסטראציע איבער דעם וואס מען הערט לעצטנס פון מער און מער פעלער אז קובאנער בירגער פרובירן צו אנטלויפן פון קובא און אנקומען קיין פלארידע, דורכ'ן דורכשווימען מיט קליינע שיפלעך דעם געפארפולן 90-מייליגן וועג צווישן די צוויי לענדער. קובא זאגט אז די אבאמא אדמיניסטראציע האט לויזער געמאכט די אימיגראציע געזעצן, און וועגן דעם ווילן אסאך מער קובאנער אויסנוצן דעם שוואכן אימיגראציע סיסטעם און זיך אריינשלייכן אומלעגאל קיין אמעריקע.

-

מעסעדאניע – א מאסיווע רעגנשטורעם איז באפאלן דאס לענדל מעסעדאניע, וואס אפילו לאקאלע וועטער עקספערטן זענען געכאפט געווארן אין סורפרייז מיט די ווילדקייט מיט וועלכע דער שטורעם איז באפאלן דאס לאנד, און עס איז באצייכנט געווארן אז א וואסער באמבע איז באפאלן מעסעדאניע. אלעס אינאיינעם זענען 21 אומגעקומען פון די מאסיווע שטורעמעס און נאכפאלגענדע פארפלייצונגען, און נאנט צו דרייסיג זענען פארוואונדעט געווארן. דעפיוטי פרעמיער מיניסטער ניקאלע טאדאראוו האט געזאגט אז די רעגירונג האט דערקלערט א סטעיט אוו עמורדזשענסי אין גאנצן לאנד – א לענדל פון 2 מיליאן בירגער וואס האט ביז נישט לאנג צוריק באלאנגט פאר יאגוסלאוויע.

-

בולגאריע – די פראנצויזישע רעגירונג האט געזאגט אז זי וועט פרובירן צו נוצן עטליכע אייראפעאישע רעגולאציעס, מיט'ן ציהל צו צווינגען בולגאריע אז זיי זאלן אויסליפערן א טעראר פארדעכטיגטן וועלכער איז דארטן לעצטנס ארעסטירט געווארן אויף קלאגעס אז ער האט פרובירט צו פארן קיין סיריע זיך אנצושליסן אין אייסיס. פראנקרייך זאגט אז דער טעראר פארדעכטיגטער מוראד האמיד איז א לאנג-געזוכטער פארשוין, ווערנדיג פארדעכטיגט אין ארויסהעלפן די קואטשי ברידער וועלכע האבן דורכגעפירט די ברוטאלע שיסעריי טעראר אטאקע אויפן טשארלי העבדא צייטונג אין פראנקרייך פאראיאר. האמיד איז ארעסטירט געווארן אין פראנקרייך אין די טעג נאך די טשארלי העבדא אטאקע, אבער איז באפרייט געווארן נאכדעם וואס מ'האט נישט געטראפן קיין באווייזן אז ער איז פארבינדן מיט טעראר. אצינד אז בולגאריע זאגט אז האמיד האט פרובירט זיך אנצושליסן אין אייסיס, וויל פראנקרייך אים האבן אונטער זייער ארעסט אין פארבינדונג מיט די טשארלי העבדא אטאקע.

-

בראזיל – אין אינטערעסאנטע אנעקדאט ווערט באריכטעט איבער די אלימפּיק געימס וואס האבן זיך שבת אנגעהויבן אין ריא, בראזיל. צווישן די פילע לענדער וועלכע נעמען אנטייל אין די געימס, איז אויך דא א ספעציעלע "פּליטים אלימפּיק טיעם" וואס רעפרעזענטירט סירישע פליטים פון איבער די וועלט. א מיטגליד פון די פליטים טיעם איז יוסרא מארדיני, וועלכע איז א פראפעסיאנאלע שווימערין. איר געשיכטע איז מערקווירדיג, וויבאלד מיט א יאר צוריק איז זי געווען אויף א פליטים שיף פון סיריע קיין גריכנלאנד, און דער שיף האט אנגעהויבן זינקען. מארדיני איז אריינגעשפרונגען אין וואסער, זייענדיג א פראפעסיאנאלע שווימערין, און זי האט געשלעפט דעם שיף פאר 3 שעה, שווימענדיג צום בארטן, און אדאנק איר האבן אלע 18 פליטים אויפן שיף איבערגעלעבט. (זי איז למעשה שבת געשניטן געווארן פון די אלימפּיק געימס.)

-
אוקריינע – 3 אידישע חב"ד קאונסלערס אין א קעמפ וואס חב"ד האט היי יאר אוועקגעשטעלט אין זיטאמיר, אוקריינע, זענען נעכטן שווער פארוואונדעט געווארן אין א קאר עקסידענט. מען האט פארשפרייט די פאלגענדע נעמען מתפלל צו זיין: מנוחה מינדל בת דבורה, זעלדא בת רבקה און חנה בת רבקה, לרפואה שלימה בקרוב.

-

בראזיל – די אינטערנאציאנאלע אלימפיק קאמיטע האט נעכטן ארויסגעגעבן א שארפן סטעיטמענט צו פארדאמען די אלימפיק טיעם פון לבנון, נאכדעם וואס די לעבאנעזער שפילער האבן געטשעפעט און פארשעמט די מדינת ישראל אלימפיק טיעם. דאס האט פאסירט ווען די לעבאנעזער טיעם איז געזיצן פלאצירט אויף א באס וואס איז אויך געווען דעזיגנירט פאר די איזראעלישע שפילער, אבער די לעבאנעזער האבן נישט געוואלט ארויפלאזן די איזראעלישע.

-

די איראנער רעגירונג האט ארויסגעגעבן א פארבאט אויף דעם גאר פאפולערן ״פּאוקימאן גאו״ געים, זאגנדיג אז זי וועט נישט ערלויבן אירע בירגער צו שפילן דעם געים, צוליב ״סעקיוריטי אורזאכן״.

-
די אייסיס טעראר גרופע האט גענומען פאראנטווארטליכקייט פאר די שטעכעריי טעראר אטאקע שבת אין טשארלערוי, בעלגיע, וואו א טעראריסט האט געשטאכן און פארוואונדעט 2 פאליציי אפיצירן. אייסיס זאגט אז דער טעראריסט איז געווען א ״זעלנער פונעם איסלאמישן קאליפאט״. די לאקאלע בעלגישע פאליציי באאמטע זאגן אז דער טעראריסט האט געהאט א לאנגע היסטאריע פון קרימינאליטעטן.

-קה"א-

"זייגער באמבע" מוסולמענער פאמיליע קלאגט
טעקסאס – די מוסולמענער פאמיליע אין טעקסאס, וועלכע איז געווען אין אינטערנאציאנאלע העדליינס פאראיאר נאכדעם וואס זייער קינד איז ארויסגעווארפן געווארן פון סקול פאר'ן ברענגען א זייגער וואס האט אויסגעזען ווי א באמבע, האט אריינגעגעבן אן אנקלאגע קעגן די דאלאס סקול דיסטריקט באאמטע, זאגנדיג אז זיי האבן דיסקרימינירט קעגן זייער קינד, אכמעד מוכאמעד, און אים ארויסגעווארפן פון סקול צוליב זיין רעליגיע, מיינענדיג אז ווייל ער איז א מוסולמענער, איז די זייגער וואס ער האט געברענגט א באמבע.

מאסיווע דעלטא עירליינס פארשפעטיגונגען
ניו יארק – די דעלטא עירליינס פירערשאפט האט געווארנט אז אירע קאסטומערס זאלן ערווארטן אין די קומענדיגע טאג-צוויי מאסיווע פארשפעטיגונגען און מעגליכע קענסעלעישאנס, נאכדעם וואס נעכטן אינדערפרי איז אויסגעשאלטערט געווארן דער גאנצער קאמפיוטער סיסטעם פון "דעלטא" און אלע געסקעדזשולטע פלי רייזעס פון די עירליין זענען געברענגט געווארן צו א טאטאלע אפשטעל פאר עטליכע שעה. נעכטן זענען הונדערטער רייזעס געקענסלט געווארן, נאכדעם וואס דער קאמפיוטער סיסטעם איז צוריקגעברענגט געווארן אין קראפט, וויבאלד די עירליין זאגט אז עס וועט דויערן עטליכע טעג צו קענען סארטירן אלע געקענסלטע און פארשפעטיגטע רייזעס וואס איז געקומען אדאנק דעם אויסשאלטערונג.

טעסלא קאר ראטעוועט אייגענטומער
מיזורי – עטליכע וואכן נאכדעם וואס אן אמעריקאנער איז אומגעקומען ווען די "אויטא-פילאט" סיסטעם אין זיין עלעקטראנישע "טעסלא" אויטא האט געברענגט אז דער קאר זאל קראכן אין א בוים, האט מען נעכטן געהערט פון א וואונדערליכע געשיכטע וויאזוי אזא טעסלא קאר האט געראטעוועט דאס לעבן פון איר דרייווער. דזשאשוע ניעלי האט געדרייווט זיין נייעם טעסלא קאר אויף א הייוועי אין ברענסאן, מיזורי, ווען ער האט געליטן אן ערנסטע "בלוט-קלאט" און האט נישט געקענט ווייטער דרייוון. ער האט באלד אקטיוויזירט דעם "אויטא-פילאט" אינעם קאר אז ס'זאל פארן צום נאנטסטן שפיטאל, און דער קאר איז אליינס צוגעפארן צום שפיטאל, א וועג פון 20 מייל, און ניעלי האט איבערגעלעבט אדאנק דעם קאר.

70 טויט נאך פאקיסטאן שפיטאל אטאקע
פאקיסטאן – אמווייניגסטנס 70 מענטשן, אריינגערעכנט פאפולערע זשורנאליסטן און לויערס, זענען אומגעקומען ווען א מאכטפולע באמבע האט אויפגעריסן ביי א שפיטאל אין קועטא, דער הויפטשטאט פונעם באלוכיסטאן ראיאן אין פאקיסטאן. די באמבע איז ספעציעל אונטערגעשטעלט געווארן ביים שפיטאל בשעת עס איז פארגעקומען דארטן א קלאג צערעמאניע פאר א באקאנטן לויער אינעם געגנט וועלכער איז געשאסן געווארן עטליכע טעג צוריק, און פילע זשורנאליסטן און לויערס זענען געווען פארזאמלט אינעם שפיטאל. פאקיסטאן׳ס פרעמיער מיניסטער נאוואז שאריף האט דערקלערט אז די רעגירונג וועט נישט רוען ביז מען וועט כאפן די פאראנטווארטליכע. דזשאמאט אול אכראר, א שפּלינטער גרופע פון די פאקיסטאנער טאליבאן, האט גענומען פאראנטווארטליכקייט פאר די אטאקע.

יאפאן'ס עמפּעראר וויל אפטרעטן
יאפאן – דער יאפאנעזער עמפּעראר אקיהיטא (וועלכער איז ווי דער קעניג אין לאנד) האט געגעבן א זעלטענע רעדע וואו ער האט געמאלדן אז ער וויל אויפגעבן זיין פאזיציע און דאס איבערגעבן פאר זיין זוהן, צוליב געזונטהייט פראבלעמען וואס ער ליידט. דערווייל איז נאכנישט געווען אין יאפאנ׳ס היסטאריע אן עמפּעראר וואס האט אפגעטרעטן פון אמט, און די יאפאנעזער רעגירונג וועט דארפן איבערמאכן די געזעצן צו ערלויבן אקיהיטא אפצוטרעטן.

אויסלענדישע פארכאפט אין אפגאניסטאן
אפגאניסטאן – די אפגאנער רעגירונג זאגט אז צוויי אויסלענדישע בירגער, אן אויסטראלישער און אן אמעריקאנער, זענען געקידנעפט געווארן דורך א גרופע פון זעקס פארשוינען אין א שטעטל אינדרויסן פון קאבול. די צוויי זענען פראפעסארן וועלכע זענען געקומען קיין אפגאניסטאן צו געבן לעקציעס אין די קאבול יוניווערסיטי. עס איז דערווייל נישט קלאר ווער עס איז פאראנטווארטליך פאר די קידנעפינג, אבער די אפגאנער רעגירונג זאגט אז די סארט קידנעפינגס האבן זיך אנטוויקלט אלס א גאר אפטע פראבלעם. אין יוני איז אן אינדיער וואלונטיר געקידנעפט געווארן דורך א לאקאלע באוואפנטע באנדע און איז באפרייט געווארן 4 וואכן שפעטער.

פיליפינען וויל פארבאטן טראמפ
פיליפינען – א מיטגליד פונעם פארלאמענט אין די פיליפינען האט אריינגעגעבן א געזעץ פארשלאג וועלכע רופט אז דער פארלאמענט זאל אפיציעל דערקלערן אז דער אמעריקאנער פרעזידענט קאנדידאט דאנעלד טראמפ טאר נישט באזוכן די פיליפינען. דאס קומט נאכדעם וואס טראמפ האט אויסגערעכנט די פיליפינען ווען ער האט ארומגערעדט איבער אימיגראנטן וועלכע שלייכן זיך אריין קיין אמעריקע פון "טעראר לענדער". טראמפ פארמאגט נישט קיין שום ביזנעסער אין די פיליפינען, אויסער וואס א לאקאלער ריעל עסטעיט דעוועלאפער בויט א 150 מיליאן דאלערדיגע "טראמפ טאוער" וואס ער האט געצאלט מיליאנען דאלארן פאר טראמפ אים צו לאזן נוצן זיין נאמען.

סאודי אראביע העלפט דייטשלאנד
ריאד – אין א זעלטענע ערשיינונג פון אנטי-טעראר קאאפעראציע, האט די סאודי אראביע רעגירונג געזאגט אז זי העלפט ארויס די רעגירונג אין דייטשלאנד אויסצופארשן די לעצטערע סעריע טעראר אטאקעס וואס האבן פאסירט אין דייטשלאנד. סאודי אראביע זאגט אז זי האט שוין דערווייל באוויזן נאכצוגיין די סעלפאונס פון איינעם פון די טעראריסטן פון די לעצטערע אטאקעס אין דייטשלאנד – זי האט נישט געזאגט ספעציפיש וועלכע – און עס שטעלט זיך ארויס אז יענער האט געמאכט אומצאליגע טעלעפאן קאללס און געהאט אנדערע קאמיוניקאציעס מיט א סעלפאון וואס באלאנגט צו אן אייסיס טעראריסט אין סיריע.

-קה"א-

אן איינוואוינער אין סטעטן איילענד זאגט אז עטליכע אנטי-טראמפ וואנדאלן האבן פארברענט א גרויסן צוועלעף פוסיגן טראמפ שילד וואס ער האט געהאט ארויסגעשטעלט אויף זיין פראפערטי. סעם פּיראזאלא זאגט אז ער וועט בויען נאך פיל א גרעסערן שילד.
-----------------------------
די עף-בי-איי האט נעכטן אויסגעפארשט א באמבע געפאר ביים "בענק אוו אמעריקע" וואלקנקראצער געביידע אין אטלאנטא, דזשארדזשיע. די סטראשע איז אנגעקומען אין א בריוו נעכטן אינדערפרי. אן אונטערזוכונג אויף די געביידע האט זיך געענדיגט אנע רעזולטאטן.
-----------------------------
פלארידע סטעיט באאמטע האבן געזאגט אז זיי פארשן א פרישע פאל פון זיקא וויירוס אין די סטעיט, און דאסמאל איז עס אינדרויסן פון מיאמי. לויט די יעצטיגע אינפארמאציע, האט יענער באזוכט אין מיאמי דעיד קאונטי און דארטן איז ער אנגעשטעקט געווארן מיט די זיקא וויירוס.

"על פאראו" שווארצע קעסטל געפונען
באהאמעס – דער ״שווארצער קעסטל״ פונעם געזונקענעם אמעריקאנער על-פאראו שיף איז ענדליך ארויפגעברענגט געווארן פון די וואסער טיפענישן, און מען האפט אז עס וועט שיינען א ליכט אויף וואס עס האט פאסירט מיטן מאסיוון שיף. דער שיף איז געפארן אינעם אטלאנטיק פאראיאר אקטאבער, ווען עס איז פארכאפט געווארן אין שווערע כוואליעס פונעם האריקעין וואקין. אלע 33 אויפן שיף זענען אומגעקומען.

21 פלארידע זיקא פעלער
מיאמי – פלארידע סטעיט באאמטע האבן נעכטן געמאלדן אז נאך 4 מענטשן זענען דיאגנאזירט געווארן מיט זיקא וויירוס פון לאקאלע מאסקיטאס, ברענגענדיג דעם סך הכל פון לאקאלע זיקא וויירוס אנגעשטעקטע אין די סטעיט צו 21. פלארידע גאווערנאר ריק סקאט זאגט אז די 4 פרישע פעלער זענען אין די זעלבע זאנע ווי די ערשטע פעלער, וואס ס׳איז דא דערויף א פעדעראלע טרעוול פארבאט.

בלאגאיעוויטש צוריק אין די העדליינס
אילינאי – דער מאדנער געוועזענער גאווערנאר פון אילינאי, ראד בלאגאיעוויטש, איז צוריק געווען אין די העדליינס נעכטן, ווען א ריכטער האט זיך אנטזאגט צו פארגרינגערן זיין פערצן יאר טורמע אורטייל. פאר די וועלכע געדענקען נישט: בלאגאיעוויטש האט געדינט אלס גאווערנאר פון אילינאי בשעת ווען באראק אבאמא איז געלאפן פאר פרעזידענט אין 08'. אבאמא האט דאן געדינט אלס סענאטאר, וואס האט באדייטעט אז אויב ער געווינט די פרעזידענטשאפט, וועט ער אויטאמאטיש ווערן אויס סענאטאר, און לויט אילינאי געזעצן, האט גאווערנאר בלאגאיעוויטש געקענט אליינס אריינשטעלן איינעם אלס אן ערזאץ אויף אבאמא'ס סענאט זיץ, אריינגערעכנט זיך אליינס. בלאגאיעוויטש האט דאן פרובירט ממש צו פארקויפן אבאמא'ס ליידיגע סענאט זיץ, אין אויסטויש פאר געלט און טובות. ער איז ארעסטירט געווארן און פאראורטיילט געווארן צו 14 יאר טורמע.

אמעריקע שיקט הילף פאר לבנון
לבנון – די אמעריקאנער רעגירונג האט געשיקט פאר די לבנון ארמיי 50 מיליטערישע טראקס, 50 ארטילערי מאשינען און 50 גראנאט ארויסשיסער, מיטן ציהל צו העלפן לבנון זיך פארטיידיגן קעגן מיליטאנטן גרופעס אין דערנעבנדיגן סיריע. די פרישע מיליטערישע הילף איז ווערד 50 מיליאן דאלער, וואס באדייט אז אמעריקע האט שוין היי יאר געשיקט 220 מיליאן דאלער מיליטערישע הילף פאר לבנון און דאס לאנד איז אצינד די פינפט-גרעסטע בענעפיטירער פון אמעריקאנער מיליטערישע הילף.

16 יאר הונגער סטרייק געענדיגט
אינדיע – אייראם שארמילא, א יומען רייטס אקטיוויסטקע אין מאניפּור, אינדיע, האט געברענגט אן ענדע צו איר זעכצן-יעריגע הונגער סטרייק (זי איז די גאנצע זעכצן יאר געפיטערט געווארן דורך רערן, זייענדיג אונטער ארעסט), און האט געמאלדן אז זי וועט לויפן פאר א פאליטישע אמט אין די היימשטאט מאניפּור. זי האט 16 יאר צוריק דערקלערט דעם הונגער סטרייק צו פראטעסטירן מענטשן-רעכט פארלעצונגען דורך די אינדיער מיליטער אינעם ראיאן.

זעלנער אנטלאפן פון אפגאנער אייסיס אטאקע
אפגאניסטאן – די אמעריקאנער מיליטער האט צום ערשטן מאל רעאגירט איבער דעם וואס אייסיס האט פארעפנטליכט עטליכע טעג צוריק בילדער פון אמעריקאנער וואפנס און א זעלנער׳ס אידענטיפיקאציע קארטל וואס זיי האבן באוויזן צו פארכאפן אין אפגאניסטאן. דער פענטאגאן זאגט אז א גרופע אמעריקאנער זעלנער האבן ארויסגעהאלפן אפגאנער זעלנער אין נאנגאראר פראווינץ, ווען זיי זענען פלוצלינג געקומען אונטער א סורפרייז אטאקע, און זענען געווען געצווינגען איבערצולאזן זייערע וואפנס און אנטלויפן.

ערדואן און פוטין זיך געטראפן
מאסקווע – נעכטן איז פארגעקומען א פערזענליכע צוזאמטרעף צווישן דעם טערקישן פרעזידענט ראסיפ ערדואן און דעם רוסישן פרעזידענט וולאדימיר פוטין, אין פוטין'ס פרעזידענטליכע פאלאץ. דער צוזאמטרעף האט געטראגן א שטארקע באדייט, וויבאלד עס איז געווען די ערשטע פאקטישע שריט צו נארמאליזירן באציאונגען צווישן די צוויי לענדער, א האלבע יאר נאכדעם וואס טערקיי האט אראפגעשאסן א רוסישע מיליטערישע פליגער וועלכע זי האט געזאגט האט פארלעצט איר לופט טעריטאריע. דער צוזאמטרעף צווישן ערדואן און פוטין ווערט זייער נאנט באטראכט דורך מערב וועלט עקספערטן, וויבאלד עס איז א פאראייניגונג צווישן צוויי לאנד פירער וועלכע האבן פיינט אמעריקע און זיי קענען מעגליך שליסן אן אליאנץ פון אנטי-אמעריקאנער לענדער.

פרישע סאטעליט בילדער צייגן אז די כינעזער רעגירונג איז געווארן מער אגרעסיוו אויף די אינזלען אינעם סאוט טשיינע ים, און זי בויט אויף די אינזלען פארשידענע סטרוקטורן וועלכע זענען קעגן אינטערנאציאנאלע געזעצן. כינע, יאפאן און נאך עטליכע לענדער שלאגן זיך ארום איבער די אינזלען.

=

פאליציי אויספארשער זאגן אז דאס קינד וואס איז אומגעקומען אויפן וואסער גליטשער אין קענסאס, איז אומגעקומען נאכ'ן ליידן א פאטאלע וואונד אויפן גענאק. פילע וועלכע זענען שוין געווען אויפן גליטשער דערציילן יעצט אז די פארשידענע שטריק פונעם גליטשער זענען טאקע לויז און אומזיכער.

WOW שרייבסט דאך מיט זאפט
איך דארף מער נישט הערן קול מבשר
דא איז די נייעס אזוי גוט שיין באשריבן און אסאך נייעס מעלד אפילו נישט זלמי פון קולעי וואסער

מיימאנעדיס שפיטאל צענטער באריכטעט פארלוסטן ווייניגער ווי געראכטן

נאכ'ן ליידן גאר א שווערע פינאנציעלע יאר אין 2015 מיט פארלוסטן פון 4.2 מיליאן דאלער אין צווייטן קווארטאל, טוט היינט די מיימאנידיס שפיטאל מעלדן אז זייער פינאנציעלע אויסקוק פון די ערשטע העלפט פון 2016 קוקט אויס בעסער ווי געראכטן, אבער נאך אלץ האבן זיי פארלוירן א טאטאל פון 1.5 מיליאן דאלער אין לויף פון די ערשטע זעקס חדשים פון 2016, דאס איז א דאנק א העכערונג פון 5.6% אין פאציענט איינקופט.
די שפיטאל האט געזאגט פאר פאליטיקא אז זיי זענען צופרידן פון די נייע באריכט און דאס שטימט מיט איר אלגעמיינע עקאנאמישע פלאן, און אויב וועלן זיי זיך האלטן צו דעם גאנג וועלן זיי אויפהערן פארלירן געלט אין ענדע 2017, דאס איז א פארשידענע אינוועסטמענט'ס וואס וועט פארברייטערן די סערוויסעס וואס די שפיטאל שטעלט צו, א דאנק א נייע פאדיאטריק טראומע צענטער, און אזוי אויך א פרישע 3 מיליאן דאלערדיגע פראגראם צו באקעמפן קענסער.

JP
-
טוויטער נישט שולדיג איבער אייסיס רעטאריק

סאן פראנציסקא – די אינטערנעט פירמע "טוויטער" האט נעכטן געפייערט א זיג אין געריכט, ווען א ריכטער האט דערקלערט אז די פירמע קען נישט געהאלטן ווערן פאראנטווארטליך פאר פארשידענע טעראריסטישע רעטאריק וואס פארשוינען שרייבן אויף "טוויטער".
דער אורטייל פונעם ריכטער איז געקומען איבער דעם וואס די אלמנה פון אן אמעריקאנער מאן האט געוואלט באקומען קאמפענסאציע פון טוויטער, זאגנדיג אז איר מאן איז אומגעקומען אין ירדן אין אן אייסיס אטאקע, און די אייסיס טעראריסטן נוצן טוויטער צו דיסקוסירן פלענער און צו רעקרוטירן פרישע יוגענטליכע. דער ריכטער האט דערקלערט אז "טוויטער" איז נישט לעגאל פאראנטווארטליך פאר אזעלכע זאכן.

מער מאריכואנא טעסטס ערלויבט

וואשינגטאן – די פעדעראלע רעגירונג'ס "פוד ענד דראג" אדמיניסטראציע האט נעכטן געמאלדן אז זי וועט ערלויבן אז מען זאל דורכפירן מער טעסטס אויף די מאריכואנא געוויקס, צו דערגיין צי עס איז טאקע אזוי שעדליך ווי עס ווערט אראפגעמאלן אדער איז עס אן אומשעדליכע דראג וועלכע קען גאר בענעפיטירן אסאך מענטשן.
עטליכע סטעיטס ערלויבן שוין מאריכואנא באנוץ, אבער אויפן פעדעראלן שטאפל איז עס נאך אלץ פארבאטן. די פעדעראלע רעגירונג האט געזאגט אז דערווייל איז זי נישט גרייט צו דערקלערן אז מאריכואנא איז אומשעדליך, אבער מעגליך מיט די פרישע טעסטס, וועט זי קומען א טריט נאנטער דאס צו דערקלערן.

2 באזונדערע אטאקעס אין טערקיי

טערקיי – נאנט צו צוואנציג זענען אומגעקומען און צענדליגער אנדערע זענען פארוואונדעט געווארן פון 2 באזונדערע טעראר אויפרייסן. איינס האט געצילט א פאליציי באס נעבן א שפיטאל אין א שטעטל נישט ווייט פונעם גרעניץ צווישן טערקיי און סיריע, און די צווייטע אויפרייס האט געצילט א בריק אין שטאט דיארבאקור, אויך נאנט צום גרעניץ מיט סיריע.

דשורנאליסטן באס אין בראזיל אטאקירט

בראזיל – א באס וועלכע האט געפירט זשורנאליסטן אין ריא, בראזיל - וועלכע געפונען זיך דארטן צו דעקן די אינטערנאציאנאלע אלימפּיק געימס, איז באשאסן געווארן מיט עטליכע קוילן דינסטאג ביינאכט. קיינער פון די זשורנאליסטן זענען נישט ערנסט פארוואונדעט געווארן, און די לאקאלע פאליציי האט געזאגט אז זי פארשט דעם אינצידענט און איז נישט זיכער צי עס זענען טאקע געווען קוילן אדער פשוט'ע שטיינער.

אנטי-טעראר אבלאוועס אין דייטשלאנד

דייטשלאנד – אנטי-טעראר פאליציי אפיצירן האבן דורכגעפירט אבלאוועס אין פיר שטעט לענגאויס דייטשלאנד, ארעסטירנדיג א גרויסע צאל פארדעכטיגטע אין פרא-אייסיס אקטיוויטעטן. די מאסן ארעסטן זענען געקומען געציילטע שעה נאכדעם וואס די דייטשע אויטאריטעטן האבן געמאלדן אז זיי האבן ארעסטירט א הויכראנגיקן אייסיס אגענט אין מוטערשטאדט, דייטשלאנד, וועלכער איז א 24 יעריגער סירישער בירגער וואס וואוינט אין א פליטים לאגער אין דייטשלאנד און ער האט פלאנירט מאסיווע אטאקעס.

ניי-געבוירענע קינדער געשטארבן אין באגדאד שפיטאל

באגדאד – א שרעקליכער פייער האט אויסגעבראכן אינעם יארמוק שפיטאל אין באגדאד, ווען עטליכע דראנטן האבן מאלפונקציאנירט, און אזויפיל ווי 11 ניי-געבוירענע קינדער זענען אומגעקומען. די איראקער געזונטהייט מיניסטעריום זאגט אז זי וועט דורכפירן א דרינגליכע אויספארשונג, אבער זי גלייבט נישט אז דאס איז געווען אן אונטערגעשטעלטע פייער, נאר טאקע אן עלעקטערישע פראבלעם.

אלימפּיק שווים-באסיין געווארן גרינע קאליר

בראזיל – איינס פון די שווים באסיינען וואס ווערן גענוצט ביי די אלימפּיק געימס אין ריא, בראזיל זענען דינסטאג געווארן א גאר שטארק גרינע קאליר, ברענגענדיג א שרעק און זארג ביי די שווימערס - וויבאלד עס איז געווען א זארג פון זיקא וויירוס אין בראזיל בעפאר די אלימפּיק געימס האבן זיך אנגעהויבן. די אלימפּיקס ארגאניזירער האבן אבער נעכטן געזאגט אז די גרינע קאליר האט זיך געמאכט צוליב נאטורליכע ״אלדזשי״ באקטעריע אין די וואסער, און עס איז נישט קיין שום געזונטהייט געפאר.

45 טויזנט אייסיס קעמפער אומגעבראכט

סיריע – דער אמעריקאנער גענעראל שאן מעקפארלענד האט נעכטן געזאגט אז אלעס אינאיינעם זענען שוין 45 טויזנט אייסיס טעראריסטן אומגעקומען אין סיריע און איראק זינט דער אנהייב פונעם אמעריקאנער אנטי-אייסיס אפעראציע אינעם ראיאן. מעקפארלענד זאגט אז אייסיס פארמאגט יעצט צווישן 15 טויזנט און 30 טויזנט זעלנער אויפן פראנט.

די פראצעס פון דילאן רוף דער 22 יעריגער וואס האט דורכגעפירט א שיסעריי אין א קירכע אין טשארלסטאן מיט א יאר צוריק, איז נעכטן אריין אין א פרישע פאזע, און די רעגירונג האט אריינגעגעבן באוויזן אז ער האט געטון די פארברעך פון זיין אייגענע געוויסן און איז נישט ראדיקאליזירט געווארן דורך אנדערע, די באוויזן צייגן אז ער האט זיך אליין ראידקליזירט און האט פארעפנטליכט פילע ארטיקלען אויף די אינטערנעט אין וועלכע ער רופט פאר די מארד פון שווארצע און פון אלע וואס זענען נישט פון די ווייסע ראסע.

רוסישע העקערס האבן אינפילטרירט די אמעריקאנער מידיא, אריינגערעכנט די ניו יארק טיימס און אנדערע מידיא קוועלער. די רוסישע העקערס האלטן אויף אמעריקע מיט נייעס נאכדעם ווי זיי האבן אנטדעקט די דעמאקראטישע אימעילס און געמאכט א שטורעם. אמעריקאנער זיכערהייט אינסטאנצן אין שפיץ פון די עף בי איי פארשט העפטיג אויס די נייע קוואל פון סייבער פארברעכן און פרובירן צו לייגן א יד אויף די רוסישע באנדיטן. עס איז ווארשיינליך פארבינדען צו די מלחמה וואס דאנאלד טראמפ פירט לעצטנס קעגן דעם צייטונג.

א טאג נאכדעם וואס די דראג ריז פייזער האט פארעפנטליכט אז זיי וועלן אפקויפן מעדיוויעט פאר די סכום פון 14 ביליאן דאלער. איז היינט געקומען גאר שארפע קריטיק אויף די פירמע פון דעם געוועזענער פרעזידענט קאנדידאט און סענאטאר בערני סאנדערס אויף וואס ער רופט אן "אכזריות'דיגע געלדגייציגקייט" ער זאגט אז די טריטמענט וואס זיי פארקויפן פאר קענסער קאסט 129,000 דאלער, וואס איז 4 מאל די פרייז וויפיל עס קאסט אין אנדערע לענדער, ער האט גערופן פאר פייזער צו אראפלאזן די פרייזן, און ארויסגעברענגט אז א פערטל פון די קראנקע קענען זיך היינט נישט ערלויבן קיין מעדיצינען.

א טאטע און דריי קינדער זענען היינט אינדערפרי אומגעקומען אין א פייער וואס האט אויסגעבראכן אין זייער אפארטמענט אין שיקאגא, פאליציי שאצט אז עס איז געווען א ארסאן אטאקע און די דירה איז אונטערגעצינדען דורך א שכן וואס האט געהאט מיט זיי א געפעכט, איינע פון די דריי איז געווען א פיצל קינד וואס איז אומגעקומען אינאיינעם מיט איר פאטער ווען ער האט פרובירט צו זיך ראטעווען דורך ארויסטאנצן פון דעם דריטן שטאק.

עטליכע לענדער אין אייראפע אריינגערעכנט פראנקרייך און דייטשלאנד האבן אונטערגענומען א מיסיע צו אריינשטעלן אין קראפט נייע געזעצן וואס וועט צווינגען די קאמוניקאציע פירמעס וואס ערצייגן אפליקאציעס צו פארבינדען מענטשן אנליין אז מען זאל נישט קענען באהאלטן די מעסעדעשעס דורך ענקריפשען, זיי טוען זיך אנלייגן אויף וואטסאפ און אזוי אויך אויף די מעסעדשינג אפליקאציע טעלעגראם וואס האט א מעגליכקייט צו באהאלטן די מעסעדשעס אז די פירמע זאל עס נישט קענען ליינען, זיי ווילן אז די רעגירונג זאל קענען האבן צוטריט צו אזעלכע אפליקאציעס, וואס איז שוין אין די פארגאנגענהייט גענוצט געווארן דורך ראדיקאלן און אייסיס טעראריסטן פאר קאמיוניקאציע.

א אמעריקאנער סאלדאט איז אומגעקומען נעכטן אין די אפגאניסטאנער העלמונד פראווינץ, ווען א שאסיי-זייט באמבע האט אויפגעריסן און אונטערגעצינדען די פאטראל טרעקל אין וועלכע ער איז געפארן אינאיינעם מיט אפגאנער סאלדאטן, אין די אינצידענט זענען פארוואונדעט געווארן אויך זעקס אפגאנער סאלדאטן.

רוים - געביידעס אין רוים, איטאליע האבן זיך נעכטן שפעט ביינאכט געשאקלט פאר גאנצע צוואנציג סעקונדעס נאכדעם וואס אן ערדציטערניש ביי א שטארקקייט פון 6.1 אויפן ריכטערוואג האט פאסירט אין לאנד. באריכטן שרייבנדיג די שורות דינסטאג נאכט האבן געצייגט אז עס זענען פארהאן מאסיווע בלעקאוטס אין עטליכע איטאליענער שטעט, און פילע געביידעס זענען אומגעפאלן.

נאכפאלגנדיג די ערד ציטערניש אין איטאליע האט א גאר שווערע ערדציטערניש פון 6.8 אויפן ריכטער וואג באטראפן מיאנמאר, די הויפט שטאט פון בורמא. היינט מיטוואך, און עס איז נאך אומקלאר וויפיל קרבנות זענען געפאלן. אבער דריי געפאלענע זענען שוין באשטעטיגט געווארן דורך די אינסטאנצן.

מדינת ישראל האט ארעסטירט א ברעסלאווער חסיד פון די שובו בנים פראקציע נאכדעם וואס ער האט ארגאניזירט א קבוצה וואס האט זיך אומלעגאל אריינגעכאפט קיין שכם צו מתפלל זיין אויף קבר יוסף הצדיק, אזעלכע סארט אקציעס וואס ווערט כסדר דורכגעפירט אויף די רוף פון זייער פירער האט שוין ליידער געקאסט אסאך אידיש בלוט און שטעלט אריין די גרופע אין א באלדיגע געפאר און קען האבן שווערע קאנסעקווענצן און אויפפלאמען די געגענט.

די וויסנשאפטליכע וועלט איז אין עקסטאז מיט די נייעס אז עס איז געפונען געווארן א נייע פלאנעט "פראקסימא סענטאורי" זי איז גאר נאנט צו אונזער פלאנעט, און די נאנטקייט צו די זון מיינט אז עס איז דארט פארהאן די מעגליכקייט פאר לעבעדיגע באשעפענישן צו איבערלעבן. די נייעס איז פון די גרעסטע אסטראנאמישע געשעענישן אין די לעצטע דורות און איז אפיציעל באשטעטיגט געווארן דורך די העכסטע אסטראנאמישע אויטאריטעטן.

א פרישע באריכט צייגט אז טראמפ האט אויסגעגעבן אזוי פיל ווי 55,000$ פון ביישטייערונג געלטער צו זיין קאמפיין צו איינקויפן, נישט מער און נישט ווייניגער זיין אייגענע ביכל וואס ער האט געשריבן "די קונץ פון א דיל" עס איז געגעבן געווארן אלס געשאנק פאר ביישטייערער אבער אויטאריטעטן קוקן אריין דערין אויב עס איז לעגאל צו נוצן ביישטייערונג געלטער פאר אזעלכע צוועקן.

די בריטישע מעדיע איז פארנומען מיט א פרישע אויפדעקונג אז דער פרעמעיער מיניסטער פון מדינת ישראל מנחם בעגין האט שטילערהייט געשטיצט די ארגענטינער מיליטער קעגן די בריטישע מיליטער ביי די קריג איבער די פאלקלאנד אינזלעך, אין 1982, ארגענטינע איז דעמאלטס געווען א דיקטאטוריש לאנד. און מדינת ישראל האט מיט דעם געזוכט צו נקמה נעמען אין ענגלאנד צוליב דעם וואס זיי האבן נישט געשטיצט מדינת ישראל ביים ערשטן לבנון קריג.

יאהאן האט געשריבן:רוים - געביידעס אין רוים, איטאליע האבן זיך נעכטן שפעט ביינאכט געשאקלט פאר גאנצע צוואנציג סעקונדעס נאכדעם וואס אן ערדציטערניש ביי א שטארקקייט פון 6.1 אויפן ריכטערוואג האט פאסירט אין לאנד. באריכטן שרייבנדיג די שורות דינסטאג נאכט האבן געצייגט אז עס זענען פארהאן מאסיווע בלעקאוטס אין עטליכע איטאליענער שטעט, און פילע געביידעס זענען אומגעפאלן.

א 4.3 אויפן ריכטער וואג עפטער שאק האט נארוואס נאכגעפאלגט פאראורזאכנדיג מער שאדן.

נעכטן מיטוואך האט די קאר פירמע "פארד" געמאלדן אז זיי טוען צוריקרופן 113,000 קארס נאכדעם וואס עס איז אנדעקט געווארן אין די גאז פאמפ וואס קען שעדיגן די קאר. די ריקאל נעמט אריין ארום 88,000 קארס פון 2013 ביז 2015 און נעמט אריין די מאדעל טאורוס, פלעקס, און נאך עטליכע ווייניגער באנוצטע מאדעלן.

עטליכע שפיטעלער אין ארלאנדא פלארדיע וואס האבן באהאנדלט די צענדליגע פארוואונדעטע ביי די לעצטע טעראר שיסעריי אטאקע מיט 2 מאנאטן צוריק האבן געמיינזאם געמאלדן אז זיי וועלן אויסמעקן אלע חובות פון די פארוואונדעטע און נישט רעכענען קיין געלט פאר די באהאנדלונג, די טאטאלע חוב ווערט געשאצט ביי ארום 12 מיליאן דאלער, און פילע פון די פארוואנדעטע האבן נישט געהאט די געלט צו באצאלן.

די טראמפ קאמפיין ברייטערט אויס אירע אקטיוויטעטן אין ארץ ישראל מיט א פרישע אפיס אין רמת גן, דאס וועט זיין איר דריטע אפיס אין מדינת ישראל. און לויט די פלענער וועט א פערטע קאמפיין אפיס געעפנט ווערן אין די קומענדיגע וואכן, די טראמפ קאמפיין לייגט אריין אסאך כוחות אין די אויסלענדישע שטימערן, און ספעציעל אין מדינת ישראל ווי די אמעריקאנער בירגער וואס וואוינען דארט זענען מיינסטנס טראמפ שטיצער.

נישט קיין וואלד און נישט קיין בערן: נאך א לענגערע צייט וואס עס האט אנגעצינדן דעם דמיון פון פילע היסטאריקער, האט די פוילישע רעגירונג געמאלדן אז נאכ'ן גרונטליך אונטערזוכן דעם ארט ווי עס האט זיך געזאלט געפונען א היסטארישע אוצר. און לויט געוויסע עדות איז עס דארט אין א באן וואס געפונט זיך אין א טונעל, די לעצטע וואכן האט די פוילישע רעגירונג אראפגעשיקט באאמטע צו אונטערזוכן, און זיי האבן היינט געמאלדן אז עס איז דארט נישטא קיין טונעל און נישט קיין באן.

יאהאן האט געשריבן:רוים - געביידעס אין רוים, איטאליע האבן זיך נעכטן שפעט ביינאכט געשאקלט פאר גאנצע צוואנציג סעקונדעס נאכדעם וואס אן ערדציטערניש ביי א שטארקקייט פון 6.1 אויפן ריכטערוואג האט פאסירט אין לאנד. באריכטן שרייבנדיג די שורות דינסטאג נאכט האבן געצייגט אז עס זענען פארהאן מאסיווע בלעקאוטס אין עטליכע איטאליענער שטעט, און פילע געביידעס זענען אומגעפאלן.

מער זוכענישן אין די ברוכווארג ביים ערד-ציטערניש אין איטאליע צייגט די גרויסקייט פון די טראגעדיע

אין איטאליע ארבעטן די רעטונגס ארבעטער זייער שווער צו ארויסראטעווען איבערלעבער פון אונטער די ברוכווארג, נאכדעם וואס א שווערע ערד-ציטערניש האט געמאכט א חורבן, אומגעברענגט מענטשן און צעווארפן בנינים. די רעטונגס ארבעט געט א קלארערע בילד איבער די גרויסקייט פון די טראגעדיע, נאכדעם ווי מען טרעפט מער און מער מענטשליכע קרבנות אין די ברוכווארג.

רעטונגס איינהייטן מיט שמעק הינט וואס קענען גוט דערשמעקן ווי אונטער די חורבנות איז פארהאן א מענטש, ארבעטן פלייסיג צו אויפגראבן מענטשן וואס זענען שטעקן אונטער די ברוכווארג פון אראפגעפאלענע געביידעס. נאכן ארויסשלעפן אסאך מענטשן שטעלט זיך ארויס אז די טראגעדיע איז פיל גרעסער ווי געשאצט, און אזויפיל ווי צוויי הונדערט איין און פערציג נפשות זענען שוין באשטעטיגט טויט.

די ערד-ציטערניש האט פאסירט דינסטיג נאכט אין צענטער פון איטאליע אום 3:30 פארטאגס, און האט באטראפן דריי ראיאנען, אומבעריא, לאזיא, און מארטשא. ווי אסאך הייזער זענען אומגעפאלן. די שטאט אמעריטשא איז א היסטארישע שטאט, מיט אסאך בנינים נאך פון די מיטל אלטער יארן, און די פאקט אז עס רעדט זיך פון אלטע שווערע הייזער און שמאלע געסלעך האט געמאכט די ארבעט פון צונויפקלויבן די ברוכווארג אסאך שווערער.

די רעטונג אגענטן האבן געגראבן מיט שוועריגקייטן, געשלעפטו שווערע שטיינער און ארויסגעשלעפט לעבעדיגע איבערלעבער, שווער געשעדיגטע מענטשן און טויטע קערפער. א גרויסע רעטונגס אפעראציע האט זיך קאנצעטרירט ארום א האטעל געביידע אין אמעריטצע, וואס פארמאגט א גאר בארימטע איטאליענע רעסטוראנט און ציעט אסאך מענטשן. די פלאץ איז געווען פיל מיט מענטשן און געברענגט אסאך קרבנות.

דער מעיאר פון אמעטריצע האט איבערגעגעבן אז זיבעציג געסט וואס זענען געווען ביים האטעל זענען געווארן באגראבן אונטער די ברוכווארג. און די מערהייט פון זיי זענען געראטעוועט געווארן און גענומען געווארן צו שפיטעלער. איטאליעס ציווילע שוץ האט געמאלדן אז די צאל טויטע איז צוויי הונדערט איין און פערציג, מיט אנדערע צוויי הונדערט און פיר און זעכציג אין שפיטאל מיט וואונדן. אבער האבן נישט געמאלדן די נומער פון מענטשן וואס פעלן.

די שטעט ארום וואס זענען נישט באטראפן געווארן האבן אריינגענומען פליטים פון די ערד-ציטערניש. און די כאאס אין די גאנצע געגענט איז גרויס. איטאליע ליידט אסאך פון ערד-ציטערנישן, און דער איטאליענישער פרעמיער מיניסטאר מאטטעא רענזי וועלכער איז געפארן צו די קאטאסטראפע זאנע צו באדאנקען די רעטונגס ארבעטער און טרייסטן די קרבנות האט אין א סטעיטמענט געזאגט אז עס איז ווייט נישט גענוג וואס איטאליע איז סוקסעספול מיט שנעל אויפגראבן די ברוכווארג, די מאדערנע לאנד דארף אויפקומען מיט וועגן צו קענען ווארענען פאר ערד-ציטערנישן, מאכן זיכער אז די געביידעס זענען גענוג שטארק צו איבערקומען א ציטערניש, און די רעגירונג וועט אינוועסטירן אין דעם.

עקספערטן זאגן אז זיבעציג פראצענט פון איטאליעס בנינים זענען נישט באשיצט פאר אן ערדציטערניש, און זענען פארצייטיש. די געזעצן און רעקעמאנדאציעס שטופן פאר העכערע בויען סטאנדארטן אבער גאר גרויסע טיילן פון איטאליע זענען זייער אלט, און אלעס איבערמאכן איז זייער שווער, און דעריבער ווערן נישט די רעקאמאנדאציעס גענומען ערנסט און זיי ווערן נעלם אין די ביוראקראטישע שפיל.

א מאמענט פון עמאציע האט זיך אפגעשפילט ווען מיטוואך, זיבעצן שעה נאך די ערד-ציטערניש האבן פייער-קעמפער ארויסגעשלעפט א צען יעריג קינד לעבעדיגערהייט פון אונטער די ברוכווארט. דאס קינד איז געליגן פאר'חלשט און אפגעמאטערט און יעדער האט אפלאדירט מיט טרערן ווען מען האט געראטעוועט דאס קינד. די רעטונגס ארבעטער וואס האבן נעבעך ארויסגעשלעפט אזויפיל קערפער האבן זיך אזוי געפרייט צו ראטעווען לעבנס און זעהן א קינד ארויסקריכן פון חורבן צום לעבן.

JP

טערקיי שיקט אריין ערד טרופן אין סיריע

סיריע - עס איז שטארק מעגליך אז דער גאנצער צוקונפט פונעם מיטל מזרח ראיאן האט זיך נעכטן געטוישט, נאכדעם וואס טערקיי האט אונטערגענומען א מאסיווע אפענסיווע און אריינגעשיקט איר מיליטער קיין סיריע. די טערקישע רעגירונג זאגט אז דער ציהל פון אירע ערד טרופן אין סיריע, וועלכע האבן דורכגעשטורעמט דעם גרעניץ מיט טאנקען און ארטילערי טראקס, איז פשוט אוועקצוכאפן פון אייסיס טעראריסטן קאנטראל פון עטליכע קריטישע שטעט נעבן דעם גרעניץ צווישן סיריע און טערקיי.

די טערקישע אפעראציעס ווערט דורכגעפירט מיט די דירעקטע שטיצע פון די אמעריקאנער מיליטער, וועלכע האט אנגעהויבן דורכפירן באמבארדירונגען אויף אייסיס ציהלן לענגאויס די שטעטלעך וואו די טערקישע מיליטער קעמפט. אבער אין די זעלבע צייט הערט מען זארג פון אינטערנאציאנאלע עקספערטן, וועלכע זאגן אז טערקיי׳ס ציהל מיט די ערד אפענסיווע איז אויך צו טשעפען די אנטי-טערקיי קורדן וועלכע האבן אויסגענוצט דעם אייסיס כאאס זיך אויסצושפרייטן אינעם גרעניץ ראיאן מיט טערקיי. אמעריקע שטיצט די קורדישע רעבעלן און נוצט די רעבעלן אין קאמפן קעגן אייסיס, וואס דעריבער איז מעגליך אז עס וועט זיין אן אינטערעסן-קאנפליקט צווישן אמעריקע און טערקיי, און אמעריקע וועט מוזן אויסוועלן צי זי וויל ווייטער שטיצן די קורדן אדער פארלאז די קורדן און שטיצן טערקיי.

יאהאן האט געשריבן:

יאהאן האט געשריבן:רוים - געביידעס אין רוים, איטאליע האבן זיך נעכטן שפעט ביינאכט געשאקלט פאר גאנצע צוואנציג סעקונדעס נאכדעם וואס אן ערדציטערניש ביי א שטארקקייט פון 6.1 אויפן ריכטערוואג האט פאסירט אין לאנד. באריכטן שרייבנדיג די שורות דינסטאג נאכט האבן געצייגט אז עס זענען פארהאן מאסיווע בלעקאוטס אין עטליכע איטאליענער שטעט, און פילע געביידעס זענען אומגעפאלן.

מער זוכענישן אין די ברוכווארג ביים ערד-ציטערניש אין איטאליע צייגט די גרויסקייט פון די טראגעדיע

אין איטאליע ארבעטן די רעטונגס ארבעטער זייער שווער צו ארויסראטעווען איבערלעבער פון אונטער די ברוכווארג, נאכדעם וואס א שווערע ערד-ציטערניש האט געמאכט א חורבן, אומגעברענגט מענטשן און צעווארפן בנינים. די רעטונגס ארבעט געט א קלארערע בילד איבער די גרויסקייט פון די טראגעדיע, נאכדעם ווי מען טרעפט מער און מער מענטשליכע קרבנות אין די ברוכווארג.

רעטונגס איינהייטן מיט שמעק הינט וואס קענען גוט דערשמעקן ווי אונטער די חורבנות איז פארהאן א מענטש, ארבעטן פלייסיג צו אויפגראבן מענטשן וואס זענען שטעקן אונטער די ברוכווארג פון אראפגעפאלענע געביידעס. נאכן ארויסשלעפן אסאך מענטשן שטעלט זיך ארויס אז די טראגעדיע איז פיל גרעסער ווי געשאצט, און אזויפיל ווי צוויי הונדערט איין און פערציג נפשות זענען שוין באשטעטיגט טויט.

די ערד-ציטערניש האט פאסירט דינסטיג נאכט אין צענטער פון איטאליע אום 3:30 פארטאגס, און האט באטראפן דריי ראיאנען, אומבעריא, לאזיא, און מארטשא. ווי אסאך הייזער זענען אומגעפאלן. די שטאט אמעריטשא איז א היסטארישע שטאט, מיט אסאך בנינים נאך פון די מיטל אלטער יארן, און די פאקט אז עס רעדט זיך פון אלטע שווערע הייזער און שמאלע געסלעך האט געמאכט די ארבעט פון צונויפקלויבן די ברוכווארג אסאך שווערער.

די רעטונג אגענטן האבן געגראבן מיט שוועריגקייטן, געשלעפטו שווערע שטיינער און ארויסגעשלעפט לעבעדיגע איבערלעבער, שווער געשעדיגטע מענטשן און טויטע קערפער. א גרויסע רעטונגס אפעראציע האט זיך קאנצעטרירט ארום א האטעל געביידע אין אמעריטצע, וואס פארמאגט א גאר בארימטע איטאליענע רעסטוראנט און ציעט אסאך מענטשן. די פלאץ איז געווען פיל מיט מענטשן און געברענגט אסאך קרבנות.

דער מעיאר פון אמעטריצע האט איבערגעגעבן אז זיבעציג געסט וואס זענען געווען ביים האטעל זענען געווארן באגראבן אונטער די ברוכווארג. און די מערהייט פון זיי זענען געראטעוועט געווארן און גענומען געווארן צו שפיטעלער. איטאליעס ציווילע שוץ האט געמאלדן אז די צאל טויטע איז צוויי הונדערט איין און פערציג, מיט אנדערע צוויי הונדערט און פיר און זעכציג אין שפיטאל מיט וואונדן. אבער האבן נישט געמאלדן די נומער פון מענטשן וואס פעלן.

די שטעט ארום וואס זענען נישט באטראפן געווארן האבן אריינגענומען פליטים פון די ערד-ציטערניש. און די כאאס אין די גאנצע געגענט איז גרויס. איטאליע ליידט אסאך פון ערד-ציטערנישן, און דער איטאליענישער פרעמיער מיניסטאר מאטטעא רענזי וועלכער איז געפארן צו די קאטאסטראפע זאנע צו באדאנקען די רעטונגס ארבעטער און טרייסטן די קרבנות האט אין א סטעיטמענט געזאגט אז עס איז ווייט נישט גענוג וואס איטאליע איז סוקסעספול מיט שנעל אויפגראבן די ברוכווארג, די מאדערנע לאנד דארף אויפקומען מיט וועגן צו קענען ווארענען פאר ערד-ציטערנישן, מאכן זיכער אז די געביידעס זענען גענוג שטארק צו איבערקומען א ציטערניש, און די רעגירונג וועט אינוועסטירן אין דעם.

עקספערטן זאגן אז זיבעציג פראצענט פון איטאליעס בנינים זענען נישט באשיצט פאר אן ערדציטערניש, און זענען פארצייטיש. די געזעצן און רעקעמאנדאציעס שטופן פאר העכערע בויען סטאנדארטן אבער גאר גרויסע טיילן פון איטאליע זענען זייער אלט, און אלעס איבערמאכן איז זייער שווער, און דעריבער ווערן נישט די רעקאמאנדאציעס גענומען ערנסט און זיי ווערן נעלם אין די ביוראקראטישע שפיל.

א מאמענט פון עמאציע האט זיך אפגעשפילט ווען מיטוואך, זיבעצן שעה נאך די ערד-ציטערניש האבן פייער-קעמפער ארויסגעשלעפט א צען יעריג קינד לעבעדיגערהייט פון אונטער די ברוכווארט. דאס קינד איז געליגן פאר'חלשט און אפגעמאטערט און יעדער האט אפלאדירט מיט טרערן ווען מען האט געראטעוועט דאס קינד. די רעטונגס ארבעטער וואס האבן נעבעך ארויסגעשלעפט אזויפיל קערפער האבן זיך אזוי געפרייט צו ראטעווען לעבנס און זעהן א קינד ארויסקריכן פון חורבן צום לעבן.

JP

צאל פאטאליטעטן אין איטאליע ערדציטערניש: נאנט צו 300

איטאליע - דער ציפער פון אומגעקומענע פונעם שטארקן ערדציטערניש וואס האט דינסטאג ביינאכט באטראפן טיילן פון איטאליע, איז נעכטן ביינאכט געשטיגן צו 247, און די לאקאלע רעגירונג באאמטע האבן געווארנט אז עס וועט שטייגן נאכמער, וויבאלד עס זענען נאך פארהאן צענדליגער פארכאפטע אונטער הויפענעס ברוכווארג. איטאליע זיצט אויף טעריטאריע וואו צוויי אונטערערדישע ״טעלערס״ קומען זיך צוזאם, און וועגן דעם שטייט זי אויס א גאר גרויסע שטענדיגע געפאר פון ערדציטערנישן. די סאמע טויטליכסטע ערדציטערניש אין איטאליע אין מאדערנע היסטאריע איז געווען אין 1908, מיט אכציג טויזנט פאטאליטעטן.

קה"א

שוין נאנט צו 300 טויטע און קולמע האט געמאלדן גלייך נאך די ערד ציטערניש אז ס'איז נישטא קיין באריכטן פון טויטע, געשעדיגטע, אדער שאדנס.

בלויז א טאג נאכדעם וואס טערקיי האט איינגעפעדימט אירע אפעראציעס אויף די סירישע באדן, האט שוין די אינוואזיע געקאסט פאר טערקיי א בלוטיגע פרייז. דאס קומט אבער נישט פון אייסיס נאר פון די קורדישע רעבעלן וואס זענען איבערצייגט אז נישט אייסיס איז די אמת'ע ציל פון די מיליטערישע אקציעס נאר די קורדישע מיליטאנטן גרופעס וואס טערקיי זוכט צו אויסראטן. די טראק-באמבע אטאקע איז פארגעקומען אינעם טערקישן פראווינץ פון סירנאק, דער פרעמעיער מיניסטאר פון טערקיי יאלדירין האט געזאגט אז די קורדישע אפאזיציע איז פאראנטווארטליך פאר די אטאקע, און האט אויך צוגעלייגט "טערקיי וועט באשיצן אירע גרעניצן, און די זעלבע צייט די גרעניצן פון סיריע, און מען וועט נישט לאזן די טעראריסטן דערקלערן זעלבסשטענדיגקייט" די קורדן זענען א פאלק וואס וואוינען איבער די גאנצע שטח וואס גרעניצט זיך מיט סיריע, טערקיי, איראן, און איראק, און זיי קעמפן פאר זייער רעכט צו האבן א אייגענע לאנד. א רעכט וואס ווערט אונטערדריקט דורך די פיר לענדער וואס טראץ זייערע מיינונגס פארשידנהייט, ארבעטן זיי אינאיינעם קעגן דעם קורדישן פאלק.

--

די סאודישע לופט אטאקעס אין תימן האבן געקאסט נאכאמאל דאס לעבן פון ציווילע קרבנות, דאסמאל דאס לעבן פון 11 איינוואוינער אין די שטאט סעדה, די קרבנות רעכענען אריין פרויען און קינדער. און עס איז ערווארטעט צו שטייגן נאכדעם וואס מען וועט אונטערזוכן די ברוכווארג פון די צוויי געביידעס וואס זענען געווארן איינגעווארפן אין די אטאקעס. די לופט אטאקעס גייען אן טעגליך, און איז צוזאמענארבעט פון עטליכע לענדער אינעם פערסישן גאלף וואס זוכן צו אפשלאגן די פארזוך פון איראן צו געוועלטיגן אויף תימן דורך זייער אליאירטע הוטי רעבעלן.

--

פרעזידענט אבאמא האט היינט געשאפן דעם גרעסטן "נאטור רעזערוואר" אין די וועלט, ביי די ברעגעס פון זיין היימשטאט האוואי, ער האט אויסגעברייטערט א עקזיסטירנדע רעזערוואר פון די מארין פיר-פאכיג צו אזוי גרויס ווי 582,578 פון לאנד און יבשה, אין די פלעצער איז נישט ערלויבט צו כאפן פיש, אדער גראבן פאר אויל און דאס גלייכן, דאס קומט צו באשיצן די ענווייערמענט און איז ארגינעל דעזיגנירט געווארן דורך פרעזידענט בוש, אלעס אינאיינעם האט שוין פרעזידענט אבאמא גענוצט זיין עקזעקיוטיווע מאכט צו באשיצען אזויפיל ווי 548 מיליאן אקער-לאנד, איבער דאפלט פון סיי וועלכע פרעזידענט אין די היסטאריע.

--

טויזענטער דאקומענטן וואס זענען געווען קלאסיפיצירט זענען היינט ארויסגעגעבן געווארן דורך די סי.איי.ע. פאר די פאבליק, די דאקומענטן זענען פון די 70ער יארן דורכאויס די טערמינען פון דשעראלד פארד און ריטשארד ניקסאן. צווישן די דאקומענטן געפונט זיך גאר אינטרעסאנטע דעטאלן איבער די ניקסאן רעזיגנאציע, און אזוי אויך זענען דארט פארהאן אסאך דאקומענטן איבער די יום כיפור מלחמה, און מען זעהט דארט אז די אמעריקאנער רעגירונג איז געווען ביי די מיינונג אז עס וועט נישט אויסברעכן קיין מלחמה.

--

צום ערשטן מאל אין צענדליגע יאר וועט זיך עפענען א לופט פארבינדונג צווישן קובא און די פאראייניגטע שטאטן, די לופט ליניע וועט פליען צווישן פארט לורדעיל פלארידע צו די צענטראלע קובאנער שטאט סענטע קלארא, די ערשטע פליגער וועט ארויספליען דעם קומענדיגן מיטוואך אוגוסט 31, דאס איז בלויז די אנהייב פון א געפלאנטע 110 טעגליכע פליגער פארבינדונג צווישן די לענדער, און צייגט אויף א באנייטע אויפבליה פון אמעריקאנער טוריזם אין קובא נאכדעם וואס פרעזידענט אבאמא האט באשלאסן צו אראפנעמען די סאנקציעס.

--

א געריכט אין פראנקרייך האט געאורטיילט אז די קאמפ פון לאקאלע באאמטע אין פראנקרייך קעגן די מוסלעמענישע שווים קליידער איז אומלעגאל, דאס קומט נאכדעם וואס 15 ראיאנען אין פראנקרייך האבן דאס פארבאטן ביי זייערע ים בארטנס, און האבן גענוצט פאליציי דאס צו אינפארסירן, אז זאך וואס איז גאר קאנטראווערסיאל, די געריכט האט געאורטיילט אז די לאקאלע באהערדע האבן נישט די רעכט דאס צו אינפאריסרן און עס פארלעצט פרייהייט פון רעליגיע.

עס איז שווער צו טרעפן א בעסערע ביישפיל צו די קאמפליצירטע אויסערן פאליטיק פון וואשינגטאן ווי די אינוואזיע וואס אמעריקע און טערקיי האבן אונטערגענומען די וואך. דאס אילוסטרירט די גאר דעליקאטע און שווערע אויסערן פאליטיק וואס אמעריקע שפילט איבער די וועלט, און הויפזעכליך אין מיטל מזרח.

די אפיציעלע ציהל פון די אפעראציע איז צו באקעמפן אייסיס אין איינע פון די אינציגע פארבליבענע געביטן ווי זי שטייט נאך שטארק, ביי די סירישע און טערקישע גרעניץ, די מיסיע איז צו אפשניידן די סופליי ליניעס וואס ברענגט זיי ווארפן און פראדוקטן, און זיי עווענטועל דערשטיקן, פארטרייבן, און פארניכטן.

אבער דאס איז ווייט פון איינפאך, נעמנדיג אין באטראכט אז ווער עס וואוינט אין די געגענט זענען די קורדן, א אור-אלטע פאלק וואס לעבט אין מיטל מזרח נאך פאר די אראבער זענען דארטן, און בלויז צוליב די אומגעלונגענע סייקס-פיקא אפמאך האבן זיי קיינמאל נישט באקומען א אייגן לאנד. זיי זענען צושפרייט אין 4 חלקים, אין סיריע, איראן, איראק און טערקיי, זיי לעכצן נאך א אייגענע היימלאנד אבער די אלע לענדער טוען זיי אקטיוו אונטערדריקן און אויסלעשן זייערע נאציאנאלע אספיראציעס.

די כאאס וואס קומט פאר אין סיריע און אין איראק האט ווידער אויפגעוועקט דאס ווילן ביים קורדישן פאלק פאר פרייהייט, אבער נישט בלויז צוליב נאציאנאלע שטאלץ נאר אויך ווייל זיי זעען אז זיי קענען זיך נישט פארלאזן מער צו זיין געסט ביי אנדערע און זיי דארפן זיך אליין באשיצן אין די דשאנגעל וואס רופט זיך די מיטל מזרח.

די קריג האט געגעבן א באנייטע האפענונג פאר די קורדן צו עררייכן א אייגענע היימלאנד, די וועלט האט געזען אז די קורדן זענען געווען די בראווסטע קעמפער קעגן אייסיס, און די איינציגע רעבעלן גרופעס וואס די מערב וועלט קען געטרויען זענען די קורדן וואס קעמפן מיט קוראדש און זענען נישט ראדיקאל.

און טאקע דאס איז וואס טערקיי ציטערט, איר ארויסגיין אין קריג מיט אייסיס איז בלויז א שפיל, ווען די אמת'ע סיבה פון די פלוצלינגע אפעראציע איז צו אפשטעלן די טערקישע קורדן פון זיך פאראייניגן מיט זייערע ברודער אין סיריע אין איראק און פארעמען אינאיינעם א "קורדיסטאן"
עס איז קלאר אז טערקיי האט איין ציל מיט די מיליטערישע אפעראציע און אמעריקע אן אנדערע. די קורדן זענען א נאטורליכע פריינט פאר אמעריקע, און האבן זיך ארויסגעוויזן אלס לאיאלע און בראווע קעמפער, און אמעריקע דארף זוכן זיי צו שטארקן, און א עווענטועלע קורדיסטאן וועט זיין בלויז גוט פאר אמעריקע.

אבער די ציל פון טערקיי איז צו ווייטער שטופן די סירישע קורדן פון די טערקישע גרעניץ אז זיי זאלן זיך נישט קענען פאראייניגן מיט זייערע ברודער אין טערקיי, צו אפשוואכן יעדע סארט מיליטערישע כוח פון די קורדן, [לויט געוויסע אנאליסטן האט טערקיי אין אנהייב געשטיצט אייסיס מיט די האפענונג אז זיי וועלן פארטרייבן די קורדן פון די גרעניץ]

און אינמיטן געפונט זיך אמעריקע, טערקיי דארף איר הילף, טערקיי איז א לאנגע יעריגע אליאירטע מיליטערשיע כוח, און א רעלאטיוו סטאבילע לאנד, צו זאל אמעריקע שטיצן טערקיי טראץ איר אכזריות'דיגע קאמפ קעגן די קורדישע מינאריטעט? טראץ די לעצטע פאראדע פון ארעסטן און פייניגונגען פון יעדער וואס זאגט א ווארט קעגן ארדואן? טראץ די ווילדע רעטאריק פון ארדואן קעגן אמעריקע און די מערב וועלט?

די ענטפער איז געקומען אין פארעם פון א באזוך וואס וויצע פרעזידענט ביידען האט אפגעשטאט אין אנקארא דעם מיטוואך, און איז געווען א הילכיגע יא, אמעריקע טוט בעפארצוגן מאכט איבער יושר, א כפרה די קורדן מיט זייער לעגיטימע אספיראציע פאר זעלבסשטענדיגקייט, אמעריקאנער אויסערן פאליסי לאזט נישט נעמען א ריזיקע פון זיך צוקריגן מיט א נוקלאערע מאכט כדי צו שטיצן א שוואכע פריינט, נישט קיין חילוק ווי געטריי יענער איז.

די דילעמע איז נישט גרינג, עס איז לייכט זיך צו צוקריגן מיט טערקיי, און אמעריקע האט אלע סיבות דערצו, דאס לאנד ריקט זיך אין א ריכטונג פון ווערן א פולשטענדיגע דיקטאטוריש לאנד, ארדואן אונטערדיקט מיט אכזריות זיינע אייגענע בירגער, און פירט זיך אויף ברוטאל צו זיינע קורדישע איינוואוינער.

אבער פון די אנדערע זייט וואגשאל ליגן אויך פארקערטע סיבות, טערקיי איז א נוקלאערע מאכט, און אז אמעריקע וועט איר ווייזן דעם רוקן ווען זי בעט הילף, שטייט רוסלאנד גרייט מיט אפענע ארעמ'ס און טערקיי ווערט א חלק פון די בונד וואס נעמט אריין רוסלאנד-איראן און די אסאד רעזשים.

אמעריקע האט שוין א שוואכע רעפוטאציע מיט'ן באשיצן אירע פריינט און זיך אוועקדרייען פון טערקיי וועט נישט צוגעבן פאר איר קיין רעספעקט, און אמעריקע האט באשלאסן צו נעמען דעם מער זיכערע וועג, נעמליך צו אראפשלינגען די אומבאקוועמליכקייט און צושטאפן דעם נאז, און אויסשטרעקן א האנט פאר ארדואן און זיין רעזשים. אמעריקע נעמט א אקטיווע טייל אין די פרישע מיליטערישע אפעראציעס וואס די קורדן זענען א טייל פון אירע צילן.

עס איז ווארשיינליך די בעסערע אויסוואל סטראטעגיש און דיפלאמאטיש, אבער איז עס אויך יושר'דיג און הומאניש? צו טוט אמעריקע מיט דעם טרעטן אויף אירע אייגענע ווערדן פון פרייהייט און רחמנות? דאס וועט היסטאריע משפט'ן.

JP

די וואך האט פאסירט עפעס וואס האט נישט באקומען גענוג דעקונג אין די נייעס, נעמליך א היסטארישע דורכברוך אין א קאנפליק וואס ציהט זיך שוין איבער 50 יאר, וואס האט שוין געקאסט הונדערטער טויזענטער לעבנס, און איז איינע פון די לענגסט פארצויגענע ברודער קריגן אין היסטאריע, די קאמפ צווישן די רעגירונג און קאלאביע און די רעבעלן פון די אפאזיציע וואס רופן זיך "באוואפנטע קרעפטן פון קאלאמביע" צוויי פראקציעס וואס האבן שוין פארגאסן שווערע טייכן פון בלוט, און האבן געמיינזאם באשלאסן צו לייגן א ענדע צום בלוט פארגיסונג און זיך זעצן ביים פארהאנדלונגס טיש.

אונטער דעם אפמאך וועלן די רעבעלן ווערן א לעגיטימע פאליטישע מאכט אין קאלאמביע, זיי וועלן זיך קענען פארמעסטן אין די וואלן און זיין א חלק פון די פאליטישע פראצעס. דאס אז די רעגירונג האט געהאט די דרייסט צו זיך זעצן ביים טיש מיט וועם זיי האבן נעכטן געפירט בלוטיגע מלחמה און זיי אנגערופן טעראריסטן איז אליין היסטאריש, אבער נאך מער פון דעם איז די פאקט אז דאס שליסט נישט נאר א לאנגיעריגע קריג אין קאלאמביע נאר שליסט א יובל פון מלחמות און בלוט פארגיסונג איבער גאנץ דרום אמעריקע.

אין די 1980ער יארן זענען בלוטיגע ברודער קריגן פארגעקומען אין די לענג און די ברייט פון דרום אמעריקע, אמעריקע האט אינוואדירט פאנאמע און גרענאדא, ענגלאנד האט געפירט א קריג מיט ארגענטינע איבער די פאלקלאנד אינזלען, און ברודער קריג זענען פארגעקומען אין גוואטאמאלע, אל סאלוואדאר, פערו און ניקאראגווא, אין די אלע לענדער האט מען שוין לאנג ארפאגעלייגט די געווער און אצינד איז געקומען די רייע אויף קאלאמביע.

די ברודער-קריגן איבער דרום אמעריקע האבן געקאסט צענדליגע מיליאנען לעבנס, אבער נאך אזויפיל יארן פון בלוט פארגיסונג ווערט מען מיד, דאס האט פאסירט אין אייראפע ווען נאך הונדערטער יארן פון מלחמות האבן אלע צדדים איינגעזען ווי זינלאז קריג איז און וויאזוי אין באוואפנטע קאמפן איז נאר דא פארלירער און נישט קיין געווינער, היסטאריע האט געוויזן אז נאך לאנגע און בלוטיגע קריג קען קומען א לאנגע און דויערהאפטיגע תקופה פון פרידן און רואיגקייט.

און דאס איז וואס האט פאסירט צו דרום אמעריקע, א קאנטינענט וואס איז געווען א מלחמה-זאנע ביז עטליכע יאר צוריק, און היינט לעבט מען אין רוב לענדער אין פרידן [פארשטייט זיך רעלאטיוו, עס איז נאך דא דיקטאטורן, קארופציע און ארימקייט] און אזוי ווי עס האט פאסירט אין אייראפע נאכ'ן צווייטן וועלט קריג, דאס זעלביגע האט פאסירט צו דעם ראיאן, און די אפמאך אין קאלאמביע איז די ענדגילטיגע צייכן אויף די ערשיינונג.

אינטרעסאנט אז אלע מלחמות איבער די וועלט שפילט זיך יעצט אפ אין די ראיאן אין אזיע און אפריקע צווישן ניגעריע און פאקיסטאן, דאס רעכנט אריין די בלוט באד אין סיריע, די שלאכטן אין סודאן און נאך לענדער אין אפריקע, אבער די פרעצעדענט אין קאלאמביע איז קלאר, עווענטועל קומען מענטשן צו די החלטה אז פארגיסן בלוט ברענגט נישט קיין לעזונגען, דעריבער איז קאלאמביע א שיין פון האפענונג וואס שיינט אריבער ביז די אנדערע זייט פונעם פלאנעט ביז די חורבות פון אלעפא, און געט האפענונג פאר א בעסערע צוקונפט.

JP

בענגלאדעש אטאקע מייסטערקאפ טויט

בענגלאדעש - די פאליציי אין בענגלאדעש האבן געמאלדן אז זיי האבן דורכגעפירט א סוקסעספולע אפעראציע אין וועלכע זיי האבן אומגעברענגט דריי טעראריסטן, אריינגערעכנט דער מייסטערקאפ וועלכער האט פלאנירט און אנגעפירט די טעראר אטאקע וואס האט פאסירט מיט א חודש צוריק אויף א טייערן רעסטוראנט אינעם ארטיגן הויפטשטאט דאקא, אין וועלכע 22 זענען אומגעקומען, כמעט אלע אויסלענדישע. די קאנטער-טעראר אפעראציע קומט איין טאג בעפאר אמעריקאנער סעקרעטערי אוו סטעיט דזשאן קערי גייט באזוכן אין בענגלאדעש, צו דיסקוסירן מיט די רעגירונג וויאזוי אמעריקע קען זיי העלפן באקעמפן דעם אויפשטייג פון איסלאמישע ראדיקאליזם אין לאנד.

איראן: טויט-שטראף אומאפעקטיוו קעגן דראגס

טעהראן - א הויכראנגיקער יוסטיץ איינגעשטעלטער אין די איראנער רעגירונג איז ארויסגעקומען און געזאגט אז דאס נוצן טויט שטראף קעגן אזעלכע וואס ווערן געכאפט מיטן האנדלען, קויפן און פארקויפן דראגס, העלפט נישט באקעמפן דעם דראגס פראבלעם, און עס מאכט נישט אז מענטשן זאלן זיך אפהאלטן פון די האנדלעריי צוליב׳ן שרעק אז זיי וועלן הינגעריכטעט ווערן אויב מ׳וועט זיי כאפן. דאס איז א זעלטענע סטעיטמענט, פאר א הויכראנגיקן איינגעשטעלטן אין א רעגירונג וואס איז באקאנט אלס איינס פון די לענדער וואו מען נוצט גאר אפט טויט שטראף. פאראיאר זענען 1000 מענטשן הינגעריכטעט געווארן אין איראן, 90 פראצענט דערפון אויף דראגס קלאגעס.

מינע-גרעבער קריזיס אין באליוויע

באליוויע - אן ערנסטע קריזיס פלאגט דאס לאנד באליוויע, נאכדעם וואס טויזנטער מינע גרעבער זענען געגאנגען אויף א ווילדן סטרייק, און עטליכע פון זיי האבן געקידנעפט און דערמארדעט דעם נאציאנאלן דעפיוטי אינערן מיניסטער ראדאלפאו אילאנעס. די מינע ארבעטער זענען ברוגז אז די רעגירונג קאנטראלירט די מינעס און לאזט נישט די מינע אייגענטימער צו טאן ביזנעס מיט פריוואטע פירמעס איבער דער וועלט, וואו זיי קענען מאכן פיל גרעסערע פראפיטן. א גרופע מינע ארבעטער האבן געקידנעפט מיניסטער אילאנעס און ער איז געפונען געווארן טויט, וואס דער מעדיקל עקזעמינאר זאגט אז ער איז געשטארבן דורכן דערשטיקט ווערן. 40 מינע גרעבער זענען ארעסטירט געווארן איבער אילאנעס׳ס טויט, און די סטרייקנדע ארבעטער בלאקירן עטליכע גרויסע נאציאנאלע הייוועיס אלס פראטעסט קעגן די ארעסטן.

איטאליע עפנט אויספארשונג איבער ערדציטערניש

איטאליע - אן ערדציטערניש איז נישט געווענליך עפעס וואס מען קען אויספארשן, אבער די איטאליענער רעגירונג האט נעכטן געזאגט אז זי וועט אויספארשן טיילן פון די אפעקטס וואס האבן נאכגעפאלגט נאכן ערדציטערניש. נעכטן, בשעת דער ציפער אומגעקומענע האט געגרייכט אזויפיל ווי 290, האט די איטאליענער רעגירונג געזאגט אז זי וועט פארשן וויאזוי עס איז אויסגענוצט געווארן 700 טויזנט דאלער וואס די רעגירונג האט אויסגעגעבן אין 2009 איבערצובויען א סעריע געביידעס נאך א דעמאלטדיגע טויטליכע ערדציטערניש. די געביידעס האבן געזאלט איבערגעבויט ווערן אויף א וועג צו קענען דורכלעבן אן ערדציטערניש און דא האט זיך ארויסגעשטעלט אז זיי זענען צוזאמגעפאלן. די רעגירונג וויל וויסן צי דאס געלט איז גוט אויסגעגעבן געווארן.

שרעקעדיגע ״סאוט-וועסט״ עמורדזשענסי לאנדונג

פלארידע - א סאוטוועסט פליגער מיט 99 פאסאזשירן דערויף, פארנדיג נעכטן פון ניו ארליענס, לואיזיאנא קיין ארלענדא, פלארידע, איז געווען געצווינגען צו מאכן אן עמורדזשענסי לאנדונג אין פּענסעקאולע, פלארידע ווען איינס פון די מאטארן פונעם פליגער האבן עקספּלאדירט. דער פליגער האט זיך שטארק געווארפן, אבער קיינער פון די פאסאזשירן און פלי מאנשאפט זענען נישט פארוואונדעט געווארן. פאסאזשירן וועלכע זענען געזיצן נעבן די פליגלען האבן שפעטער דערציילט ווי שרעקעדיג עס האט אויסגעזען, ווען דער מאטאר האט אויפגעריסן און שטיקער דערפון זענען אראפגעפלויגן.

בלוט דאנעישאנס געטעסט פאר זיקא וויירוס

וואשינגטאן - די פעדעראלע ״עף-די-עי״ געזונטהייט אגענטור האט געזאגט אז דער געפאר אז זיקא מאסקיטאס געפונען זיך שוין פארשפרייט אין אמעריקע איז גאר ערנסט, אויף אזוי ווייט אז פון היינט און ווייטער וועט יעדער וואס וויל געבן בלוט דאונעישאנס, דארפן קודם געטעסט ווערן צי ער האט זיקא, ווייל אויב יא, איז דא א זארג אז ס׳וועט טראנספערירט ווערן דורך די בלוט צו אנדערע מענטשן וואס וועלן באקומען די בלוט. דאס קומט נאכדעם וואס די זיקא וויירוס איז אפיציעל פארשפרייט דורך לאקאלע מאסקיטאס אין די גאנצע סטעיט פלארידע, מיט א זארג אז עס וועט זיך אריבערכאפן אויך צו די ארומיגע גאלף סטעיטס, און אין ניו יארק האט מען געהערט פרישע פעלער אין וועסטשעסטער און ראקלענד קאונטיס - טראץ נישט פון לאקאלע מאסקיטאס, נאר פון טרעוולערס.

שווינדלערייען מיט ״ארלענדא אטאקע״ געלטער

ארלענדא - די ״אסאשיעטעד פּרעס״ האט פארעפנטליכט א באריכט איבער אן אויספארשונג וואס זי האט דורכגעפירט אויף די אומצאליגע ״גאו פאנד מי״ פאנדרעיזינג קאמפיינס וואס מענטשן האבן געעפנט אין די טעג און וואכן נאך די ארלענד טעראר אטאקע, וואו 49 זענען אומגעקומען און 55 אנדערע זענען פארוואונדעט געווארן. אלעס אינאיינעם זענען געווען אזויפיל ווי 430 פאנדרעיזינג קאמפיינס אויף ״גאו פאנד מי״ פאר די פאמיליעס און פארוואונדעטע אין די אטאקעס און עס איז אויפגעטריבן געווארן דארטן א קאלעקטיווע 8 מיליאן דאלער, אבער די פאמיליעס און פארוואונדעטע האבן כמעט נאכנישט געזען גארנישט פון דאס געלט. עס ברענגט אויף ערנסטע זארגן אז שווינדלערס נוצן ״גאו פאנד מי״ צו רייטן אויף מענטשנ׳ס געפילן, ספעציפיש נאך טראגעדיעס און אטאקעס.

פון טורמע אורטייל צו זעלבסט-טויט שטראף...

אהייא - א פארשוין אין אהייא האט זיך זעלבסט פאראורטיילט צו טויט געציילטע מינוטן נאכדעם וואס ער איז פאראורטיילט געווארן צו דרייצן יאר טורמע. דאס האט פאסירט אין אהייא, וואו א ריכטער האט פאראורטיילט זשעיסאן בינקאוויז צו 13 יאר טורמע איבער דעם וואס ער האט געשאסן א פערזאן פאראיאר. אויפן וועג ארויס פון געריכט, האט בינקאוויז באוויזן זיך ארויסצורייסן פון זיינע פאליצייאישע באגלייטער, ארויסגעשפרונגען אויף א טאראסע פונעם געריכט געביידע, און אראפגעשפרונגען צו זיין טויט.

קה"א

עלטסטער מענטש אויף דער וועלט: 145 יאר אלט

אינדיאנעזיע - ביז היינט האט מען געמיינט אז דער עלטסטער מענטש אויף דער וועלט איז ארום 115 יאר אלט און דער טיטול איז שטענדיג אריבערגעגאנגען פון איינער צום צווייטן. יעצט שטעלט זיך אבער ארויס אז עס איז פארהאן א מענטש וועלכער לעבט שוין אזויפיל ווי 145 יאר! די אייראפעאישע מידיא איז נעכטן געווען וואך מיט׳ן פערזאן מאבא גוטא פון אינדיאנעזיע, וועלכער איז 145 יאר אלט. גוטא פארמאגט אפיציעלע רעגירונג געבורט דאקומענטן וואס צייגן אז זיין געבורטס טאג איז דעצעמבער יאר 1870! גוט זאגט אז ער גרייט זיך שוין 25 יאר צו שטארבן און די איינציגסטע זאך וואס ער וויל איז: שטארבן...

WOW
איך גלויב עס נישט

145 יאר און ער איז נאך ביים פולן דעת?
נאך מער אינטערסאנט איז אז ער פארמגט ניטאמאל א רצון צו לעבן
געווענדליך אז מ'האט נישט קיין חיות און ענערדשי אנצוגיין קען מען נישט אנציען צו לאנג