Re: טעגליכע נייעס בולעטין
אין די יעצטיגע טעג גייט פאר א דראמאטישע געשיכטע ווען 2 מערדער האבן באוויזן צו אנטלויפן פון א גאר פארזיכערטע טורמע אין ניו יארק.
די צוויי Richard Matt און David Sweat זענען מערדער מאז ומקדם, Matt האט איז שוין געווען ארעסטירט איינמאל און איז אנטלאפן, נאך זיין ארויסקומען האט ער אנגעקלאפט איינעם צום טויט, זייענדיג אינדרויסן איז ער פאר זיין טרייעל געפלויגן קיין מעקסיקא ווי ער האט ווידער דערמארדעט איינעם, זינט דאן איז ער אין די תפיסה. Sweat זיצט א לעבנסלענגליכע טערמין פארן שיסן א דעפיוטי שעריף - 15 מאל! - צום טויט, און דערנאך איהם באראבעוועט.
זיי זענען שבת 5:30 פארטאגס נישט געווען צום געפונען אין זייער צעל, אנשטאט זיי זענען אין זייערע בעטן געשלאפן דאמיס צונויפגעשטעלט פון קליידונג, דאס האט געדארפט דינען צו פארנארן די וועכטערס - וואס מאכן רונדעס עטליכע מאל אין די נאכט - כאילו זיי שלאפן געמיטליך...
זוכענדיג האט זיך אנטפלעקט אז זיי האבן אויפגעשניטן די אייזענע וואנט פון זייערע צעלן (וואס האט געפירט צו פייפס וכדומה) און פון דארטן האבן זיי געמאכט זייער וועג ארויס פונעם בנין, אינדרויסן האבן זיי אויפגעשניטן א ריזיגע אפלויף פייפ און געקראכן דערין ביז ארויס פון די שווער באוואכטע מויערן וואס נעמען ארום די טורמע, און דאן ארויסגעקומען דורך א Manhole.
דער גאווערנער איז ספעציעל אראפגעקומען צום טורמע צו זעהן פון די נאנט וואס די חברה האבן אנגעווערטשאפט און האט געהאלטן א פרעסע קאנפערענס ווי ער האט געבעטן אלעמען צו איבערגעבן די מינדעסטע אינפארמאציע וואס קען זיין בייהילפיג צו טרעפן די מערדער, ער האט ארויסגעברענגט ווי געפערלעך די פארשוינען זענען, און צוגעזאגט א 100 טויזענט דאלער'דיגע באלוינונג פאר דער וואס וועט פירן צו זייער ווידער-ארעסט.
די מערסטע איז די וואונדער פון וואו די צוויי האבן געהאט די כלים און דירעקציעס וואס האט זיי ערמעגליכט צו אויספירן זייער פליטה.
איין ארבעטארין אינערהאלב די טורמע וואס האט געהאט נאנטע באציאונגען מיט די צוויי איז אונטער אויספארשונג צוליב די חשדות וואס פאלן אויף אירע פלייצעס, און אומבאשטעטיגטע שמועות פליען ארום אויף איר חשבון...
דערווייל גייט אן א העפטיגע זוכעניש נאך זיי אין וואס הונדערטער פאליציאנטן און סאלדאטן נעמען א טייל, מען זוכט אין הייזער, וועלדער און זאגאר קארס, איבעראל ווי מען זאל נאר קענען טראכטן פון טרעפן שפירן פון זיי.
א איינוואוינער אין די געגנט ווי די טורמע געפינט זיך האט געזאגט אז ער האט געזעהן ליל שב"ק אביסל נאך האלב נאכט ווי צוויי פרעמדע געפינען זיך אין זיין בעק יארד, איימער האט געטראגן א טאשקע וואס האט אויסגעקוקט ווי א גיטאר טאש אין זיינע אויגן - מן הסתם דער זעג, ווען ער האט זיי פארשריגן וואס זיי טוען אין זיין פראפערטי האט איינער פון די צוויי געזאגט אז זיי האבן בטעות אריינגעוואנדערט און זיי זענען אנטלאפן.
די שמעק הונט וואס מען האט אהינגעברענגט האבן קיין געוואונטשענע רעזולטאן נישט געברענגט.
שמועות אז די צוויי זענען אין ווילסבארא, ניו יארק און די געגנט איז ארומגערינגלט דורך די זוכערס איז לויט אנדערע שמועות געלייקנט דורך די סטעיט פאליציי...
דער רבש"ע זאל שומר ומציל זיין, אם ה' לא ישמור עיר שוא שקד שומר.