מאנטאג אוגוסט 31, 2015 2:45 pm#298728
chusid האט געשריבן:געפילטע פיש האט געשריבן:די פוינט איז נישט אז מ'קען נישט אננעמען גארנישט וואס לאגיק זאגט ווייל דו גייסט האלטן בעתיד אנדערש, נאר אז די תורה איז געגעבן געווארן פאר אונז מיט אונזער לאגיק. למשל, אויב נעמען מיר אן די כוזרי טענה, איז דאס מכוח וואס ס'איז אונז מכריח עפעס מיט די כלים פון לאגיק. דאס זענען די איינציגסטע כלים וואס מיר פארמאגן. ממילא מוז זיין אז מיין תורה וואס איז געגעבן געווארן פאר מיר, מוז שטומען מיט מיין לאגיק. איי א יאר ארום וועל איך האלטן אנדערש? נו, א מענטש איז דאך א הולך, מ'שטייט נישט אויף איין פלאץ, דאס איז דאך די תכלית פון א מענטש איז מ'איז נישט געבוירן געווארן בשלימות, מ'ווערט געבוירן מיט ערלה, און די ערלה מוז מען אוועקשניידן. אזוי אויך ווערט מען געבוירן מיט ערלת הלב, און דאס נעמט יארן, אויב נישט א גאנץ לעבן, עס אוועק צו שניידן.
אבער יעצט וואו איך שטיי יעצט, יעצט שטייט אין מיין תורה לויט וויאזוי איך פארשטיי וואס די תורה זאגט מיט די כלים וואס דער באשעפער האט מיר געגעבן, מיט מיין מח, מיט מיין לאגיק.
איך רעד נישט ברוחניות, למשל אין פאליטיק וכדומה גייסטו דיך יעצט טענה'ן מיט א שטארקייט אויף דיין יעצטיגן מיינונג בשעת דו ווייסט אז אין די לעצטע 10 יאר האסטו יעדע יאר אביסל געטוישט..פון וואו נעמסטו די קאנפידענס בשעת וואס דו אליינס גייסט (לויט די סטאטיסטיקס) האלטן אז ביסט נישט ממש גערעכט?
די אויבן-דערמאנטע פראבלעם, איז נישט קיין סיבה אויף נישט צו האבן קיין מיינונג, אבער ס׳איז די סיבה פארוואס דו זאלסט זיין מיט אן אפענע מיינונג (אפען-מיינדעד).
ס׳הייסט אזוי, לא די אז אפילו דו ביזט 100% זיכער מיט זיך איבער אן דאך דארפסטו רעספעקטירן אן אנדערען׳ס מיינונג ווייל ווער ווייסט צו יענער איז גרר גערעכט און דו נישט, נאר בכלל ווען דו ביזט שטארק מיט א מיינונג (און לאמיר זאגען אז ס׳איז אפילו נישט פארהאן א צווייטער מיינונג ביים טיש, זיי איינגעהאלטן מיט דיין מיינונג - ביז א געוויסע פונקט - כדי נישט צו זיין קיין חוזק אין א יאהר ארום, פאר יענעם אדער אפילו פאר זיך אליין. למשל אז דו דערזעהסט זיך שפירענדיג שטארק קעגען א פארטיי אדער שטארק פארן פארטיי, לאז זיך נישט ווען אריינגעפיהרט (קעריד אוועי) אין אן עקסטרעמע לעוועל, כדי נישט צו דארפן זיך באגראבן בשנה הבא.
דאס אלעס איז געזאגט געווארן אויבן אויף, אויב ס׳מאכט זיך דא און דארט אז דו טוישט דיין מיינונג. אויב אבער דו דערזעהט זיך כסדר מאכענדיג 180-דעגרי יו-טורנס אויף כל מיני נושאים, איז אפשר גרר פארקערט; דו דארפסט זיך בויען א שארקערע כאראקטער, און נישט מיטשפרינגען מיט יעדע ווינטעלע. ווען ס׳קומט א נושא צום טיש, באשליסט נישט אויף א געוויסע מהלך פשוט ווייל רוב זענען געגאנגען אין יענע ריכטונג (ווייל מארגן וועסטו זיין מיט אן אנדערען רוב וואס וועט נוטע זיין פארקערט), נאר זיי אליין שוקל אלעס וואס דו האסט געהערט (ולהוסף משלך, מצטמק ויפה לך), און מאך אליין א באשלוס\הוכחה פאר דיר אליין, און האלט דיך [נישט צו] שטארק ביי דיר.
