צושטעלן א ברייטע אויסוואל

מענטשן קויפן מער צוקערלעך ווען זיי האבן א גרעסערע אויסוואל פון קאלירן. דאס איז אמת אפילו ווען די אנדערע קאלירן קאסטן פונקט די זעלבע.
נאכן טוהן 50 אנדערע סארטן פראבעס מיט מער ווי 5,000 קויפערס, האבן ריסורטשערס אין שווייץ און אין אמעריקע איינגעזעהן אז ווי גרעסער דער אויסוואל איז, אלס מער קויפט מען איין.
עס זענען דא צוויי ספעציפישע הינזיכטן וואו איר וועט זעהן א גרויסער חילוק אין די צאל פארקויפונגען ווען איר ברייטערט אויס דעם אויסוואל:

1. פראדוקטן וואס איר זעהט אז מערערע מענטשן קויפן זיי.
דאס איז א סימן אז עס איז א גוט-גייענדע פראדוקט און אז איר קענט נאך פארקויפן אפילו מער.

2. פראדוקטן וואס גייען נישט גוט, געגליכן צו וויפיל איר וואלט ערווארטעט.
אויב ווייסט איר זיכער אז אנדערע פארקויפערס פון דעם פראדוקט פארקויפן מער דערפון, דאן הייבט אן אויסברייטערן אייער אויסוואל צו זעהן א שינוי לטובה.

ריסורטשערס האבן געטראפן אז אויב דערהייבט איר דעם קליענט’ס מעגליכקייטן צו קאנטראלירן ביים איינקויפן, וועט ער קויפן מער. צום ביישפיל, אין אן עסן געשעפט קענט איר אים לאזן וועלן דורך צוטיילן די פראדוקטן לויט זייערע טעמים (קאווע וואס איז שוואכער, טינקל, אדער מיט ניס), און אין א קליידער געשעפט קענט איר צוטיילן דעם אויסוואל דורך די צייטן ווען מען ניצט די קליידער (שמחות, וואכן-טעג, אדער פאר ביזנעס).
עס איז נישט גענוג צו אנלאדענען אן אויסוואל. עס איז וויכטיג צו געבן דעם קליענט א גרינגער וועג צו דורכקוקן זיינע ברירות. אויב טוהט איר דאס נישט, וועט ער נאר ווערן צומישט און פארלוירן. צוטיילט די פראדוקטן אויף א גאר ארגאניזירטער אופן צו פארזיכערן אז איר וועט נאר האבן ריווח פון דאס וואס איר האט צוגעלייגט.

צושטעלן א ברייטע אויסוואל

אנדערע חלקים פון די ארטיקל